«ھەقىقىي ئايال» ۋە رېئال تۇرمۇش

koygandengiz

	muratxah يوللىغان ۋاقتى  2012-3-8 17:05 توغرا دەيسىز  ئەمما يەنىلا شۇنداق ئەركەكلەرنى قانداق ...    سەمىڭىزدە بولسۇن قېرىندىشىم ، يارالمىشىدىن تارتىپ ئەرلەر ھەتتا « تاللاش » جەھەتتىمۇ ئاياللاردىن ئۈستۈنلىككە ئىگە . ئەگەر بىز تاللىۋالغۇدەك شۇنچە كۆپ مۆئىمىن ئەرلەر بولغان بولسا جەمىيەت بۈگۈنكىدەك بۇزۇلۇپ كەتمىگەن بولاتتى . بىز ئەزەلدىن ئاياللارنىڭ زىممىسىدىكى مەسئۇلىيەتنى بەك تەكىتلەپ كەتكەچكە ، خۇددى « سۇمرۇغ » يوللىغان يازمىدا ئېيتىلغاندەك  نۇرغۇن ئاياللىرىمىز خۇددى ئەبجەخ ماشىنىغا ئوخشاپ قېلىپ ھالاللاپ نىكاھلاپ ئالغان ئەرلىرىمۇ ياراتمىغۇدەك ھالغا چۈشۇپ قېلىۋاتىدۇ . ھالىدىن كەتكەن نۇرغۇن ئاياللار ئەرلىرىنى قانداق تۇتۇپ قېلىشنىڭ كويىدا ، ھاياتىنىڭ داۋامى بولغان پەرزەنتلىرىگە يېتەرلىك ۋاقىت ئاجرىتالمايۋاتىدۇ . ئەۋەتتە ، بۇنداق دىيىش ئارقىلىق ، پەرزەنت تەربىيەلەش جەھەتتىكى ئانىنىڭ باش تارتىپ بولمايدىغان مەسئۇلىيتىنىڭ ئاتىلارغا قارىغاندا ئېغىر بولىدىغانلىقىنى چەتكە قاقماقچى ئەمەسمەن . ئەمما شۇ بىر نازۇك  نۇقتا سەمىمىزدە بولسۇنكى ، خۇددى نۇرمۇھەممەت ئۆمەر ئۇچقۇن « كۆزۇڭنى ئاچ ، ئۆزۈڭنى تاپ ئەركەكلەر » دىگەن كىتاۋىنىڭ خاتىمىسىدە ئوتتۇرىغا قويغاندەك :    ئەرلىك ئىنتايىن چوڭ مەجبۇرىيەتتۇر ، بىر جەمىيەتنىڭ ساغلاملىقى ، بىر مىللەتنىڭ راۋرۇس مەۋجۇت بولۇپ تۇرىشى ، ئايال كىشىنىڭ تەربىيىلىك ، مەرھەمەتلىك مەلىكە ، خوتۇن - خانىشقا ئايلىنىپ ، ئەرنىڭ ئىتائىتىدىكى پازىل ئايال ، مېھىرلىك خوتۇن ، لاياقەتلىك ئانا ، ساپالىق پۇقرا بولۇشى ، پەرزەنتلەرنىڭ زامان زالالەتلىرى ئالدىدا تەمتىرىمەي ، ھودۇقماي ، ئازماي ، ساغلام ، دادىل چوڭ بولىشىدا ئەرنىڭ ، ئەرلەرنىڭ مەجبۇرىيىتى ئەڭ چوڭ . ئەرلەر ، زاتى ئەركەكلەر قېنى سىلەر ؟ ........جاھانغا ئەردەك ئەر كېرەك ! كۆزۈڭنى ئاچ ، ئۆزۈڭنى تاپ ! كامالەت يوللىرى سېنى ئىزدەپ ئاھسنىپ ياتىدۇ ...    ئەلۋەتتە ، بۇ بىر كىشىنىڭ ئوتلۇق خىتاۋى ، بىر كىشىنىڭ ئىستىگى ، ئەمما بۇ بىزنىڭ ئاقىلانىلىق بىلەن ئويلىشىپ بېقىشىمىزغا ھەقىقەتەن ئەرزىيدۇ .    مېنىڭ ئەنە شۇ ئاياللار ئانداق بوپكەتتى يەي ، قىزلار مۇنداق بوپ كەتتى يەي دىگۈچىلەرگە شۇنداق دىگۈم كېلىدۇ : «  ئاياللار جانابى ھەقنىڭ ئەرلەرگە تاپشۇرغان ئامانىتى .قىيامەتتە مونكىر - نەكىرلەر ياقىسىدىن تارتىپ بۇ ئامانەتنىڭ ھېساۋىنى ئالدى بىلەن ئەرلەردىن ئالىدۇ . دېمەككى ، ئەر بولغۇچى ئالدى بىلەن ئۆزىنى كامىللاشتۇرۇپ ، ئايالىنى ھىمايىسىگە ئالمىقى لازىمدۇر ! ئەر بولغۇچى ئايالىنىڭ قەلپ سۇلتانلىقىنىڭ يىگانە شاھىنشاھىغا ئايلانغاندا ، بۇ ئايالدىن ، بۇ ئانىدىن سالىھ پەرزەنتلەر تۇغۇلىدۇ . »

