جەننەت بىلەن دوزاخنىڭ پەرقى

ئوتلۇق

ئوخشاش بىر ئىشنى ئويلاپ قىلسىڭىز جەننەتكە كىرىسىز ، خاتاقىلسىڭىز دوزاققا كىرىسىز . مەسلەن ، قاتناش ھادىسسى بۇنىڭ ياخشى مىسالى بولالايدۇ. قاتناش ھادىسىسى يۈز بەرگەندە ، زىيانكەشلىككە ئۇچرىغۇچىنىڭ قانداق روھىي ھالەت ۋە ئۇسۇل بىلەن مۇئامىلە قىلىشى ۋە بىر تەرەپ قىلىشى ، ئۇنى ئاخىرى جەننەتكە سەپەر قىلىش بىلەن دوزاققا سەپەر قىلىشنىڭ پەرقىنى كۆرسىتىپ بېرىدۇ .

　　مەن مۇنداق بىر قاتناش ھادىسىنى ئۆز كۆزۈم بىلەن كۆرگەن : دوستۇمنىڭ ئوغلىنى بىر يۈك ئاپتوموبىلى بېسىۋېتىپ قازاقىلغان ئىدى ، زىيانكەشلىككە ئۇچرىغۇچى ئەر–ئايال ئىككەيلەن قەيغۇ–ھەسرىتىنى ئۆچمەنلىككە ئايلاندۇرۇپ ،ھادىسسە پەيدا قىلغان شوپۇرنىڭ پۇتىنى سۇندۇرۇۋەتكەندىن كېيىن، يەنە بولدى قىلماستىن ئۇنىڭ ئاپتوموبىلىنىمۇ كۆيدۈرۈۋەتكەن . زىيانكەشلىككە ئۇچرىغۇچى ئەر–ئايال ھادىسسە پەيدا قىلغان شوپۇرنىڭ ئائىلىسىدىن تۆلەم تەلەپ قىلماقچى بولغاندا ، ئويلىمىغان ئىش يۈز بېرىپ ، شوپۇرنىڭ ئائىلىسىدىكىلەر زىيانكەشلىككە ئۇچرىغۇچى ئەر–ئايالنى ئادەم ئۇرۇپ يارلاندۇرۇش ۋە ئاپتوموبىلغا ئوت قويۇش جىنايىتى سادىر قىلدى ، دەپ سوتقائەرز سۇنغان . زىيانكەشلىككە ئۇچرىغۇچى ئەر–ئايال بۇنىڭدىن قورقۇپ كېتىدۇ !

　　بەختكە يارىشا ھادىسسە پەيدا قىلغان شوپۇر ئەرىزقىلىشنى كۈچەپ توسقاچقا ، زىيانكەشلىككە ئۇچرىغۇچى ئەر–ئايال سوتقا چاقىرتىلمايدۇ.ئۇلار كېلىشتۈرۈش ئارقىلىق ئەرىزنى تۈگىتىدۇ . ھادىسسە پەيدا قىلغان شوپۇر زىيانكەشلىككە ئۇچرىغان ئەر–ئايالغا قاراپ ناھايىتى قايغۇرغان ھالدا :ئەسلىدە تۆلەم تۆلىمەكچى بولغانتىم ، بالاڭلاردەك سىلەرنى باقماقچى بولغان ئىدىم ،ئەمما سىلەر مېنى ئۇرۇپ مېيىپ قىلىپ قويدۇڭلار ، يەنە ئاپتوموبىلىمنىمۇ كۆيدۈرۈۋەتتىڭلار ، سىلەرگە تۆلەم بېرىش ، بېقىشنى تىلغا ئالمايلا قوياي ، ئۆزەمنىڭ تۇرمۇشىنىقامداش ئىقتىدارىمنىمۇ يوقىتىپ قويدۇم، دەيدۇ. زىيەنكەشلىككە ئۇچرىغۇچى ئەر–ئايال بۇنى ئاڭلاپ بىردىنلاھوشىغا كەلگەندەك بولۇپ ، قاتتىق پۇشايمان قىلىدۇ ، ئۆزلىرىنىڭ ھەرىكىتىنىڭ ھادىسسە پەيدا قىلغان شوپۇرنىڭ سەۋەنلىكىدىنمۇ يىرگىنىشلىك ! بولغانلىقىنى ھېس قىلىدۇ . ھادىسسە پەيدا قىلغان شوپۇر كۆڭلى يۇمشاقلىق قىلىپ ، زىيەنكەشلىككە ئۇچرىغۇچى ئەر–ئايالنىڭ ئۈستىدىن سوتقا ئەرز قىلمىغان ، بولمىسا ئۇلار دوزاقنىڭ ئازابىنى كۆرگەن بولاتتى .

　　بۇ زىيانكەشلىككە ئۇچرىغۇچىنىڭ قارىغۇلارچە ئۆچمەنلىكىنىڭ دوزاققا سەپەر قىلدۇرىدىغانلىقىنى ئويلاپ يېتەلمىگەنلىكىدۇر . ناۋادا ئۇلار بۇنى ئويلاپ يېتەلىگەن بولسا قانداق بولاتتى ؟ ئېھتىمال جەننەتكە كىرگەن بولاتتى .

