«ھەقىقىي ئايال» ۋە رېئال تۇرمۇش

muratxah

	ArislanMemet يوللىغان ۋاقتى  2012-3-8 00:55 تېما ئىگىسى سۇمرۇغقا ۋە ئىنكاس يازغۇچى مۇراتشاھقا كۆپ  ... سىزگە تەسىر قىلىپ ئۇنى ئۆز ئەمىلىيىتىڭىزدە كۆرسەتسىڭىز مەن ھەقىقىي مەقسىتىمگە يەتكەن بولىمەن   يېقىندا بۇ كىشىنىڭ  يەنە بىر نۇتىقىنى تەرجىمە قىلىۋاتىمەن پۈتكەندە بۇنىمۇ ئوقۇپ قويارسىز  ھى ھى...

zakira

	تېما ۋە ئىنكاسلارنى ئوقۇپ نۇرغۇن بىلىمگە ئىگە بولدۇم ، ئاياللار ئۈچۈن  مۇھىم بولغان  ساغلام ، پاك ئېتىقاد ،گۈزەل ئەخلاق-پەزىلەت   مۇكەممەل بولۇشتەك ئېسىل نەمونىلەرنى ئۆزىدە ھازىرلىيالىسا  ئاندىن ھەقىقى ئايال بولالايدۇ .

taxqin

	muratxah يوللىغان ۋاقتى  2012-3-7 20:37 ئابدۇرېھىم.گۇرىننىڭ نۇتىقى   مە ...   « ئېزىش» مۇ  ياكى  « ئىزىش» مۇ ؟ ئاۋال ئىملانى ئوبدانراق ئۆگىنەرسىز.

