مەن بىر باشلىق مەكتەپ مۇدىرى (ساتىرا)

چوققا

	مەن بىر باشلىق مەكتەپ مۇدىرى مەن بىر باشلىق مەكتەپ مۇدىرى، باشلىقلىققا ئىرىشكەن تەستە. مىنىڭ باشلىق ئىكەنلىكىمنى، مۇئەللىملەر ساقلىسۇن ئەستە. مەن بىر باشلىق مەكتەپ مۇدىرى، باشلىقلارچە سالاپىتىم بار. مىنى كۆزگە ئىلمىغانلارغا، كۆرسىتىدىغان كارامىتىم بار. مەن بىر باشلىق مەكتەپ مۇدىرى، ئىشخانام بار ئايۋان-سارايدەك. ھىس قىلىمەن: ئۆزۈمنى شاھتەك، مۇئەللىملەر بىر توپ مالايدەك. مەن بىر باشلىق مەكتەپ مۇدىرى، قەرەلسىزلا يىغىن ئاچىمەن. «خوش-خوش» دىسە قولاققا ياقار، شەرت قويسا سۈرلۈك گاچىمەن. مەن بىر باشلىق مەكتەپ مۇدىرى، مۇئەللىمگە چاچىمەن سېلىق. پۇل خەجلەشكە زەپمۇ ئېپىم بار، پۇل سۇ بولسا مەن گويا بېلىق. مەن بىر باشلىق مەكتەپ مۇدىرى، مۇئەللىمگە بەرمەيمەن ئارام. ئىشلىتىمەن شەنبە-يەكشەنبە، تەتىلنىمۇ قىلىمەن ئارام. مەن بىر باشلىق مەكتەپ مۇدىرى، مەكتەپتە كۆز-قۇلاقلىرىم بار. كىمكى قىلسا يامان گىپىمنى، تەنبىھ،سۇئال-سوراقلىرىم بار. مەن بىر باشلىق مەكتەپ مۇدىرى، خىزمەتلەردە دىگىنىم دىگەن. قارشى پىكىر بايان قىلالماس، ئۆزىنى ۋە ئۆزگىنى بىلگەن. مەن بىر باشلىق مەكتەپ مۇدىرى، جاپالاردىن تۇرىمەن نېرى، مەنپەئەتنى قولدىن بەرمەيمەن، سەۋەبى شۇ ئەمەسمەن گىرى. مەن بىر باشلىق مەكتەپ مۇدىرى، ئامما بىلەن ئارلىقىم يىراق، ئۇلار بولسا لىپىلدىغان شام، مەن گوياكى بىر نۇرلۇق چىراق. مەن بىر باشلىق مەكتەپ مۇدىرى، پىنسىيەگە چىققۇم يوق پەقەت. ئۆلۈشنىغۇ ئويلاپ باقمىدىم، باشلىق بولۇپ ئۆتىمەن ئەبەت.

tumurkadiri

	شېئىرنىڭ مەزمۇنى ياخشىكەن. تىلىغا ئىشلىسىڭىز بولغىدەك.

lerika

	مەن بىر باشلىق مەكتەپ مۇدىرى، كېلىپ- كېتىپ يۈرىمەن دائىم. ئاندا -ساندا يىغىن مەجلىستە، نوتۇقلارغا يېزىلار نامىم. مەن بىر باشلىق مەكتەپ مۇدىرى، مۇنبەرنىغۇ ئۇنتۇپلا كەتتىم. ئەمما سايلام تەغدىرلەشلەردە، يول قويشنى تەركمۇ  ئەتتىم. ھەممە ،شەرەپ گۇۋانامىلەر، شان-شەرەپلەر ماڭىلا تالىق. جىم بولۇڭلار! ئەي مۇئەللىملەر، تەكشۈرۈشمۇ كېتەر تايىنلىق...!!! ئەتتىگەندە بەكلا قايناپ سالىدىغاندەك قىلىمەن .ئەمدى ئۆزۈمنى تۇتۇۋالاي...

atikam1

	باشلىقلىققا تاماسىدا يۇرۇپ باشلىق بالغان ئاشۇنداق باشلىقلارنىڭ ئەپتى-بەشىرىسىنى خېلى ئوبدانلا پاچاقلاپسىز  ،،،،كىچىككىنا ھوقۇق بېرىپ قويسا ،،،،،ئۆزىنى بىلەلمەي قالىدىغان شۇنداق باشلىقلارغا لەنەت،،،

lostba

	بىزنىڭ مەكتەپنىلا يېزىپسىز

semerqent

	قېرىندىشىم سىزگە بىر چاقچاق قىلسام ئېغىر ئالارسىزمۇ ؟   قوشاق ئاڭلايدىغانلار بولسا ‹‹ قوشاق كېچىلىكى ›› ئۆتكۈزۈپ بېقىشنى ئويلىشىپ باقمىدىڭىزمۇ ؟

