ئۇنداق خوتۇننى ئالماسمەن مەڭگۈ (ھەجۋى)

سىرداش

ئۇنداق خوتۇننى ئالماسمەن مەڭگۈ

قۇياشتىن ھورۇن شۇنچە ئىزەڭگۈ
يوقتۇر ساداقەت ھەتتا چىن سۆيگۈ ،
كۈندە قاتار چاي ،رېستوران كەزگۈ ...
بۇنداق خوتۇننى ئالماسمەن مەڭگۈ .

ئەر خەقنىڭ گېپى ئۆيگە ئۆتمىسە ،
خوتۇنى بەخىتنى ئۆيگە تۆكمىسە ،
ئويۇن-تاماشا يىراق كەتمىسە ،
بۇنداق خوتۇننى ئالماسمەن مەڭگۈ .

رەڭگارەڭ چاچلار چېچىلسا ھەريان ،
ھەر ئىشتا ئەرگە سۈرمىسە زۇۋان ،
نىكاھسىز تۇرۇپ بوپ قالسا جۇۋان ،
ئۇنداق خوتۇننى ئالماسمەن مەڭگۈ .

يىرتىق شىم بىلەن چېقسا كوچىغا ،
قاش-كۆز ئوينىتىپ يۈسەنوچىغا ،
تۇتۇلۇپ قالسا ھەتتا ئوۋچىغا ،
بۇنداق خوتۇننى ئالماسمەن مەڭگۈ .

ئوچاق بېشىغا بولمىسا پىششىق ،
رېستوران ئارا باغلىسا ئىشىق ،
لالما ئىت بىلەن تالاشسا رىسىق
ئۇنداق خوتۇننى ئالماسمەن مەڭگۈ .

«خىزمەت ئىھتىياجى » بوپ قالسا كىيىم ،
كىيىم ئىھتىياجى بوپ قالسا يىرىم ،
قالغان يىرىمى بوپ قالسا گىرىم ،
ئۇنداق خوتۇننى ئالماسمەن مەڭگۈ .

كىيگەن كىيىمى تىزدىن ئاشمىسا،
ماڭسا بىراۋلار نەگە باشلىسا .
كۆڭلى بىر يەردە تېنىچ ياتمىسا
بۇنداق خوتۇننى ئالماسمەن مەڭگۈ .

يۈرسە گەر قىلىپ كوت-كوت قۇرۇق گەپ ،
ۋەياكى قىلسا غەيۋەت –شىكايەت ،
بولمىسا بۇنداق يوسۇن ھەم ئەدەپ ،
ئۇنداق خوتۇننى ئالماسمەن مەڭگۈ .

ئەقلى يوق ناباپ خۇتۇن ئۆز ئېرىنىڭ ھىمايىچىسى بۇلالمايدۇ.

ئۆينىڭ تۈرۈكى بولغان ئەركەك
قاچان ئۆينىڭ بۇسۇغىسدا تۇرۇپ ئۆي ئىچىگە ھەسرەت ھەم چەكسىز ئازاپ بىلەن قارىغان كۈنى
بۇ ئۆينىڭ تاجۇ تەختى بەختى ئاللا بۇرۇن زاۋالىققا يۈز تۇتقان بۇلىدۇ.
مەنبە:تۇزتۇراق

◤pari◥

بولمىسا قولغا قول ،پۇتغا پۇت
چىن سۆيگۈ بولمىسا ھاتتا ساداقەت،
يۈرسە قاتار چاي، رېستۇران كېزىپ ،
بۇنداق خۇتۇننى ئالماڭ سىز پەقەت.

ئەر خەقنىڭ گېپى قۇلاققا كرمىسە پەقەت،
خوتۇنى بەختىنى ئۆيىگە تۆكمىسە ئەبەت،
ئەر ۋە بالىغا ۋاقتىدا ئەتمىسە تاماق،
بۇنداق خۇتۇننى ئالماڭ سىز پەقەت.

گۇلزار

ئاياللاردا ئالاھىدە بىر خىسلەت بولۇپ ئۇ بولسىمۇ ، ئاياللارنىڭ  مۇلايىملىقى  بىلەن مېھرىبانلىقى ،  ئۇلار بۇ  خىسلىتى بىلەن ئۆمۈرۋايەت بەخت - سائادەتكە ئېرىشىپ ئىللىق ئائىلىنىڭ نۇرلۇق مەشئىلىنى ياندۇرۇپ كەلمەكتە .
  سەمىمى - سادىق بولۇش بىر ئادەمنىڭ ئىشى بولماستىن بەلكى ئائىلىدىكى ھەر ئىككى تەرەپنىڭ ئورتاق ئىشى ، شۇڭا ھەر ئىككى تەرەپ بىر - بىرىنى ھۆرمەتلەپ ، بىر بىرىنىڭ قادرىگە يېتىپ سەمىمى - ساداقەت بىلەن ياشىسا مانا بەخت دىگەن شۇ .
  
