ئانا تىلدىن ئايرىلسام مۆمىنجان ھەمرايېۋ

مۇدەن

ئانا تىلدىن ئايرىلسام

مۆمىنجان ھەمرايېۋ

مەيلى مۈلكۈم ھەم مېلىمدىن ئايرىلسام،
مەيلى بارار مەنزىلىمدىن ئايرىلسام.
مەيلى تۈندە مەشئىلىمدىن ئايرىلسام،
ياق! ئۆلىمەن ئانا تىلدىن ئايرىلسام.
رازىمەنكە كېچىشكە ئۆز بەختىمدىن،
مەنسەپ-ئابروي، تاجۇ-تەختىمدىن.
ئۆرتۈنۈپ كۈل بوپ كېتىمەن تەكتىدىن،
ئانام بەرگەن ئانا تىلدىن ئايرىلسام.
تىلىڭدىن كەچ دەپ كىملەردۇر ئەگەردە،
كۆمۈۋەتسە مېنى تىللايۇ زەرگە.
ئانام بەرگەن سۈت ئايلىنار زەھەرگە،
قازا يېتەر ئانا تىلدىن ئايرىلسام.
ئانا تىلسىز ماڭا دۇنيا يالغاندەك،
تىلىمنى دۈشمەن يۇلۇپ ئالغاندەك.
تۇيۇلىمەن ئۆزۈمگە بىر ھايۋاندەك،
«ئادەملىكىم ئانا تىل»دىن ئايرىلسام.
ئۇنۇتسام گەر ئانا تىلنى بىر زامان،
چايان بولۇپ چاققاي مېنى پاك ۋىجدان.
ئاچ-زار قالغان كەبى كۆرمەي ئاپئاق نان،
كۈنۈم پۈتەر ئانا تىلدىن ئايرىلسام.

ئانا تىلىم.doc   

بۇ شېئىرنى تورداشلارنىڭ ئوقۇپ قويۇشىنى ئۈمىد قىلىمەن  .

سىرداش

ئانا  تىلىمىزنى قەدىرلەش  ھەممىمىزنىڭ مەجبۇرىيىتى.

سىرداش

ئانا  تىلىمىزنى قەدىرلەش  ھەممىمىزنىڭ مەجبۇرىيىتى.

ئوتلۇق

بىۋاستە چىقىدىغان قىلىپ يوللىسىڭىز بولماسمىتتى . ئەپسۇس سىز كۆرسەتكەن ئادرىس ئېچىلمىدى .

ئامان

ياخشى يېزىلغان شېئىر ئىكەن، ئانا تىلنى قەدىرلەش ئۆزىمىزنى قەدىرلىەەن بىلەن ئوخشاش. ناھايىتى ئەھمىيەتلىك تېما يوللاپسىز، رەخمەت.
خانقىز،  بۇ تېمىڭىزنى بىۋاستە ئېچىلىدىغان قىلىپ قويدۇم، مۇشۇنىڭغا ئوخشاش تېمىلىرىڭىزنى بىۋاستە ئېچىلىدىغان قىلىپ يوللىغايسىز.