بايقاشتىكى شوپۇرلار - دىققەت!!!!!

سىرداش

تۇرمۇش  سەۋىيىمىزنىڭ  ئۈسىشىگە ئەگىشىپ زامانىۋى قاتناش قۇرالىغا ئىگە بولغان بۈگۈنكى كۈندە  يىلدا بىر قېتىملىق 12  نۇمۇرنى ساقلاپ قېلىش ئۈچۈن   تىرىشايلى.
مەن  تور ئارلاۋېتىپ بۇ تىمىنى  بايقاپ  قالدىم   بايقاشتىكى  ماشىنىسى بار  شوپۇرلارغا  ياردىمى بولار دەپ يوللاپ  قويدۇم  پايدىلىنارسىلەر
2013-يىلى 1-يانۋار دىن باشلاپ يېڭى نۇسخىدىكى ‹‹موتورلۇق قاتناش ۋاستىلىرى پىراۋىسىنى ئىلتىماس قىلىپ ئېلىش ۋە ئىشلىتىش بەلگىلىمىسى›› مەملىكەت بويىچە رەسمىي يولغا قويۇلىدۇ. يېڭى نۇسخىدىكى قاتناش قائىدىسى ‹‹تارىختىكى ئەڭ قاتتىق قاتناش قائىدىسى›› دەپ ئاتالدى.

　　يېڭى قاتناش قائىدىسىدە قانۇنغا خىلاپ نۇرغۇن ھەرىكەتلەرگە قارىتا نومۇر خاتىرىلەش تەڭشىلىپ، نومۇر تارتىش تېخىمۇ چىڭىتىلدى. 26-دېكابىر نىڭبو شەھەرلىك قاتناش ساقچى ئىدارىسى قانۇن–تۈزۈم باشقارمىسىنىڭ مۇئاۋىن باشلىقى لۈ گومىڭ يېڭى قاتناش قائىدىسىدىكى قىزىل چىراغنى بۆسۈپ ئۆتۈش (سىگنال چىرىغىغا خىلاپلىق قىلىش)، نومۇر تاختىسىنى توسۇپ قويۇش، سۈرئەتنى ئاشۇرۇۋېتىش قاتارلىق قانۇنغا خىلاپ ھەرىكەتلەردىن نومۇر تارتىش تەدبىرلىرىنى تەپسىلىي چۈشەندۈردى.

　　قانۇنغا خىلاپ ئاساسىي ھەرىكەتلەر ۋە ئۇلارنىڭ چۈشەندۈرۈلۈشى

　　2013-يىلى 1-يانۋاردىن ئىلگىرى يۈز بەرگەن قاتناش قائىدىسىگە خىلاپلىق قىلىش ھەرىكەتلىرىدىن يېڭى قاتناش قائىدىسى يولغا قويۇلغاندىن كېيىن بىر تەرەپ قىلىنغانلىرىغا ئەسلىدىكى ئۆلچەم بويىچە نومۇر خاتىرىلىنىدۇ . 2013-يىلى 1-يانۋاردىن كېيىن يۈز بەرگەن قاتناش قائىدىسىگە خىلاپلىق قىلىش ھەرىكەتلىرىگە يېڭى ئۆلچەم بويىچە نومۇر خاتىرىلىنىدۇ.

　　قائىدىگە خىلاپلىق قىلىش ھەرىكىتى 1

　　قىزىل چىراغنى بۆسۈپ ئۆتكەنلەردىن تارتىلىدىغان نومۇر 3 تىن 6 گە ئۆستۈرۈلدى

　　چۈشەندۈرۈش:

　　2011-يىلى مەملىكەت بويىچە قىزىل چىراغنى بۆسۈپ ئۆتكەنلىكتىن 4768 قېتىم قاتناش ھادىسسى يۈز بېرىپ، 1175 ئادەم قازا قىلغان.

