بۇنىڭغا قانداق قارايسىلەر

delawur

	ئەسسالامۇ ئەلەيكۇم تورداشلار، مەن شىنجاڭ ئىسھاق ئادۋۇكاتلىق ئورنىدىن ئۆتكەندە بىز  مۇنداق بىر جىنايى ئىشلار دىلوسىنى ئىشلىدۇق، تۆۋەندە تورداشلارنىڭ ئىنكاسىنى ۋە مەزكۇر ئۇچۇرنى كۆرگەن قانۇنىي ئىڭى ۋە سەۋىيەسى مەندىن يۇقىرىلارنىڭ ھەمسۆھبەت پىكىرىنى بىرىشىنى تەلەپ قىلىمەن مەزمۇنى تۆۋەندىكىچە: مەلۇم ئاينىڭ مەلۇم كۈنى مەلۇم "ئا' مەزكۇر دىلودا زىيانلانغۇچىنىڭ ئۆيىگە ئوغۇرلىققا كىرگەن، بۇنى ئۆي ئىگىسى سىزىپ قىلىپ ئوغۇللىرىنى ئۆگزىگە چىقىپ قاراپ بىقىشىنى ئىيىتقان، بالىلىرى ئۆگزىگە چىقىپ قارىسا توخو ۋە كەپتەر كاتەكلىرىنىڭ ئىشىكى ئوچۇق ھالەتتە تۇرغانلىقىنى ۋە كوچا تەرەپتىن ئۆزىنىڭ ئۈگزىسىگە يۆلەگلىك شوتا تۇرغانلىقىنى كۆرگەن، تەپسىلىي قارىسا بىر بىرەيلەننىڭ ئۆز ئۆگزىسىدىن بىرسى سەكرەپ قاچقان، شۇنىڭ بىلەن ئىنىسى"ب' ۋە ئاكىسى "س' قوغلاپ ماڭغان. قوغلاش جەريانىدا ئوغۇرلىققا كىرگەن"ئا' "ب' غا پىچاق تىقىپ ئىغىر زەخمىلىنىشىنى كەلتۈرۈپ چىقارغان، زەخمىلەنگۈچىنىڭ ئاكىسى"س' يىتىشىپ نەخ مەيدانغا كەلسە سىنىڭمۇ ئۆلگىڭ بارمۇ دىگەندە "س' پىچاق تىققۇچى "ئا' غا پىچاقنى تاشلا سەن ئادەم زەخمىلەندۈردىڭ دىگەندە "س' غىمۇ پىچاق تىقىپ يەڭگىل زەخمىلىنىشىنى كەلتۈرۈپ چىقارغان. ئۇلار پومداقلىشىپ پىچاق "ئا' نىڭ بەدىنىگە كىرىپ كىتىپ "ئا' نىڭ ئۆلىشىنى كەلتۈرۈپ چىقارغان. "س' بولسا ھازىر قاماقخانىدا قەستەن ئادەم زەخمىلەندۈرۈپ ئۆلىشىنى كەلتۈرۈپ چىقارغان دەپ ئەيىپلەنگەن. مەزكۇر دىلوغا ئوبىكتىپ جەھەتتىكى سەۋەب - نەتىجە مۇناسىۋىتىدىن قارىغاندا ئەگەر "ئا' سەۋەبسىز "ب » ۋە « س» نىڭ ئۆيىگە كىرمىگەن بولسا مەزكۇر دىلومۇ يۈز بەرمىگەن بولاتتى، «ئا» مۇ ئۆلۈپ كەتمىگەن بولاتتى، « ب» مۇ ئىغىر زەخمىلەنمىگەن «س» مۇ جىددىي خەۋىپتىن ساقلىنىپ تۈرمىگە كىرىپ قالمىغان بولاتتى. مەزكۇر دىلوغا پاكىت ئاساس قانۇن ئۆلچەم بويىچە ھۆكۈم چىقىرىلىۋاتىدۇ. دىلونىڭ ئاخىرى يەنە سۇنىلىدۇ. ئنىكاس يوللىشىڭلارنى ئۈمۈد قىلىمەن.

yaqup

	ئاق بىلەن قارا يەنە ئارلىشىپ كىتىپتۇ دە.بۇنىڭغا  بىز نىمە دىيەلەيتۇق.يوغان جىنايى ئىشلار قانۇنى تۇرسا.ئۆزەڭلار بىر نىمە دەڭلار.بىز پالان-پوكۇن دىگەن بىلەن شۇنداق بولامتى.

begiz

	ۋەئەلەيكۇم ئەسسىلام ! "ب" بىلەن "س" ،"ئا" نى قوغلىماسلىقى كېرەك ئىدى . نېمە قىلىدۇ قاچقاننى قوغلاپ دەيمەن ، "ب" بىلەن "س" يا جىنايى ئىشلار ساقچىسى بولمىسا ، ئوغرى دېگەن جاندىن تويغان نېمىلەر ئۇ !

gullinix

	مىنىڭچە ئۇنىڭ قىلمىىشىدىن قەستەن ئادەم زەخمىلەندۈرۈش جىنايىتى شەكىللەنمەيدۇ. سىز ئادۋوكات بولغاندىكىن جىنايەتنىڭ شەكىللىنىش ئامىللىرىغا ئاساسەن بۇ دېلونى تەھلىل قىلىپ باقايلى ...... قانۇنچىلىق گېزىتىگە يوللىساقمۇ بولاتتى بولمىسا !!!!

