يېڭى يىلغا " بۇ يىلمۇ ياخشى ئۆتتى " دەپ كىرىپ كەتتىم . ....

سىرداش

[[    يىللار بىر - بىرىنى ئىتتىرىپ يېڭى بىر يىلغا كىرىش ئالدىدا تۇرۇۋاتىدۇ . بۇنىڭدىن بىر نەچچە يىل ئالدىدا ئەتە يېڭى يىل كىرىدۇ ، دەپ تۇرغان دەقىقىلەردە يەنى  12-ئاينىڭ 30 -كۈنى  رەھمەتلىك ئانام  (اللاھ  ئۇنىڭغا  جەننەت ئاتا قىلسۇن  )دىن  ئايرىلىپ يۈرەكلىرىم خۇن بولغانىدى . ئۇ يېڭى بىر يىلغا كىرەلمىگەنىدى . ھاياتلىقتا ھەممە ئادەمنىڭ يېڭى يىلغا مۇۋەپپەقىيەتلىك كىرەلىشىمۇ ئاسان ئەمەس ئىكەن . ئىنساننىڭ ھاياتى كۆپ قىسىملىق تېلىۋېزىيە - تىياتىرىغا بەك ئوخشىشىدىكەن . شۇ فىلىمنىڭ قانچىنچى قىسمدا ۋاپات بولىدىغان رولغا چىقىشنى رېژىسورلار كىنو ئىشلەشتە بەلگىلىيەلىگىنى بىلەن ، ھاياتلىقتىكى رېئال فىلىمنىڭ رېژىسسورى بولۇپ بۇنى بەلگىلەشكە رېژىسسور كەتمەيدىكەن .    ئويلاپ باقسام ۋاقىت توغرىسىدىكى ھېكمەتلىك سۆزلەرگە تولىمۇ باي ئىكەنمەن . ۋاقىتنى قەدىرلەش توغرىسىدا سائەتلەپ لېكسىيەمۇ سۆزلىيەلەيمەن ، ھەم سۆزلەپ كەپتىمەن . " ۋاقتىڭ كەتتى ، بەختىڭ كەتتى " ، " ۋاقىت ئالتۇندىن قىممەت " ، " ۋاقىت ئاتقان ئوق " دېگەندەك .  ئەمما ئۆزۈمنىڭمۇ شۇنچە ئۇزۇن  ،دەقىقىسىنىمۇ قايتۇرۋالغىلى بولمايدىغان ۋاقىتلىرىمنىڭ قەدرىگە يەتمەي ئۆتكۈزۋەتكەنلىكىمدىن ئۆكۈنىمەن . ۋاقىتنىڭ قىممىتىنى ئەقىل بىلەن كۈزۈتمەي ھېسىيات بىلەن كۆزىتىپ يۈرگەنلىكىمنى بايقىغىنىمدا ، مانا مۇشۇنداق يېڭى يىل كىرىش دەقىقىلىرىدە چۈشەنگىنىمدە چۆچۈدۈم . بۇ سۆيۈملۈك چۆچۈش ، ئەلۋەتتە . كېچىكىپ ، تولىمۇ كېچىكىپ چۆچۈش ، ئەپسۇس ..
    قولۇمدا ۋاقىت ھەققىدە يېزىلغان كىتابلار تۇرۇپتۇ . ئىلگىرى مۇنداقلا ۋاراقلىنىپ چۈشىنىلگەن بۇ كىتابلار ئۇشبۇ دەقىقىلەردە ماڭا يېپيېڭى بىلىم ، ھاياتلىق ، ۋاقىت ھەققىدە ئاڭلاپ باقمىغان دەرسلەرنى سۆزلەۋاتاتتى . " ۋاقىت ساڭا ئۆز ئىختىيارىنى تاپشۇرغان ۋاقىت پەقەتلا بۈگۈندىن ئىبارەت . تۈنۈگۈن سېنى مەسخىرە قىلىشى مۇمكىن . ئۇ ئىختىيارىڭدىن ئازاد قىلىنغان . ئۇنى مەڭگۈ قۇل قىلالمايسەن . ئەتە سېنى تونۇماسلىقىمۇ مۇمكىن . ئۇ ئۆز ئىختىيارىنى ساڭا بەرمىگەن . پەقەتلا بۈگۈن سېنىڭ ئىلكىڭدە . ئۇ سېنى سىنايدۇ !     قانچىلىغان بۈگۈنلەرنى ناھايىتى يەڭگىلتەكلىك بىلەن ئۆتكۈزۋەتتىم - ھە؟

