پۇشكىن ۋە «قۇرئان كەرىم»

bozqir

	پۇشكىن ۋە «قۇرئان كەرىم» ئىلاۋە:    ئالدىنقى ئەسىرنىڭ 90-يىللىرى شاڭخەي چەت ئەل تىلى ئۇنۋېرسىتېتى ئوتتۇرا شەرىق مەدەنىيىتى تەتقىقات ئورنىنىڭ نەشىر ئەفكارى -«ئەرەب دۇنياسى»دېگەن ژۇرنالدىن «رۇسىيىدە قۇرئان كەرىم»ناملىق بىر ماقالىنى قىزىقىپ ئوقۇغانلىقىم ھازىرقىدەكلا ئېسىمدە.شۇ ماقالىدا بۈيۈك رۇس شائىرى پۇشكىننىڭ مۇسۇلمانلارنىڭ مۇقەددەس كالامى-«قۇرئان كەرىم»نى ئىنتايىن ئىخلاس بېلەن ئوقۇپ چىققانلىقى ۋە ئاجايىپ يۇقۇرى باھا بەرگەنلىكى ھەققىدە مەخسۇس بىر قىسقىچە ئۇچۇر خاراكتىرلىك  مەزمۇنلار بېرىلگەن.ئۇنى تورداشلارنىڭ ھوزۇرىغا سۇنۇشنى مەسئۇلىيەت بىلدىم.     مىلادى 15-ئەسىردىن 17-ئەسىرگىچە بولغان ئارىلىقتا لېتۋالىق تاتارلار «قۇرئان كەرىم»نى بېلىروسچىگە تەرجىمە قىلغان.بۇ تەرجىمىنىڭ كۆچۈرۈلمە نۇسخىسى ھازىرغا قەدەر لېنىنگىراد ئۇنۋېرسىتېتىنىڭ شەرقشۇناسلىق ئىنىستىتۇتى كۈتۈپخانىسىدا ساقلىنىپ كېلىۋېتىپتۇ.1789-يىلىدىن 1798-يىلىغىچە بۇ كالام بەش قېتىم قايتا بېسىلغان.1800-يىلى چار رۇسىيە ھۆكۈمىتى  ئىسلام دىنىغا ئائىت ئەسەرلەرنى نەشىر قىلىشنى چەكلەيدىغان بارلىق چەكلىمىلەرنى بىكار قىلغاندىن كېيىن قازاندا رۇسىيە بويىچە تۇنجى ئىسلام باسما زاۋۇدى قۇرۇلۇپ ، رۇسىيىدە بۇ بۈيۈك دەستۇر ۋە ئىسلامىي كىتابلارنىڭ نۇسخىلىرى بېسىپ تارقىتىلغان.       1790-يىلىغا كەلگەندە رۇسىيىدە «قۇرئان كەرىم»نىڭ 3-رۇسچە تەرجىمە نۇسخىسى نەشىر قىلىنغان.بۇ تەرجىمە نۇسخا فىرانسىيىلىك شەرقشۇناس ئانتېرى فىرانسۇزچىغا تەرجىمە قىلغان «قۇرئان كەرىم»گە ئاساسەن تەرجىمە قىلىنغان بولۇپ،بۇنى رۇسىيىدىكى يۇقۇرى ئابرويغا ئىگە ئەدەبىياتشۇناس مېخائېل فېرىئوفكىن رۇسچىگە تەرجىمە قىلغان. فېرىئوفكىننىڭ تەرجىمە نۇسخىسى رۇسىيە ئەدەبىيات تارىخىدا ناھايتى موھىم رول ئوينىغان.ئۇ رۇسىيىدىكى تالانىتلىق يازغۇچى ، درامماتروگ بولغاچقا تەرجىمىدە جانلىق،نەپىس ئەدەبىي تىللارنى تاللاپ ئىشلەتكەن.ئۇسلۇبى ئۆزگىچە بولغاچقا نۇرغۇن رۇس يازغۇچىلىرىنىڭ ماقتىشىغا ئېرىشكەن،ھەتتا رۇسىيىلىك بۈيۈك شائىر پۇشكىنمۇ ئۇنىڭغا يۇقۇرى باھا بەرگەن.       «قۇرئان كەرىم»دىكى گۈزەل ئىبارىلىك پارىلەر،چوڭقۇر مەنىلىك ئايەتلەر،  پۇشكىندەك يېتۈك شائىرنىڭ  قەلبىنى لەرزىگە سالغان.