مۇئەللىمگە (ئابدۇراخمان ساۋۇت سەھرايى)

كەشپى

مۇئەللىمگە

(ئابدۇراخمان ساۋۇت سەھرايى)

نەزىم يېزىش توغرا كەلسە بۇ جا ھاندا،
مۇئەللىمگە نەزىم يازاي قوشاق قاتاي.
تازىم قىلىش توغرا كەلسە بۇ جاھاندا،
مۇئەللىمگە تازىم قىلاي يولدا ياتاي.

تەپەككۇرۇم سەگەكلىشەر مۇئەللىمدىن،
مۇئەللىمدىن ئويناق مېنىڭ يۈرەكلىرىم.
مۇئەللىمدىن ئېرىشكەنمەن بۇ مۇنبەرگە،
سويما تاشلاپ ھەر تەرەپكە پەلەكلىرىم.

كۆرگۈنۈمدە مۇئەللىمنىڭ شاتلىقىنى،
بۇلۇر غەلەت باسقان دىلىم يورۇغاندەك.
ئېشىلىدۇ مۇئەللىمنىڭ خوش ساداسى،
ئۆلۈپ كەتكەن ئانام مېنى تولىغاندەك.

مۇئەللىمنىڭ ئەشۇ نۇرلۇق كۆزلۈرىنى،
ئوخشىتىمەن تۈندە يانغان چىراقلارغا.
بولۇر ھەمرا مۇئەللىمنىڭ كۈي مۇڭلىرى،
كېتىپ قالسام مەن ناۋادا يىراقلارغا.

مۇئەللىمنىڭ تۆككەن تەرى جاپاسىدىن،
دىللار يورۇق ئىس-تۇمانسىز سۈزۈك ئاسمان.
ھەر دەۋىردە ئۇنىڭ باسقان ئىزلىرىدىن،
تۇغۇلىدۇ ھەر دەۋىرگە يېڭى داستان.

داۋام قىلار مۇئەللىمدىن بۇ ھاياتلىق،
ئۆرلەپ يېڭى مەنزىللەرگە ،نىشانلارغا.
ئۆتەر ئۇنىڭ ھەر بىر تىنغان تىنىقلىرى،
زوق بېغىشلاپ تەبىئەتكە ئىنسانلارغا.

ئۇستاز دىگەن بۇ ئاتاقنى بىلمەك ئاسان.
بېنا قىلماي باغلىرىدا يۈرمەك ئاسان.
لىكىن ئۇنىڭ ساپ تەرىگە، ساپ ئەجرىگە،
ھەق جاۋاپنى بېرىپ باقتۇق بىزلەر قاچان.

كۆرۈپ قالسام مۇئەللىمنىڭ كۆز يېشىنى،
ئايرىلغاندەك بولىمەن ئات تاقىسىدىن.
كىم يەتكۈزسە مۇئەللىمگە ئاسارەتنى،
ئالسام دەيمەن ئاشۇلارنىڭ ياقىسىدىن.

سايە بولسام بېشىڭلارغا تومۇزلاردا.
يايسام دەيمەن بۇ باغرىمنى يولۇڭلارغا .
گەر ئىنتىلسە ئارزۇيۇڭلار كائىناتقا،
ئۈزۈپ بەرسەم يۇلتۇزلارنى قولۇڭلارغا.

سىزلەر ئەمەس ئادەتتىكى يېتۈك ئىنسان،
بىر مىللەتنىڭ تەقدىرى بار قولۇڭلاردا.
دەۋىر روھى ،مىللەت روھى چاقناپ تۇرسۇن،
ئەۋلاتلارنى باشلاپ ماڭغان يولۇڭلاردا.

شۇ تاپ بۇ شات بايرىمڭلار ناۋاسىغا،
جۆر بولۇشتى دىيارىمنىڭ  ناخشا-سازى.
قانچە داستان نەزمە يازسام سىزلەر ئۈچۈن،
تۈگۈمەيدۇ سەھرايىنىڭ يۈرەك سۆزى.

خوشلىشىشقا چىدىمايدۇ ھەرگىز دىلىم،
تاڭلا ئۆگۈن بۇ مۇنبەردە كۆرۈشەيلى.
بىزلەر مەۋجۈت،سىزلەر مەۋجۈت،بايرام مەۋجۈت.
بىز ئۇچرىشىپ يەنە ئويناپ كۈلۈشەيلى.

ئاپتۇر يېڭسار ناھىيە توپلۇق يېزىلىق مەدەنىيەت پونكىتىدا

كەشپى

رەخمەت سىزگە بەك ياخشى لايھەلەپ قويۇپسىز.

نونى

بۇ شېئىرنى ئوقۇپ ، بىر يىللىق ھاردۇقۇم چىققاندەك بولدى . تېما ئېگىسىگە تەشەككۈر !

گۇلزار

ياخشىمۇسىز  ؟
  ئەتتىگەندە تېمىڭىزنى تەستىقلاپ بولۇپلا  ئىشىم چىقىپقالغانلىقتىن ئىنكاس يازالمىغان ئىدىم . كەچۇرۇڭ
شېئىرنى ناھايتى ياخشى يېزىپسىز .
بۇ  مىسرالاردا ئېيتقاندەك مۇنبەرگە دائىم كىرىپ  نادىر ئەسەرلىرىڭىزنى سۈنۈپ تۇرغايسىز . رەھمەت


خوشلىشىشقا چىدىمايدۇ ھەرگىز دىلىم،
تاڭلا ئۆگۈن بۇ مۇنبەردە كۆرۈشەيلى.
بىزلەر مەۋجۈت،سىزلەر مەۋجۈت،بايرام مەۋجۈت.
بىز ئۇچرىشىپ يەنە ئويناپ كۈلۈشەيلى.

سىرداش

تېما ئېگىسىگە تەشەككۈر !

ئوغلان1

خېلى ياخشى يېزىلغا شېىركەن ،ئاپتۇرغا تەشەككۇر.ئىجادىيىتىڭىزگە بەرىكەت تىلەيمەن