مۆمىنجان ئابلىكىم ئۆزبىكىستان سەھنىسىدە

muyunqur

پاھ...ياشاپ كەت مۆمىنجان ،  بىز سەنئەت جەھەتتە ئۇزۇندىن بىرى كۆڭۈلچىەكلىك قىلىپ باشقلارنىڭكىنى ئاڭلاپ كەلگەن ،جۈملىدىن ئۆزبىكلەرنىڭكىنى ،باشقىلارمۇ بىزنىڭكىنى ئاڭلاپ باقسۇن .

ghaljir

مۆمىنجان ئابلىكىمنىڭ ئۆزبىكىستاندا تېلېۋىزىيە پىروگراممىسىدا نامايەن بولۇشى ئۇيغۇر سەنئىتىنىڭ بۈگۈنكى رېئاللىقى ئۈچۈن خۇشاللىنارلىق ئىش بولسىمۇ، لېكىن بىز بۇ ئىش سەۋەبلىك پەيدا بولغان ھاياجىنىمىزنى بىر چەتكە قايرىپ قويۇپ، سەھنىدە بولۇۋاتقان ئەھۋاللارغا ۋە مۆمىنجاننىڭ سەھنىدىكى ئىپادىسىگە سوغۇققانلىق بىلەن قارىغىنىمىزدا بۇ ھەقتىكى ھاياجنىمىزغا يانداشتۇرغان ھالدا ئۇنىڭغا ئىككى ئېغىز تەنقىد بېرىشنىڭ زۆرۈرلىكىنى ھېس قىلىمىز. مۆمىنجان بۇ يەردە (ۋەتەندە) پەقەت ئۆزىگىلا __ مۆمىنجان ئابلىكىمگىلا ۋەكىللىك قىلىدۇ، ئەمما ئۇ چېگرا ھالقىپ باشقا بىر ئەل سەھنىسىدە مەيدانغا چىققانىكەن، ئۇنىڭ كىملىكىدە تۈپكى ئۆزگىرىش بولۇپ، ئۇ يەككە ئادەم سۈپىتىدىكى مۆمىنجان ئابلىكىمدىن ئۇيغۇرغا ۋەكىللىك قىلىدىغان مۆمىنجان ئابلىكىمگە ئايلىنىدۇ. دېمەك، سەھنىدە ئۇنىڭ سۆز، ھەرىكىتى، ئىپادىسى ئۇيغۇرلۇقنى چىقىش قىلىشى ۋە ئۇيغۇرلۇققا ۋەكىللىك قىلىدىغان سىمۋۇللۇق بەلگىلەرنى ئىپادىلىشى كېرەك. ھالبۇكى، مۆمىنجاننىڭ سەھنىگە چىقىش جەريانىنىڭ تۇنجى قەدىمىدىن قارىغاندا، ئۇنىڭ ئەدناسى سەھنىدە ئۇيغۇرچە "ئەسسالامۇئەلەيكۇم" دېگەن سالامنى بېرەلمىگەنلىكى ئادەمنى تولىمۇ ئەپسۇسلاندۇرىدۇ. ئۇنىڭ سەھنىدە قىلىۋاتقان سالىمى ئۈرۈمچى كوچىسىدا كېتىۋاتقان مەلۇم بىر تونۇشىغا بېشىنى لىڭشىتىپ بەرگەن سالىمىدىن پەرقلەنمەيدۇ. دېمەك، تۇنجى قەدەمدە ئۇ ئۇيغۇرلۇقنىڭ بەلگىسى بولغان ئۇيغۇرچە سالامنى ئادا قىلالمىغان. بۇ نۇقتىدا سالام- ساھەتكە بەك ئەھمىيەت بېرىدىغان ئۆزبىكلەر ئارىسىدا قارشى ئېلىندىمۇ ياكى مەسخىرىگە قالدىمۇ؟! بۇنىسى بىزگە نامەلۇم بولسىمۇ، تۆۋەندە ئولتۇرغانلارنىڭ ئىپادىسىز چىرايىدىن ئانچە- مۇنچە بىر نەرسىلەرنى پەرەز قىلالىشىمىز مۇمكىن. ئۇيغۇر تىلى بىلەن ئۆزبىك تىلىنىڭ ئارىسىدا ئانچە- مۇنچە تەلەپپۇز پەرقىنىڭ بولغانلىقىىنى ھېسابقا ئالمىغاندا، چوڭ پەرق يوق، دېمەك، بىر ئۆزبىكنىڭ گېپىنى بىر ئۇيغۇر چۈشەنگىنىدەك، بىر ئۇيغۇرنىڭ گېپىنىمۇ ھەرقانداق بىر ئۆزبىك بىمالال چۈشىنەلەيدۇ. مۆمىنجاننىڭ سەھنىدە ئۇيغۇرچە سۆزلىمەي، ئۇيغۇرچە گەپكە ئۆزبىكچىنى ئارىلاشتۇرۇپ تەلەپپۇز قىلىپ سۆزلىشى ئۇنىڭ ئۆزىنىڭ ئۆزبىكچە سۆزلىيەلەيدىغانلىقىنى ئىپادىلىشى ئۈچۈنمۇ ياكى ئۆزىنىڭ بىلىملىك كۆرسىتىشكە تىرىشىپ ماھىيەتتە ئۆزىنىڭ بىلىمسىز ئىكەنلىكىنى ئاشكارىلاش ئۈچۈنمۇ؟ مۆمىنجان مانا مۇشۇ نۇقتىدىمۇ خاتالاشقان. ئەلۋەتتە، بۇ خاتالىق يالغۇز مۆمىنجانغىلا خاس ئەمەس، ئۆزبىكىستانغا چىقىپ كىرگەن كۆپلىگەن ناخشىچى ياكى سازەندە بالىلار قايتىپ كەلگەندىن بىر مەزگىل ئۆزبىكچىنى دورۇپ گەپ قىلىدىغان بولۇپ قالىدۇ.  