مەسلىھەت بەرسەڭلار!

ئوغلانبەگ

                                                                                    مەسلىھەت بەرسەڭلار!

                                                                              

مېنىڭ بىر ئوغلۇم بار . بۇ ئايدا ئۈچ ياش تۆت ئايلىق بولدى.ئەر-ئايال ھەر ئىككىمىز ئوقۇتقۇچى بولغاچقا،بالامنى بېقىش ئىمكانىيىتىمىز يوق،كىچىكىدىن تارتىپ ئايالىمنىڭ ئانىسى بېقىپ بەرگەن ئىدى.بىزمۇ خبالا باققۇچىغا باقتۇرغاندىن مىڭ ياخشى دەپ خاتىرجەم ئىدۇق.
                                                                              

يېقىندىن بېرى قىشتا قىينىلىپ قالمىسۇن دەپ،ئوغلۇم بىلەن مومىسىنى يېنىمىزغا ئەكىلىۋالغان ئىدۇق.مومىسى ئوغلىمىزغا ھەددىدىن ئارتۇق ئامراق بولغانلىقى ئۈچۈن،نېمە قىلىمەن دېسە شۇنى قىلىپ بېرىپ،بالا ئۆز بېشىمچى،ئۇششۇق ئادەتنى يېتىلدۈرۈۋاپتۇ.ھە دېسىلا ئۆزى بىلگەننى قىلىمەن دەيدۇ،ئۇنىمىساق يىغلاپ ئۆينى بېشىغا كېيىدۇ.ئانىسى بىلەن ئىككىمىز بەكلا ئامالسىز قالدۇق.بالىغا چىڭراق گەپ قىلىپ،ئادەتنى ئۆزگەرتەيلى دېسەك،مومىسى ئارىغا كىرىپ بىزنى باسىدۇ.بۇنىڭ بىلەن بالا تېخىمۇ ھەددىدىن ئاشقىلى تۇردى.ئۇنىڭ ئۈستىگە ئەتىگىنى سائەت ئالتىدە ئورنىدىن تۇرىۋېلىپ،كومپىيۇتېرنىڭ ئالدىدا ئولتۇرىۋالسا،ئويۇن ئويناپ،كارتون كۆرۈپ،كەچ سائەت 11 لەردىمۇ ئۇخلىمايدۇ.مانا ھازىرمۇ مەندىن كومپىيۇتېر تالىشىپ،يىغلاپ ئولتۇرىدۇ. دوستلىرىم،سىلەرمۇ موشۇنداق ئەھۋالغا يولۇقۇپ باققانمۇ؟ قانداق قىلىشىم كېرەك؟ بىر مەسلىھەت بەرسەڭلار!موشۇنداق كېتىۋەرسە ئوغلۇمنىڭ سالامەتلىكىگە تەسىر يېتىشى تۇرغانلا گەپ.مەن قانداق قىلسام بولار؟ يەنە تېخى ئەتە-ئۆگۈن قوپۇپ يەر شارى مەن ئۈچۈنلا ئايلانسۇن !!! دەپ پەرماندىن بىرنى چۈشۈرسە مەن قانداق قىلارمەن؟ راستىنلا بېشىم قاتتى. كۆپنىڭ ئەقلى كۆپ، بىر مەسلىھەت بەرسەڭلار!
                                               
                                                                       

◤pari◥

تورچى ئەپەندىم ياخشىمۇ سىز ؟
بالىڭىزنىڭ سۆرىتىنى كۆرۈپ بەكمۇ سۈيۈندۈم ، بالىڭىز بەك ئوماقكەن !!
بالىڭىزنىڭ ئەھۋالى ۋە ئۆزىڭىزنىڭ باش قېتىقچىلىقىنى ئوتتۇرڭغا كويۇپسىز ! بارلق ئاتا -ئانىلار ئۆز بالىسىنىڭ ئەلۋەتتە غېمىنى يەيدۇ ، لېكىن ئوقۇتقۇچىلارچۇ ؟؟ ئۆز بالىلىرىمىزنىڭ غېمىنى يىگىلى ،تەربىيلىگىلى ۋاقىت چىقىرالمايمىز .
چوڭلارنىڭ ئالدىدا تۇرغان بالىلار بەزىدە ئاشۇنداق بولۇپ قالىدۇ ، ئۇنى ئاستا- ئاستا  ئۆزگەرتىۋالىسىز ، مېنىڭمۇ بالام بىزدىن ئايرىلىپ چوڭلارنى ئالدىدا تۇرغان ، يېشىنىڭ چوڭىيىشىغا ئەگىشىپ بۇنداق قىلىقلارنى ئۆزگەرتتى .كۆپ ئەنسىرەپمۇ كەتمەڭ ،چوڭلارمۇ بالىلارنىڭ بەك كۆزىگە قارىۋالماسلىقى كېرەك دەپ ئويلايمەن . ۋاي ەپمۇ قويۇش كېرەك ، باشقۇرۇپمۇ قويۇش كېرەك . كۆپ سۆزلەپ قويدۇم ، كەچۇرەسىز؟!

