ئەرلەر قېچىڭلار (ھېكايە)

taldi

	ساقچى باشلىقى قاسىم  يېتىپ كەلگەن چاغدا ،ئۆلگۈچىنىڭ قوشنىلىرى سېرىق رەڭلىك ئاگاھلاندۇرۇش بەلگىسىنىڭ  سىرتىدا ئۆي تەرەپكە قاراپ بېشىنى سوزغىنىچە قاراپ قوياتتى .ئۇ ئىشىك ئالدىدىكى ساقچىغا ئۆزنىڭ كىنىشىكىسىنى كۆرستىپ ئۆي ئىچىگە كىردى .ئۆينىڭ ھەممە دېرىزىسى قارا پەردىلەر بىلەن يېپىۋىتىلگەن .ئۆلگۈچى ئۆزنىڭ ئۈستىلى ئالدىدىكى كومپىيۇتىرىغا بىر نەرسە يېزىپ قالدۇرۇپ قويۇپ ئۆزىنى ئېتىۋالغان ئېدى .ياش ساقچى دېلۇ خاتىرلەش دەپتىرىنى ئېلىپ ئۇنىڭ قېشىغا كەلدى .   -ئۆلگۈچى ئۆزىنى ئۆلتۈرۈۋالغان .ئۇنىڭ سالاھيىتىنىڭ بىر گېن شىفىرى يېشىش مۇتەخەسىسى ئېكەنلىكىنى بىلدۇق .ئۇ بىر ئاينىڭ ئالدىدا ئۆزنىڭ تەجىرىبىخانىسىدىن چىقىپ كەتكەنچە ،ھازىرغىچە ئۆيىدىن چىقمىغان ،ئاخشام ئۆزىنى ئۆلتۈرۈۋالغان .ئوق ئاۋازىنى ئاڭلىغان قوشنىلىرى دېلو مەلۇم قىلغان .ھازىر ئېگىلىگەن ئەھۋال مۇشۇنچىلىك .ياش ساقچى يىگىت ئۇنىڭغا ئېيتىپ بولۇپ قانۇن دوختۇرىغا ياردەملىشىپ جەسەتنى قۇتقۇزۇش ماشىنسىغا بېسىش ئۈچۈن كەتتى . ھەممە ئىشلار تۈگىگەندىن كېين ساقچى باشلىقى ئۇنىڭ كومپيوتىرىدىكى ئۇ يېزىپ قالدۇرۇپ كەتكەن نەرسىلەرنى ئېلىپ ئىشخانىسغا كەتتى .ئۇ ئۆلگۈچنىڭ نېمە يازغانلىقىغا قىزىقاتتى ،بۇ بەلكىم ئۇنىڭ ئۆلىۋىلىش سەۋەبىنى يېشىپ بېرەلىشى مۇمكىن .   ئۇ ياردەمچىسى دەملەپ بەرگەن قەھۋەنى ئىچكەچ ،ئۆلگۈچى يېزىپ قالدۇرغان ھۈججەتتىنى كۆرۈشكە باشلىدى .   -ئەرلەر قېچىڭلار ،ئاياللار بىزنى يوقاتماقچى !   ئۇ كۈنى تەجىرىبىخانىدا مەن گېن شېفىرىنى ئانالىز قىلۋاتاتتىم .تۇيۇقسىز ئانالىز نەتىجىسىدە كۆرگىنىم ، ئەرلەرنىڭ  XY خىروموسومدىكى X خىرومۇسۇم ئۈچ مىڭدەك گېننى ئۆز ئىچىگە ئالىدىكەن ،ئۇنىڭ ئۈستىگە ناھايىتى ئاكتىپ ،Y خروموسم بولسا نەچچە ئون گېننى ئۆز ئىچىگە ئالىدىكەن .بۇنىڭغا بۇرۇن دىققەت قىلماپتىكەنمەن .ئاياللارنىڭ XX  خىرومۇسۇمدىكى گېن ئۇچۇرلىرى ئەرلەرنىڭ Y خرومۇسىمىدىن نەچچە مىڭ ھەسسە كۆپ ئېكەن .دېمەك ئاياللار ئەرلەرگە قارىغاندا تېخمۇ ئالىي دەرىجىلىك ھايۋان بولۇپ قالىدۇ .