بۇ سەككىز سوئال سىزنى دەرھال سەگەك قىلىدۇ

ئوتلۇق

بۇ سەككىز سوئال سىزنى دەرھال سەگەك قىلىدۇ


1-سوئال:ئەگەر ئۆيىڭىزنىڭ بېقىنىدا بىر رېستۇران بولسا،تاماقلىرى ھەم قىممەت ھەم تەمسىز بولسا،ئۈستەللىرىدە قۇرۇتلار مېڭىپ يۈرسە،سىز بۇ رېستۇراننى يېقىن دەپلا،قولايلىق دەپلا ئارقا-ئارقىدىن كىرەمسىز؟
جاۋاب:سىز چوقۇم،بۇ قانداق سوئال،ئادەمنى چېلىۋاتامسىز،كىم بۇنداق دۆت،بۇنداق ناچار رېستۇرانغا پۇل خەجلەيدىغانغا؟دەيسىز
ئەمسە ئوخشاش بىر ئەھۋالنى ئورۇننى ئالماشتۇرۇپ قويۇپ باقايلى،شۇ چاغدا ئۆزىنىڭ ئەخمەقلەرچە ئىش قىلغان قىلمىغانلىقىڭىزنى بىلەلەيسىز.ئاز بولمىغان قىز-يىگىتلەر مۇھەببىتى ياكى جورىسىنى ئەخلاقى ياخشى ئەمەس،ئىككى كېمىگە تەڭ دەسسەيدۇ،مەسئۇلىيەتسىز دەيدۇ،لېكىن شۇنداقلىقىنى بىلىپ تۇرۇپ يەنە جان-جەھلى بىلەن سۆيىدۇ،گەرچە نەپرىتى مۇھەببىتىدىن چوڭقۇر بولسىمۇ شۇنداق،لېكىن «نېمىشقىكىن»يەنە ئۇنىڭ بىلەن ئارىلىشىپ يۈرىيدۇ،ئايرىلىپ كېتەلمەيدۇ،مۇنداقچە قىلىپ ئېيىتقاندا،چىدىمايدۇ،كۆنۈپ قالغان،مانا بۇ بايامقى رېستۇران بىلەن ئوخشاش ئەھۋال شۇمۇ ئەمەسمۇ؟
  كىشلىك تۇرمۇشتا،ئادەملەر نېمىشقا جاھىللىق قىلىپ چىڭ ئېسىلىۋالىدۇ؟
2-سوئال:ئەگەر سىزنىڭ 100يۈەنىڭىز چۈشۈپ قالغان بولسا،سىز ئۇنىڭ نەدە يۈتكىننى بىلسىڭىز،سىز 200يۈەن كىرا پۇلى خەجلەپ شۇ 100يۈەننى تاپقىلى بارامسىز؟
جاۋاب:نېمىدېگەن ھاماقەت سوئال بۇ؟
لېكىن،بۇنداق ئىشلار ئارىمىزدا بەك كۆپ،بىر ئىشنى خاتا قىلىپ قويغان بولساق،خاتالىقىنى بىلىپ تۇرۇپ،خاتالىقىمىزنى ئېيتاب قىلمايمىز،بوينىمىزغا ئالمايمىز،يەنە تېخى شۇنچە ۋاقىت سەرپ قىلىپ شۇنىڭ ئۈچۈن باھانە ئىزدەيمىز،باشقىلارغا ياخشى تەسىر بېرىشقا تىرىشىمىز،باشقىلار تەرىپىدىن تىل-ئاھانەتكە ئۇچرىساق ۋاقىت ئىسراپ قىلىپ شۇنىڭغا كۆڭلىمىزنى يەتكۈچە يېرىم قىلىمىز،بىر ئىشقا ئاچچىقىمىز كېلىپ قالسا،ئۆچ ئېلىش ئۈچۈن ھەممىنى قىلىشتىن يانمايمىز بەزىدە،مۇھەببەتتىن ئايرىلىپ قالساق ئۇنىڭ ئەمدى قايتىپ كەلمەيدىغانلىقىنى بىلىپ تۇرۇپ تازا ئازابلىنىمىز،يەنە تېخى نەچچە يىل ئازابلىنىدىغان ئىشلارمۇ بار،ھاراق-تاماكىدىن دەردىنى چىقىرىپ يۈرۈيدىغانلارمۇ بار،لېكىن بۇنداق قىلغاننىڭ قىلچە پايدىسى يوق،تېخىمۇ كۆپ نەرسىلەرنى يوقىتىشىڭىز مۇمكىن.
  كىشلىك ھاياتتا--ئادەم نېمىشقا ئۆزىنى ئۆزى قىينايدۇ؟
3-سوئال:سىز گېزىتلەردە كۈندە توختىماي ئېلان قىلغان قاتناش ھادىسلىرى،ئۆلۈم-يېتىمدىن قورقۇپ تالاغا چىقماي ئۆيدە ئولتۇرامسىز؟
جاۋاب:بۇ قانداق سوئال بولۇپ كەتتى،ئەلۋەتتە ئۇنداق بولمايدۇ،تۇرمۇش ئۆز يولىدا مېڭىۋېرىدۇ.