koygandengiz

	« سۇمرۇغ 0991» دىگەن ئىسىمدا كىرگەن تۇرداشنىڭ يوللىغان يازمىىسىدىن بەك سۆيۈندۈم . باشتىن - ئاخىر ئەستايىدىل كۆرۈپ چىقتىم . بۇ يازما ماڭا ئاياللار بايرىمىغا قىلىنغان ئەڭ ياخشى سوۋغاتتەكلا تۇيۇلدى . ئەلۋەتتە مېنى ھەممىدىن سۆيۈندۈرگىنى بۇ يازمىنىڭ سۇنىلىشىلا ئەمەس بەلكى بۇ يازمىدا ئوتتۇرىغاقويۇلغان كىشىنى قايىل   قىلىدىغان بايانلار . يازمىنى ئوقۇۋېتىپ « دەرھەقىقەت شۇنداق » دەپ ۋارقىرېۋەتكۈم كەلدى . مەنمۇ ئىككى بالىغا ئانا بولۇش جەريانىدا شۇنى ھېس قىلدىمكى ، ھەقىقىي ئايال بولۇپ ياشىماق بەس مۈشكۈلكەن . بۇ مۈشكۈل سەپەرنى بۈگۈنگنچە داۋاملاشتۇرۇشىمدىكى سەۋەپنىمۇ ئاللاھنىڭ ماڭا بەرگەن سوۋغىسى - ئىككى پەرزەنتىمنى ساق - سالامەت ، يىتىملىكنىڭ دەردىنى تارتقۇزماي قاتارغا قېتىشتىن ئىبارەت مەسئۇلىيەت تۇرتكىسىدە بولغانلىقتىن دەپ قارايمەن . ئاقىۋەت تۇرمۇشتىن ئۇتۇپ چىققان ، ئاللاھنىڭ ماڭا بەرگەن يەنە بىر قىممەتلىك سوۋغىسى ياخشى مىجەزىم تۈپەيلى « جۇلىقى چىققان ۋېلسىپىتكە » ئوخشاپ قالمىساممۇ ئەمما ئۇنىڭ بېرىسىدىراق بولۇپ بولدۇم دەپ ئويلايمەن . مەسىلەن : بالا تەربىيەلەشتىكى ئەڭ ياخشى مەزگىللەردە بالىلىرىمغا يېتەرلىك ۋاقىت ئاجرىتالمىدىم ، كۈندە مەسنىڭ قۇسۇقلىرى ئىچىدە مىلىنىپ ، تىل - ھاقارەت ئىچىدە يۈردۈم .  ھەممىدىن يامىنى ئۆزەمنى تەربىيەلەشكە يېتەرلىك ۋاقىت چىقىرالمىدىم . ئەمما دىلىمدىكى بىر ئوت ، بالىلىرىمغا بولغان مۇھاببەت تۈپەيلى مەن ھەممىنى يەڭدىم ، بۇ ئوتنىڭ ئىچىدە 15 يىل ئۈزۈپ يۈرۈپ ئاخىرى يەڭدىم . بەزىدە ئاللاھنىڭ ماڭا بەرگەن سەبرىسىگە تاڭ قالىمەن ، ئەنە شۇ سەبرە ئىچىدە تۇرۇپ ، ئاللاھنىڭ ماڭا بەرگەنلىرىگە شۈكرى ئېيتىشنى ئۇنتۇپ قالمىدىم . بالىرىمغا ئەنە شۇ مەن ئۆلگۈچە نەپرەتلىنىدىغان دادىسىنى سۆيۈشنى ، كۆيۈشنى ئۈگەتتىم . ئاللاھ بۇ دۇنياغا ئاجايىپ ئىنسانلارنى ئاپىرىدە قىلىدىكەنكى بۇلار ئەقىللىسى ھېچقانداق  بەدەلسىز ،ئەجىرسىز ئېرىشكەن نەرسىلىرى ئۈچۈن  مىننەتدار بولۇشنىمۇ بىلمەيدىكەن . خۇددى بۇ  دۇنياغا ئارتۇقچە يارىلىپ قالغاندەكلا ........ئۇھ ، دىگۈدەك ھالىم قالماي ، خۇددى  جۇلىقى چىققان ۋېلسىپىتكە ئوخشاپ قېلىش ھالىتىگە ئۆتكەندە يەنىلا ياراتقۇچىدىن پاناھا تىلىدىم . 15 كە كىرىپ قالاي دىگەن بالامنىڭ ئۈستىدىكى مەن ئۇنتۇلۇپ قالغان ،ئەسلى ئۇنتۇلۇشقا تېگىشلىك بولمىغان بىر پەرزنى ئاداقىلدىم . بىر يىللىق تىرىشچانلىقىم نەتىجىسىدە  ئاخىرى ئۆيۈمدىن مۇڭلۇق قىرائەتنىڭ ئاۋازى چىقتى . بالامنىڭ .يۈرىكىمنىڭ پارىسى ، ھاياتىمنىڭ داۋامى بالامنىڭ مۇڭلۇق ئاۋازى ئەرەپچە ئاھاڭنىڭ سىرلىق جەزىبىسىگە قوشۇلۇپ ھەر بىرىمىزنىڭ قەلبىگە كۆچتى .   مېنىڭ 15 يىللىق تىرىشچانلىقىم ئاخىرى نەتىجە بەردى . بۇ ئىش شۇنداق تاسادىپىي باشلاندى ......   