پۇشكىن «قۇرئان كەرىم»نىڭ ئۆز قەلبىنى ھاياجانغا سالالىغان بىردىن بىر ئەسەر ئىكەنلىكىنى ئېتىراپ قىلغان.ھەتتا پۇشكىن «قۇرئان كەرىم» دىن ئالغان ئىلھامى ئاساسىدا  «قۇرئان ئىلھامى» ناملىق مەشھۇر شېئىرىنىمۇ يازغان.بۇ شېئىر «يۇلتۇزلار تۈركۈمى پارىسى»دىكى 23-ئايەتنىڭ ئەسلى مەنىسى ئاساسىدا يېزىلغان بولۇپ،يارقىن شېئىرىي تىل ئارقىلىق «قۇرئان كەرىم»دىكى پەلەسىپىۋى مەزمۇنلار  مۇۋەپپەقىيەتلىك ھالدا بايان قىلغان.رۇسىيە ئەدەبىياتى تارىخىدا بۇ شېئىر دىنىي ئەسەرلەرنى توغرا چۈشىنىشكە يول ھازىرلاش بېلەن بىر ۋاقىتتا ،رۇس كىتابخانلىرىنىڭ «قۇرئان كەرىم»گە بولغان قىزىقىشىنى زور دەرىجىدە قوزغىغان. ئەسكەرتىش : مەزكۇر تېما «مىسرانىم تورى»غا يوللانغاندا  oghuzkhanئىسىملىك بىر تورداش پۇشكىننىڭ بىر شېئىرىنى ئىنگلىزچىدىن تەرجىمە قىلىپ ئىنكاس شەكلىدە تلۆۋەندىكىدەك يوللاپتۇ: پۇشكىن مۇنۇ سۆزنى دەپتىكەن : Russian Poet Pushkin says:       " The chest was cut , removed from it the beating heart,, the angels washed it , replaced it again ! Arise you Prophet move around the world , enlighten the hearts of the people"::::::::::::::::::: تەرجىمىسى : كۆكسى كېسىلدى، سوقۇۋاتقان يۈرەك سۇغۇرۇلدى، پەرىشتىلەر ئۇنى يۇدى ، يەنە ئەسلىگە سېلىندى . سېنى ئۆرلىتىپ جەھاننى كۆرسەتتى ئې پەيغەمبەر،    كىشىلەرنىڭ قەلبىنى يۇرۇتتى. يۇقۇرقىسى بەلكىم پۇشكىننىڭ «قۇرئان ئىلھامى» ناملىق مەشھۇر شېئىرنىڭ تەرجىمىسى بولسا كېرەك.   http://bbs.misranim.com/read.php?tid=54712&page=4 ئۇندىن باشقا «قۇرئان كەرىم»گە شۇنچە ئىخلاس قىلغان پۇشكىننىڭ نەسەبى ھەققىدىمۇ ھەر خىل قاراشلار بار.مەن ئىلگىرى پۇشكىننىڭ بىر ئۇچى تاتار مۇسۇلمانلىرىغا تۇتىشىدىكەن دېگەن گەپلەرنىمۇ ئاڭلىغانىدىم. ئەمما ،oghuzkhan تەمىنلىگەن ئىنتىرنېتتىكى مەنبەلەردىن قارىغانداپۇشكىننىڭ ئەسلى نەسەبى ئەرەب بولۇپ،ئۇنىڭ بوۋىسى ئىبراھىم ھەنىبال (Ibrahim Hannibal  ) ئەرەپ ياكى ھەبەشىتانلىق    ( ئېرىتارىيە  ياكى ئىفوپىيە  ) لىك ئىكەن ، كېيىنچە تۈركىيىگە ئاندىن رۇسىيىگە كېلىپ ماكانلاشقانكەن.  ئىنگلىزچىدىن تولۇق خەۋىرى بار تورداشلارنىڭ تۆۋەندىكى مەنبەلەردىن پايدىلىنىپ ، پۇشكىننىڭ نەسەبىي ھەققىدە تېخىمۇ تەپسىلى ئۇچۇر بېرىشىنى ئۈمىد قىلىمەن: http://www.meadna.com/business%2 ... %20Hannibalpage.htm

