يېڭى يىلنىڭ ھارپىسىدا

سىرداش

رۇستەم قاراسۇ ئىجادىيەتلىرى


(بۇ شىئېر ماڭا بەك ياققانلىقى ئۈچۈن بايقاشتىكى دوستلارنىڭ ھوزۇرلىنىشىغا سۇندۇم،   بۇ  مىنىڭ ئىجادىيىتىم ئەمەس،  ئاپتۇرنىڭ رۇخسىتىنى ئېلىپ يوللاپ قويدۇم  .  مۇنبەرداشلارنىڭ توغرا چۈشىنىشىنى سەمىمىلىك بىلەن سۇرايمەن)


يېڭى يىلنىڭ ھارپىسىدا


يېڭى يىلنىڭ ھارپىسى بۈگۈن،

دېمەك ئەتە يېڭى بىر قەدەم.

سوۋغا قىلار ھەممىگە بىر ياش،

شۇ يىللارنىڭ قۇربانى ئادەم.



كەتتى دىدۇق كەلگەنگە خوش بىز،

شەرىپىگە قۇردۇق بەزمىلەر.

مەنزىللەرگە يەتتىمۇ شۇ ئىز؟

بۇنى ئويلاڭ ئاقىل بەندىلەر.



ئۈچ مىڭ ياشقا كېرەر توغراقمۇ،

ياش تۈكىدۇ قايرىلسا غۇلى.

ئاجىزلايدۇ خوش بوپ كەتمەيلى،

يىللار ئۆتسە ئۆمۈرنىڭ ئۇلى.



ل.مۇتەللىپ يىللارغا جاۋاب،

دەپ يازغانتى يىللار ۋەجىدىن.

مېنىڭ بۈگۈن ھالىم بەك خاراب،

يازالماي دەل شۇنداق نەزمىدىن.

◤pari◥

يازالماي دەل شۇنداق نەزمىدىن،
مەنمۇ بىر پەس سۈردۈم خىياللار ،
شۇ دەقىقە قېرىيمىز بىر ياش،
خوشبوپ كەتمەڭ ئۆتسە شۇ يىللار.

گۇلزار

مەنمۇ قوشۇپ قوياي ، قالماشمىغان بولسا مازاق قىلمىغاسىلەر .

خۇش بوپ كەتمەڭ ئۆتسە شۇ يىللار ،
كەلدى يەنە يېڭى بىر يىل دەپ ،  
ئۆتكەن شۇ يىللار ئىزناسىدىن،
تاپالايمەن ئىزىملىرىمنى دەپ  .

زەپەر

يارايسىز مەزمۇنى ياخشى تىمىكەن

ئالىم

تىمىڭىزغا رەھمەت!بۇ ھەقىقەتەن چوڭقۇر مەنىلىك شىئېر ئىكەن!

سىرداش

◤pari◥ يوللىغان ۋاقتى  2012-12-25 13:01
يازالماي دەل شۇنداق نەزمىدىن،
مەنمۇ بىر پەس سۈردۈم خىي ...

يازالماي مەن شۇنداق نەزمىدىن
سۈردۈم تۈندە مۇڭلۇق خىياللار.
تەن بەرمەسمەن شۇ قېرىلىققا،
ياشارماقتا شۇ دەم بۇ دىللار.

سىرداش

گۇلزار يوللىغان ۋاقتى  2012-12-25 14:29
مەنمۇ قوشۇپ قوياي ، قالماشمىغان بولسا مازاق قىلمىغاسى ...

خۇش بولغۇنۇم كۈنلەر مەنىلىك،
خۇش بولمايمەن كەلدى قېرىلىق
يېڭى يىلدا ئاللاھ خالىسا
بولۇپ قالار كۈنلەر مەنىلىك.

گۇلزار

بولۇپ قالار كۈنلەر مەنىلىك ،
يېتىپ كەلسە يېڭى يىلمۇ ھەم .
ئۆكۈنمەيمەن ئۆتكەن كۈنلەرگە ،
پۇشايمان ئۆزگە دۇشمەندۇر ھەم .

سىرداش

گۇلزار يوللىغان ۋاقتى  2012-12-26 11:33
بولۇپ قالار كۈنلەر مەنىلىك ،
يېتىپ كەلسە يېڭى يىلمۇ ھە ...

ئۇتۇق -تىلەك بىزلەرگە مەڭگۈلۈك  بولسۇن،
‹‹يېڭى يىل››  خوشلىقى توختاۋسىز كەلسۇن؛
ياشىنىپ بوۋاي  موماي بولغاندىمۇ ھەم.
سىرداشلار  بايقاشتا خۇشال يايرىسۇن.

گۇلزار

سىرداشلار بايقاشتا خوشال يايرىسۇن ،
كۆڭۈلدىن كۆڭۈللەر شادلىق ئەيلىسۇن .
مەڭگۈلۈك سىرداش بوپ بايقاش تۆرىدە ،
  ئۆتۈشكە بىزلەرگە نېسىپلار  بولسۇن .