تاك ، تاك ، تاك ....... بالام سەھەردە بىز ياتقان ئۆينىڭ ئىشىكىنى چەكتى . « دادا ، بامداتنى ئۆتىۋالامسەن ،؟!» ئۇنىڭ ئىلتىماس ھەم تەئەددى بىلەن قاراشلىرىدىن شۈركىنىپ تۇرۇپ قالدىم . ئۇ يەنە بىر قېتىم تەكرارلىدى : « دادا ، بامداتنى ئۆتىۋالامسەن »؟!  ئۇ « ئەمىسە نامازنى ئۆتىمىسەڭمۇ ئورنىڭدىن تۇرۇپ كەت ! » دىگۇنىچە چىقىپ كەتتى .   مەن يىغلىدىم ، پۈتۈن ئاۋازىمنى قويىۋېتىپ دۇنيانى تەسىرلەندۈرگۈدەك ئاۋازدا يىغلىدىم . شۇ كۈننى ئويلىسام ھازىرمۇ يىغا تۇتىدۇ .  يەنە بىر قېتىم ئاللاھنىڭ بەرگەنلىرىگە چەكسىز شۈكۈرلەر ئېيتتىم . مانا شۇ كۈندىن ئېتىۋارەن مەن 15 يىلدىن ئارتۇق كۈتكەن ئائىلىگە ئېرىشتىم . بالىلىرىمنىڭ دادىسى ئالدى بىلەن ھاراقنى تاشلىدى . ئۇندىن باشقا ئۇنىڭ ئېسىگە بىر ئائىلىسى بارلىقى ئېسىگە كېلىدىغان ، بار - يوقىنى سۈرۈشتە قىلىدىغان ، بالىلارنىڭ ئوقۇشىنى ئانچە - مۇنچە سوراپ قويىدىغان بولدى .  كۇنۇپكا تاختىسى  ئۈستىدىكى قوللىرىم مۇشۇ قۇرلارنى يېزىپ چىقىۋاتقان دەقىقىلەردە مېنىڭ ئېرىشكەنلىرىم مۇشۇنچىلىك بولدى . بەزىدە خوراپ كەتكەن ئۆمرۈم ئۈچۈن ياش تۆكسەممۇ ، كىچىكىدە ئاتا - ئانلىرى ئۆلۈپ كېتىپ قىرىنداشلىرى ۋەياكى ياتلار بېقىپ چوڭ قىلىدىغان بالىلارنى ئويلاپ ، كۆز ئالدىمدا ساغلام چوڭ بولىۋاتقان بالىلىرىمغا قاراپ ئۆزۈمنى بەزلەيمەن . دېمەك ، مەن ئەنە شۇنداق چوڭ قۇربانلىق بەدىلىگە  ھاياتىمنى ، ياشلىقىمنى قۇربان قىلىپ ھازىرقى ئائىلەمنى قۇرۇپ چىقتىم . ھازىر بەش ياشلىق قىزىمنىڭ ئۈستىدىكى ئانىلق پەرزىمنى ئادا قىلىۋاتىمەن .........    ئەمدى ئەسلى مەقسەتكە كەلسەك ، شۇنداق قىلالايدىغان ئاياللاردىن قانچىسى بار ؟ ! دادىلارنىڭ مەسئۇلىيەتسىزلىكى تۈپەيلى قانچىلىغان ئائىلىلەر ۋەيران بولۇپ كېتىۋاتىدۇ ، ئاياللار چوقۇم شۇنچە كۆپ قۇربانلىق بېرىشى كېرەكمىدى؟!جان دىگەن تەنگە ئامانەت ، بۇ تۆت كۈنلۈك ئالەمدىن ھەممىمىز ھامان بىر كۈنى كېتىمىز ، ئۇنداق بولغان ئىكەن بىر - بىرىمىزنى ھۆرمەتلەپ ئەر ئەردەك ، ئايال ئايالدەك ئۆتىشى  كېرەك ئىدىغۇ ؟!    پەقەت شۇنداقلا دىيەلەيمىز ، ئاياللار يارالمىشىدىلا ئەرلەردىن ئاجىز يارالغان ، چۈنكى ياراتقۇچى ئۇنىڭ ئاجىزلىقىغا يارىشا ئەرنى يۆلەك قىلىپ ياراتقان .  ئىسمى ، جىسمى ئەر تۇرۇپ ئەرلىك مەسئۇلىيىتىنى ئاداقىلمىغانلارنىڭ سورىقىنى قىلىدىغان ئاخىرەت سورىقى بار .    ئەگەر دادا بولسىڭىز  ، بىر ئائىلىنىڭ يۆلىگى ئەر بولسىىڭىز ، ئاكا بولسىڭىز ، ئىنى بولسىڭىز ، سىزگە ئىلتىماسىم ، ئالدى بىلەن ئۆزىڭىزنى ياخشى  باشقۇرۇڭ  ئەر بولۇڭ ، ئەردەك بولۇڭ ، ئەركەك بولۇڭ !!!    ئۆزىڭىزنى ئەركەكلىكنىڭ ئوتلىرىدا تاۋلىمايدىكەنسىز ، ياراتقۇچىنىڭ يارالمىشىىڭىزدىلا يۈكلىگەن يۈكلىرى گەدىنىڭىزدەمەڭگۈ قەرز پېتى قالىۋېرىدۇ ........