inkar

	. شۇ چاغلاردىكى مېھرى ئاتەش ئانىلار ئىگىلىك تىكلەپ خام خۇرۇچ تېپىشنىڭ غېمىدە پالاقلىماستىن، ئەكسىچە ئېرى تېپىپ بەرگەن خۇرۇچلاردىن مەززىلىك تائاملارنى تەييارلاپ، ئۆزىنى گۈلدەك ياساپ، ئۆينى پاكىز تازىلاپ، بالىلىرىغا گۈزەل ئەپسانە، چۆچەكلەرنى ئېيتىپ بېرىپ، ئېرىغا ئائىلىنىڭ بەختىيارلىقىنى ھېس قىلدۇرۇپ، ئانىنىڭ ئائىلىدىكى قۇياشتەك ئورنىنى تىكلەپ بەرگەنىدى. چاچلار ئاقىرىپ، ماڭلايلار قورۇلسىمۇ، شېرىن پىچىرلاشلار، تاتلىق كۈلۈمسىرەشلەر، مۇھەببەتلىك بېقىشىشلار ئائىلىنىڭ ئەڭ زور بايلىقى سۈپىتىدە ...

ahgul914

	قىلىچ تۇتقان سەركەردىدىن يىڭنە تۇتقان ئايال ئارتۇقتۇر. (شەرق ھېكمەتلىرىدىن)