　　1994–يىلى9–ئاينىڭ مەلۇم بىر كۈنى ، بىر جۈپئامېرىكىلىق ئەر–ئايال يەتتە ياشلىق بالىسىنى بىرگە ئېلىپ ، ئىتالىيە چېگرىسى ئىچىدىكى بىر يۇقىرى سۈرئەتلىك تاشيولدا ئاپتوموبىل ھەيدەپ ، خۇشال–خورام ھالدا بىر ساياھەت رايونىغا قاراپ ماڭغان . بىر فىيات ماركىلىق ئاپتوموبىل ئۇلارنىڭ ئالدىغا تۇيۇقسىز ئۆتكەن ھەمدە ئۇ ئاپتوموبىل ئىچىدىكىلەر ئۇلارغا قارىتىپ ئوق چىقارغان ، ئامېرىكىلىق ئەر–ئايال ئامان قالغان بولسىمۇ ،ئەمما يەتتە ياشلىق ئوغلىغا باندېتلارنىڭئوقى تېگىپ ، ھاياتىدىن ئايرىلغان . بۇ ئامېرىكىلىق ئەر–ئايال ئىتالىيىلىكلەرگە ، ئامراق يۈرەك پارىسىنىڭ جېنىغا زامىن بولغان بۇ يەرگە ئۆچ بولۇپ كەتكەن . ئەمما ئۇلار دېلو مەلۇم قىلغاندىن كېيىن ، ئۆچمەنلىك ۋە قانداق قىساس ئېلىش بىلەن بولۇپ كەتمىگەن . يۈز بېرىدىغان تراگىدىيە يۈز بېرىپ بولدى ، ئۆچمەنلىك قىلىشنىڭ نېمە ھاجىتى بار ؟ قىساس ئېلىش ئارقىلىق قانداق ئاقىۋەتكە ئېرىشمەكچى؟ دەپ ئويلاپ ، يەر–جاھاننى تەسىرلەندۈرىدىغان بىر قارارنى چىقىرىپ ،ئوغلىنىڭ ساغلام ئەزاسىنى ئىتالىيەلىكلەرگە تەقدىم قىلغان . بۇ ئامېرىكىلىق ئەر–ئايالنىڭ كىشىنى ھەيرانقالدۇرىدىغان ساۋاپلىق ئىشى ئىتالىيەلىكلەرنى خىجىل قىلىدۇ ، ھەم ئۇلارنىڭ مەدھىيەلىشىگە ئېرىشكەن . ئىتالىيە زۇڭتۇڭى ئۆز قولى بىلەن بىر دانە پەخرىي مۇكاپات ئوردېنىنى بۇ ئامېرىكىلىق ئەر–ئايالغا تەقدىم قىلغان ، ئۇلارنى شەرەپلىك ھالدا ئىتالىيەنىڭ پەخرىي پۇقراسى قىلغان ، ئۆمۈرلۈك بېقىلىش شەرتىدىن بەھرىمەنقىلغان .

　　ئەمەلىيەتتە ئىنسانلارنىڭ بۇ دۇنياغا تۆرۈلىشى ، ياشىشىدا نۇرغۇنلىغان ئىشلارنى ئويلاپ يېتىش–يېتەلمەسلىكى بىرلا مەسىلىگە يەنە جەننەت ۋە دوزاققا سەپەر قىلىشقا باغلىق بولىدۇ . بۇنى ئويلاپ يېتەلىسىڭىز ئوڭۇشسىز ئەھۋالدىمۇ : دەل–دەرەخ ، گۈل–گىياھلار بىلەن بېزەلگەن راھەتبەخىش ماكانغا سەپەر قىلىسىز ، ئويلاپيېتەلمىسىڭىز ئوڭۇشلۇق شارائىتتىمۇ : ئۆچمەنلىك ئۇرۇقى چاچسىڭىز ، ئەبەدىي ھالاكەتيولىغا قەدەم قويغانكىشىگە ئايلىنىپ قالىسىز. بۇ يەردە جەننەت بىلەن دوزاقنىڭ پەرقى، پەقەتلا ئىنسانلارنىڭ تېگى–تەكتىدىن ئويلاپ يېتىش ياكى يېتەلمەسلىكىگە باغلىق بولىدۇ. (قۇربانجان مەمتىلى تەرجىمىسى)



مەنبەسى: تەڭرىتاغ تورى

سىرداش

ياخشى  ماتىرىيال يوللاپسىز،  ھارمىغايسىز.

ئاينۇر

بەك تەسىىرلىك ئىكەن ھەقىقەتەن ئادەمنى ئويلاندۇرىدۇ

يۈسەن

ياخشى تىما ئىكەن ،شۇنداق دۇنيا مىھرى مۇھەببەت بىلەن گۈزەل.....

umid0998

ياخشى تىمىكەن، پوزىتسىيە ھەممىنى بەلگىلەيدۇ دىگەن گەپ بار ئەمەسمۇ؟ ئىشلارنى ئەقىل بىلەن ئويلاپ قىلغۇلۇق