كەلمىدىڭ يار (شىئېر)

زەپەر

                                                        كەلمىدىڭ يار


                                                       تۇرنىسا رەھىم


شىلدىر-شىردىر ئاققان بۇلاق بېشىدا
ئۇرغۇپ تاشار ھاياجانلىق ھېسلىرىم.
چاقناپ تۇرار ئىككى يۇلتۇز قاراقتا،
ئىنتىزار بوپ يار يولۇڭغا كۆزلىرىم.

                                                  كۈتىۋالدىم سەۋرى بىلەن  شەپەقنى،
                                                 تالدى كۆزىم يوللىرىڭغا تەلمۈرۈپ.
                                                 تىلدى ھىجران يۈرىكىمنى، ۋە لېكىن،
                                                 كەلمىدىڭ يار تاتلىققىنە بىر كۈلۈپ،

ئەسىر بولدۇم ئەسلىمىگە ئامرىقىم،
خىياللاردىن كەشتە تىكىپ ئولتۇرۇپ.
چېچەكلىدى ئازابلىرىم چېھرىمدە،
دىلخانەمگە ھەسرەتلەرنى تولدۇرۇپ.

                                                    سۈكۈتلىرىم قالدى بۇلاق بېشىدا،
                                                   چىغىر يولدا يىگانە ئىز ئۈمچۈيۈپ.
                                                    قايتالمىدىم نىگارىمنىڭ قولىدىن،
                                                   قولىقىڭغا ۋىسال گۈلى قىستۇرۇپ.

ئاي نۇرىغا چۆمۈلگەن بۇ دالىغا،
تۆكۈلمەكتە سېغىنىشلىق كۆز يېشىم.
چىمىرلايدۇ كۆكتە چاقناپ يۇلتۇزلار،
بۇلۇپ مېنىڭ ئەڭ قەدىردان سىردىشىم.

مۇدەن

ئاي نۇرىغا چۆمۈلگەن بۇ دالىغا،
تۆكۈلمەكتە سېغىنىشلىق كۆز يېشىم.
چىمىرلايدۇ كۆكتە چاقناپ يۇلتۇزلار،
بۇلۇپ مېنىڭ ئەڭ قەدىردان سىردىشىم.
بۇ مىسرالىرىڭىز ماڭا بەك ياقتى . ئېسىل لىرىكىلىرىڭىز ئۈزۈلۈپ قالمىسۇن!

tursunjan

ياخشى  يىزىپسىز   داۋاملىق  يىزىپ  تۇراسىز ok