　　يېڭى قاتناش قائىدىسى (جامائەت خەۋپسىزلىكى مىنىستىرلىقىنىڭ 123-نومۇرلۇق پەرمانى) دا، قىزىل چىراغنى بۆسۈپ ئۆتكەنلىكى بېكىتىلسىلا، تارتىلىدىغان نومۇر ئەسلىدىكى 3 تىن 6 گە ئۆستۈرۈلىدىغانلىقى بەلگىلەندى. بىز قىزىل چىراغنى بۆسۈپ ئۆتۈشتەك قائىدىگە خىلاپ ھەرىكەتلەرنى توغرا خاتىرىلەپ ئاندىن كېيىن بېكىتىمىز، ساقچىلار سىگنال چىراغلىرىنى تەكشۈرۈپ، سىگنال چىراغلىرىنىڭ ئىلمىي ئورۇنلاشتۇرۇلۇشىغا كاپالەتلىك قىلىدۇ، ئۇندىن باشقا نازارەت قىلىپ تىزگىنلەش ئۈسكۈنىلىرى خاتىرىلىگەن قائىدىگە خىلاپلىق قىلغان ئىسپات ۋە سۈرەتلەرنىمۇ قاتتىق تەكشۈرىدۇ. بەزى شوپۇرلار ئەگەر مەقسەتلىك ئەمەس، بەلكى سەۋەنلىك سەۋەبىدىن قىزىل چىراغنى بۆسۈپ ئۆتۈپ كەتسەك قانداق قىلىمىز دەپ ئەندىشە قىلىدۇ. ئەگەر قىزىل چىراغنى بۆسۈپ ئۆتۈشتەك قائىدىگە خىلاپ ھەرىكەتلەرگە قارىتا، باشقىچە پىكىر بولسا بىزگە ئىنكاس قىلسا بولىدۇ، بىز ئەستايىدىل سېلىشتۇرۇپ تەكشۈرىمىز.

　　ئۇندىن باشقا، كۆپچىلىكنىڭ سەمىگە سالىدىغان بىر ئىش: شوپۇرلار ئەگەر يول ئېغىزىدا ماشىنىنى قاتناش بەلگە سىزىقى بويىچە ھەيدىمىسىمۇ سىگنال چىرىغىغا خىلاپلىق قىلىپ قويۇشى مۇمكىن، بۇنىڭغا چوقۇم دىققەت قىلىش كېرەك.

　　قائىدىگە خىلاپلىق قىلىش ھەرىكىتى 2

　　نومۇر تاختىسىنى قەستەن توسۇپ قويۇش، پاسكىنا قىلىۋېتىش ھەرىكەتلىرىدىن تارتىلىدىغان 6 نومۇر 12 نومۇرغا ئۆستۈرۈلدى

　　چۈشەندۈرۈش:

　　قانداق قىلسا نومۇر تاختىسىنى قەستەن توسۇپ قويۇش، پاسكىنا قىلىۋېتىش ھېسابلىنىدۇ؟

　　نومۇر تاختىسىنى لاتا، قەغەز، پارقىراق دېسكا ۋە ئەينەك، نېپىز پەردە قاتارلىقلار بىلەن توسۇپ قويۇپ ياكى نومۇر تاختىسىغا نەرسىلەرنى چاپلاپ قەستەن توسۇپ قويۇپ نومۇر تاختىسنى ئېنىق پەرق ئەتكىلى بولمايدىغان قىلىپ قويۇش، پاسكىنا قىلىۋېتىش دەپ بېكىتىلىدۇ.

　　ئەگەر قار، يامغۇر ياغقاندىن كېيىن، نومۇر تاختىسى قار ياكى لاي قاتارلىق نەرسىلەر تەرىپىدىن توسۇۋېلىنغان، پاسكىنا قىلىۋېتىلگەن بولسا، ئادەتتە نومۇر تاختىسىنى قەستەن توسۇپ قويۇش، پاسكىنا قىلىۋېتىش دەپ بېكىتىلمەيدۇ. ساقچىلار شوپۇرلاردىن ماشىنىنى ياخشى تازىلاپ، داۋاملىق ھەيدەشنى تەلەپ قىلىدۇ.