koygandengiz

	muratxah يوللىغان ۋاقتى  2012-3-7 20:38 ئاندىن بىز گەپ يوق چۈشىنىمىز، ئىسلام دىنىنىڭ ئاياللار ...     مېنىڭچە مەن ماڭا ئوخشاش نۇرغۇن ئاياللارنىڭ ئىسلام  دىنىدا تەشەببۇس قىلىنغاندەك ھەقىقىي ئايال بولۇپ ياشاپ باققىمىز بار . ئەمما بۇ قىزلارنىڭ ، ئەركەكتەك دادىسى ، ئاياللارنىڭ  ئەركەكتەك ئېرى بولغاندا ئەمەلگە ئاشىدۇ .

muratxah

	taxqin يوللىغان ۋاقتى  2012-3-8 10:05 « ئېزىش» مۇ  ياكى  « ئىزىش» مۇ ؟ ئاۋال ئىملانى ئوبدانر ... رەخمەت.... تەرجىمە جەريانىدا خاتا يېزىلىپ قاپتۇ  بولمىسا ئىملانى سىزدىن ياخشى ئۆگەنكەنتىم  بۇ تىمىنىڭ ئىملاسىغا دىققەت قىلماي مەركىزىي ئىدىيىسىگە دىققەت قىلىڭ

taxnayi-a

	koygandengiz يوللىغان ۋاقتى  2012-3-8 13:33 « سۇمرۇغ 0991» دىگەن ئىسىمدا كىرگەن تۇرداشنىڭ يوللىغان ي ... جاسارىتىڭىزگە، سەۋېر تاقېتىڭىزگە، ئەقىدە - ئىتقادىڭىزغا ھەقىقەتەن قايىل بولدۇم ھەدە! ھەممىمىز ئاللاھنىڭ ئىلكىدىكى ئاجىزلا بىر بەندە، بۇ دۇنيا پەقەتلا بىر قونالغۇ، كۈلپەت، رىيازەتلەر بىلەن سىنىلىنپ تۇرىمىز.     پەرزەنىتلىرىڭىز ھامان ئۆزلىرنىڭ شۇنداق بىر ئۇلۇغ ئانىسى بارلىقىدىن چەكسىز پەخىرلىنىدۇ، بەرگەن قۇربانلىقلىرىڭىز، تۆلىگەن بەدەللىرىڭىز چوقۇم پەرزەنىتلىرىڭىزنىڭ مۇھەببىتى بىلەن ئۇنتۇلۇپ كىتىدۇ.  سىزگە ئاللاھتىن بىر ئۆمۈر خاتىرجەملىك ۋە سالامەتلىك تىلەيمەن.

ArislanMemet

	koygandengiz يوللىغان ۋاقتى  2012-3-8 13:33 « سۇمرۇغ 0991» دىگەن ئىسىمدا كىرگەن تۇرداشنىڭ يوللىغان ي ... koygandengiz ئاللاھ سىزگە رەھمەت قىلسۇن، ئىنكاسىڭىزدىكى ئوغلىڭىز كىرىپ دادىسىنى نامازغا چاقىىرغان يەرنى كۆرۈپ مېنىڭمۇ كۆزۈمگە ياش كەلدى . بىز ھەممىمىز سىناق ئۈستىدە ، ئاللاھ خالىسا سىز ئۆزىڭىزنىڭ ئەجرىڭىزگە لايىق ھوسۇل ئالىسىز . كەچمىشلىرىڭىز غاپىل ئەرلەرنى ئويغاتسا ئەجەپ ئەمەس .

muratxah

	koygandengiz يوللىغان ۋاقتى  2012-3-8 13:54 مېنىڭچە مەن ماڭا ئوخشاش نۇرغۇن ئاياللارنىڭ ئىسلام   ... توغرا دەيسىز  ئەمما يەنىلا شۇنداق ئەركەكلەرنى قانداق  ئۇچراش مەسىلىسى قىزلارنى زىممىسىدا  سىزلەرنىڭمۇ تاللاش ھوقۇقۇڭلاربار مۆئمىن ئاياللار مۆئمىن ئەرلەرگە لايىقتۇر

uygurturuk

	بەكمۇ  ئېسىل تېمىكەن  .كۆپ تەشەككۈر  سىزگە كولىڭىزگا دەرت كەلمىسۇن