selsebil

	ئەسسالامۇ ئەلەيكۇم! بوزقىر ئەپەندى. ئەجرىڭىزگە رەھمەت. «يۇلتۇزلار تۈركۈمى پارىسى»دېگىنىڭىز قۇرئاننىڭ 53-سۈرىسى، «سۈرە نەجم»دۇر. ئاۋۋال سۈرە نەجمىگە بىر نەزىمىرىمىزنى ئاغدۇرۇپ باقايلى. ئۇنىڭدىن كېيىن قالغان گەپنى قىلىشارمىز، ئىنشائاللاھ. 53-سۈرە نەجم، مەككىدە نازىل بولغان، 62 ئايەت ناھايىتى شەپقەتلىك ۋە مېھرىبان اﷲ نىڭ ئىسمى بىلەن باشلايمەن ساقىغان يۇلتۇزلار بىلەن قەسەمكى(1). سىلەرنىڭ ھەمراھىڭلار (يەنى مۇھەممەد ئەلەيھىسسالام) گۇمراھ بولمىدى ۋە يولدىن ئاداشمىدى(2). ئۆز نەپسى خاھىشى بويىچە سۆزلىمەيدۇ(3). پەقەت ئۇنىڭغا نازىل قىلىنغان ۋەھينىلا سۆزلەيدۇ(4). ۋەھيىنى ئۇنىڭغا كۈچلۈك پەرىشتە (جىبرىئىل) تەلىم بەردى(5). ئۇنىڭ (يەنى جىبرىئىلنىڭ) كۆرۈنۈشى چىرايلىق بولۇپ، يۇقىرى ئۇپۇقتا (ئۆز شەكلىدە) تۇردى(6). (7)ئاندىن ئۇ ئاستا- ئاستا (مۇھەممەد ئەلەيھىسسالامغا) يېقىنلىشىپ تۆۋەنگە ساڭگىلىدى(8). ئۇ (پەيغەمبەر ئەلەيھىسسالامغا) ئىككى ياچاق مىقدارى ياكى ئۇنىڭدىنمۇ يېقىنراق يېقىنلاشتى(9). اﷲ بەندىسىگە (جىبرىئىل ئارقىلىق تېگىشلىك) ۋەھيىلەرنى ۋەھيى قىلدى(10). ئۇنىڭ كۆرگىنىنى دىلى ئىنكار قىلمىدى (يەنى راست كۆردى)(11). (ئى مۇشرىكلار جامائەسى!) ئۇنىڭ كۆرگەنلىرى ئۈستىدە ئۇنىڭ بىلەن مۇنازىرە قىلىشامسىلەر؟(12)ئۇ جىبرىئىلنى ھەقىقەتەن ئىككىنچى قېتىم سىدرەتۇلمۇنتەھا (دەرىخىنىڭ) يېنىدا كۆردى(13). (14)جەننەتۇلمەئۋا بولسا سىدرەتۇلمۇنتەھانىڭ يېنىدىدۇر(15). (ئۇ) سىدرەتۇلمۇنتەھانى (ئالەملەرنىڭ پەرۋەردىگارىنىڭ نۇرى) قاپلىغان چاغدا (كۆردى)(16). (پەيغەمبەر)نىڭ كۆزى (ئوڭ- سولغا) بۇرالمىدى، (كۆزلەنگەن نەرسىدىن) ئۆتۈپ كەتمىدى(17). شۈبھىسىزكى، ئۇ پەرۋەردىگارىڭنىڭ (قۇدرىتىنى كۆرسىتىدىغان بۈيۈك ئالامەتلەرنى) كۆردى(18). ئېيتىپ بېقىڭلارچۇ! لات، ئۇززا ۋە ئۈچىنچىسى بولغان ماناتلار (اﷲ تائالادەك كۈچ- قۇۋۋەتكە ئىگىمۇ؟)(19). (20)(ئى مۇشرىكلار جامائەسى!) (سىلەرچە ياخشى ھېساپلانغان) ئوغۇل بالا سىلەرگە خاس بولۇپ، (سىلەرچە يامان ھېساپلانغان) قىز بالا اﷲ غا خاسمۇ؟(21)ئۇنداقتا بۇ ئادالەتسىز تەقسىماتتۇر(22). بۇ بۇتلار پەقەت سىلەر ۋە ئاتا- بوۋاڭلار ئاتىۋالغان قۇرۇق ناملاردىنلا ئىبارەت، اﷲ بۇنى ئىسپاتلايدىغان ھېچبىر دەلىل- پاكىت چۈشۈرگىنى يوق، ئۇلارغا پەرۋەردىگارى تەرىپىدىن شەك- شۈبھىسىز ھىدايەت (يەنى پەيغەمبەر ۋە قۇرئان) كەلگەن تۇرۇقلۇق، ئۇلار پەقەت گۇمانغىلا ۋە نەپسىلىرىنىڭ خاھىشىغىلا ئەگىشىدۇ(23). ئىنسان نېمىنى ئارزۇ قىلسا شۇ بولامدۇ(24). ئاخىرەت ۋە دۇنيا اﷲ نىڭ ئىلكىدىدۇر (يەنى دۇنيا ۋە ئاخىرەتتىكى ئىشلارنىڭ ھەممىسى اﷲ نىڭ خاھىشى بويىچە بولىدۇ)(25). ئاسمانلاردا نۇرغۇن پەرىشتىلەر بولۇپ، ئۇلارنىڭ شاپائىتى ھېچ نەرسىگە ئەسقاتمايدۇ، پەقەت اﷲ ئۆزى خالىغان ۋە رازى بولغان ئادەمگە شاپائەت قىلىشقا رۇخسەت قىلسىلا (ئاندىن) ئۇلارنىڭ شاپائىتى ئەسقاتىدۇ(26). شۈبھىسىزكى، ئاخىرەتكە ئىمان ئېيتمايدىغانلار پەرىشتىلەرنى (اﷲ نىڭ قىزلىرى دەپ) چىشى جىنس نامى بىلەن ئاتايدۇ(27). ئۇلار مۇنداق ئاتاشتا ھېچقانداق ئىلىمگە ئىگە ئەمەس، ئۇلار پەقەت گۇمانغىلا ئاساسلىنىدۇ، گۇمان دېگەن ھەقنى