يەنە بىر مەسىلە، مۆمىنجان ئاشۇ سەھنىدە ئۇيغۇر ۋە ئۇنىڭ مەدەنىيىتى توغرىلىق ئىككى كەلىمە مىغىزلىق گەپ قىلسا تامامەن بولاتتى، شىنجاڭ ئۇنىۋېرسىتېتىنىڭ تارىخ فاكولتېتىدا تولۇق كۇرسنى ئوقۇغان بۇ ناخشىچى نېمە ئۈچۈن يات ئەلنىڭ سەھنىسىدىكى ھەرقانداق بىر ئۇيغۇرغا تەستە كېلىدىغان پۇرسەتتە ئۇيغۇرنىڭ تارىخ، مەدەنىيىتى توغرىسىدا ئىككى ئېغىز گەپ قىلماي، ھەممە ئۆزبىك بىلىدىغان، ھەتتا مىللىي كىملىكىنى ئۆزىگە مەنسۇپ قىلىۋالىدىغان نەسىردىن ئەپەندىنىڭ گېپىنى قىلىپ، ئۆزىنىڭ بىلىمسىزلىكىنى چاندۇرۇپ قويىدۇ؟ مۆمىنجاندىن ئۇيغۇرچە بىر ناخشا ئوقۇپ بېرىش تەلەپ قىلىنغاندا ئۇ نېمە ئۈچۈن ساپ ئۇيغۇرچە ناخشا ئوقۇماي، ئۆزبىكچە ناخشىنىڭ ئۇيغۇرچىلاشتۇرۇلغان نۇسقىسىنى ئوقۇپ بېرىپ، خەقنىڭ ئالدىدا ئۆزىنىڭ ناخشا ئوغرىسى ئىكەنلىكىنى ئاشكارىلاپ يۈرىدۇ؟..... دېمەك، مەن بۇ كۆرۈنۈشنى كۆرگەندىن كېيىن، ھاياجانلانماي، ئەكسىچە سەل ئويلىنىپ قالدىم ۋە ئەپسۇسلاندىم. مۆمىنجان ئۇيغۇر ناخشىچىلىرى ئىچىدىكى ساپاسى خېلى يۇقىرى، ئانچە- مۇنچە تارىخ، مەدەنىيەت بىلىمى بار بىرى. لېكىن، ئۇنىڭ سەھنىدە ھەتتا باشقىلار تەرىپىدىن چېلىنىشى (ئاۋۇ رىياسەتچىنىڭ مۆمىنجاننىڭ گېپىنى خالىغانچە بۆلۈۋەتكەنلىكىنىڭ ئۆزى ئۇنىڭ سەھنىىدە چېلىنۋاتقانلىقىدۇر، بىر ئادەم ئۈچۈن ئۆز گېپىنىڭ باشقىلار تەرىپىدىن بۆلۈۋېتىلىشىدىن ئارتۇق ھۆرمەتسىزلىك بولمىسا كېرەك) بىزنى نۇرغۇن ئەپسۇسلۇق سوئال قوينىغا باشلايدۇ. مۆمىنجانغا ئانچە مۇنچە بىلىم ئىگىلەپ قويۇش، ئۇنىۋېرسال ساپا يېتىلدۈرۈش، پىسخىك ساپا يېتىلدۈرۈش، سوغۇققان پوزىتسىيە يېتىلدۈرۈش ھەققىدە ئىككى ئېغىز تەكلىپ بەرگىم كېلىۋاتىدۇ. ئەلۋەتتە، مۆمىنجاننىڭ چېنىپ قېلىشى ھەرگىزمۇ ئۇنىڭ خاتالىقى ئەمەس، بەلكى بۇ ئۇيغۇر جەمئىتىيتىدىكى ناخشىچىنىڭ ناخشىسىنىلا ئاڭلاپ، ئۇنى ناخشىسى ئارقىلىق كۆككە كۆتۈرۈپ، ئۇنىۋېرسال ساپاسى ۋە باشقا مۇھىتتا ئىپادىلەيدىغان كىملىك تۇيغۇسىغا قارىتا ھېچقانداق تەلەپ قويماسلىقتىن ئىبارەت پاسسىپ ئىجتىمائىي خاھىشنىڭ گەۋدىلىك بىر ئىپادىسىدۇر. بۇ بىر ئىجتىمائىي مەسىلە، ئۇنىڭ جاۋابكارلىقىنى جەمئىيەتتىكى مۆمىنجاننىڭ ناخشىسىغا بولغان زوقمەنلىك كاللىسىنى پۈتۈنلەي ئىگىلىۋېلىپ، ئۇنىڭغا قارىتا نۇرمال بىر ئۇنىۋېرسال ساپا تەلىپىنى قويالمىغان، ئۇنى كۆككە كۆتۈرۈش ئارقىلىق بارغانسىرى تەنتەكلەشتۈرۈۋېتىپ بارغان ناخشا زوقمەنلىرى ئۈستىگە ئېلىشى كېرەك.  بىز ناخشىچلارنىڭ ناخشىغا مەپتۇن بولۇپ، ئۇلارنى ھەدىسە كۆككە كۆتۈرىۋەرمەي، ئۇلارنىڭ ئاجىزلىقىنى دادىللىق بىلەن كۆرسىتىپ، ئۇلارغا ئۇنىۋېرسال ساپا تەلىپى، ئىجادچانلىق تەلىپى قويايلى قېرىنداشلار. بىر قولىمىزدا ماختاش، پەخرلىنىش بولسا، يەنە بىر قولىمىزدا تەنقىد، قاتتىق تەلەپ قويۇش بولسۇن. بولمىسا مۆمىنجاندەك ناخشىچىلىرىمىزنى بىر قارشى ئالساقمۇ، خەقلەر داۋاملىق مەسخىرە قىلىدۇ. ئىشلارغا دىئالىكتىكىلىق نۇقتىدىن مۇئامىلە قىلغۇلۇق ئەمەسمۇ؟!