قائىدىگە خىلاپلىق قىلىش ھەرىكىتى 3

　　سۈرئەتنى ئاشۇرۇۋېتىش تەپسىلىي ھالدا ئون خىل ئەھۋالغا ئايرىلدى

　　ئەسلىدە ئىككى خىل دەرىجىدىكى سۈرئەتنى ئاشۇرۇۋېتىشتەك قائىدىگە خىلاپ ھەرىكەتلەردە، سۈرئەتنى %50 ئاشۇرۇۋەتكەنلەردىن 6 نومۇر، سۈرئەتنى ئاشۇرۇۋېتىشى %50 دىن تۆۋەن بولغانلاردىن 3 نومۇر تارتىلاتتى.

　　يېڭى قاتناش قائىدىسىدە ئوخشاش بولمىغان تىپتىكى ئاپتوموبىللار ۋە ئوخشاش بولمىغان دەرىجىدىكى سۈرئەتنى ئاشۇرۇۋېتىش يەنىمۇ ئىنچىكىلەشتۈرۈلدى.

　　چۈشەندۈرۈش:

　　سۈرئەت %50 دىن ئارتۇق ئاشۇرۇۋېتىلسە: بارلىق يوللاردا، ھەرقانداق تىپتىكى ئاپتوموبىللاردىن 12 نومۇر تارتىلىدۇ.

　　سۈرئىتى %20 دىن يۇقىرى %50 دىن تۆۋەن ئېشىپ كەتسە: يۇقىرى سۈرئەتلىك تاشيول، شەھەر تېز سۈرئەتلىك تاشيوللىرىدا ، ئوتتۇرا تىپتىن يۇقىرى يولۇچى-يۈك ئاپتوموبىللىرى، مەكتەپ ئاپتوموبىللىرى ۋە خەتەرلىك بۇيۇم ئېلىپ ماڭغان ئاپتوموبىللارغا ئوخشاشلا 12 نومۇر خاتىرىلىنىدۇ، باشقا موتورلۇق قاتناش ۋاستىلىرىغا 6 نومۇر خاتىرىلىنىدۇ؛

　　تېز سۈرئەتلىك تاشيول، شەھەر تېز سۈرئەتلىك تاشيوللىرىنىڭ سىرتىدىكى تاشيوللاردا، بارلىق ئاپتوموبىل تىپلىرىغا ئوخشاشلا 6 نومۇر خاتىرىلىنىدۇ:

　　سۈرئىتى % 20 تىن تۆۋەن ئېشىپ كەتكەنلەر: يۇقىرى سۈرئەتلىك تاشيول ۋە شەھەر تېز سۈرئەتلىك تاشيوللىرىدا، ئوتتۇرا تىپتىن يۇقىرى يولۇچى-يۈك ئاپتوموبىللىرى، مەكتەپ ئاپتوموبىللىرى ۋە خەتەرلىك بۇيۇم ئېلىپ ماڭغان ئاپتوموبىللارغا ئوخشاشلا 6 نومۇر خاتىرىلىنىدۇ، باشقا موتورلۇق قاتناش ۋاستىلىرىغا 3 نومۇر خاتىرىلىنىدۇ؛

　　تېز سۈرئەتلىك تاشيول ، شەھەر تېز سۈرئەتلىك تاشيوللىرىنىڭ سىرتىدىكى تاشيوللاردا، بارلىق ئاپتوموبىل تىپلىرىغا ئوخشاشلا 3 نومۇر خاتىرىلىنىدۇ.

　　قانۇنغا خىلاپ باشقا قىلمىشلار:

　　پىيادىلەر يولىدىن توغرىسىغا كېسىپ ئۆتۈپ، بەلگىلىمە بويىچە سۈرئەتنى ئاستىلاتمىغان، ئاپتوموبىلنى توختاتمىغان، ئۆتۈۋاتقان كىشىلەرگە يول بەرمىگەنلەردىن تۇتۇپ قېلىنىدىغان 2 نومۇر 3 نومۇرغا ئۆستۈرۈلدى.

