ئەرلەر قېچىڭلار (ھېكايە)

matu

	ئەدەبى ئەسەر دىگەن ئاجايىپ بولىدۇ،تالدى بۇنى يازغاندا بايىقى مۇلاھىزىچى بۇرادەرلەرنىڭ تەھلىللىرىنى ئويلاپمۇ باقمىغان بولسا كېرەك.مېنىڭچە ئۇ پەقەت ھاياتلىق ،تۈر،جىنىس دىگەندەك ئۇقۇملار ئۈستىدىكى ئويلىنىشلىرىنى فانتازىيىلىك ئۇسلۇپتا ئوتتۇرىغا قويماقچى. فانتازىيە ئۇيغۇر ئەدىبىياتىدىكى ئەڭ ئاجىز بىر تۈر،يوق دىسەكمۇ بولىدۇ.چۈنكى بۇرۇن يېزىلغانلىرى زىيادە يۇمشاق....تالدىنىڭ قەلىمىدە ئاز-تولا"قاتتىق"ئىلمىنىتلارنى كۆرۈپ تۇرۇپتىمەن،بۇ بىر ئوماق باشلىنىش. 20نەچچە يىلدىن بېرى فانتازىيە ئوقۇپ كەپتىمەن،تالدى بۇرادەرنىڭ قىزىقارلىق پىكىرلىرىگە ئورتاقلىشىشنى خالايمەن،ئامان بولۇڭ.

دوپپام

	تالدى بۇرادەر يېقىندى بۇيان بىر قىسىم تېمىلىرىڭىز بىلەن ئەلكۈيىدە تورداشلارغا ئۆزگىچە ئىجادىيەتلەرنى سۇنۇپ كىلىۋاتىسىز،سىزنىڭ بىر ياخشى ئۇقۇرمەنىڭىز بۇلۇش سۈپىتىم بىلەن ئىجادىي ھاياتىڭىزنىڭ داۋاملىق تەرەققىي قىلىشىنى شۇنداقلا بىزگىمۇ ياخشى نەرسىلەرنى سۇنۇپ تۇرىشىڭىزنى سەمىمىي ئۈمىد قىلىمەن  ھەمدە ئويلىغانلىرىمىزنى تورداشلار بىلەن بىرگە مۇنازىرە قىلىپ چىقىمىز. مەن ئۇيغۇرلار يازغان  فانتازىيەلىك چوڭراق تىپتىكى ئەسەردىن مەرھۇم يازغۇچى ئارسلان يازغان<<ئۇپۇققا تۇتۇشقان يوللار>>ناملىق روماننى بىلىدىكەنمەن،مۇشۇ رومانمۇ بىزدە ياخشى بىر قېتىم ئوپراتسىيە قىلغۇدەك ئەسەر ئىدى،ئەپسۇس بۇ رومان ھازىرقى بالىلارغا ناتۇنۇش بوپ كەتكەن بولسا كېرەك. مەتۇ نامىدىكى تورداش سىزنىڭ كەسپىڭىز فانتازىيەمۇ؟

aypare

	ئەسىرىڭىزنىڭ ئۇسلۇبى ماڭا بەكلا ياقتى،بۇ ئەسەرنىڭ پەن-تىخنىكا ئاساسىمۇ بارئىكەن،يىشىمىمۇ بەكلا قىزىقارلىق،ئويلىمىغان يەردىن چىقىپتۇ.بۇنى بىر يىڭىلىق دىسەك بولغۇدەك.قالتىس بوپتۇ!

matu

	ياق،ھەۋەسكارمەن.