بۇنىڭغا سەل قاراشقا بولمايدۇ ،سەۋەبى ئادەم بىلەن ئورانگوتاننىڭ گېن تۈزۈلۈشى %99 ئوخشايدۇ .ئەشۇ ئوخشىمغان %1 بولسا ئادەمنىڭ ئادەم ،ئورانگوتاننىڭ ئورانگوتان بولۇشىنى كەلتۈرۈپ چىقارغان .ئەرلەر ئاياللارنىڭ ئالدىدا ئورانگوتاندەك ساددا بولدى دېگەن گەپ ...كاللامدا بۇ خىيال كېچىۋاتقان چاغدا ،ياردەمچىم ماھىرە –قەھۋە ئىچىۋىلىڭ .دېدى ،مەن بۇرۇلۇپ ئۇنىڭغا قارىغان چېغىمدا ئۇ قەھۋە ئەمەس بىر پىچاقنى تەڭلەپ كېلۋاتقاندەك تۇيۇلدى ،ئۇنىڭ چىرايى تولىمۇ قورقۇنۇچلۇق كۆرۈنۈپ كەتتى .مەن دەرھال نەرسىلىرىمنى يىغىشتۇرۇپ ماشىنامنى ھەيدىگۈنىمچە ئۆيۈمگە قاراپ قاچتىم .ماھىرە ھازىرلا ئارقامدىن قوغلاپ كېلىدىغاندەك جىددىيلىشەتتىم .ئۆيگە كېلىپ ھەممە دېرىزىلەرنى پىلاستىر بىلەن چاپلىۋەتتىم .تارتمامدىن تاپانچامنى ئېلىپ تۇتقىنىمچە ئورۇندۇقتا ئولتۇرۇپ ئىشىك تەرەپكە قاراپ تۇراتتىم .خۇددى بىر ئايال ھازىرلا كېلىپ جېنمدىن جۇدا قىلدىغاندەك ئەندىكەتتىم.ئاھ ،گېن نۇقتىسىدىن قارىغاندا ئەرلەر ئاياللارنىڭ ئالىي دەرىجىلىك ئەرمەك ھايۋىنى ئېدى .بۇ چاغدا مەن ئوقۇغان كىتابلارنىڭ ھەممىسىدە ئاياللارنى چۈشەنمەك قېيىن دىگەن سۆزلەر يادىمغا كەلدى .ئاياللار ئەرلەردىن ئالىي تۇردى دېگەن گەپ .دېمەك ئاخىرى ئاياللار دۇنيانى كونتىرول قىلىدۇ .ئۇلار ھەممە ئەرلەرنى ئۆلتۈرۈپ تاشلاپ ،پەقەت ئۇرۇقلۇق ئۈچۈن بىر قانچە ئەرلەرنى ئېلىپ قالىدۇ .ئەڭ ئاخىرىدا ئۇلارنىڭ تېخنىكىسى تەرەققىي قىلغان چاغدا سۈنئى ئۇسۇلدا ئىسپىرما ئىشلەپچىرىپ، ئەڭ ئاخىرقى ئەرلەرنى بىراق قىرىپ تۈگىتىدۇ .بۇ خىياللار كاللامنى گادىرماچ قىلۋەتتى .ئاياللار ھەقىقەتەن بىزنى ئەخمەق قىلىپ كېلۋىتىپتۇ .بۇ چاغدا مەن ھۆرمەتلەيدىغان فرىئۇدىنىڭ بىر سۆزى ئېسىمگە كېلىپ قالدى (بۇ پەقەت مەن ئاڭلىغان سۆز )،ئۇ ئۆلۈش ئالدىدا بارلىق ئەرلەرنى ئاگاھلاندۇرۇپ «ئاياللار ھەممىگە ئېرىشمەكچى »دېگەن ئېكەن .ئەجىبا ئۇ بۇرۇنلا بۇنى ھېس قىلىپ يەتتىمۇ ؟قەلبىم بىر خىل تەسۋىرلىگۈسىز قورقۇنچقا چۈشتى .شۇ كۈنى كەچ تاپانچىنى قۇچاقلىغىنمچە ئۇخلاپ قاپتىمەن .