0991sumruh

	ئايال بولۇپ ياشاپ باققۇم بار،ھەقىقىي ئايال.           ئايسىمە . ئىدرىس ئايال بولۇپ ياشاپ باققۇم بار ، ھەقىقى ئايال . ئۇزۇن ، ئۆرۈم چاچلىرىم بىلەن ، چىمەن دوپپا كىيسەم چىرايلىق ، ئاماننىساخان ، نۇزۇگۇم ، رازىيەلەر كىيگەن كىيىمنى ، كىيىپ باقسام ئۇيغۇرغا لايىق . جىلۋىلەنسە ئوسما قىشىمدا ، يىلىم ئوماق كۈلسە چىچىمدا ، چاچتەڭگىلەر جىرىڭلاتسام ، نازاكەتلىك سۆزلەر ئاچسام ، قوشاقلار تۆكۈلسە لىۋىمدىن ، داستانلار پۈتۈلسە تىلىمدىن ، تەھسىل قىلسام قانغۇچە ئىلىم ، مۇزىكىغا لىق تولسا دىلىم ، تارىخ بىلەن چىڭ چىرمىشىپ ، تاپمىسام مەڭگۈ تىنىم . ئايال بولۇپ ياشاپ باققۇم بار ، ھەقىقى ئايال . تاختا - نوغۇچ كۈلسە مەن بىلەن ، قازان - قومۇچ كۈلسە مەن بىلەن ، تەملىك بولۇپ ئوخشىسا تاماق ، مەيلى ئىدى ئوتۇن تەرسەممۇ ، ئوماققىنە بالىلىرىمنى ئەگەشتۈرۈپ ، مەيلى ئىدى چامغۇر يۇلساممۇ . تۇزۇم كەملىسە ، قوشنىلاردىن سورىسام ئازراق ، ھەققىگە سۇنۇپ بەرسەم بىر قاچا تاماق ، ھورى كۆتۈرۈلۈپ تۇرغان ئاش ، ئىللىقلىققا بولغانچە ئاداش ، < ئايالىم ئەجەپ كۆيۈمچان > دەپ ، ئېرىم قەلبىنى كۆيدۈرسە ، ھاياجاندىن چىقسا ئوخچۇپ ، مەمنۇنلۇقتا كۆزلىرىمدىن ياش . < ئانا ، ئاش ، ئانا ، ئاش ... > < تۇزى سەل كەم ، تىتىپتۇ ئوتياش > ئىھ ، سۆيۈملۈك ، سۆيۈملۈك سۆزلەر ، ئاياللىقىمنى تونۇتقان سۆزلەر ، مۇھەببەتكە باشلىغان سۆزلەر ، يۈرەكلەرنى ياشناتقان سۆزلەر . ئايال بولۇپ ياشاپ باققۇم بار ، ھەقىقى ئايال . ئوغۇز سۈتى بىلەن ئوغلۇمنى ، كۈچ - قۇۋۋەتكە تولدۇرۇش راھەت ، تامشىپ - تامشىپ ئەمسە سۈتۈمنى ، ساپساق ئىككى يىل ، ئۇ مەن ئۈچۈن بەخت ھەم ئامەت . ئانا سۈتى ئۇلۇغ ، مۇقەددەس ، ئۇ بالىنى قىلار زەبەردەس ، ئانا ئۈچۈن بالا ئىمىتىش ، ئۇ بىر پەرز ، ئۇ بىر پەرز بەس ! پەرزلەرنىڭ ۋەزنى بەك ئىغىر ، ئۇ پەرزەنتنىڭ ھەققى - دەۋاسى ، پەرزەنت بىلەن ئاتىلار < ئانا > < ئانا ئۇلۇغ ، ئىنسان رەناسى .> ئاق سۈت ھالال ، ھالال سۈتۈمدە ، ئەقىل بەرسەم ، كۈچ - قۇۋۋەت بەرسەم ، ئەدەپ -ئەخلاق ئۇرۇقلىرىنى ، ئاق سۈت بىلەن قەلبىگە تەرسەم . قىزىم بولسا شەرمى - ھايالىق ، ئوغلۇم بولسا باتۇر - مەنالىق ، < ئانا > دىگەن سۆزگە مۇناسىپ ، بولالىسام چىقاتتى ھاردىق . ئايال بولۇپ ياشاپ باققۇم بار ، ھەقىقى ئايال . چولپان بىلەن بەسلىشىپ ، سەھەر تۇرسام بەك سەھەر . ھويلا - ئارام ، ئۆيلەرنى ، تازىلىسام تېز - چەپەر . تەييارلىسام قىزىق چاي ، ئىچسەك بىللە ئولتۇرۇپ ، قوپالمىسا بالىلىرىم ، ئويغاتسام مەن كۈلدۈرۈپ . گەر چىقمىسا دادىسى ، ئويغىنالماي ئۇيقۇدىن ، ئاستا كىرسەم يىنىغا ، پىچىرلىسام بەك شېرىن . < تاڭ ئاتمىسا يىنىمدا ، ئۇخلىساڭ ئەي ئامرىقىم ، سەھەر تۇرۇپ بۈگۈنمۇ ، ئىشلەپسەندە بېتىنىم . جاپا تارتتىڭ بىز ئۈچۈن ، رەنجىمىگىن قىلچىمۇ ، مانا ھازىر چىقىمەن ، سوۋۇغىچە چىيىممۇ  . > جاپا نىمە بىلىنمەس ، يۈرەك تولۇپ سۆيگۈگە  ، ئىشقا ماڭسا ھەممىسى ، ئۇزاتسام مەن ئىشىكتە . ئايال بولۇپ ياشاپ باققۇم بار ، ھەقىقى ئايال . ئاي كۈلگەندە ئاسماندا ، چۆچەكلىرىم باشلانسا ، يۇلتۇزلارنى قېشىغا ، پەرزەنتلىرىم ئاتلانسا . ئۇچۇپ كەلسە پەرىشتە ، بەخت گۈلى تەرگىلى ، < ئالتۇن كەش > نى قىزىمىز ئىلىپ قاچسا كىيگىلى . يەنە < ئا ، ب ، س > نىمۇ ، ئۆگەتسەمكەن ھەر كۈنى . ھېساب ، تارىخ ، تەبىئەت ، بىلسە مەندىن كۈن - تۈنى . بولۇپ ئۆيدە مۇئەللىم ، بىلمىگەننى بىلدۈرسەم ، بىلىم - ئەقىل گۈلىنى ، يۈرىكىگە ئۈندۈرسەم . تولسا ئىللىق ئۆيىمىز ، خۇشال ، قايناق كۈلكىگە ، دادىسىمۇ بەختىنى تىزسا قەلب تۆرىگە . قاتار چاينىڭ مىھرىدىن ، كىچەلىسەك ئىككىمىز ، ئىشىك ئوچۇق خاتىرجەم كىرسە ئۆيگە بالىمىز . ئايال بولۇپ ياشاپ باققۇم بار ، ھەقىقى ئايال . ئايال بولۇپ ياشاپ باققۇم بار ، مۇھەببەتكە مەڭز ياققۇم بار ، يۈرىكىمنى بېرىپ ئۆزۈمگە ، سۆيگۈدىن كۆپ مېغىز چاققۇم بار ، < ئانا > بولسام ئانىغا لايىق ، < ئايال > بولسام نازۇك ، زىبالىق ، خىزمىتىمدە قازىنىپ ئۇتۇق ، شان - شەرەپكە ئىرىشسەم لايىق . قوغلاشمىسام خىيالى ئامەت ، رېئاللىقتا يۈرسەم داۋامەت ، مەنا ئىزدەپ ھايات يولىدىن ، جاپالارغا يوللىسام تاقەت . ۋاقىت مىنى قوغلىسا تىنماي ، ئۆتسەم يىللار باغرىغا قانماي ، لۇتپۇللادەك ئەتىكى كۈنگە ، ئىرادىنى ئاتىسام تالاي . تېرىشچانلىق قىيىقلىرىغا ، پەرزەنتىمنى بىللە چىقارسام ، پەزىلىتىم - ۋىجدانىم بىلەن ئاھ ، ئۇلارنىڭ يۈرىكىدە قايتا ياشارسام ....