abm165

بىر يىعىنىڭ   بىر كۇلكىسى باردۇر دەپ  مانا  بۇ  چاپلىمىنى  كورۇپ   حەستە  كوڭلۇم   حىلى  ئىچىلىپ قالدى .

abm165

20 يىلدىن بۇيان توخىتماي ناخشا ئوغرىلاش ئارقىلىق، ئۇيغۇر سەنئىتىدىكى ئىجادچانلىقنى ھالاك قىلىش بەدىلىگە ئۆزىگە نوپوز تىكلىگەن ئابدۇللا ئابدۇرىھىمدەك "ئەل سۆيگەن" ناخشىچىلار مانا مۇشۇنداق ئىجتىمائىي ئاقىۋەتلەر ئۈستىدە ئويلىنىپ، جەمئىيەتكە مۇۋاپىق جاۋاب بېرىشى كېرەك. بىز ناخشىچلارنىڭ ناخشىغا مەپتۇن بولۇپ، ئۇلارنى ھەدىسە كۆككە كۆتۈرىۋەرمەي، ئۇلارنىڭ ئاجىزلىقىنى دادىللىق بىلەن كۆرسىتىپ، ئۇلارغا ئۇنىۋېرسال ساپا تەلىپى، ئىجادچانلىق تەلىپى قويايلى قېرىنداشلار. بىر قولىمىزدا ماختاش، پەخرلىنىش بولسا، يەنە بىر قولىمىزدا تەنقىد، قاتتىق تەلەپ قويۇش بولسۇن. بولمىسا مۆمىنجاندەك ناخشىچىلىرىمىزنى بىر قارشى ئالساقمۇ، خەقلەر داۋاملىق مەسخىرە قىلىدۇ. ئىشلارغا دىئالىكتىكىلىق نۇقتىدىن مۇئامىلە قىلغۇلۇق ئەمەسمۇ؟!

      يۇقۇردىكى تورداش ،مۇشۇنداق ئىپلاس گەپلەر  ئىعىزىڭىزدىن قانداق چىقتى ، بۇ سىزنىڭ ئىشلارعا دىيالىكتىك نوقتىدىن  مۇئامىلە قىلعىنىڭىزمۇ ؟  سىز دەۋاتقان  قاتتىق تەلەپنى   پۇتۇن حەلقىمىز  ئىتىراپ قىلعان  بىر سەنئەتكارنى  ئوعرى دەپ  تىللىمايمۇ  قويعىلى بۇلىدىعۇ ؟.  ئە جبا  سىزنىڭ كوزىڭىز  پۇتۇن حەلقىمىزنىڭ كوزىدىنمۇ ئوتكۇرمۇ ؟  ئەگەر  ئابدۇللاعا  ئوچىڭىز بولسا  ئوزىگىلا  دىسىڭىز بولمامدۇ ؟   حەقنىڭ  بالىلىرى  ئوزى تىرىشىپ  شۇنچىلىك مۇۋاپپەقىيەتلەرگە  ئىرىشىۋاتىدۇ ،   قىنى  سىزمۇ بىر ئادەم  بۇلۇش سۇپىتىڭىز بىلەن دەپ بىقىڭچۇ؟  سىز  ئۇيعۇرنى  دۇنياعا تۇنۇتىمەن  دەپ  تەر ئاققۇزىۋاتقان  ئاشۇ سەنئەتكارلىمىزعا  لالما  قانچۇقتەك  قاۋاشتىن باشقا نىمە قىلالىدىڭىز ؟ ، راست گەپنى ئىيتقانداسىزدەك تەنقىتچىدىن ھاجەتحانىنىڭ  پۇرقىنى تازىلايدىعان سىسىق چىۋىن ياحشى .

