دەرس ۋاقتىدا گەپ قىلغانغا ئېغىزى-بۇرنىغىچە تويغان ...

سىرداش

جېجياڭ ۋېنلىڭ شەھىرىدىكى تەييۈەن يەسلىسىدە يۈز بەرگەن كىچىك بالىلارنى خورلاش ۋەقەسى نۇرغۇنلىغان تورداشلارنىڭ دىققىتىنى تارتقان بولۇپ، بۇنداق يەسلىدىكى كىچىك بالىلارنىڭ ئوقۇتقۇچىلىرى تەرىپىدىن ھەرخىل ئۇسۇللاردا خورلىنىش ۋەقەلىرى بارغانسېرى كىشىلەر ئەڭ دىققەت قىلىدىغان مەسىلىگە ئايلانغان. چۈنكى ھېچقانداق ئاتا-ئانا بولغۇچى ئۆز يۈرەك پارىسىنىڭ مەكتەپتە باشقا ئوقۇتقۇچىلىرى تەرىپىدىن تەن جازاسىغا ئۇچراشنى خالىمايدۇ-دە. 10-ئاينىڭ 29-كۈنى ، ۋۇخەن شەھىرىدىكى بىر كىشى مۇخبىرغا ئەھۋال ئىنكاس قىلىپ ئۆزىنىڭ بالىسىنىڭ دەرسخانىدا پاراڭ سېلىپ قويغانلىقى ئۈچۈن ئوقۇتقۇچىسى تەرىپىدىن پىلاستىردا ئېغىزىنىڭ ھىم چاپلىۋېتىلگەنلىكىنى ئېيتتى. بۇنداق دەرس ۋاقتىدا گەپ ئاڭلىمايدىغان كەپسىز ئوقۇغۇچىلارغا بولۇپمۇ ئەمدىلا بەش-ئالتە ياشقا كىرىپ ئاق-قارىنى بىلمەيدىغان بالىلارغا بۇنداق غەلىتە جازالاش ئۇسۇلىدا تەنبىھ بېرىش بىر ئوقۇتقۇچى دېگەن شەرەپلىك نامغا مۇناسىپ كېلىدىغان كىشىلەرنىڭ قىلىقى ئەمەس.
مۇخبىرنىڭ ئىگىلىشىچە، بۇ ئىشقا چېتىلىدىغان ئوقۇتقۇچى ۋاقىتلىق دەرس ئۆتىدىغان ئوقۇتقۇچى بولۇپ، يەسلىنىڭ مۇناسىۋەتلىك رەھبەرلىرى بۇ بالىنىڭ ئۆيدىكىلەردىن ئەپۇ سورىغان بولۇپ، بۇ ئوقۇتقۇچىغا مەكتەپتە قالدۇرۇپ قويۇپ جازا بېرىش ئۇسۇلىنى قوللانغان.
توۋا، دەرس ۋاقتىدا گەپ قىلغان ئوقۇغۇچىنىڭ ئېغىزى پىلاستىردا ھىم چاپلىۋېتىلدى
ۋاڭ خانىمنىڭ دېيىشىچە، ئالدىنقى ھەپتە ئائىلىسىدىكىلەر ئولتۇرۇپ پاراڭلىشىۋاتقان ۋاقتىدا يەسلىدىكى ئوغلى تولىمۇ گۆدەكلىك بىلەن ئۆزلىرىگە ئەدەبىيات دەرسى بېرىدىغان ئوقۇتقۇچىنىڭ تولىمۇ يامان ئىكەنلىكىنى، كىم دەرس ۋاقتىدا پاراڭ سالسا ياكى كەپسىزلىك قىلسا ئېغىزىنى پىلاستىردا ھىم چاپلىۋېتىدىغان بولۇپ، ئېغىزى چاپلانغان ئوقۇغۇچى دەرس سائىتى توشقۇچە بولغان ئارىلىقتا ئالدىدىكى دەرس سۆزلەيدىغان پەشتاقتا جىم تۇرىدىكەن. ۋاڭ خانىم ئوغلىنىڭ گېپىنى ئاڭلىغاندىن كېيىن چۆچۈپ كەتكەن، يېقىندا تېلېۋىزورلاردا ۋەياكى تورلاردا قىزىق تېمىغا ئايلانغان يەسلى بالىلىرىنى خورلاش ۋەقەسىنىڭ ئۆز ئوغلىدىمۇ يۈز بەرگەنلىكىنى بىلگەندىن كېيىن دەرھال ئوغلىنىڭ باشقا ساۋاقداشلىرىنىڭ ئۆيىدىكىلىرىگە تېلېفون قىلىپ ئۇلارنىڭ بالىلىرىمۇ مۇشۇنداق تەن جازاسىغا ئۇچىرىغان-ئۇچرىمىغانلىقىنى سۈرۈشتە قىلغان. نەتىجىدە سىنىپتىكى يېرىمدىن كۆپرەك بالىلارنىڭ ھەممىسى مانا مۇشۇنداق جازاغا ئۇچراپ باققان بولۇپ، ئاتا-ئانىلار غەزەپلەنگەنلىكىدىن دەرھال مەكتەپ رەھبەرلىرى بىلەن ئالاقىلەشكەن.
ۋەقە: ئەسلىدە بىر ۋاقىتلىق دەرس ئۆتۈشكە مەسئۇل ئوقۇتقۇچى مۇشۇنداق قىلغان ئىكەن
مەكتەپ رەھبەرلىرى ئاتا-ئانىلارنىڭ ئىنكاس قىلغان مەسىلىسىگە قارىتا تەكشۈرۈش ئېلىپ بېرىش ئارقىلىق تېخى يېقىندىلا تەكلىپ بىلەن ئىشلەتكەن ۋاقىتلىق دەرس ئۆتىدىغان ياش ئوقۇتقۇچىنىڭ بالىلارغا دەرس ئۆتۈش جەريانىدا كەپسىزلىك قىلغان بالىلارغا گەپ ئاڭلىتالماي ئاخىرى سەۋر قاچىسى توشقاندا ئاچچىقى بىلەن قايسى ئوقۇغۇچى گەپ قىلسا بېرىپلا ئۇنىڭ ئېغىزىنى پىلاستىر بىلەن ھىم چاپلىۋەتكەنلىكىنى، شۇنىڭ بىلەن قورقۇپ كەتكەن بالىلارنىڭ ھېچقايسىنىڭ دەرس ۋاقتىدا گەپ قىلىشقا جۈرئەت قىلالمايدىغانلىقىنى، بۇ ئوقۇتقۇچىمۇ خاتىرجەم دەرسنى ئۆتىدىغانلىقىنى بىلدى. مەكتەپ رەھبەرلىرى بۇ ئىشنى ئېنىقلاپ چىققاندىن كېيىن شۇ ئوقۇغۇچىلارنىڭ ئۆيىدىكىلىرىدىن ئەپۇ سورىغان بولۇپ، بۇ ئوقۇتقۇچىغىمۇ مەكتەپتە قالدۇرۇپ تەنقىد قىلىش جازاسىنى بەرگەن. شۇنىڭ بىلەن بۇ ۋەقە ئاخىرى ھەل قىلىنغان.