koygandengiz

	مەن ئالدىنقى يازما يوللانغان چاغدىلا بۇ شېئىرنى بىر كۆرۈپ باقسام دىگەن ئىستىگىم بار ئىدى . كۆپ تەشەككۈر !

langgar

	نىمە دىگەن ياخشى يېزىلغان  شېئىر ھە!

مالىك

	ناھايىتى ياخشى يىزىلىپتۇ ،رىئال تۇرمۇش ئەكىس ئەتتۇرلىپتۇ،مەن توي قىلغىلى 2يىل بولدى،بىر ئوغلۇم بار،تۇرمۇشنىڭ ئېغىرلىقىدىن بەك بىسىم ھىس قىلىمەن .راسىت گەپنى قىلغاندا تۇگمىگەن ئادامگەرچىلىك ،خىزمەت ،بالنىڭ ھالىدىن خەۋەر ئېلىش ،ئاتا-ئانىنڭ ھالىغا يىتىش،ئىرىنىڭ كۇتكەن يېرىدىن چىقىش،ئوينى پاكىز تۇتۇش ،تاماقنى ۋاقتى ۋاقتىدا ئېتىپ تۇرۇش ،ئۆزىمىزنىڭ گۇزەللىكى ،سالامەتلىكى ئۇچۇن ۋاقىت چقىرىش،مىنى ھادۇرۇپ ھالسىرتىپ قۇيدى.قىىيىن ئاپا ۋە قىيىن ھەدە مۇناسىۋىتىنى ياخشى ھەل قىلمىسىڭىز تىخى!!

uyghurzuwan

	0991sumruh يوللىغان ۋاقتى  2012-3-11 09:40 ئايال بولۇپ ياشاپ باققۇم بار،ھەقىقىي ئايال.           ئايس ...     شىئېر، ھەقىقى شىئېر، مەناسى چۇڭقۇر، ئىدىيىسى ساپ.............

atir-gul

	توغرا دەيسىز  ئەمما يەنىلا شۇنداق ئەركەكلەرنى قانداق  ئۇچراش مەسىلىسى قىزلارنى زىممىسىدا  سىزلەرنىڭمۇ تاللاش ھوقۇقۇڭلاربار مۆئمىن ئاياللار مۆئمىن ئەرلەرگە لايىقتۇر

atir-gul

	مۇرەت تاش سىزنى سۆككۈنۈم ئەمەس ، سىز ئاغزىڭىزدا ئىسلام دىنىنى تەشۋىق قىلىسىز-يۇ يەنە يۇقارقىدەك تۇتۇرۇقسىز گەپنى قىلىسىز ، بىزنىڭ ئىسلام ئاياللىرى ئۈزىگە ئەر تاللاپ باققانمىدى ، سىزنىڭ سۈزىڭىزگە نىسپەتەن تاللىسا بۇلامدۇ؟ ئەجىبا قىلىۋاتقان گەپ - سۆزلىرىڭىزنىڭ بىر-بىرىگە زىت ئىكەنلىكىنى ئويلىمىدىڭىزمۇ؟ تولۇقلىما مەزمۇن (2012-3-16 18:19):