　　بەلگىلىمە بويىچە موتورلۇق قاتناش ۋاستىلىرى نومۇر تاختىسىنى ئورناتمىغانلارغا خاتىرىلىنىدىغان 6 نومۇر 12 نومۇرغا ئۆستۈرۈلدى. شۇنى ئەسكەرتىش كېرەككى، ئەگەر ۋاقىتلىق نومۇر تاختىسى بولسا، چوقۇم بەلگىلىمە بويىچە چاپلاش كېرەك، ئۇنداق قىلمىغاندىمۇ نومۇر تۇتۇلىدۇ.

　　پىراۋا ئېلىشقا ئىمتىھان بېرىدىغانلار مۇستەقىل يول يۈرۈش ئىقتىدارىغا تېخىمۇ ئەھمىيەت بېرىشى كېرەك

　　يېڭى قاتناش قائىدىسىدە، پىراۋا ئېلىش ئىمتىھانىغا قارىتىلغان بەلگىلىمىلەردىمۇ نىسبەتەن چوڭ ئۆزگەرتىشلەر بولدى. نىڭبو شەھەرلىك ئاپتوموبىل باشقۇرۇش ئورنىدىكى ئىمتىھان ئېلىش بۆلۈمىنىڭ مۇئاۋىن باشلىقى جىڭ شياڭ بۇنىڭغا قارىتا تەپسىلىي جاۋاپ بەردى.

　　ئىمتىھان تۈرى ئۆزگەرگەندىن كېيىن شوپۇرلارنىڭ مۇستەقىل ئاپتوموبىل ھەيدەپ يول يۈرۈش ئىقتىدارى ھەمدە مۇرەككەپ شارائىتقا دۇچ كەلگەندە ئۆزگىرىش ئىقتىدارى تېخىمۇ سىناققا دۇچ كېلىدۇ.

　　كىچىك تىپتىكى ئاپتوموبىل پىراۋىسى ئالغۇچىلارغا نىسبەتەن ئېيتقاندا، بىرىنچى دەرسنىڭ نەزەرىيە ئىمتىھانى ئىككى قىسىمغا ئايرىلدى.

　　بىرىنچى قىسمىدا، يەنىلا يول قاتناش بىخەتەرلىكى قانۇن-نىزاملىرى، قاتناش سىگنالى، يول يۇرۈش قائىدىسى قاتارلىق بىلىملەردىن ئىمتىھان ئېلىنىدۇ؛ ئىككىنچى قىسمىدا، مەدەنىي ئاپتوموبىل ھەيدەش، مۇرەككەپ شارائىت ئاستىدىكى جىددىي ئەھۋالغا تاقابىل تۇرۇش ئىقتىدارى قاتارلىقلاردىن ئىمتىھان ئېلىنىدۇ، ئەمەلىي يول يۈرۈش ئىمتىھانىدىن كېيىن يەنە سىناش ئېلىپ بېرىلىدۇ.

　　ئىككىنچى دەرستىكى ئىسكىلات ئىمتىھانى، ئىسكىلاتتىن يۆتكەش ئەمەلدىن قالدۇرۇلدى. تېخىمۇ ئەمەلىي بولغان ئىسكىلاتقا كەينىچە كىرىش، دۆڭ يوللاردىكى بېكىتىلگەن نۇقتىلاردا ئاپتوموبىل توختىتىش ۋە قوزغاش، يان تەرەپتە ئاپتوموبىل توختىتىش، ئەگرى سىزىقلىق يول يۈرۈش، ئۇدۇل بۇلۇڭلۇق يول يۈرۈشتىن ئىمتىھان ئېلىنىدۇ.

　　ئۈچىنچى دەرستە خوتنى ئاشۇرۇش–قىسقارتىش مەشغۇلاتى، يول ئېغىزلىرىدا سولغا ئايلىنىش، يول ئېغىزلىرىدا ئوڭغا ئايلىنىشتىن ئىبارەت ئۈچ ئىمتىھان تۈرى كۆپەيتىلدى.

　　جىڭ شياڭ: نىڭبوغا نىسبەتەن ئېيتقاندا، 2010-يىلىلا %100 تەقلىدىي كېچىلىك ئىمتىھان ئېلىش خوتنى ئاشۇرۇش-كېمەيتىش قاتارلىق مەشغۇلاتلار يولغا قويۇلغان. شۇڭا ئومۇمەن ئالغاندا، كىچىك تىپتىكى ئاپتوموبىل ئىمتىھانلىرىنىڭ ئەمەلىي قىيىنلىق دەرىجىسى ئاشۇرۇلغان بولسىمۇ، ئەمما كۆپەيمىدى.