.

مەرىپەت

بۇ شئېرغۇ ياخشى يېزىلىپتۇ، بىراق...

  ئەر خەقنىڭ گېپى ئۆيگە ئۆتمىسە ،
خوتۇنى بەخىتنى ئۆيگە تۆكمىسە ،
ئويۇن-تاماشا يىراق كەتمىسە ،
بۇنداق خوتۇننى ئالماسمەن مەڭگۈ .  

   ئەر خەقنىڭ گېپى ئۆيگە نىمىشقا ئۆتمەيدۇ؟ ئويۇن-تاماشانى نىمىشقا يىراق كەتكۈزەلمەيدۇ؟ بۇ يەردىكى مەسئۇلىيەت كىمدە؟...

سىرداش

مەرىپەت يوللىغان ۋاقتى  2012-11-11 20:58
بۇ شئېرغۇ ياخشى يېزىلىپتۇ، بىراق...

  ئەر خەقنىڭ گېپى ئۆ ...

ئىنتايىن مۇھىم بولغان سۇئالنى سۇراپسىز.   بىر ئائىلىنىڭ  باشقۇرۇلىشى ئەر كىشىگە باغلىق، ئايالىنى قەدىرلەپ، ھۆرمەتلەپ، ھەممە نەرسىسىنى تەل قىلىپ بىرىپ، ئائىلىدە ئەردەك  ياشايدىغان ئەرلەرنىڭ ئاياللىرى  ھەرگىز  ئۇنداق بولۇپ قالمايدۇ،  ئايالىنىڭ بۇزۇلىشىنى  ئاساسەن   ئېرىدىن كۈرۈشكە بولىدۇ، ئەمما   ئەسلىدىلا ئائلە تەربىيىسى ياخشى بولمىغان بىر قىسىم ئاياللارمۇ  بار، تەسىرلەنمەيدۇ،  ھاياجان يوق، تىل -ئىزا كار قىلمايدۇ، تاياق يىسە تۇمشۇقىنى  سۈرتىۋېتىپلا  ئۈزىنىڭ بىلگىنىنى  قىلىدۇ.   بۇنداق ئاياللارنىڭ چىقىش يۇلى  تۇل  ئۆتۈشتىن ئىبارەت،  ئۇلاردىن  داتلىنىپ يەنە بىر ئۆيدە ئولتۇرغان ئەرمۇ  ئىشقىلىپ بىر  ئەر.

يۈسەن

ياخشى شىئىر ئىكەن ،بۇنىڭدىكى كۆپ مەسئۇليەت ئاياللاردا بولسىمۇ ئاز بىر قىسمى يەنىلا بىز ئەرلەردە....قانداق دىدىم مۇنبەرداشلار.............!؟

سىرداش

يۈسەن يوللىغان ۋاقتى  2012-11-11 21:26
ياخشى شىئىر ئىكەن ،بۇنىڭدىكى كۆپ مەسئۇليەت ئاياللاردا ...

ناھايىتى  توغرا،   بىز ئەرلەر ئەردەك  بولالىساقلا  ئاياللار ئۇ يولغا ماڭمايدۇ.

زەپەر

مەن ئويلايمەن بىز ئەرلەر تۇرمۇش داۋامىدا ئۈزىمىزنىڭ ئەرلىك بۇرچىمىزنى ۋە ئوي ئىچىدىكى ئەرلەرنىڭ قىلىشقا تىگىشلىك بولغان مەجبۇريەتلىرىمىزنى تۇلۇق ئادا قىلساقلا  بىزنىڭ ئاياللىرىمىز ئۇ ھېلىقى يوللارغا قارىمايدۇ دەيمەن . ئالدى بىلەن مەسىلىنى ئۈزىمىزدىن قېزىش زۈرۈلغۇ دەيمەن

سىرداش

زەپەر يوللىغان ۋاقتى  2012-11-11 23:48
مەن ئويلايمەن بىز ئەرلەر تۇرمۇش داۋامىدا ئۈزىمىزنىڭ ئ ...

توغرا دەسىز.

مەرىپەت

يۈسەن يوللىغان ۋاقتى  2012-11-11 21:26
ياخشى شىئىر ئىكەن ،بۇنىڭدىكى كۆپ مەسئۇليەت ئاياللاردا ...

‹‹بۇنىڭدىكى كۆپ مەسئۇليەت ئاياللاردا بولسىمۇ ئاز بىر قىسمى يەنىلا بىز ئەرلەردە..›› بۇ گەپلەر ئالمىشىپ قالدىمۇ قانداق؟ ئەرلەر نىمىشقا ئائىلىدىكى مەسئۇلىيەتتىن قاچىدۇ؟...