ئىسپاتلاشتا ھېچ نەرسىگە يارىمايدۇ(28). بىزنىڭ زىكرىمىز (يەنى ئىمان بىلەن قۇرئان)دىن باش تارتقان، پەقەت دۇنيا تىرىكچىلىكىنىلا كۆزلىگەنلەردىن يۈز ئۆرۈگىن(29). ئۇلارنىڭ ئىلىمدىن يەتكەن يېرى ئەنە شۇ، شۈبھىسىزكى، پەرۋەردىگارىڭ ئۆزىنىڭ يولىدىن ئازغان ئادەمنى ئوبدان بىلىدۇ، ھىدايەت تاپقان ئادەمنىمۇ ئوبدان بىلىدۇ(30). ئاسمانلاردىكى ۋە زېمىندىكى نەرسىلەرنىڭ ھەممىسى اﷲ نىڭ مۈلكىدۇر، (اﷲ) يامانلىق قىلغانلارنى قىلمىشلىرىغا قاراپ جازالايدۇ، ياخشىلىق قىلغانلارغا چىرايلىق مۇكاپات بېرىدۇ(31). ئۇلار چوڭ گۇناھلاردىن ۋە قەبىھ ئىشلاردىن يىراق بولىدۇ. كىچىك گۇناھلار بۇنىڭدىن مۇستەسنا، ھەقىقەتەن پەرۋەردىگارىڭنىڭ مەغپىرىتى كەڭدۇر، اﷲ سىلەرنى زېمىندىن ياراتقان چاغدىكى (ۋاقتىڭلاردىن تارتىپ، ئاناڭلارنىڭ قورساقلىرىدىكى بالا) ۋاقتىڭلاردىن تارتىپ ئوبدان بىلىدۇ، شۇنىڭ ئۈچۈن سىلەر ئۆزەڭلارنى پاك ھېساپلىماڭلار، اﷲ تەقۋادار بولغان ئادەمنى ئوبدان بىلىدۇ(32). (ئى مۇھەممەد!) ئىماندىن يۈز ئۆرۈگەن ئادەمدىن خەۋەر بەرگىن(33). ئۇ (شەرت قىلىنغان مالدىن) ئازغىنا بەردى، قالغىنىنى بەرمىدى(34). ئۇنىڭ دەرگاھىدا ئىلمىي غەيب بولۇپ، ئۇ غەيبنى بىلەمدۇ؟(35)ئۇ مۇسانىڭ ۋە ئىبراھىمنىڭ سەھىپىلىرىدىكى سۆزدىن خەۋەردار بولمىدىمۇ؟(36)ئىبراھىم ۋاپادار كىشى ئىدى، بىر گۇناھكار ئادەم يەنە بىراۋنىڭ گۇناھىنى كۆتەرمەيدۇ (يەنى بىراۋ باشقا بىراۋنىڭ گۇناھى تۈپەيلىدىن جازاغا تارتىلمايدۇ)(37). (38)ئىنسان پەقەت ئۆزىنىڭ ئىشلىگەن ئىشىنىڭ نەتىجىسىنى كۆرىدۇ(39). ئۇنىڭ قىلغان ئىشى كەلگۈسىدە كۆرۈلىدۇ (يەنى ئۇنىڭ ئەمەلى قىيامەت كۈنى ئۇنىڭغا توغرىلىنىدۇ)(40). ئاندىن ئۇنىڭغا تولۇق مۇكاپات (ياكى) تولۇق جازا بېرىلىدۇ(41). ھەممىنىڭ ئاخىر بارىدىغان جايى پەرۋەردىگارىڭنىڭ دەرگاھىدۇر(42). اﷲ ئىنساننى كۈلدۈرەلەيدۇ ۋە يىغلىتالايدۇ(43). اﷲ ئۆلتۈرۈشكە ۋە تىرىلدۈرۈشكە قادىر(44). اﷲ بىر جۈپنى- ئەركەك بىلەن چىشىنى ياراتتى(45). ئېتىلىپ چىققان مەنىدىن (ياراتتى)(46). (ھېساب ئۈچۈن ئىنسانلارنى) ئىككىنچى قېتىم يارىتىشنى ئۈستىگە ئالدى(47). اﷲ ئىنساننى باي قىلالايدۇ ۋە مەمنۇن قىلالايدۇ(48). اﷲ شىئرا يۇلتۇزىنىڭ پەرۋەردىگارىدۇر(49). ئۇ (يەنى اﷲ) قەدىمكى ئادنى ھالاك قىلدى(50). سەمۇدنىمۇ (ھالاك قىلدى، ئۇلاردىن بىرىنىمۇ) قويمىدى(51). ئىلگىرى نۇھنىڭ قەۋمىنى (ھالاك قىلغان ئىدى)، شۈبھىسىزكى، ئۇلار تېخىمۇ زالىم، تېخىمۇ سەركەش ئىدى(52). لۇت قەۋمىنىڭ شەھەرلىرىنى دۈم كۆمتۈرىۋەتتى، ئۇنى (دەھشەتلىك تاشلار) قاپلىۋالدى(53). (54)(ئى ئىنسان!) پەرۋەردىگارىڭنىڭ قايسىبىر نېمىتىدىن گۇمانلىنىسەن؟(55)بۇ (يەنى مۇھەممەد ئەلەيھىسسالام) ئىلگىرىكى ئاگاھلاندۇرغۇچىلارنىڭ جۈملىسىدىن بولغان بىر ئاگاھلاندۇرغۇچىدۇر(56). قىيامەت يېقىنلاشتى(57). ئۇنىڭغا اﷲ دىن باشقا كەشىپ قىلغۇچى (يەنى ئۇنىڭ ۋاقتىنى بىلگۈچى ياكى ئۇنىڭ ئازابىنى دەپئى قىلغۇچى يوقتۇر(58). (ئى مۇشرىكلار جامائەسى!) مەسخىرە قىلىپ بۇ قۇرئاندىن ئەجەپلىنەمسىلەر؟(59)(ئۇنى ئاڭلىغان چاغدا) كۈلەمسىلەر؟ يىغلامسىلەر؟(60). سىلەر غاپىلدۇرسىلەر(61). اﷲ غا سەجدە قىلىڭلار ۋە ۋە (ئۇنىڭغا) ئىبادەت قىلىڭلار(62).