bayanqur

مىنىڭچە يۇقارقى دوسىتىمىزنىڭ بەرگەن تەكلىپلىرىنى ۋە تەنقىدىنى ھەممەيلەن سۇغۇق قانلىق بىلەن ئويلىمىقىمىز زۈرۈر. مەن گەرچە يۇقارقى دوستىمىنىڭ تەنقىدىنىڭ ھەممىسىنى تۇلۇق شۇنداق دەپ كەتمىسەممۇ بەزى تەخىرسىز پىكىرلىرىنى راستىنلا ئويلىشىپ بىقىش مۇھىم دەپ قارايمەن. چۈنكى تەنقىد ئاڭلىماققا ئاچچىق بولغىنى  بىلەن ئۇنىڭ نەتىجسى ئۇنداق ئاچچىق بولمايدۇ. مەسىلەن مەن مۇشۇ پېروگىراممىنى ئىشلەپ تارقىتىۋاتقان ئۆزبىكىستان خەلق ئارتىسى ئازادبېك نەزەربىكنىڭ سەنئەت ھاياتىغا يىقىندىن دىققەت قىلىپ كىلىۋاتقان بىر كۈرۈرمەن. ئۇ سۈزىدە ۋە سەنئەت ھاياتىدا ئۈزىگە ئىنتايىن قاتتىق تەلەپ قۇيغان بىر سەنئەتكار ، مەسىلەن بۇ كىشى مۇشۇ پېروگىراممىنىڭ مۇشۇ يىللىق يىڭى يىللىق سانىدا بىر يىىلىقنى تەبىرىكلەۋاتقان پەيىتتە ، بىر ئەسسالامۇئەلەيكۇم ھۆرمەتلىك ئازاد شۇۋ پىروگىراممىسىنى كۈرۈشكە كەلگەن ئەزىز مىھمانلار دىگەن جۈملىنى ساق بىريىرىم سائەت يەنى 90مىنۇت مەشىق قىلىپ ئاۋازغا ئالغىنىنى ئەسكەرتىدۇ.يەنە ھەر قانداق بىر يۇرىتقا بارسا ئەڭ ئاۋۋال شۇ يۇرىتنىڭ ئازىراق تارىخى بىلەن مەدىنيىتى توغىرسىدا ھەقىقەتەن قىسقا ۋە چۈشىنىشلىك ئەسكەرىتمىنى بەرگەندىن كىيىن ناخشىلىرىنى باشلايدۇ. بۇلۇپمۇ ئۇنىڭ ئۆز دۆلىتىنىڭ بۇخارا ئوبلاستىدا ئۇيۇن قۇيۇشتىن بۇرۇن ئېيىتقان  مۇنداق بىر سۆزى بۇلۇپ،بۇخارا تارىختا ، دۇنيانىڭ ئەڭ كاتتا مەدىنيەت مەركىزىگە ئايلانغان بىر يۇرىت بۇلىشى بىلەن بىرگە ئۆزبىكىمنىڭ پەخىرى بۇلىقىنى شەكىللەندۈرگەن بۇلاق مەنبەسى  دەپ سالام ئېيتىدۇ. يەنە بىرجەھەتتىن بۇ كىشىنىڭ ناخشا مەزمۇنلىرى بىلەن مېلودىيىسىگە قويغان تەلىۋى ھەم يۇقىرى . يەنى ھازىرغىچە ئۇنىڭ ۋەتەنگە ، ئاتا-ئانىسىغا ۋە ئۆز مىللىتىنىڭ پەخىرلىنىشىگە كىرەك بولغان بارچە ئېسىل تەرىپىگە چېتىشلىق ناخشىلىرى ناھايتى كۆپ . دىمەك لازىمكى مۇشۇنداق بىر ئىسىل سەنئەتكار بىلەن دوسلۇق رىشتىسى ئورناتقان مۆمىنجان ئابلىكىم بىزنىڭ راستىنلا  ئىسىل سەنئەتكارغا لايىق بەزى ئەمىليەتلەرنى شەكىللەندۈرگەنلىكىنى ئىتىراپ قىلساق بۇلىدۇ. ئەمما مۇشۇ قىتىملىق ئۆزبىكىستان سەھنىسىدىكى بەزى سۆز پىكىرلىرى ھەم بۇ پىكىرنىڭ نۇقۇل بىرخىل مەنتىقىلىق ھەمدە شۇ قىرىنداش مىللەتلىرىمىز ئالدىدا ئۈزىنى تۇتۇتىۋالغان ،ساپاسىنىڭ ئۈستۈن بىر شەخىس ئىكەنلىكىنى شۇ ئارقىلىق ئۇيغۇر مىللىتىنىڭ ئۈزىگە خاس ساپاسى بىلەن يەنىلا مەركىزى ئاسىيادىكى قىرىنداش مىللەتلەر ئارىسىدا راستىنلا ناھايتى كۆزگە