　　1-يانۋاردىن باشلاپ يېڭى ئىمتىھان ئېلىش سىياسىتى يولغا قويۇلىدۇ. نىڭبونىڭ ھازىرقى ئىمتىھان مەيدانى قورۇلۇشىدىن ئېلىپ ئېيتقاندا، ئىمتىھان توختاپ قالمايدۇ. ئەمما ئەمەلىي ئىمتىھان ئېلىش مەيدانىنىڭ قورۇلۇش سۈرئىتى سەۋەبىدىن، 1-يانۋاردىن باشلاپ ئىمتىھان مىقدارى ئەسلىدىكىدىن 2 / 1 قىسقارتىلدى، پىلان بويىچە كېلەر يىلى فېۋرالنىڭ ئاخىرىدا ھازىرقى ئىمتىھان مىقدارى ئەسلىگە كەلتۈرۇلىدۇ.

مەنبە:  ئەلكۈيى مۇنبىرى
:

زەپەر

دىققەت قىلايلى 12نۇمۇرنى ساقلاپ قالماق تەستەك قىلىدۇ دوسلار

گۇلزار

  بىىەتەرلىك بىرىنچى . شۇڭا ھەر بىر شوپۇر قائىدىلەرگە ئاڭلىق رىئايە قىلىپ .ئۆزىنىڭ ھەم باشقىلارنىڭ بىخەتەرلىكىگە كاپالەتلىك قىلىشى كېرەك .
ياىشى تېما يوللاپسىز سىرداش ئەپەندى. رەھمەت سىزگە

سىرداش

گۇلزار يوللىغان ۋاقتى  2013-1-7 01:30
بىىەتەرلىك بىرىنچى . شۇڭا ھەر بىر شوپۇر قائىدىلەرگە ئ ...

كوزدىن كەچۈرگىنىڭىزگە رەھمەت.

سىرداش

سىزمۇ    ئەتراپىڭىزدىكى  شوپۇرلارغا يەتكۈزۈپ قۇيارسىز

muzika

مەنمۇ قاتتىق دىققەت قىلاي ،12نۇمۇر تارتىلىپ كەتسە .ئوبدان بولماس.

ياخشى

بىخەتەرلىكنى كۆزدە تۇتۇپتۇ ئەمما قىزىل چىراقنقنى بۆسۈپ ئۈتسە 6نۇمۇر تارتىلدۇ دىگەن بەلگىلىمە  بەك قاتتىق بۇلۇپ كەتتىمۇ قانداق...

دىلكەش

ياخشى تىما يوللاپسىز .يانا مۇشۇ توغۇرلۇق يېڭى خەۋەر بولسا يوللاپ  تۇرغان بولسىڭىز .رەھمەت سىزگە .

سەييارە0

ياخشى بەلگىلمە بوپتۇ،شوپۇر دوسلارنىڭ بۇندىن كىيىن دىققەت بىلەن ماشىنا ھەيدىشنى تەۋسىيە قىلمەن.
مەن مۇ بىلدىغىنىمنى قۇشۇپ قۇياي:
شوپۇر بىخەتەرلىك تاسمىسنى تاقمىسا200يۇئەن،3 نۇمۇر.ئوڭ ئالدى تەرەپتە ئولتۇرغان ئادەم بىخەتەرلىك تاسمىسنى تاقمىسا 50يۇئەن 2نۇمۇر تارتىلدۇ.
جازاغۇ كوپ ئىكەن،مۇكاپاتچۇ؟ مەسلەن:بىر يىلغىچە پىراۋېسدىن بىر نۇمۇرمۇ تارتقۇزمىغان بولسا،ۋەقە سادىر قىلماي بىر قانچە يىل بىخەتەر ئاپتۇمبىل ھەيدىگەن بولسا......بۇنۇڭغا بىرەر نۇمۇر مۇ مۇكاپات يوقمىدۇ.