ئاز بولمىغان ئادەملەر ھازىر ئاجىرىشىش نىسبىتى يۇقىرىلاپ كەتتى،مۇھەببەتكە ئىشەنمەيمەن دەيدۇ،دېگەندە ئاغزىدىن ئاسان چىقىدۇ،ئۆزىنىڭ كەلگۈسىگە ،جورىسىغا ئىشەنچ بىلەن قارىمايدۇ،باشقىلارنىڭ مىسالىنى ئۆزىگە تەدبىقلىۋالىدۇ،ئاتالمىش ئۈمىدۋارلىق بولسا،گەرچە يوللار قانچىلىك خەتەرلىك بولسىمۇ،مەن ئەنە شۇ يولدىن بىخەتەر ئۆتەلەيدىغان ئادەم،سەل دىققەت قىلساملا يولدىن ئۆتۈشتىن قورقمايمەن دېيەلىشىڭىز كېرەك.
كىشلىك ھاياتتا--چوقۇم ئۈمىدۋار بولۇڭ،ئۆزىڭىزگە ئىشىنىڭ!
4-سوئال:ھەممە ئادەمنىڭ شۇنداق ئاسانلا ئىگىلىك تىكلەپ نەتىجە قازىنالايدىغانلىقىغا ئىشىنەمسىز؟
جاۋاب:ئەلۋەتتە ئىشەنمەيمەن
كۆزىتىش ئارقىلىق،بىر قىسىم ئادەملەر مۇۋەپپىقىيەت قازانغانلارنىڭ تەكلىپ-پىكىرلىرىنى مەسلەن،كىتابنى كۆپرەك ئوقۇ،كۆپ مەشىق قىل،ئاڭلاشتا بەك قىيىن تۇيۇلىدۇ شۇنداقمۇ؟
بىز ھەممىمىز نەچچە مىنۇتتىلا يادلايدىغان نەرسىلەرنى يادلاپ بولۇشنى،بەش مىنۇتتىلا قىيىن مەسلىلەرنى ھەل قىلالاشنى ئويلايمىز،لېكىن نەدە ئۇنداق ئاسان ئىش ئۇنداق ئاسان مۇۋەپپىقىيەتلەر بولسۇن؟قىينچىلىقتىن قورقمايدىغان،باش ئەگمەيدىغان ئادەملەرلا مۇۋەپپىقىيەت قازىنالايدۇ.
بىر قېتىم مەن تاكسىغا چۈشتۈم،شوپۇر ئالدى-كەينىدىكى كېتىۋاتقان ئېسىل ماشىنىلارغا قاراپ،ھەي،نېمىشقا باشقىلارنىڭ پۇلى كۆپ،شۇنداق ئاسان تاپالايدۇدېدى خۇرسىنىپ،مەن بۇ گەپنى ئاڭلاپ سىزنىڭچە بۇ دۇنيادا پۇل تېپىش شۇنچە ئاسانمۇ دېدىم،لېكىن ئۇ جاۋاب بېرەلمىدى،قارىغاندا باشقىلارنىڭ تاپقان پۇلى بىزگە شۇنداق ئاسان تاپقاندەك تۇيۇلىدىغان چېغى بار.لېكىن ھەممە ئادەم شۇنداق جاپا تارتىپ تاپىدۇ پۇلنى،شۇڭا بىزمۇ تىرىشىپ،تەقدىردىن قاقشاپ ئولتۇرماسلىقىمىز كېرەك.
كىشلىك ھاياتتا:ئادەم پەقەت ئۆزىگە تايىنىش لازىم.
5-سوئال:سىزنىڭچە پەقەتلا ۋاسكىتبول ئويناپ باقمىغان ئادەم مۇنەۋەر ۋاسكىتبول تېرنىرى بولالامدۇ؟
جاۋاب:ئەلۋەتتە بولالمايدۇ،بۇ كەسىپنى ئەھلى ئەمەس تۇرسا!
لېكىن،نۇرغۇن ئادەم،مەلۇم كەسىپنى قەتئىي چۈشەنمىگەن ئەھۋال ئاستىدا،شۇ كەسىپنى بەك ياخشى دەپ ئاڭلاپلا شۇ جەھەتتىن ئىگىلىك تىكلەشكە يۈگۈرەيدۇ،بەزى ئادەملەر كىيىمنى قانداق ماسلاشتۇرۇشنى ياكى ماركىلارنى بىلمەي تۇرۇپ كىيىم-كېچەك دۇكىنى ئاچىمەن دەيدۇ،نەتىجىدە،مىش-مىش گەپكە قالىدۇ،ئۆزىنىڭ نېمىشقا نەتىجە چىقىرالمىغانلىقىنى ،ئىقتىدارىنىڭ بۇنىڭ بىلەن تەتۈر تاناسىپ ئىكەنلىكىنى بىلمەيدۇ،تېخى باشقىلاردىن قاقشايدۇ.
كىشلىك ھاياتتا:كۈچىگە لايىق ئىش قىلىش لازىم.