كۈرۈنگەن مەدىنيەتلىك خەلق ئىكەنلىكىنى ئىسپاتلىشىدىن ئىبارەت ئىزگۈ تەلەپ  بىرمىنىڭ ياكى باشقا بىر قانچە شەخىسنىڭ ئۈمىدى بۇلۇپلا قالماستىن بەلكى مۆمىنجاننىڭ ئۈزى شۇنداقلا ئۇنىڭ مەنىۋى ئۇستازى سۈيۈملۈك ئەل سەنئەتكارى ئابدۇللا ئاكىمىز ۋە شۇنداقلا ئۇنىڭ ئاتا-ئانىسى قىرىنداشلىرى شۇنداقلا بىر پۈتۈن ئۇيغۇر خەلقىنىڭ ئۈمىدى . بۇنى ھەر قانداق ئادەم چۈشىنىشى زۈرۈر. مىنىڭمۇ كەيپىمنى ئۇچۇرغان ئەڭ قاملاشمىغا ئىشتىن بىرى ھىلىقى رىياسەتچىنىڭ بۇ يەرگە كەلگىنىڭىزدىن بىزنىڭ كەيپىياتىمىز بەلەن بولدى. ھەم كەيپى كۈتۈرلدى دىگەن گەپ مەس بۇپ قالدى دىگەن سۆز . گىپىڭىزنى بۆلگەنلىكىمدىن ئۈزىرە سۇرايمەن. دىگەندەك سۆزلەر بىلەن ئۆزىنى كۆرسىتىپ قۇيۇشقا ئالدىرۋاتقانلىقى يەنە شۇنداقلا ئۆزبىكچە ناخشدىن ئېيتىپ بىرەمسىز دىگەندەك ئارتۇقچە  تەلەپ بىلەن سەمەرقەنىتنىڭ نېنىنىچۇ دىگەندەك سۆزلەرنى قىسقىغىنە ۋاقىتتا ياغدۇرۋىتىشى ئادەمنىڭ سەل غىدىقىنى كەلتۈرىدۇ ۋە بىئارام قىلىدۇ. ئەمدى بىز خاتالىقنىڭ ھەممىسنى مۆمىنجانغا يۈكلىسەكمۇ سەل قاملاشمايدۇ. ئەمما تەكلىپ بىرىمىزكى مۇشۇنىڭغا ئوخشاش ئەھۋالدا چۈشكەن پىكىرىنى كۆرگەن  مۆمىنجان سۇغۇققانلىق بىلەن ئويلىشىپ ئەشۇنداق بىر پۈتۈن خەلق نامىدىن پائالىيەتكە دۇچ كەلگەنلىكى مەلۇم بولغاندا دىمەكچى بولغان سۆزلىرىنى قاتتىق دەڭسەپ كۈرىشى ، پۇختا تەييارلىق قىلىشى .ئۈزى دۇچ كىلىدىغان بارچە ئەھۋاللارنى ناھايتى مۇكەممەل ھالەتتە ئويلىشىپ تەمكىن ۋە سۇغۇققان، كەم سۆز پەزىلەتنى يىتىدۈرىشى لازىم. شۇنداقلا ئەشۇنداق يۇمۇرىستىك سۆزلەر بۇلىندىدىغان پەيىتلەردىكى  ئىنكاسى تىز ۋە جايىغا چۈشۈش زۈرۈر. شۇنداق بىر خىل تەمكىن ۋە سۇغۇققان  بۇلۇش كىرەككى بۇنى كۆرگەن كىشى چۇقۇم داڭ قالغۇدەك تەسىرىنى بىرىش تەخىرسىز. بۇ جەھەتتە بىزنىڭ تەكىتلەيدىغىنىمىز يەنىلا يۇقارقى دوستىمىز دىگەندەك ئونۋېرسال ساپا شۇنداقلا كۆپ بىلىم ئىگىلەش ، ھەر قانداق مەسىلىگە دۇچ كەلگەندە ئۆزىدىن خەلقنى ئالدىنقى قاتارغا قۇيۇش شۇنداقلا ئۆز خەلقىنىڭ بىر پۈتۈن مەدىنيەت، تارىخ، ئۆرىپ ئادەت ۋە ئىتىقاد قاتارلىق مۇھىم ئامىللاردىكى ھەقىقى ئەھۋالىنى ئىنىق بىلىشكە ھەرىكەت قىلىشى ئىنتىلىشى ۋە تىرشىشى زۈرۈر. ئىشقىلىپ بۇقىتىمقى پائالىيەت تۇنجى قېتىملىق بولغاچقا بۇ بىزگە نۇرغۇنلىغان تەجىربە ساۋاقلارنى بىرىدۇ. شۇڭا مۆمىنجاننىڭ ئىشلىرىنىڭ تېخىمۇ روناق تىپىشىغا ۋە گۈللىنىشىگە تىلەكلداشلىق بىلدۈرۈپ سۆزىمىنى مۇشۇ يەردە ئاخىرلاشتۇرماقچىمەن.

