بىر كىتاب بىر ئالەم پروگراممىسىنى ئەلكۈيىدە كۆرۈڭ

1233651

	kambagal يوللىغان ۋاقتى  2012-4-7 19:47 چۈشۈرگىلى بولغان بولسا بەك ياخشى بولاتتى؛ ئەسسالامۇ ئەلەيكۇم ، تۆۋەندىكى ئۇلانمىنى چېكىش ئارقىلىق يۇقارقىي سۆھبەتلەرنى چۈشۈرەلەيسىز. http://soft.rohlan.biz/Download. ... d=maarip&Id=718 سۆھبەت خاتېرىلىرىنى بوشلۇققا يوللاپ تورچىلارغا چۈشۈرۈش ئىمكانىيىتى ياراتقان روھلان تورىغا رەھمىتىمنى بىلدۈرىمەن. (http://soft.rohlan.biz/) تولۇقلىما مەزمۇن (2012-4-8 14:24): ئەلكۈيى مۇنبەر باشقۇرغۇچىلىرى ئۇلانمىنى تېما ئارىسىغا قوشۇپ قويسىڭىز

zohran

	مەنمۇ رىياسەتچىنى ئانچە ياقتۇرۇپ كەتمەيمەن.بىرخىل غەلىتىلا تۇيۇلىدۇ.ئەمما خىلى ياخشى ئىلىپ بىرىۋاتىدۇ.بۇ پراگراممىدا قاچانمۇ ئابدۇقادىر جالالىدىندەك كىشلىرىمىز چىقار؟بۇ پراگراممىنىڭمۇ «تەڭرىتاغ گۈلزارى»پىراگراممىسىدەك  كىيىنچە يوقاپ كىتىشىدىن ئەنسىرەيمەن.

arzuyar

	مەن ئادەتتە تىلۋىزۇر كۆرمەيمەن،باشقا قىسىملىرىنىمۇ داۋاملىق مۇشۇ يەرگە يوللاپ قويغان بولسىڭىز،ئىلگىرى بىر ساننىلا كۆرۈپتىكەنمەن،يوللىغۇچىغا كۆپ رەھمەت.

yulghun

	«بىر كىتاب بىر ئالەم»پروگراممىسى مەن ياختۇرۇپ كۆرىدىغان پروگراممىلارنىڭ بىرى.بۇ پروگراممىنىڭ يولغا قويۇلىشى بىلەن ئۇيغۇر جەمئىيىتىدە يەنە بىر قېتىملىق كىتاب ئوقۇش قىزغىنلىقى كۆتۈرۈلدى دېسەك، مېنىڭچە ، ئارتۇق كەتمەس. ئەمما ئۆز نۆۋىتىدە كۆڭلۈمنى غەش قىلغان ئىككى نوقتىنى تورداشلار بىلەن ئورتاقلاشماقچىمەن. بىرىنچى: «سەرسان روھ »ھەققىدە ئېلىپ بېرىلغان سۆھبەتتە، ئوبزۇرچى مەھەممەت پولاتنىڭ بىر ئەدەبىي ئوبزۇرچى سۈپىتىدە مەسئۇلىيەتچانلىق بىلەن سۆھبەتكە قاتناشمىغانلىقى. مەھەممەت پولاتنىڭ ئەسەرگە ئونۋىرسال خاراكتىردە باھا بېرىشى، كونكىرت مىساللار بىلەن قاراشلىرىنى دەلىللەشكە سەل قارىشى، مېنى « مەھەممەت پولات ئەسەرنى ئوقۇماپتۇ، ئوقۇغان بولسىمۇ ئەستايىدىل ئوقۇماپتۇ،  پەقەت ئەسەرنى مۇئەييەنلەشتۈرۈش، يازغۇچى ئەخەت تۇردىنى  ماختاش ئۈچۈنلا سۆھبەتكە قاتنىشىپتۇ» دېگەن تۇيغۇغا كەلتۈردى. ئىككىنچى: «مەھمۇت قەشقەرى» توغرىسىدىكى سۆھبەتتە ، ئۇستاز ئابدۇبەسىر شۈكۈرىنىڭ مەھمۇد كاشىغەرى بىلەن يۈسۈپ خاس ھاجىپتىن ئىبارەت ئىككى تارىخى  شەخسنىڭ ئەسەردە بىرقانچە قېتىم ئۇچراشتۇرۇلغانلىقىدەك تەپسىلاتنى «بەدىئىي ئەدەبىياتنىڭ پىرىنسىپىغا ئۇيغۇن» دەپ مۇئەييەنلەشتۈرۈشى. بۇ ئىككى ئۇيغۇر ئالىمىنىڭ ئۆز ئارا ئۇچراشقانلىقىدەك تەپسىلات ھېچقانداق مەنبەدە ئۇچرىمايدىغان، بۇ ئىككى ئالىمىنڭ ئۇچرىشىش ئىمكانىيىتى ئىنتايىن تۆۋەن بولغان رىياللىققا قارشى ھالدا ئاپتور تەرىپىدىن ئۇچراشتۇرۇلۇشى مەسئۇلىيەتسىزلىك.   «بەدىئىي ئەدەبىياتنىڭ پىرىنسىپىغا ئۇيغۇن» دەپ قارىغان ئابدۇبەسىر مۇئاللىمنىڭ  «تارىخىي چىنلىق پىرىنسىپىغا خىلاپ » ئىكەنلىكىنى ئەستىن چىقارغىنى مېنى بەكمۇ ئەپسۇسلاندۇردى. ئابدۇبەسىر شۇكۈرىدەك بىر تىلشۇناس، ئالىم (مەن گەرچە ئاشكارە مەتبۇئاتلاردا بەسىر مۇئەللىمنى« ئالىم » دەپ ئېلان قىلغانلىقىنى ئۇچراتمىغان بولساممۇ، ئەمما، مەن ئۇنى يېتىلگەن ئالىم دەپ قارايمەن. ) نىڭ پەرھات جىلاننىڭ يۈز ئابرۇيىنى دەپ بۇ مەسىلىگە  توغرا باھا بەرمىگەنلىكى  مېنى ئەپسۇسلاندۇردى. بۇنىڭلىق بىلەن يازغۇچى پەرھات جىلاننىڭ ئىناۋىتى چۈشۈپمۇ كەتمەيتتى، چۈنكى « مەھمۇت قەشقەرى» رومانى ئۇيغۇر  تارىخى رومانچىلىقىدىكى نەمۇنە ئىكەنلىكى ئىنكار قىلغىلى بولمايدىغان پاكىت.   تورداشلارنىڭ مېنى « ئابدۇبەسىر مۇئەللىمگە، پەرھات جىلانغا ھۇجۇم قىلدى »  دەپ قارىماسلىقىنى ئۈمىد قىلىمەن.    چۈنكى،مەن  بەسىر مۇئەللىمنى مۇشۇ تورداشلار ئىچىدىكى ھەرقانداق بىر ئادەمدىنمۇ بەكرەك ھۆرمەت قىلىدىغان بىرسى بولىشىم مۇمكىن. «مەھمۇت قەشقەرى» رومانىمۇ مەن ئەڭ سۆيۈپ ئوقۇغان رومانلارنىڭ بىرى. ھېلىھەممۇ،بۇ رومان مېنىڭ قەلبىمدىكى نەمۇنە ئەسەر . يۇقۇرىقىلار پەقەتلا مېنىڭ شەخسى قارىشىم، خالاس.

