سىقىلمىغىن يۈرىكىم

كۇبرى

	يۈرىكىمنىڭ بارغانسىرى سىقىلماقتا.يا ئۆكسۈپ يىغلىيالمايمەن، يا ئىچىمدىن  چىقىرىپ قاقاھلاپ كۈلەلمەيمەن.    نېمە ئۈچۈن تۇرۇپلا شۇنداق بولۇپ قالغىنىمنى بىلەلمەيلا قالدىم.        يوللاردا، ئابتوبۇستا،ئاشخانىلاردا،رېستۇرانلاردا،قاۋاقخانىلاردا،سوغۇق ئىچىملىكخانىلاردا،كىيىم سېتىش سودا-ساراي، دۇكانلاردا...ئادەملەر تولىمۇ جىق.ئۇلارنىڭ ھەممىسى ئۆز تىرىكچىلىكى ئۈچۈن شۇنداق ئالدىراش. سەن بىلەن سالام-سائەت قىلىشىدىغانغىمۇ ۋاقتى چىقىشمايدۇ.چۈنكى ئۇلار ياشىمىسا، پۇل تاپمىسا، يول تاپمىسا... ئۇلارنىڭ كۆپلىكىمۇ يۈرىكىمنى سىقماقتا ئىدى.        ئاۋات شەھەردىكى ئىگىز-ئىگىز، پەلەككە تاقاشقان بىنالارمۇ ئىچىمنى سىقىشقا ئۈلگۈرۈشتى. قۇياش نۇرىنىڭ مەڭزىمنى سۆيىشىنى ئىستىگەن چاغلىرىمدا بۇ بىنالار قۇياش نۇرىنى توسۇۋىلىپ، ئاپتاپتىن ھوزۇرلىنىش تۇيغۇلىرىمغا پالتا چېپىپ، غۇۋا، خۇنۇك سايىلەردە، يەر شارىنىڭ بىر بۇرجىكىدە ياتسىرىتىپ قوياتتى.ئۆزۈم ياشاۋاتقان، ئۆزۈم بىلەن ئوخشاش ئادەملەر ئارىسىدىكى ياتسىراپ قېلىش تۇيغۇسى ئادەمگە تولىمۇ ئېغىر كېلەتتى. بەزەن ئاچچىقتىن يىراق-يىراقلارغا قېچىپ كېتىش ئىستىكى تۇغۇلاتتى. لېكىن ياتسىراش ماڭا ئېلىپ كەلگەن كۈرەش قىلىش ئىدىيەسى، مەۋجۈتلۇقۇمنى ساقلاپ قىلىش خاھىشى بۇ ئوي-خىياللىرىمدىن چاقماق تېزلىكىدە قايتۇراتتى ھەم قۇياش نۇرى سۆيۈپ ئۆتمەيدىغان كوچىلارنى ئارىلاپ ئادەملەر ئارىسىغا شۇڭغۇپ كېتەتتىم.          ئادەملەرنى مەن رەنجىتىپ قويغانمۇ ۋە ياكى مەن ئادەملەرنى رەنجىتىپ قويدىممۇ، بۇ يەردە مەن ئالدىراپ بىرەرسىنىڭ ماڭا كۈلۈمسىرىگىنىنى كەمدىن-كەم ئۇچرىتىمەن. ئۇچرىتىپ قالساممۇ كۆپىنچىسى ساختا، مەنپەئەت ئارىلاشقان كۈلۈمسىرەشلەر بولۇپ چىقاتتى.ماڭا چىن كۆڭلىدىن چىقىرىپ يېقىملىق كۈلۈمسىرىگەن ئادەملەر كۆزۈمگە شۇنداق ئىسسىق كۆرۈنۈپ كېتىدۇكى، خۇددى بىز بۇرۇن تونۇشىدىغان كونا تونۇشلاردەك ھېس-تۇيغۇلارغا بىلىپ-بىلمەي بۆلىنىپ قالىمەن. ئەمما رىئاللىقتىكى ئۇ مەن تونۇمايدىغان، ئەكىسچە ماڭا ھېچقانداق غەرەز ئارلاشمىغان سالام ئورنىدا كۈلۈمسىرىگەن بۇ شەھەردىكى نامەلۇم  بىرى ئىدى.        ئىچىم پۇشقىنىدا مەن ئۆزۈمنى ئۆزۈمگە ھەمراھ قىلىپ تاغلارغا چىقىپ كېلىشىنى تولىمۇ ياخشى كۆرىمەن.گەرچە بۇ  يەرنىڭ تاغلىرى يۇرتۇمنىڭ تاغلىرىغا سېلىشتۇرغاندا ھېچنىمە ھېسابلانمىسىمۇ، لېكىن يەنىلا ياقتۇرىمەن. ئۇنىڭ قايناق شەھەرنىڭ ئارىسىدا يەنىلا ئۆز خاسلىقىنى نامايەن قىلىپ كېلىۋاتقانلىقىدىن مەمنۇن بولىمەن. كىچىكىمدىن يېشىللىققا تولىمۇ ئامراق ئىدىم. باھارنىڭ تۇنجى مەيىن شاماللىرى قاردىن تولۇق ئېرىپ بولالمىغان نەم تۇپراقنى سۆيۈپ ئۆتۈپ، باھار ھىدىنى ھېس قىلدۇرغان ئاشۇ ھاياجانلىق دەقىقىلەرنى، ياپيىشىل مايسىلارنىڭ ھويلىلاردا، توپىلىق يوللاردا، تۆپىلىكلەردە، باغلاردا ئۆسۈپ چىقىپ، قۇياش نۇرىدىن تېخىمۇ ئىسكەتكە كىرگەن يېشىل رەڭگىنى سېغىنىمەن.يەرنى يېرىپ چىققان مايسىلارغا ئۇزاق قاراپ ھوزۇرلانغان شۇ دەقىقىلەر مەن ئۈچۈن بەكمۇ ئەھمىيەتلىك.بۇ چاغلاردا تەبىئەتنىڭ گۈزەللىكىدىن ھوزۇرلىنىش بىلەن بىرگە كائىناتنىڭ بۇ مۆجىزىلىدىن ھەيران بولاتتىم....