-yalpuz-

	بۇلۇپمۇ ئاۋۇ ساقچىنىڭ قىزنى ئىتىۋەتكىنى ... مەنمۇ تىخى تەرجىمە ئەسەرمىكىن دەپتىمەن ....

yabera

	كىچىكىمدە كىمدىن ئاڭلىغىنىم ئىسىمدە يوق ، مۇنداق  بىر  گەپلەرنى  ئاڭلىغانتىم .     زامان ئاخىر  بولغاندا ، بىر ئەرنى 40 ئايال تالىشىپ، قوغلاپ ،ئەر تىرەك ئۈستىگە چىقىۋالسا ، ئاياللار  يىڭنە بىلەن دەرەخنى كولاپ يىقىتىپ ، ئەرنى  پارە پارە قىلىپ  بۇلىشىۋالىدىكەن .. .....     چوڭ  بولدۇم  ، ئاز تۇلا  كىتابلارنى  كۆردۈم ،  بىراق  ئۇنداق  مەزمۇن  ئۇچراتمىدىم ...   بۇ  ھىكايىنى  ئۇقۇپ  شۇلار  ئىسىمگە  كىلپ  قالدى .    بۇ  مەن كۆرگەن   تېمىڭىزنىڭ  ئىككىنجىسى   .      تۇلىمۇ  ئۆزگىچە  .       سىزگە  ئۇتۇقلار  يار  بولسۇن !!! سىز.... ..پىسخولوگمۇ ؟

gulvm

	قەلەم  تۇلپارىڭىز  ھارمىغاي  !