musafir

ئەسسالامۇ ئەلەيكۇم قىرىنداشلار ، مەن ئۈزىنى غالجىر ئسىمى بىلەن ناملاپ ھاپىلا شاپىلا تىزىملىتىپ مۇنبەرگە كىرىپ ئىنكاس يېزېپ ئولتۇرغان بۇ يولداشقا ئازرراق گەپ قىلىپ قۈيۈشنى لايىق تاپتىم . بۇ كىشى ئالدى بىلەن بىزگە ئەسسلام دەپ سالاممۇ قىلماستىن مۆمىنجانغا پىكىر بىرىشنى باشلىغان . قارىماققا بىلىملىكتەك كۈرۈنگەن بىلەن ئىش كۆرمىگەن بالىلىغى مانا مەن دەپلا چىقىپ قاپتۇ .  مۆمىنجاننىڭ سەھنىدە قانداق سالاملار بىلەن ئوتتۇرىغا چىقىدىغانلىغى ، ۋەتەندىكى ھەممەيلەنگە ئايان .    ۋاقىت چەكلىمىسى بىلەن ئۆلچىندىغان تىلىۋۈزۈر پىىراگراممىسىغا نىسبىتەن  ئەيىتقاندا ئۇنىڭ سالامنى قانداق بەرگەنلىگى شۇ نەخ مەيداندىكىلەرگە ئايان . كوپ ھاللاردا  ت ۋ. پىروگىراممىللىرى كىسىپ قىسقارتىلىپ سۆزلەر ئاستىن ئۈستۈن بوپ كىتىدۈ . ئاندىن مۆمىنجاننىڭمۇ بۈ يەردە تارىخ سۆزلەپ ئولتۈرىشنىڭ نە قەدەر قىيىن ئىكەنلىگىنى سىز پەقەت ۋەتەن سىرىتىغا چىققاندىلا بىلىسىز . يۈلدۈز. ئوسمانىۋا  ئۈزىنىڭ ئۇيغۇر ئىكەنلىگىنى قەيىت قىلىش سەۋۈپلىك ئزبىكىستانغا پاتۇرماي چىقىرۋەتكەن ئۆزبىكلەر ئەلۋەتتە سەھنىگە چىقىشتىن ئاۋال مومىنجاننىڭ قانات قۈيرىغىنى  يىغىشتۈرۈپ ئاندىن ئەچىقىدۇ،. ئاڭلىشىمچە ئۆزبىكىستاندا ياشاۋاتقان ئۇيغۇرلار مۆمىنجاندىن ئىنتايىن خوشالىكەن . چۈنكى يېقىندى بۇيان ئۆزبىك تىلبۋىزىسىدە ئۇيغۇر كىملىگى بىلەن ئوتتورغا چىقىش مەننى قىلىنغان..ن.....  ئۈنىڭ نىمە ناخشا ئەيتىشى ئالدى بىلەن قاتتىق تەكشۈرىلدۈ . ئۇ بۇ قېتىم ئەيىتقان ناخشا يىڭى ئىجادى ناخشا ئىكەن . ئۆزبەك مۇزىكانىتلار تەڭكەش قىلسا ھىلىغۇ ئىجادى ناخشا كەن مۇقام بولسىمۇ ئۆزبىكچە چىقىپ قالىدۈ . شۇڭا بۇ ھەقتە سىزنىڭ باھا بىرىشىڭىزنىڭ زورورىيتي يوق . مۆمىنجان شۇلارنىڭ ئالدىدا شۇ ناخشىنىڭ ئىگىسى.   ئۇنداق بولمىسا ئۇمۇ بۇ ناخشىنى ئەيىتمايتى .