چۈشۈمدە مەن كوچىدا كېتۋاتقۇدەكمەن ،بىر توپ غالجىرلاشقان ئاياللار يالىڭاچ ھالدا قولىغا قورال ئېلىپ كوچىدىكى ئۇچىرىغان ئەرلەرنى قىرىۋاتقۇدەك .ئۆلمەي قالغانلىرىنى بېشىغا ئېگىز پاشنىلىق ئاياقلىرى بىلەن دەسسەپ ئۆلتۈرۈۋاتقۇدەك .ئۇلار ھەممە نەرسىنى كۆيدۈرۈۋاتاتتى .مەن بۇنى كۆرۈپ ئارقامغا قېچىپ بىر كۆۋرۈكنىڭ ئاستىغا كىرىۋالدىم .چەكسىز قورقۇنچىتىن يۈرىكىم سالاتتى .ئېغىر نەپەس ئېلىشمنى ئاياللارنىڭ ئاڭلاپ قېلىشىدىن قورۇقوپ ئېغىزىمنى قولۇم بىلەن توسۇۋالدىم .كۆزلىرىمىدىن ياشلار تۆكۈلەتتى .بىر چاغدا بىر سېرىق چاچلىق خوتۇن مېنى كۆرۈپ توۋلىدى .-ھەي قاراڭلار بۇ يەردە بىر ئەر بار ئېكەن .ئۇلار كېلىپ مېنى تۇتۇالدى ،ئۇلار مېنى باغلاپ قويۇپ .بىزنى ئالدىغان رەزىل ئەرلەرنىڭ يۈرىكى قانداق بولىدىكەن كۆرۈپ باقايلى دەپ پىچاق بىلەن يۈرۈكمنى ئويۇش ئۈچۈن ،پىچاقنى يېقىن ئېلىپ كەلگەندە ۋارقىراپ ئويغىنىپ كەتتىم .مېنى قاراپ بېسىپتىكەن .لېكىن چۈش بولسمۇ ،مەن ئىشتىنمغا چىقىرىۋەتكەن ئېدىم . شۇنىڭدىن بېرى ئۆيدىن چىققۇم كەلمىدى ،تېلۋىزورنى پىلاستىر بىلەن چاپلىۋەتتىم،ئۇنىڭدىن ئاياللارنى كۆرگۈم يوق ئېدى ،ئۆيدىكى ئاياللار بىلەن مۇناسىۋەتلىك رەسىم ھەممە نەرسىنى كۆيدۈرۈپ تاشلىدىم .بىراق ھەركۈنى كەچ قارا بېسىپ ئۇخلىيالمىدىم .مېنىڭ بۇنداق قورقۇنچ ئىچىدە ياشىغۇم يوق ئېدى .ئاياللار قولىدا ئۆلگىچە ئۆزۈمنى ئۆلتۈرۈۋىلىش قارارىغا كەلدىم .ئاھ ،بىچارە ئەرلەر تېز قېچىڭلار ،ئاياللار ئاخىرى ھەممىمىزنى ئۆلتۈرۋىتدۇ ،مەن كەتتىم،خۇداغا ئامانەت ....    ساقچى باشلىقى بۇنى كۆرۈپ بولغان چېغىدا ،ئۇنىڭ ئايال ياردەمچىسى كىرىپ كەلدى ،ئۇ كۈلۈمسىرىگىنچە ئۇنىڭغا –يەنە بىر ئىستاكان قەھۋە دەملەپ بېرەيمۇ دەپ قولىنى ئۇنىڭ قەھۋە ئىستاكانىغا ئۇزاتتى .ساقچى باشلىقى تۇيۇقسىزلا تاپانچىنى چىقىرىپ ئۇنى ئېتىۋەتتى .ئىشخانىدىكىلەر نىمە ئىش بولغانلىقىنى بىلىش ئۈچۈن كىرگەن چاغدا ،ئۇ ئەرلەرگە قاراپ ،ئاياللار بىزنى قىرىپ يوقىتىدۇ ،ئەرلەر تېز قېچىڭلار !دېگىنچە 20-قەۋەتتىكى ئىشخانىدىن تۆۋەنگە قاراپ سەكرىدى.