nawat

	سىقىلىشتىن قورقسىڭىز چېقىۋەتسىڭىز بولىدۇ.

كۇبرى

	nawat يوللىغان ۋاقتى  2012-1-6 01:01 سىقىلىشتىن قورقسىڭىز چېقىۋەتسىڭىز بولىدۇ. ئەينەك بولغان بولسا، ئاللىبۇرۇن چېقىۋەتكەن بولاتتىم....

nawat

	ئەينەكتەك نازۇك بولمىسا سىقىلىشتىن قورقمىسىڭىزمۇ بولغىدەك....

kaymas

	بۇ ھايات چەكىسىز مەنەلارغا تولغان. ئۈمىدۋار ياشاڭ، ئادەملەر دىڭىزىدىن سىزگە تونۇش ھىد پۇرىمىسا ھىچقىسى يوق. ئىنسان يالغۇز كىلىپ يەنە يالغۇز بۇدۇنيادىن كىتىدۇ. بىغۇبار سەبى قەلبىڭىز ئالدامچىلار تەرىپدىن ئالدانمىسۇن، ئۆزىڭىزگە ئىشىنىڭ... سىزگە مۇنۇ بىر كۇپلىت شىئىرنى تەقدىم قىلاي. يۈرەكتىن يۈرەككە يول بارمىش پىنھان، شۇڭلاشقا شىۋىرلاپ سۆزلىشەر ئىنسان. يالغاننى ۋاقىراپ سۆزلەيمىز دائىم، ھەقىقەت دىللاردا ياتار جىم ھامان......

bibaha.cn

	ئادەملەرنى مەن رەنجىتىپ قويغانمۇ ۋە ياكى مەن ئادەملەرنى رەنجىتىپ قويدىممۇ، ئۈسىتىدىكى سۆزلەرنى تەھرىرلىۋىتەمسىز؟