^  

دوپپام

مۇشۇ  مۇنبەرلەرگە ناگان - ناگاندا پەيدا بوپ قالىدىغان <<كالتەك>>چى تورداشلارنى كۆرگىنىمدە سەت خۇيۇم تۇتۇپ كىتىدۇ جۇمۇ،ماۋۇ غالجىر ناملىق تورداش  تېخىمۇ غالجىركەن،ئەقلى بار ھەرقانداق بىر تورداش ياكى ئوقۇرمەن ئۇنىڭ ئىنكاسلىرىنى كۆرسە تەبىئىيلا ئۇنىڭ ئابدۇللا ئابدۇرېھىم ۋە مۆمىنجانلارنى كۆرەلمەيدىغان بىر ئىنسان ئىكەنلىكىنى بىلەلەيدۇ.غالجىر سىز ئۇيغۇرغا نىمە ئىش قىلىپ بەردىڭىز؟ مۆمىنجان ئەسسالامۇئەلەيكوم دېمىدى دەپ تەنقىتلەپ كىتىپسىز،ھېلىمۇ ئۇيغۇرچە سۆزلەيمۇ ياكى ئۆزبىكچىمۇ دەپ ئۇلار جاۋاب بەرمەستىنلا ناھايتى ئۇستىلىق بىلەن ئۇيغۇرچە سۆزلەۋىرەي دەپ ئۇيغۇرچىدا سۆزلەپ كەتتى،ئۇدۇللۇق ئۇيغۇرچە ئاھاڭدا سۆزلىسە قىسمەن تاماششىبىنلار چۈشىنەلمەيدۇ دەپ ئۆزبىك ئاھاڭىدا سۆزلەپ بەرسە نىمە بوپتۇ،ئۆزبىكلەرنىڭ ئاۋۇ رىياسەتچىسى تۇلا گەپ تارتىۋېلىپ ،ئۇ بۇ چاقچاق قىلىشلىرىنى مۆمىنجاندىن كۆرمەي رىياسەتچىنىڭ ساپاسى شۇنچىلىك ئىكەن دەپ كۆرسەك تامامەن توغرا بۇلىدۇ،ئېشىڭىز ئوخشىمىغا ئەكەپ قازىنىڭىزنى چېقىۋەتمەي ئۇستام نىىمىشقا تاماقنى ياخشى ئەتمىدى دەپ كۆرۈپ باققۇلۇق،مۆمىنجاننىڭ بۇ سىنى ئۇنتالماسمەن دېگەن ناخشىسى مەن بىلىشىمچە ئۆزبىكىستاندىمۇ خېلى مودا بولغان،ئەلكۈيى تورىدا ئاڭلىتىلغاندىن كىيىن يېقىن يۇرقلىرىم شۇنداقلا خىزمەتداشلىرىم دائىم ئاڭلايدىغان ناخشىلىرىنىڭ بىرى بوپ قالدى،خەق قېرىنداش مىللەتلەرنىڭ تېلىۋىزىيەسىگە چىقىپ يېرىم يالىڭاچ سۆزلەپ،باشقا تىلدا سۆزلەپ ...قىلىپ كەتسە ھاياجانىڭىز تۇتمايدىكەنيۇ،پەخىرلىك ئوغلان مۆمىنجان ئابلىكىم ئۆزبىكلەرنىڭ ئېتىراپ قىلىشى بىلەن ئۇيغۇر نامى بىلەن دۆلەت ئاتلىغان بىر تېلىۋىزىيە ئىستانسىسىدا سۆزلەپ ئۆزىنىڭ قىسقىغىنا 10 نەچچە مىنۇتلۇق پۇرسىتىدە ئۇلارغا ئۇيغۇر سەنئەتكارلىرىنى شۇنداقلا ئۆزىنىڭ ياخشى بىر ئۇيغۇرچە ئىجادىيتىنى سۇنسا<<غۇرۇرىڭىز>>تۇتۇپ كىتىپتۇ،نوچى بولسىڭىز تام تۈۋىدىن ھۇشۇر قوپقاندەك تۇيۇقسىز پەيدا بوپ گەپ قىلىپ قويماي گىپىڭىزگە ئىگە بۇلۇڭ،مۇھىمى <<ھېزىم كالتەك>>دېگەن قارا - قۇيۇق تەنقىتلەشنى ئۆزىڭىزگە <<بۇرچ>>قىلماي،گەپنى ئىلمىي - ئاساسىڭىز بىلەن قىلىڭ،خەلقىمىز ھازىر سىزدەك شۇئارچىلاردىن بەكرەك ئەمەلىي ئىش قىلغانلارنى ياخشى كۆرىدۇ،نوچى بولسىڭىز مەكتەپ ئېچىڭ،مەكتەپ ئاچالمىسىڭىز بىر ئادەمگە پايدىلىق بولسىمۇ تېما ئىنكاس يېزىڭ،ناخشىچى بولسىڭىز خەلقىمىز ياقتۇرغۇدەك ناخشىلارنى ئېيتىپ ئابدۇللادەك،مۆمىنجاندەك ئەل سۆيگەن ناخشىچىلاردىن بۇلۇڭ،ئابدۇللا ئابدۇرېھىم ئۇيغۇر سەنئىتىنىڭ گۈل - تاجىسى ئۇنى بۇ يەرگە سۆرىگەنلىكىڭىزدىن قانچىلىك پىتنىخور،ساپاسىز ئىكەنلىكىڭىز مانا مەن دەپ چىقىپ قاپتۇ.
گەرچە تەنقىدلىرىڭىزدە ئىلمىي ئاساسلار يوق دىگىلى بولمىسىمۇ،ھەددىدىن زىيادە ئاشۇرۋېتىش (گۈلەننىڭ گىپى بويىچە بولغاندا تەنقىد ئاشقۇنلىقى)سىزدە بەك ئەكىس ئىتىپتۇ،سىزنىڭچە مۆمىنجان ئۇلار بىلەن گەپ تالىشىپ،سەن ئۇنى دېدىڭ،مەن بۇنى دىدىم دىسە بۇلامتى،ئۇ يەردە بىزدە 12 مۇقام بار دەپ سۆزلەپ 10 مىنۇتنى نەزىريە بىلەن سۆزلەپ بەرسە بۇلامتى،بۇ پروگرامما سەنئەت پروگراممىسى ، ئۇ تارىخنى ئەمەس بەكرەك سەنئەتنى تەلەپ قىلىدۇ،ھېلىمۇ پروگراممىنى تولۇق كۆرگەنلەر ئۇنىڭ ئادىل مىجىت ،ئابدۇكېرەم ئابلىز،ھېسام قۇربانلارنى ئالاھىدە تىلغا ئالغانلىقىنى ،ئۇيغۇرلار ھەققىدە پۇرسەت بولسا سۆزلىگەنلىكىنى ، ئاخىرىدا ئۆزبىكلەرگە ئۇيغۇرچە ئېسىل ناخشىدىن بىرنى ئۇرۇنداپ سورۇننى تېخىمۇ ئەۋجىگە چىقارغانلىقىنى كۆرىۋالغىلى بولىدۇ.