taxbalik

	ئەڭ ياخشسى مەن بۇيەردىن دەرھال چىقىپ كىتەي ...

mingyol

	فانتازىيىلىك ھېكايە ئوقۇمىغىلى خېلى زامانلار بوپتىكەن . بۇ ئۇيغۇر ئەدەبىياتىدا كەم ئۇچرايدىغان ئۇسلۇبمىكىن دەيمەن .

دوپپام

	سىز بۇ ھېكايە ئارقىلىق نېمە دېمەكچى؟ راستنى دېسەم مەن چۈشىنەلمىدىم،بىر ھېكاينىڭ ئىجتىمائىي قىممىتى ۋە مەنىۋى قىممىتى قانچىلىك دېگەن نوقتا بۇيىچە بۇ ھېكايىنىڭ بىزگە بىرىدىغان قىممىتى زادى قانچىلىك؟

taranqi

	مەنمۇ ئاستا چىقىپ كىتەي .... بايا تىخى ئىشخانىدىكلەر ماڭىمۇ قەھۋە دەملىگەن ...

taldi

	بۇ 3قەۋەتتىكىدوپپام يوللىغان 2011-05-27 10:19 غا قارتىلغان  : سىز بۇ ھېكايە ئارقىلىق نېمە دېمەكچى؟ راستنى دېسەم مەن چۈشىنەلمىدىم،بىر ھېكاينىڭ ئىجتىمائىي قىممىتى ۋە مەنىۋى قىممىتى قانچىلىك دېگەن نوقتا بۇيىچە بۇ ھېكايىنىڭ بىزگە بىرىدىغان قىممىتى زادى قانچىلىك؟   پەقەت كۆڭۈل ئچىش .سىز گېزىتىنى بىر مەنىۋىيەت ئۈچۈن ئوقۇمىسز ؟   ئاۋۇ گېن ھەققىدىكى نەرسىلەرنى مەن قىسقا يېزىپ قويدۇم ،ئۇنىڭ راست-يالغانلىقىنى ماتىرىيال كۆرۈپ باقسىڭىز بىلىسىز ...  .خوش بۇ بىر ھېكايە ،قىممىتىنى ئۆزىڭىز بەلگىلەڭ . مەن چۈشەنمىدىم سىزنىڭ مەنىۋىيەت ياكى ئىجىتمائى قىممىتى دېگىنىڭىزدە مەن نېمىلەرنى يېزىشىم كېرەك ؟خالىسڭىز بىر ماشىنا لاباكۇ ئىشتان كېيگەن ،چېچىنى بۈدۈر قىلغان يىگىتلەرنى سەلبى ئوبراز قىلىدىغان ھېكايىلەرنى ئىشىك ئالدىڭىزغا تۆكۈپ بېرىمەن .يەنە خالىسىڭىز سىزگە قىشىچە يەتكۈدەك ۋەزخانلىق قىلىدىغان قۇرۇق گەپلەر بىلەن تولغان ماقالىلەرنى يېزىپ بېرەي .   ئەدەبىياتتا ھەممە ئۇسلۇب بولۇشى كېرەك .ھەم بۈگۈنكى ئېقىم تۆنۈگۈنكى ئېقىمنى رەھىمسىزلەرچە سۈپۈرۈپ تاشلىغاندا ئاندىن گۈللىنىش بولىدۇ .تۆنۈگۈن شىنجاڭ داشۇنىڭ ئۇيغۇر بۈگۈنكى زامان ئەدەبىياتى ماگىستىر ئوقۇغۇچىلىرنىڭ دېسسرتاتسيە ياقلاش يېغىنىغا باردىم .يېزىلمىغان بىر-ئىككى يازغۇچى قاپتۇ . ھەتتا قايسى بىر روماندا ئىشلەتكەن ھەرقايسى ئىتلىستىكىلىق سۆزلەرنى سىتاتىستىكلاپ چىقىپ ماقالە يازغانلارمۇ بار .ئەگەر مۇشۇنداق كېتۋەرسە ،ئەتە-ئۆگۈن ئوقۇغۇچىلىرىمىز پالانى روماندىكى ھەرقايسى ھەرپلەرنىڭ سانى ھەققىدە دەپ بىر نەرسە يازىدىغان ھالەتكە چۈشۈپ قالىدۇ .مەن ھەم كەسپى يازغۇچى ئەمەس ،بىر تەبىئىي پەندە ئوقۇغان ،ئەدەبىياتىنى سۆيىدىغان بىر بالا .   مەنمۇ بىر ئوقۇرمەن بولۇش سۈپىتىم بىلەن نېمىنى ئوقۇش كېرەكلىكىنى بىلمەن .ھازىر ماڭا پەقەت بىر قانچە يازغۇچىنىڭ ئەسىرىدىن باشقا ھېچقانداق ئەسەر تېتمايۋاتىدۇ .بۇنى كىمدىن كۆرىمەن ؟ئۆزۈمدىنمۇ ؟ ياق ،مەن قۇچقاچ تىلى بىلىپ كەتسەممۇ ،ئۆز تىلمىدا ئوقۇغان ئەسەرلەر ماڭا يەنە باشقىچە ھوزۇر بېرەلەيدۇ .ئەمما مەن ئاشۇ ھوزۇرنى ئۆز ئانا تىلمىدا يېزىلغان ئەسەرلەردىن تاپالمايۋاتىمەن .ئەجىبا مېنىڭ "قۇم باسقان شەھەر'نى يەنە قايتا ئوقۇشۇم كېرەكمۇ ؟ئۇ روماننى يادلاپ بولاي دەپ قالدىم .گەپنىڭ قىسقىسى پروزىچىلقىمىزدا يېڭىلىق ئېنتايىن ئاز . بۇ راست گەپ ،بۇ يەردە ماڭا قارشى ھەرىدەك ھۇجۇم قىلىپ كېتىشىڭىزنىڭ ھاجىتى يوق ،پەقەت ماۋۇ بالا نېمە دەۋاتىدۇ دەپ ئويلاپ قويسڭىز بولدى .   يا بىر ژورنال چىقمىدى ،ئەڭ رادىكال ۋە ئەڭ يېڭى ئۇسلۇبتا يېزىلغان ئەسەرلەرنى چىقىرىدىغان .پەقەت بولمىغاندا ئاۋۇ ئەدەبىي ژورناللار يىلدا پەقەت بولمىغاندا بىر سان ژورنالنى بۇ يېڭى ئۇسلۇبتا يېزىلغان ئەسەرلەرگە ئاجرىتىپ بەرسە بولاتتى .