مەنبە :  نۇر تورى

نونى

ئوقۇغۇچىلارنى ئەلۋەتتە مۇۋاپىق جازالاش كېرەك.لېكىن، چېكىدىن ئاشۇرىۋېتىشكە بولمايدۇ

گۇلزار

ئوقۇتقۇچى ئەقىللىق ، سالماق ، خۇشخۇي بولۇپ  پۈتۈن مېھرى - مۇھەببىتىنى ئوقۇغۇچىلار بېغىشلىيالىسا  ، ھەم دەرسنى يېقىملىك ، يۇمۇرستىك ، قىزىقارلىق ، جەلىپ قىلارلىق ئۆتەلىسە ئوقۇغۇچىلارنىڭ ئىنتىزامنى بۇزۇشى مۇمكىنمۇ ؟

سىرداش

گۇلزار يوللىغان ۋاقتى  2012-10-31 16:07
ئوقۇتقۇچى ئەقىللىق ، سالماق ، خۇشخۇي بولۇپ  پۈتۈن مېھر ...

دىققەتقىلىدىغان ئىشكەن  بۇ.  بۇلۇپمۇ يەسلى   باشلىقلىرى  .

گۇلزار

سىرداش يوللىغان ۋاقتى  2012-10-31 16:37
دىققەتقىلىدىغان ئىشكەن  بۇ.  بۇلۇپمۇ يەسلى   باشلىقلىر ...

شۇنداق، ھەر بىر ئوقۇتقۇچى دىققەت قىلىشى كېرەك .