adwukat100

ماۋۇ دوقمۇشتا بىردەم ئولتۇرۇپ ھاردۇق ئالغاچ كېيىنكى ئىنكاسلارنى كۈزىتەي. 2009-يىلى مۇرات ناسىروۋ ئۈستىدە بولۇنغان گەپ سۆزلەردەك جىدەل بۈگۈن ئەلكۈيىدە ئوينىلىدىغان ئوخشايدۇ

sabaaa

ئەسالامۇ ئەلەيكۇم ھۆرمەتلىك تورداشلار ياخشىمۇسىلەر!
ئەل سۆيگەن ناخشىچىمىز مۆمىنجان ئابلىكىمنىڭ ئۆزبىكىستاندا ئېيىتقان ناخشىسىنى ئاڭلاپ ھەممىمىز بارىكاللا ئېيىتتىۇق. ئەمما، ئاشۇ بارىكاللىنى ئېيتىۋاتقىنىمدا مەنمۇ بەزى مەسىلىلەرنى ئويلاپ قالدىم.  مېنىڭ نەزەرىمدىكى مۆمىنجان ئابلىكىم خۇش پېئىل، تىرىشچان، زامانغا ماس ھالدا ئىنتىلىش روھىغا باي بىر ناخشىچى. ئۇندىن باشقا ئۇ كەسىپ ئاتلاپ چىققان، ئاتلاپ چىققان كەسپىدە مەلۇم نەتىجە ياراتقان بىر شەخس، ئۇنىڭ كۆپلىگەن لىرىك ناخشىلىرى كۆپلىگەن ئۇيغۇر ۋە ئۇيغۇر تىلىنى بىلىدىغان تاماشابىنلارنى ئۆزىگە مەھلىيا قىلىۋالغان، نۇرغۇنلىغان تاماشابىنلارنىڭ قەلب تۆرىدىن ئورۇن ئالغان سۆيۈملۈك ياش.
ئەمما ئۇنىڭ «ئازاد شوۋ» پىروگراممىسىدىكى ئىپادىسى ئۇنىڭ يەنىمۇ تىرىشمىسا بولمايدىغانلىقىنى ئىپادىلەپ بەردى. مەسىلەن: ئۇنىڭدا تېخى «ۋەزىن» يېتىلمىگەن. ئۇنىۋېرسال ساپا قۇرۇلمىغان. بۇنى ئۇنىڭ سەھنىدىكى ئىپادىسىدىن كۆرۈۋالغىلى بولىدۇ، قىزىق يېرى شۇكى، «نەسرىدىن ئەپەندى»دىن ئىبارەت خەلقنىڭ ئومۇمىي ئەقلىي مۇجەسسەملەنگەن بىر دانىشمەن پىروروتىپنى ئۇيغۇرلارنىڭ چاقچاقچىسىغا ئايلاندۇرۇپ قويغان. «ئادىل مىجىت»، «ئابدۇكېرىم ئابلىز»لاردەك ئىتوتچىلىرىمىزنى شۇ قاتارغا قوشۇۋەتكەن. بىزددە يۈرۈشلەشكەن چاچچاق ھەم ئەقىللىق ھازىرجاۋاب چاچچاقچىلىرىمىز كۇرمىڭ. بۇنى مۆمىنجان بىلىشى كېرەك. مۆمىنجان تارىختا ئوقۇغان، بۇ ھەرگىزمۇ ئۇنى تارىخ سۆزلەشكە مەجبۇر قىلمايدۇ. ئەمما، تارىخ ئوقۇش مەدەنىيەتنى نەدە قانداق سۆزلەشكە يېتىپ ئاشىدۇ.
مۆمىنجان مەن سىزنىڭ ناخشىلىرىڭىزنى ياخشى كۆرىمەن. ئەمما ئۆزبىكىستان تېلېۋېزىيە پىروگراممىسىدىكى ئىپادىڭىز مېنى ھەيران قالدۇردى.  سىزگە بۇ گەپلەرنى دېيىشىم سىزنىڭ ئاممىۋىي شەخس بولغانلىقىڭىز  ۋە ئاممىۋىي شەخس سۈپىتىڭىز بىلەن ئاممىغا ۋەكىل بولغانلىقىڭىز ئۈچۈندۇر. ئەگەر ئۇنداق بولمىغان بولسا بۇ ئىنكاسنى يازمىغان بولاتتىم. سىز ياش  مېنىڭچە بۇ جەھەتتە بارغانسېرى پىشىپ يىتىلىسىز، بۇنىڭغا ئىشەنچىم كامىل.
يەنە بىرگە توردىشىمىز musapir نىڭ «ئۆزبېك مۇزىكانتلار چالغان مۇزىكىدىن ئۆزبېكچە پۇراق چىقمامدۇ» دېگەن گېپىگە قوشۇلالمايمەن. بۇ شۇ مۇزىكانتلىرىمىزغا قىلىنغان ھاقارەت، يەنە بىرى « ئۆزبېكلەر ئەلۋەتتە  سەھنىگە چىقىشتىن ئاۋۋال مۆمىنجاننىڭ قانات قۇيرىقىنى يىغىشتۇرۇپ ئاندىن ئاچىقىدۇ» دەپسىز. بۇ يەردە سىز مۆمىنجاننى ماختاۋاتامسىز ياكى ئۇنىڭغا ھاقارەت قىلىۋاتامسىز؟ «قانات - قۇيرۇق»لىرى يىغىشتۇرۇۋېتىلسىمۇ يەنە سەھنىگە چىقىشقا مۆمىنجان ازى بولارمۇ؟ ئاندىن ئۇنىڭ ئارقىسىدىكى قۇدرەتلىك ۋەتەن رازى بولارمۇ؟
مۆمىنجان كەسپىڭىزگە ھەم ئىشلىرىڭىزغا ئۇتۇق تىلەيمەن.

turkoghli

ئاللاھ ئشلىرىمىزنى ئوڭۇشلۇق قىلسۇن !!!