6-سوئال:ئوخشىشىپ قالىدىغان لېكىن ئوخشىمايدىغان سوئال،ۋاسكىتبول تېرنىرى مەيدانغا چىقماي تۇرۇپ مەيدانغا يېتەكچىلىك قىلالامدۇ؟
جاۋاب:كاللىڭىز چاتاقمۇ يا؟بۇ قانداق مۇمكىن بولسۇن؟
لېكىن ئاز بولمىغان ئادەم ئۆزىنىڭ ۋاقتى يوق تۇرۇپ،ئىقتىدارى يوق تۇرۇپ كاللىسى قىززىپ قالغاندا ئۇنى-بۇنى ئېچىپ باقىدۇ،ئاندىن ماڭغۇزالماي ئولتۇرىدۇ،قارىغۇلارچە مەبلەغ سېلىپ باقىدۇ،زىياننى يەتكۈچە تارتىپ ئاھ ئۇرۇپ،تەلىيىم كاجكەن دەپ ئولتۇرىدۇ،مەسلىنىڭ نەدىن چىققانلىقىنى بىلمەيدۇ.
   كىشلىك ھاياتتا--ئادەملەر نېمىشقا ئويلىنىپ ئىش كۆرمەيدۇ؟
7-سوئال:سىز مەڭگۈ پۇشايمان قىلىشقا رازىكى،بىر سىناپ بېقىشقا رازى ئەمەس شۇنداقمۇ؟
يېشىش:مېنىڭچە ھېچكىم:«شۇنداق،مەن ئاشۇنداق توخۇ يۈرەك بولدىمۇ؟»دېمەسلىكى مۇمكىن.
  بىز تۇرمۇشتا يۈرەكلىك بولىدىغان ئىشلارغا يۈرەكلىك بولماي،يۈرەكلىك بولمايدىغان ئىشلارغا يۈرەكلىك بولۇپ يۈرىيمىز،بەزىدە قورقۇپ يۈرەكسىزلىك ئىرادىسزلىك قىلىمىز،تىرىشىپ بېقىشنى سىناشتىن يالتىيىمىز،بەزىدە يامان تەرىپىنى بەكەرەك،بەزىدە ياخشى تەرەپىنى بەكەرەك ئويلاپ تۇرىۋالىمىز.
كىشلىك ھاياتتا--بىر قېتىم ئېلىشىپ كۆرگەنلىكنىڭ زىيىنى يوقتۇر
8-سوئال:سىزنىڭ ۋاقتىڭىز چەكسىز،قېرىمايسىز،شۇڭا ئەڭ قىلغۇڭىز بار ئىشنى چەكسىز كەينىگە سۈرسىڭىز بولىدۇ شۇنداقمۇ؟
جاۋاب:ياق.پەقەت قاپاقباشلا شۇنداق قىلىدۇ.
لېكىن بىز تۇرمۇشىمىزدا دائىم،مەن قېرىغاندا چوقۇم دۇنيانى كېزىمەن،پىنسىيەگە چىققاندا ئۇنى قىلىمەن بۇنى قىلىمەن،بالام چوڭ بولغاندا....دېگەندەك بىر قاتار گەپنى بەك كۆپ قىلىمىز،بىز ھاياتىمىز ئاخىرلاشمايدىغاندەك،شۇ پېتى ساق تۇرىدىغاندەك،ئالىمادىسقا ئۇچرىمايدىغاندەك،نۇرغۇن زېھنى-قۇۋۋىتىمىز باردەك سۆزلەيمىز،ئەمەلىيەتتە بىز ئارزۇ-ئارمانلىرىمىزنى قەدەممۇ-قەدەم ئەمەلگە ئاشۇرۇپ ماقساق بولىدۇ،ھەممىنى دۆۋلەپ يىغىپ قويغاننىڭ نېمە پايدىسى؟نېمىشقا ھاياتىمىزنىڭ يېرىمىدىن كۆپرەكى تۈگىگەندە،كۈچ-ماغدۇر قالمىغاندا ئاندىن بۇ ياشلىقتىكى ئارمانلارغا يېتىشنى ئويلايمىز؟سىز بىر پۇتىڭىز گۆرگە ساڭگىلىغاندا ئارزۇ-ئارمانلىىڭىزنى ئەمەلگە ئاشۇرالمىغانلىقىڭىزدىن ئۆكۈنۈپ ياتامسىز؟شۇ پېتى كېتىپ قالامسىز؟شۇڭا ياش ھەم شاش ۋاقتىڭىزدا ئاران بىر كېلىدىغان ئۆمرىڭىزدە ئارزۇ-ئارمانلىرىڭىزغا يېتىڭ!
مەنبە :  چەكسىز تورى

◤pari◥

ھەقىقەتەن ياخشى سۇئاللار كەن بۇ رەھمەت !!!

سىرداش

تىمىڭىزغا رەھمەت.

tarhanbag

كىشىلىك ھاياتتىكى ئويلىنىشقا تىگىشلىك مۇھىم مەسىللەركەن. ھەقىقەتەن ئويغا چۇكۇپ قالدىم. رەھمەت.