yulghun

	تولۇقلىما:   « مەھمۇت قەشقەرى» رومانىدا، ئەل غەزالىنىڭ 50ياش قېرىتىلىپ ئوتتۇرىغا چىقىرىپىشىمۇ تارىخى چىنلىق پىرىنسىپىغا خىلاپ.

sardor

	پىرومما يولغا قۇيۇلۇپ ياخشى بولدى ،لىكىن مىنىڭ شەخسى كۆزقارىشىم ،بۇ پىروگرامما بوۋاق ھالىتىنلا تۇنجۇقۇپ قالامدىكىن دەيمەن .سەۋەپ، رىياسەتچى جانلىق ئەمەس ،گەپ سۆزلىرىدە بۇ پىروگراممىنڭى ھاجىتىدىن چىقالىغۇدەك ئەمەس ،ئۇ ئەشۇ كىتابلارنى ئوقامدىغانغۇ دەيمەن؟ بولدى ئىغىزىمنى شۇم قىلماي ئۆمرۈڭ ئۇزۇن بولسۇن ‹‹بىر كىتاب ،بىر ئالەم››!

zilnur

	مەنمۇ ئىچكىرىدە بولغاچقا خېلى كۆپ قېسىملىرىنى كۆرەلمىگەن ئىدىم. مانا ئەمدى كۆرەلەيدىغان بولدۇم.يوللىغان دوستىمىزغا رەھمەت.

tikenbay

	ماڭا بەرگەن تەسىرى ،«تور يازمىللىرى» چىلىك  ئەھمىيىتى يوق.

parixta799

	ئالدى  بىلەن  مۇشۇ  پىروگراممىنى  يولغا قويغان شىنجاڭ تېلىۋېزىيە ئىستانسىسىغا، ئاندىن مۇشۇ  تېما  ئارقىلىق بۇ  پىروگراممىنى  تۇلۇق  كۈرۈش  ئىمكانىيىتىگە  ئىگە قىلغان توردىشىمىزغا  رەھمەت! مەن   «مەھمۇت قەشقەرى» توغرىسىدىكى سۆھبەتنى   كۈرۈش  جەريانىدا ،يۇلغۇن   ئىسىملىك  توردىشىمىزغا ئوخشاش ھېسىياتقا  كەلگەن .

kalgin

	مەنمۇ  بۇ پىروگىرامنى   ياقتۇرۇپ كۆرۇدىغان   كۆرۇرمەنلەرنىڭ بىرى . بۇ پىروگىرامما بىزنىڭ ئۇيغۇر  كىتاپچلىقىمىزنى تۇنۇتۇشقا زور  ياردىمى  بولىدۇ دەپ ئويلايمەن .