azezam

	تېخى مۇنداق ئشلارمۇ باركەندە...بۇ  تىمېنى كۆرۈپ كۆڭلۈم بىرخىل يورۇپ كەتتى.

bozqir

	مەزكۇر تېمىنىڭ رۇياپقا چىقىشىغا سەۋەب بولغان «رۇسىيىدە قۇرئان كەرىم»ناملىق خەنزۇچە  ماقالىە شاڭخەي چەت ئەل تىلى ئۇنۋېرسىتېتى ئوتتۇرا شەرىق مەدەنىيىتى تەتقىقات ئورنىنىڭ نەشىر ئەفكارى -«ئەرەب دۇنياسى» ژۇرنىلنىڭ 1996-يىللىق 4-سانىنىڭ 30-،31-بەتلىرىگە بېسىلغان. پېقىر تەرجىمە قىلغان ئۇيغۇرچىسى «كىتاب مۇنبىرى»ژۇرنىلىنىڭ 3-،4-قوشما سانىغا بېسىلغان.گۇمانىي پوزىتسىيىدە بولغانلارنىڭ ياكى قىزىققۇچىلارنىڭ شۇ ژۇرناللارنى تېپىپ تەپسىلى ئوقۇپ بېقىشىنى تەۋىسىيە قىلىمەن.