   ۋاقىتنى ھەقىقىي چۈشىنىپ ياشىغان ، ۋاقىت ئالدىدا مەغرۇر تۇرالىغان ، تۇرۇۋاتقان كىشىلىرىمىزنىڭ ھاياتلىق شەجەرىلىرىنى ۋاراقلاپ باقتىم . بۇلارنىڭ ئارىسىدا ھەممە ساھەنىڭ كىشىلىرى بار ئىدى . بىراق ئۇلارغا ئۆزۈمنى سېلىشتۇرۇشتىن خىجىل بولدۇم . شۇنچە يىللارغا تۈزۈك جاۋاب قايتۇرماي تۇرۇپ بۇلارغا ئۆزۈمنى سېلىشتۇرۇش ئەخمەقلىق ، ئەلۋەتتە . بىراق ئۇلارنىڭ يىللارغا سوۋغا قىلغانلىرى ھەقىقەتەنمۇ مېنى قايىل قىلدى .  " مۇشۇ يېشىڭغىچە ھاياتلىققا سوۋغا قىلغۇدەك ، يىللارغا جاۋاب بەرگۈدەك نېمىش قىلالىدىڭ ؟ كېلەر يىلى نېمە ئىش قىلماقچى ؟ " دەپ سورىلىپ قالسا يېڭى بىر يىلنىڭ ئەمەس ، ئەتىنىڭ ، ھەپتىنىڭ ، ئايلارنىڭ ، قىسقىسى ۋاقىتنى قانداق ئۆتكۈزۈش ھەققىدە پىلان تۈزۈپ باقمىغان مەندەك بىر " ۋاقىت ئوغرىسى ، ۋاقىت پارىخورى " نېمىدەپمۇ جاۋاپ بېرەلىسۇن ... ؟
  يېڭى بىر يىل ھاياتلىق ئورمامنى ئورماقتا ، قەلب ئىشىكىمنى ، يۈرەك تارلىرىمنى چەكمەكتە ، پىلانسىز تاشلانغان يەنە بىر مەنزىلگە باشلىماقتا . مەن يىللارغا ئەگىشىپلا مېڭىۋاتقىلى ئۇزۇن بولغانىدى . ئەگەشمەيمۇ ئامالىم يوق ، مەن ئەگەشتۈرۈلۈپ يىللار تەرىپىدىن ئاللىقاچان كۆندۈرۈلۈپ بولۇنغانمەن . يىللارنى ئەگەشتۈرۈپ مېڭىش ماڭا نېسىپ بولمايدىغان ئوخشايدۇ .
    مانا يېڭى يىلغا " بۇ يىلمۇ ياخشى ئۆتتى " دەپ ئۆزۈمنى بەزلەپ كىرىپ كەتتىم . ............

XAM

بارىكاللا يېڭى يىل ھارپىسىدا مۇشۇنداق تەپەككۈر ئۈنچىلىرىدىن تىزىلغان ھىس تۇيغۇلار قەلبىمنى ئاجايىپ شىرىن خىياللارغا چۆمدۈردى دىسە

گۇلزار

سىرداش ئەپەندىمنڭ بۇ ئەسىرى مېنى چوڭقۇر  خىياللارغا غەرىق قىلدى.  مەن سىرداش ئەپەندىمنىڭ  
  بۇ يىڭى يىللىق خىتاپنى ئوقۇپ بولغىچە  ئاپتور بىلەن بىرلىكتە ھايات مۇساپىمنى ئختىيارسىز ئەسلەپ چىقتىم . ھەم ئۆزەمنىڭ يىللار مابەينىدە تىلغا ئالغىدەك ، كىشىلەرنى  قايىل قىلغىدەك بىرەر ئۇنتۇلغۇسىز ئەسلىمىلەرنى قالدۇرالمىغىنىمدىن  بەكمۇ  ئۆكۈندۇم .
شۇنداق قىلىپ بۇ  يىلمۇ ئۆتۈپ كېتىدىغان بولدى .   خوش  2012- يىل !!!   
  

گۇلزار

سىرداش ئەپەندىمنڭ بۇ ئەسىرى مېنى چوڭقۇر  خىياللارغا غەرىق قىلدى.  مەن سىرداش ئەپەندىمنىڭ  
  بۇ يىڭى يىللىق خىتاپنى ئوقۇپ بولغىچە  ئاپتور بىلەن بىرلىكتە ھايات مۇساپىمنى ئختىيارسىز ئەسلەپ چىقتىم . ھەم ئۆزەمنىڭ يىللار مابەينىدە تىلغا ئالغىدەك ، كىشىلەرنى  قايىل قىلغىدەك بىرەر ئۇنتۇلغۇسىز ئەسلىمىلەرنى قالدۇرالمىغىنىمدىن  بەكمۇ  ئۆكۈندۇم .
شۇنداق قىلىپ بۇ  يىلمۇ ئۆتۈپ كېتىدىغان بولدى .   خوش  2012- يىل !!!   
  

زەپەر

يىڭى يىللىق ياخشى تىمىكەن يارايسىز سىرداش ئەپەندىم

سىرداش

خوش  2012

سىرداش

خۇش كەلدىڭىز 2013

سىرداش

خۇش كەلدىڭىز 2013

گۇلزار

يېڭى يىلغا بىزمۇ سىز بىلەن تەڭ « بۇ يىلمۇ ياخشى ئۆتتى »دەپ كىرىپ كەلدۇق .

خۇش كەلدىڭىز يېڭى يىل !!!
خۇش كەلدىڭىز 2013- يىل !!!
يېڭى يىلدا دوسلارنىڭ تېنىگە سالامەتلىك ، خىزمىتىگە ئۇتۇق ، ئائلىسىگە بەخت ، ھەر بىر كۈنىگە شادلىق تىلەيمەن .

سىرداش

گۇلزار يوللىغان ۋاقتى  2012-12-31 22:28
يېڭى يىلغا بىزمۇ سىز بىلەن تەڭ « بۇ يىلمۇ ياخشى ئۆتتى » ...

رەھمەت   شۇنداق  بولغاي