taldi

	مەتۇ بۇ ھېكايىنىڭ ئويلىغىنمدەك چىقمىغانلىقىنى ئېتراپ قىلمەن ،چۈنكى مەن ۋېكى تورىدىكى گېن ھەققىدىكى يېشىلمىنى ئوقۇۋاتقان چېغىدا كېلىپ قالغان بىر خىيال بىلەن يېزىپ ھەم ھېچقانداق ئىشلىمەي يوللاپ قويغان .   لېكىن بۇ يەردە بىر مەسىلە بار .ئۇ بولسمۇ ئەسەردىكى ئۆلۈۋالغۇچى گېن شېفىرى ئانالىزى مۇتەخەسىسىنىڭ چۈشى .مەن چۈش تەبىرىگە ئوقۇلما دېگەن تېمىدا چۈشنىڭ ئارزۇنىڭ قېنىشىنى ئىزدەش ئېكەنلىكىنى كۆرسەتكەن ئېدىم(بۇ مېنىڭ ئەمەس ،فرىئۇدىنىڭ يەكۈنى )   ئۇنىڭ چۈشىدىكى بىرقانچە ئويلىشىشقا تېگىشلىك نەرسلەر بار .يالىڭاچ ئاياللار ،كۆۋرۈك ئاستى ،پىچاق دېگەندەك .   مەن ئەسلىدە چۈش تەبىرىگە ئوقۇلمىنى يازغان چاغدا ،چۈش ھەققىدىكى بەزى سىمۋوللۇق نەرسىلەرنى سۆزلىمەي ئۆتۈپ كەتكەن ئېدىم .بۇ يەردە ھەم بۇ توغىرسىدا ئانچە كۆپ توختالماي .لېكىن ئۇنىڭ چۈشنىڭ ئاساسىي بولسا ،ئۇ ئۇزۇن مەزگىل بويتاق ياشىغان ھەم تەجىرىبىگە ئۆزىنى ئاتىغان بىر گېن مۇتەخەسىسى دېسەك ،ئۇنىڭ چۈشى ئۇنىڭ ئاياللارغا بولغان ناھايىتى كۈچلۈك تەلپۈنشى ئېپادىلەنگەن .بۇنىڭ سەۋەبىنى ئۇنىڭ چۈشىدىن بىلگىلى بولىدۇ . گەرچە پىرسوناژنىڭ تۇرمۇشى ھەققىدە مەن توختالمىغان بولساممۇ ،لېكىن ئۇنىڭ چۈشىنى تەسۋىرلەش ئارقىلىق ئۇنىڭ تۇرمۇشىدا ئاياللار بىلەن ئۇچىرىشىش پۇرستىنىڭ ناھايىتى ئازلىقىنى بىلۋالغىلى بولىدۇ .دېمەك ئۇ ھەم ئاياللاردىن قورققان ھەم ئاياللارغا تەلپۈنگەن .بۇنى قانداق چۈشىنىش كېرەك .بۇ يەنە ئوقۇرمەنلەرگە قالغان سوئال ؟ئەمەلىيەتتە ئۇنىڭ ئۆزىنى ئۆلتۈرۈۋىلىشى ھەرگىز ئاياللارنىڭ ئەرلەردىن يۇقىرى دەرىجىلىك ھايۋان ئېكەنلىكىدە ئەمەس .   كۆۋرۈك ئاستى -ئاياللىق جىنسى ئەزاغا سىمۋوللۇق قىلىنىدۇ .(ئاھ ،خۇدا ،ئەسلى بۇ توغۇرلۇق كاپشىپ كەتمىسەم بولاتتى .مەن بۇ يەردە ئۆزۈمنىڭ خىجىل بولغانلىقىمنى بىلدۈردۈم .قالغىنىغا تورداشلار بىر نېمە دېسۇن ،مېنى ئەيبلىسىمۇ مەيلى ) پىچاق -ئەرلىك ....سىمۋولى . ئەمدى سىز چۈش تەبىرىگە ئوقۇلمىنى ئوقۇپ باقسىڭىز ،بەلكىم ئۇ چۈش ھەققىدە بىرەر ئۇچۇرغا ئېگە بولۇشىڭىز مۇمكىن .   مەن بۇ يەردە بۇ چۈشنى ئورۇنلاشتۇرمىساممۇ تامامەن بولاتتى .لېكىن بۇيەردە يەنە بىر ئىلمى ئاساسى بار چۈشتىن بىرنى ئورۇنلاشتۇرۇپ قويۇش ئارقىلىق ئەسەرنى تېخمۇ مۈجىمەللەشتۈرمەكچى .   مەن كەسپى يازغۇچى ئەمەس .بىراق كەسپى يازغۇچىلىرىمىزنىڭ بۇنداق كىچىك ئەمما سەل قارىغىلى بولمايدىغان نۇقتىلارغا سەل قارىماسلىقىنى ئۈمىد قىلمەن .مەسلەن ،بىزنىڭ يازغۇچىلار بالىلار تۇرمۇشىنى تەسۋىرلىگەن چاغدا ،مۇنداق يېزىشى مۇمكىن .   پالانچى كىچىك دوست ئۆيدىن چىقىپ ئاسمانغا قارىدى .ھاۋا ناھايىتى ياخشى ئېدى ،بۇلۇتلار ئاپپاق قويلاردەك ئاسماندا لەرزان ئۇچۇپ يۈرەتتى ...   ئەمەلىيەتتە كىچىك بالىلار ئۆيدىن چىققان چاغدا ئۇلارنى كۆزىتىش دۇنياسى ئۇلارنىڭ ئاياق ئاستدىكى دۇنيا .يەنى ئۇلار كۆرگەن چۆپلەر ،كىچىك تۆمۈر پارچىسى ،ئۆمۈلەپ ئۆتۈپ كېتۋاتقان قۇرۇت ..............