kilyang

	ئەجرىڭىزگە كۆپ رەھمەت   سالامەتلىكىڭىزنى ئاسراڭ   مۇشۇنداق ئىسىل  مەزمۇنلۇق تىمىللىڭىز ئۈزۈلمىسۇن

bozqir

	«رۇسىيىدە قۇرئان كەرىم»ناملىق خەنزۇچە  ماقالىنىڭ  پېقىر تەرجىمە قىلغان ئۇيغۇرچىسى«كىتاب مۇنبىرى» ژۇرنىلىنىڭ 1999-يىللىق 3-،4-قوشما سانىغا بېسىلغان دەپ بىلگەيسىلەر. يۇقۇردىكى ئىنكاستا «كىتاب مۇنبىرى»ژۇرنىلىنىڭ يىل سانى چۈشۈپ قاپتۇ، مۇشۇ ئىنكاس ئارقىلىق تولۇقلاپ قويدۇم.

lerika

	ھەر قانداق بىر مۇسۇلمان بەندىسى قۇرئان كەرىمنى ئوقۇپ بېقىشى زۆرۈر دەپ ئويلايمەن. ئۇنىڭدا كىشىنى گۇناھى كەبىرلەردىن توسىدىغان، نىمىنىڭ خاتا نىمىنىڭ توغرا ئىكەنلىكىنى پەرق قىلغۇزىدىغان مەزمۇنلادىن كىشىنىڭ دىلى يورۇق بولىدىكەن.

tohar

	ئەسسالامۇ ئەلەيكۇم بوزقىر ئەپەندى،بۇ تېمىڭىزنى مەن ئۇ مۇنبەردە كۆرمەپتىكەنمەن،بۈگۈن ئەلكۈيىدە كۆرۈشۈم،مەن پۇشكىننىڭ نۇرغۇن كىتابلىرىنى كۆرۈپ،بۇ ئىشنى ئۇقمايدىكەنمەن. قۇرئان كەرىم بولسۇن ياكى مۇھەممەت پەيغەمبەر بولسۇن،دۇنيادىكى مەشھۇر شەخسلەر قامۇسى بولسۇن،دۇنياۋى مەشھۇر كىتابلارنىڭ ئەڭ ئالدىغا تىزىدۇ.بۇنىڭدىن كۆرىۋىلىش تەس ئەمەسكى،پۈتكۈل ئىنسانىيەتنىڭ مەدەنىيەت،تارىخىغا،دۇنيا قارىشىغا قۇرئان كەرىم زور تەسىرلەرنى كۆرسەتكەن ئىكەن. پۇشكىن-رۇسىيە ئەدەبىاتىدىكى گىگانىت شەخس،ئۇنىڭ ئەدەبىي ئەسەرلىرى ناھايىتى ياخشى باھالارغا ئېرىشكەن،پۇشكىننىڭ قۇرئان-كەرىمنى كۆرگەن ۋە ئۇ توغۇرلۇق ئەسەر يازغانلىقىنى بۈگۈن بىلدىم. ئەجرىڭىزگە كۆپ تەشەككۈر! مەن شۇنداق ئويلاپ قالدىم،شۇ چاغدا قۇرئان-كەرىمنى پۇشكىن،رۇسىيەدە كۆرۈپتۇ ۋە ئۇ يازغۇچىلارنىڭ دۇنيا قارىشىغا تەسىر كۆرسىتىپتۇ. بەلكىم،شۇ دەۋردىن 200~300يىل بۇرۇن ئەنگىلىيەدىكى ماتىماتىك،فىزىكا ئالىمى نىيۇتۇن،ئىتالىيەلىك ئاستۇرۇنۇم گالىلىي،كوپىرنىك قاتارلىقلار بىر قېتىم ئۇقۇپ چىققان بولسا،ئۇلارنىڭ تەتقىقات ھاياتىدا بۇرمىلىنىش،ھايات سەزگۈرەشتىلىرى تارىخ بېتىگە باشقىچە يېزىلىپ قالاتتى دەپ ئويلاپ قالدىم.

zakira

	ھەقىقەتەن ياخشى تېما ئىكەن ...

tniq

	ياخشى يىزىپسز ،  مۇشۇنڭغا ئوخشاش ماترياللارنى  كوپرەك ئەۋەتىپ تۇرىغايسز ،رەھمەت.