كۇبرى

	kaymas يوللىغان ۋاقتى  2012-1-6 20:31 بۇ ھايات چەكىسىز مەنەلارغا تولغان. ئۈمىدۋار ياشاڭ، ئاد ...                             سىزگىمۇ ئۇشبۇ شېئىرىمنى سۆز ئورنىدا سوۋغا ئەيلەي.........                       يۈرەكتىن يۈرەككە يول بولسا پىنھان،                       شۇ يۈرەكنى ئىزدەشكە ئىنتىلەر ئىنسان.                      قەلىبلەرگە تولىسمۇ شۇنچە دەرت-ئەلەم،                     بەخىتلىكمەن دەپ ئالدىشار بىر-بىرىن.                        مەن سۆزلىمەككە مەھكۇممەن،                        ھەقىقەتنىڭ يولىنى تامان.                        قەلبىم يىغلاپ تۇرسىمۇ شۇنداق،                        ياش تۆكمەككە قىلىمەن ئىمكان.                       كوچىلاردا سۆزلەشسە يالغان،                        بارنى يوق، يوقنى بار قىلغان.                       ئاشۇلارنىڭ قىسمىتى شۇدۇر،                       ئاڭلىساممۇ بولمايمەن ھەيران.                      يالغۇسسىراپ قالغاندەك مىسكىن،                     ھەقىقەت دىللاردا ياتار جىم ھامان،                     ھەقىقەت يۇشۇرۇنغان ھەر بىر دەقىقە،                     قەلىبلەردە ساقلىنار جىمجىت ھەر زامان.                           كۆز ياشلىماق بولسىمۇ ئاسان،                          قىلالمايمەن بولساممۇ پىنھان.                         ياش نېمە قىلىپ بېرەر بىزلەرگە،                          گەر بولمىسا ئېنىق بىر نىشان.                       ئويغىنىش ئويلىنىشتىن يىراقتا يۈرگەن،                      ياشلىرىمىز پۇتلىشىپ يۈرىدۇ ھەريان.                      كۆز تاشلىساڭ قىلىقلىرى دىتقا ياقمايدۇ،                      بىلىپ-بىلمەي يۈز-كۆزلىرىڭ ياشلانغان.                    مەن سۆزلىمەي، سۆزلىسۇن جاھان،                    بارچىنى بىزلەرگەئەيلەپ بايان.                   قۇياش مۆكسىمۇ پارلاپ چىقار ئەتىسى،                   ھەقىقەتمۇ جۇلالىنىپ تۇرار ھەرقاچان. ..............نېمىلەرنى دەپ كەتتىم . ياقتۇرغايسىز

كۇبرى

	bibaha.cn يوللىغان ۋاقتى  2012-1-6 23:15 ئادەملەرنى مەن رەنجىتىپ قويغانمۇ ۋە ياكى مەن ئادەملەر ...   چۈشەنمىدىم، سۆزلەردە ، گىرامماتىكىسىدا، ئىملادا خاتالىقلار بولسا  تەكلىپ- پىكىر بېرىشىڭىزنى  ئۈمۈد قىلىمەن .

bibaha.cn

	كۇبرى يوللىغان ۋاقتى  2012-1-6 23:35 چۈشەنمىدىم، سۆزلەردە ، گىرامماتىكىسىدا، ئىملادا خا ... مەن ئاددى كاللام بىلەن چۈشۈنەلمىدىممۇ ياكى سۆز مەنا تەكرارلىقى بارمۇ ئۇ سۆزدە... بولسا شۇ سۆزنى بىر چۈشەندۈرۈپ قويۇڭ. مەن توغرا نىيەت بىلەن دىدىم جۇمۇ؟

kaymas

	شىئىرىڭىزنى ياقتۇردۇم ۋە ئىپادىلگەن مەنانىمۇ چۈشەندىم. گەرچە مەن سىزنىڭ قايسى جەھەتتىن قايسى سەۋەپ بىلەن نىمە خاپىلىق ياكى دەرت كەلگىننى بىلمىسەممۇ، ئەمما شۇ روھى ھالەتنىڭ قانداق بولىدىغانلىقىنى تەسەۋۇر قىلالايمەن. تونۇش -بىلىش، ساۋاقداش ۋە يىقىن دوسىتلار بولسۇن ھەركىم ۋاقىتى كەلسە دوستۇم ئۈچۈن ئەمەس بەلكى ئاۋۋال مەن ئاندى ئۆزۈم دەيدىكەن.پەقەتلا ئۆزىڭىزگە تايىنىڭ. سۆزلىسەم گەپ تولا- دەرت تولا. قولىڭزدىن كىلىشىچە ياخشىلىق قىلىڭ.باشقىلار بىلمىسە ئاللاھ بىلىدۇ. شىئىرىڭىزغا جاۋابەن مۇنۇ شىئىرنى تەقدىم قىلاي. يۈرەكتىن يۈرەككە يول بولسا پىنھان، يىغلىماس ئىدى ئەلەمدە ئىنسان.. بىراۋلاردىن كۈتمىگىن ئۈمۈد، قەسەم ئىچىپ توقۇسا يالغان. كۆز ياشلىرىڭ قەلبىڭنى تەسكىن، قىلىدۇ ھەم دەرتلىك ۋە مىسكىن. مىڭ مەرتىۋە ئازاپ چەككۈچە، ئەتىكى قۇياشتەك كۈلگىن-                                   سەن پارلاق..... كەچۈرۈڭ تازا قولاشماي قالدى. بەزەنبىر سەۋەپ بىلەن شىئىر يازمىغىلى ئۇزۇن زامانلار بوپتىكەن. پىكىرىم چىچىلاڭغۇ ھالەتتە ئىپادىنىلىپ قالدى.