دوپپام

	تالدى بۇرادەر مەن سىزنىڭ ئاغزىڭىزنى تاتىلاش ئارقىلىق ھېكايىگە بولغان چۈشەنچەمنى تېخىمۇ ئاشۇردۇم دەپ قارىسام رەنجىمەيدىغانسىز.ئاپتور بولمىش ھېكايىنىڭ ۋۇجۇدقا كەلتۈرگۈچىسى بۇ ھېكايىنى تېخىمۇ ياخشى چۈشىنەلەيدۇ،ئەسەرلىرىڭىزنى كۆرگەنمەن،قەلەم قۇۋۋىتىڭىز ھەمدە سىزدىكى ئۆزگىچە ئۇسلۇب ئادەمگە ياقىدۇ،بىراق بۇ ئەسىرىڭىزنى تۇنجى كۆرگۈچىلەر ئۈستىدكىدەك مەن ئاستا چىقىپ كىتەي دەپ قويسا تازا كۆڭۈلدىكىدەك ئىنكاس چۈشمىگۈدەك،راستنى دېگەندە ئەسىرىڭىزنى ئۆزىڭىزنى يەشكۈزگۈم بار ئىدى،ھەر ھالدا ئىنكاسىمغا تۇتقان پۇزىستىيەرىڭىزدىن باشقىلار ئەسەرگە بولغان قارشىنى يەنىمۇ چوڭقۇرراق چۈشىنىپ قالسا ئەجەپ ئەمەس.

taldi

	ماۋۇسى ئېنگىلىزچە ۋېكىدىكى يېشىلمە http://en.wikipedia.org/wiki/Chromosome بۇنىڭدا ئاستىغا چۈشسىڭىز بىر جەدىۋەل بار .ئۇنىڭدا ئىككى خروموسومنىڭ سانى ھەققىدىكى مەلۇمات بار . X (sex chromosome) 1,846 154,913,754 151,058,754 Y (sex chromosome) 454 57,741,652 25,121,652 بۇنىڭدا X خروموسومدىكى گېننىڭ سانى 1846 ،Y خروموسمنىڭ سانى 454  . XX بولسا چىشى ،XY بولسا ئەركەك جىنسىنى بەلگىلەيدۇ .ئەركەك جىنسىنىڭ XY دا X دىكى گېننىڭ سانى 1846 .،Y نىڭ سانى بولسا 454  .بۇ يەردە خېلى پەرق بار .

gulhan

	مەن دەسلەپتە ئوقۇۋىتىپ<< بىرەر چەتئەل ھىكايىسى تەرجىمە قىلىنسا كىرەك>> دەپ چۈشۈنىپتىمەن كىيىن قارىسام ئۆزىمىز يازغان ئەسەركەن. ھېكايىڭىز ماڭابەك ياقتى...  داۋاملىق يېڭى تەپەككۇردىن پۈتۈپ چىققان يېڭىچە ھېكايىلىرىڭىزنى كۆرۈپ تۇرسام دەيمەن.

kulupyaxa

	ەەقىقەتەن ياخشى يىزىلغان ظەسەركەن.ظەمىلىيەتتە بىز قىزلار ظەرلەرنى چذشەنمەك بەك تەس دەپ ظويلايمىز،ظەمما بىزمذ خىلى مذرەككەپ ظوخشايمىز!!!!!!!!!!!!!!!!1