ۋاھاكازالار .ئەسەر يازغان چاغدىكى چىنلىق مۇشۇنداق كىچىك تەرەپلەردىن ئېپادىلىنىپ قالىدۇ ..   چۈنكى ئۇلارنىڭ كۆزىتىش دائىرىسى ئۆيدىن چىقىپلا ئاسمانغا قاراش بولۇپ كېتىشى ناتايىن .   -بۇ مەزمۇن ئامىرىكا پىسخولوگىيە جەمئىيىتى 3000 دىن ئارتۇق بالىنىڭ تۇرمۇشىدىن ئىستاستىكىلاپ ئالغان ئۇچۇردىن ئېلىندى . بۇ قۇرلارنى يېزىۋاتقان چاغدا ،بىزنىڭ  بالىلار ئېسىمگە كېلىپ قالدى . بىزنىڭ بالىلىرىمىزمۇ تامامەن چوڭلارنىڭ ئېرادىسى بويىچە تەرتىپلەنگەن دۇنيادا چارچىغىنىچە ياشاۋاتىدۇ ،بىز ئۇلارغا ئادىل مۇئامىلە قىلمىدۇق .   بىر ئەسەر بەزىدە ئەسەر يازغۇچىنىڭ نۇرغۇن پىسخىك توقۇنۇشلىرىنى ياكى يوشۇرۇن ئېڭىدىكى مەلۇم نەرسىلەرنى ئەكس ئەتتۈرۈپ بېرىدۇ .لېكىن بۇ تۇيغۇدىكى ئەركىنلىك ،يەنى قېنىشقا ئېرشەلمىگەن ،ئەمما يوشۇرۇن ئاڭدا ساقلىنىپ قالغان بەزى ئۇچۇرلارنىڭ قېنىشنى ئىزدەشتىن ئېبارەت .سىز بىر چىرايلىق قىزنى كۆرسىڭىز ئۇنى سۆيۈپ قويغۇڭىز كېلىدۇ (بۇ پەقەت بىر مىسال كەلتۈرۈپ ئېيتىلغان سۆز )،بۇ سىزنىڭ تۇيغۇڭىز .لېكىن سىز رېئاللىقتا ئۇنى قىلالمايسىز .شۇڭا بىر ئەسەرگە باھا بېرىشتە يازغۇچىنىڭ ئەشۇ تۇيغۇلىرى بىلەن يازغۇچى ئۆزىنى ھەرگىز ئارلاشتۇرۇۋالمايلى .ئەسەرنىڭ مەيلى قانداق بولۇشى ھەرگىز يازغۇچىنىڭ ئاشۇنداق ئېكەنلىكىنى تامامەن بىلدۈرۈپ كەتمەيدۇ .    دوپپام بۇرادەر سىزنىڭ ئېنكاسىڭىزدىن سىزنىڭ سەمىمىي ھەم تۈز ئېكەنلىكىڭىزنى بىلدىم (ھا..ھا..ئېنكاستىنمۇ سىزنىڭ بەزى روھىي ئۇچۇرلىرىڭىزنى بىلگىلى بولىدۇ،بولۇپمۇ كۆڭۈل سۆزى خارەكتىرلىك  ) ئەمدى ئەسەر يازسام چوقۇم ئەستايدىللىق بىلەن يازىمەن .بۇ سۆزلىرىڭىز ماڭا مەسئۇلىيەت تۇيغۇسىنى يۈكلىدى .ئەمەلىيەتتە مەيلى كۆڭۈل ئېچىش ئۈچۈن يازساممۇ ،ئەستايىدىل بولۇشنىڭ زۆرۈرلىكىنى بىلدۈردىڭىز .رەھمەت .   توغرا ،بەلكىم بىز ئەدەبىيات ساھەسىدە ئورنىمىز يوق ئادەملەردىندۇرمىز ،لېكىن ھەر كاللىدا ھەر خىيال .پاراڭلاشساق تامامەن بولىدۇ .مەنمۇ ياسالمىلىق قىلماي ئويلىغىنمنى ئايىمايمەن .   بىزنىڭ يازغۇچىلارنى چەكلەپ تۇرۇۋاتقان بىر ئامىل ئوقۇرمەنلەر دەپ ئويلايمەن .سىزنىڭ بۇ ھەقتە قانداق ئويلىرىڭىز بار ؟بەلكىم بۇ سوئال سەل قاتمال بولۇپ قالدى ،ئەلۋەتتە ئوقۇرمەنلەرنىڭ تاللاش ھوقۇقى ۋە پىكىر قىلىش ھوقۇقى بار .بىراق بۇ ئېنچىكە ھالقىلارنىڭ ئىچىدە يەنە نۇرغۇن ئوقۇرمەنلەرگە ئائىت مەسىلىلەر ساقلانماقتا .بۇنى ھەم ئېتراپ قىلماي بولمايدۇ .بۇ ھەقتە يەنە پاراڭلىشارمىز .

taldi

	راست گەپ قىلسام توردا مۇنازىرە قىلىشتىن قورقۇش ئۇنىۋىرسال كېسلىم بار  ،چۈنكى پىشىپ يېتىلمىگەنلكىمنى ھېس قىلمەن .چۈنكى مېنىڭ ئىشلارنى مۇرەككەپلەشتۈرۈۋالغۇم يوق .بولدىلا سۆزلىمەي .ئەسەر يېزىپ باھالاشنى تورداشلارغا قويۇپ بېرىشم ئاقىلانىلىكتەك تۇرىدۇ .

matu

	تالدى،روھى ئانالىز توغرىسىدا ئاممىۋى سورۇنلاردا پاراڭلاشماي تۇرايلى