gullinix

	ھۆكۈم چىقتىمۇ ياكى چىقمىدىمۇ ؟؟؟؟؟

achil

	مېنىڭچە بۇ ئاكا ئۇكا ئىككىسىنىڭ قىلغىنى توغرا. يەنى ئۇلارنىڭ ئۆز مال-مۈلكىنى قوغداش ھوقۇقى بار. شۇنداق بولغان يەردە ئاكا بولغۇچىنىڭ ئۆز ئىنىسىنىڭ يارىغانلانغانلىقىنى بايقىغان ھەم ئۆزىگە خەۋپ پەيدا بولغاندا بۇ ئوغرى بىلەن ئېلىشقان ھەم ئېلىشىش جەريانىدا بۇ ئوغرى پىچاق زەربىسىدە ئۆلۈپ كەتكەن. ئەگەر بۇ ئوغرىغا پىچاق كىرمىگەن بولسا ئۇيەنە بۇ ئاكىنىمۇ ئۆلتۈرۈپ قويۇش مۇمكىنچىلىكى بار. شۇڭا بۇ ئاكىنىڭ قىلغىنى يوللۇق قوغدىنىشقا كىرىدۇ.

ablajan0908

	ئەسسىلامۇ ئەلەيكۇم: مىنىڭ قارىشىمچە دىلو تەپسىلاتىدا مەسىلە بار. ياكى بولمىسا جاۋاپكارلارنىڭ ئىقرارنامىسىدا ساختىلىق بار. چۈنكى جىنايەتچىنى قوغلاش جەريانىدا "ب" يارلانغاندىن كىيىن "س" نىڭ قوغدىنىش يولىنى ياكى ياردەمگە ئادەم چاقىرىش يولىنى ئىزلىمەي داۋاملىق خەتەرگە تەۋەككۇل قىلىشى ئەمەلىيەتكە ئۇيغۇن ئەمەس. بىلىشىمىز كىرەككى جىنايەت سادىر قىلغۇچىلارنىڭ  پىسخىكىسىدىن قارىغاندا بىر ئادەمنى يارلاندۇرغاندىن كىيىنكى روھى ھالىتىدە يەنە بىر نەچچە ئادەمنى يارلاندۇرۇش ئىھتىماللىقى مەۋجۇت. بۇ 1-دىن جىنايەتچىنىڭ ئۆزىنى قۇتۇلدۇرۇشى يۇزسىدىن، 2-دىن قىنىنىڭ قىززىپ كاللىسىدا توغرا يەكۈن چىقىرالماسلىقىدىن بولىدۇ. بۇلارنى  جاۋاپكار "س" نىڭ بىلمەي قىلىشى ناتايىن. ئۇ چاغدىكى ئەھۋال چوقۇم جىددى بولىشى بەرھەق.

achil

	بەلكىم س دىمۇ ئاشۇ ئوغرىدا يۈز بەرگەن كاللىسى قىزىپ كېتىش ھادىسىسى،ياكى ئىككى ئەر كىشى تۇرۇپ بىر ئوغرىنى قاچۇرۇپ قويارمەنمۇ دىگەن خىيالمۇ بولۇشى مۇمكىنغۇ. قاراڭغۇ كېچىدە مال -مۈلكى ئوغۇرلانغان، ئىنىسى يارلانغان يەردە ئۇنىڭ غەزەپلىنىشىنى، جىدديلىشىشىنى توغرا چۈشىنىش كېرەك. ئۇنىڭ ئۈستىگە س ئۆزىمۇ يارىلانغان.

ablajan0908

	يەنە بىر تەرەپتىن قارىساق جاۋاپكار "س" ئىنىسى "ب" نىڭ يارلانغانلىقىغا چىدىماي قىزىققانلىق بىلەن جىنايەتچىنىڭ ئۈستىگە تاشلانغان بولىشى مۇمكىن. بۇنداق ئەھۋالدا ئۇنىڭ جىناياتچىگە ئاۋۋال قول سىلىشى تۇرغانلا گەپ. بۇ ۋاقىتتى "ئا" ئاللىبۇرۇن جىنايى ھەركەتتىن توختاپ ئۆزىنى قۇتۇلدۇرۇش ئۈچۈن ھەركەت قىلىۋاتقان ۋاقىت، بۇ ۋاقىتتا  "س" جىناياتچىنى قايتا خاتالىق سادىر قىلىشقا قىستاپ قويغان بولىدۇ ئەلۋەتتە. ھەمدە "س" نىڭ دەل مۇشۇ ۋاقىتتىكى مەخسىدى "ئا" نى جىنايى قىلمىشتىن توسۇش ئەمەس بەلكى ئۆچ ئىلىش بوپ قالىدۇ دە مۇشۇنداق نەتىجىنىڭ كىلىپ چىقىشىغا سەۋەپچى بوپ قالىدۇ. كەچۇرۇڭلا ...   ئادۇكاتلارنىڭ ئالدىدا ئاقساقاللىق قىلىپ قويدۇم. يەنىلا قانۇن جەمئىيەتنىڭ ئادىل تارازىسىدۇر...

0991sumruh

	ئەگەر پاكىتلار ئەينەن سىز دېگەندەك بولسا ، بۇ ئېنىقلا  يوللۇق قوغدىنىش تۇرمامدۇ؟!سىز ئادۋۇكات بولغانكى بۇنى بىزدىنمۇ بەكرەك بىلەرسىز .yaqup  تورداشنىڭ پىكرىگە تولۇق قوشۇلىمەن.