خانىش

بالىلار ھەقىقەتەن ئوماق  . ھەممىمىز بالىلىرىمىزنىڭ  ئەقىللىق ، تاتلىق قىلىقلىرى بىلەن چوڭ بۇلۇشىنى بەكمۇ ئارزۇ قىلىمىز، شۇڭا بالىلىرىمىزنى كىچىكىدىنلا چىڭ تۇتۇپ ،ئىچ ئاغرىتىشكە توغرا كەلگەندە  ئىچىمىزدىلا ئىچ ئاغرىتىپ  تېشىمىزدا قاتتىق قول بولىشىمىز كىرەك . بالىنىڭ قىلىقلىرى بەك ھەددىدىن ئاشقاندا  نوقۇپمۇ .تۈرتۈپمۇ قويۇڭ . بۇ ھەرگىزمۇ بالىمىزغا  زىيانلىق ئەمەس . مومىسىغا توغرا چۈشەندۈرۈڭ .  ئارتۇكچە سوزلەپ قويغان بولسام كەچۈرۈڭ ...

نونى

بالىڭىز چىرايلىقكەن، كۆز تەگمىسۇن !  ئادەتتە 3-4 ياشلىق بالىلارنىڭ شەيئىلەرگە بولغان قىزىقىشى ئالاھىدە يۇقىرى بولىدۇ. ئۇلار ھەممە نەرسىنى بىلىۋالسام ،دەيدۇ . شۇڭا ئۇلارنىڭ بۇ خىل قىزىقىشىغا ھۆرمەت قىلىش كېرەك . لېكىن،  ئۇلار  ئۆزىگە يېقىنلاپ كېلىۋاتقان تەھدىدنى ھېس قىلالمايدۇ . شۇڭا ، توك ، سۇ  بىخەتەرلىكىگە قاتتىق دىققەت قىلىش، يۈز بېرىشى مۇمكىن بولغان ئاپەتنى ئالدىن پەرەز قىلىپ ، ئۇنىڭ ئالدىنى ئېلىش كېرەك . قالغان ئىشلار ئاستا-ئاستا  ئوڭشىلىپ كېتىدۇ. مېنىڭ ئېرىقتا ئويناشقا ناھايىتى ئامراق بىر بالام بار ئىدى .  2-3 ياش ۋاقتىدا سۇغا چۈشۈپ ئۆلۈپ كەتتى. مەن ھازىرغىچە شۇ بالامنىڭ ئىچ ئاغرىقىنى تارتىۋاتىمەن.

گۇلزار

خانىش يوللىغان ۋاقتى  2013-1-9 10:43
بالىلار ھەقىقەتەن ئوماق  . ھەممىمىز بالىلىرىمىزنىڭ  ئە ...

خانىش خۇش كەپسىز ، سىزنى    كۆرۈپ بەكمۇ خۇش بولدۇم .  بولسا مۇندىن كېيىن مۇنبەرگە كىرىپ دانا پىكىرلىڭىزنى ئوتتۇرغا قويۇپ تۇرۇڭ .

tursunjan

مىنىڭ ئۇكامدەكلا  بولۇپ قاپتۇ جۇمۇ   . بىزنىڭ ئۆيدىلىلارمۇ  كىچىك قانداققىلسا مەيلى دىپلا  ئەركە ئۇگتۇپ قويۇپ ئەمدى  ھەي  كىچىك  بولغان بىلەن تويغۇزىۋىتىدىكەن ئەمەسمۇ  .
ئەمدى بالىلارنى ئەتىۋارلاش كىرەك لىكىن ھەددىدىن زىيادە ئەركە قويۋەتسە ئۆزىمىزگە  زىيان ھەم باللارغا پايدىسىز دەپ قارايمەن
ئەمدى  مىنىڭ بالام بولمىغان دىكىن مىنىڭ بىلدىغانلىرىم مۇشۇنچىلىككەن . مىنىڭمۇ باللىرىم بولغاندا سىزگە تولۇق جاۋاپ بىرەي   

ئوغلانبەگ

رەھمەت سىلەرگە تورداشلار.ماڭا ياخشى مەسلىھەتلەرنى بېرىپسىلەر.

ئوغلانبەگ

نونى يوللىغان ۋاقتى  2013-1-9 11:03
بالىڭىز چىرايلىقكەن، كۆز تەگمىسۇن !  ئادەتتە 3-4 ياشلىق  ...

نونى ئەپەندىم بالىڭىزنىڭ ئۆلۈپ كەتكەنلىكىنى ئاڭلاپ ئىنتايىن قايغۇردۇم.قانداق قىلىمىز؟ ھەممىمىزگە بار،مېنىڭمۇ رەسىمدىكقى ئوغلۇمنىڭ بىر ئاكىسى،بىر ئېنىسى ئۆلۈپ كەتكەن.تەقدىرگە ئامالىمىز يوق.سەۋىر قىلايلى،اللا ھەممىمىزگە سەۋىر - تاقەت ئاتا قىلسۇن.  

سىرداش

مىنىڭچە  بالىڭىزنىڭ  ھازىرقى  ھالىتىنى نورمال  دىيىشكە بولىدۇ،   مۇشۇ   سابى  ۋاقىتلىرىدا   ئويناپ   كۈلىۋالمىسۇنمۇ؟.   يەسلىگە بىر كىردىمۇ   بولدى   تاكى  ئۆمرىنىڭ ئاخىرغىچە  باشقۇرۇش ئىچىدىلا ياشايدۇ.