11282

	بىر قىىسم«باشلىقلار»غا تازا باپ كەپتۇ، 6-كۇپلىت 4-مىسرانىڭ ئەڭ ئاخىرىقى بىر سۈزىنى ئەسىلى «ھارام» دەپ ئالامتىڭىز؟

sapardax11

	قارىسام سىزمۇ ئوقۇتقۇچى ئوخشايسىز! بولمىسا بۇنداق يازالمايتىڭىز..... توغرا بەزىبىر مەكتەپ مۇدىرلىرى ئاشۇنداق، سىز دىگەندىنمۇ ئوشۇقراق بولىشى مومكىن. سىزنىڭ مەۋقەرىڭىزدە تۇرۇپ چۈشەنسەم ناھايىتى ياخشى يىزىپسىز ، لىكىن سۆز ئىشلىتىشنى تىخىمۇ ئۈگەنسڭىز بولغىدەك. كۆپچىلىك مەۋقەسىدە تۇرۇپ چۈشەنسەم : بۇنداق يازغانلا سىزلا ئەمەس،مۇشۇ مۇنبەردىغۇ دەيمەن يەنە بىر ساتىرا يازغاننى ئوقۇغان ئىسىمدە لىكىن ئويلاپ باقمىدىڭىزمۇ ئەگەر سىز شۇ مەكتەپ مۇدىرى بوپ قالغان بولسىڭىز قانداق قىلاتتىڭىز، سىز قانچىلىك ئۆز مىللىتىمىزنىڭ مائارىپىنى قايسى يولدىن قايسى يولغا باشلىيالايسىز، بۇنىداق دىگىنىم ھەرگىز ئۇ مەكتەپ مۇدىرلىرىنىڭ توغرا دىگىنىم ئەمەس، ئۇلارنىڭ قوشقان تۆھپىسى، تارتقان جاپالىرى باردۇر ، ئۇنى بىز چۈشىنىپ تۇرۇپ ئەگەر مەن بوپ قالسام قانداق قىلاتتىم دىگەننى ئويلاپ تۇرۇپ ئاندىن چالما ئاتساق بولىدۇ، بولمىسا يۈزگە چاچىراپ ئۆزىمىزنى مەينەپ قىلىدۇ. بۇنداق دىسەم سىزمۇ مەكتەپ مۇدىرىمۇ دەپ ئويلاپ قالماڭ، مەن مەكتەپ مۇدىرى ئەمەس، سىزگە ئوخشاش ئاددىي ئوقۇتقۇچى، سىزگە مەكتەپ مۇدىرى بىلەن تازا ئىقىم كىلىشمەيدىغان بىرىسى . مەن شۇنداق ئويلىدىم، يازسام، دىسەم بولىدۇ، لىكىن مەن شۇ ئادەملەرنى كۆرۇپ ئۇنىڭىدىكى ئارتۇقچىلىرىنى تىپىپ كەمچىلكلەرنى قالدۇرۇشنى راۋا كۆردۇم . شۇڭا داۋاملىق ئويلايدىغىنىم «ئەگەر ئۇلارنىڭ ئورنىدا مەن بوپ قالسام قانداق قىلاتتىم» شۇڭا يەنە بىر تەكىلىپ مەكتەپ مۇدىرى دىگەنلىك مەيلى ئۇ 100ئوقۇغۇچى بار مەكتەپنىڭ بولسۇن، 5000ئوقۇغۇچىسى بار مەكتەپ مۇدىرى بولسۇن، ئوخشاش، پەقەت يىتەكلىگۇچى، باشلىغۇچى، يول كۆرسەتكۈچى خالاس، ئۇنىڭىمۇ خىزمىتى بىزگە ئوخشاش ، يەنى بىز دەرس ئۆتۇپ خىزمەت قىلىمىز، ئۇل بولسا يۇقىرى تۆۋەن ئوتتۇرسىدىكى كۆرۇكلۇك رولىدىن پايدىلىنىپ خىزمەت قىلىدۇ. شۇڭا نۇرغۇن ياخشى خسىلەتلىك، ئىلىملىك ياخشى مەكتەپ مۇدىرلىرىمىزغا داغ كەلتۇرۇپ قويمايلى، ئاز ساندىكىلىرىنى قامچىلايمەن دەپ ئۇلارنى تېخىمۇ پاتقاققا پاتۇرىۋەتمەيلى! يەنە بىر گەپنى قىلغۇم كىلىۋاتىدۇ، ھەر دائىم دەيدىغان «ھەربىي گىنىرال بولىشنى ئارزۇ قىلىدۇ!»دىگەندەك  چوقۇم ھەر بىر ئوقۇتقۇچىلارنىڭمۇ چوقۇم مەكتەپ مۇدىرى بولۇشنى ئارزۇ قىلىدىغۇ دەيمەن. (ئاغزىدا ياق ئۇنداق ئەمەس دىگەنلەر كۆپ) شۇڭا سىزمۇ بەلكىم بىر كەملەردە مەكتەپ مۇدىرى بوپ قىلىشىڭىز مومكىن. شۇ چاغدا بۇ شئىرىڭىزنى قايتا ئوقۇپ تۇرۇڭ ؟! شۇ چاغدا سزمۇ شۇنداق بوپ قالمايسىز!

atlancaravan

	ھەقىيقەتەن جايىدا توغرا يىزىپتۇ،ھازىر بەزى مەكتەپ مۇدىرلىرى بۇنىڭدىنمۇ ئاشۇرۋىتىدۇ تىخى

azezam

	ساتىراغۇ  ئسىل چېقىپتۇ ..