دەرىس تەييارلىقى-«ئىسىم»

شوتا

ۋاقتى : 2012- يىل 15- ئاپىرىل
1. دەرس تېمىسى :
                       ئىسىم
2. ئوقۇتۇش نىشانى : 1) بىلىم ۋە ئىقتىدار نىشانى :
ئوقۇغۇچىلار ئىسىمدىن ئىبارەت بۇ سۆز تۈركىمىنىڭ نېمىلىكىنى ، ئۇنىڭ قانداق سوئاللارغا جاۋاب بولۇپ كېلىدىغانلىقىنى ، قانداق تۈرلەرگە بۆلىنىدىغانلىقىنى بىلدۈرۈش .
2) جەريان ھەم ئۇسۇل نىشانى :
ئوقۇغۇچىلارنى ھەمكارلىشىپ ئىزدىنىشكە يېتەكلەپ ، ئەمەللىيەتنى نەزەرىيىگە تەدبىقلاپ ، شۇ ئارقىلىق قائىدىنى يەكۈنلەپ چىقىشقا ، سوئال ئارقىلىق جاۋاب ، جاۋاب ئارقىلىق سوئال لاھىيىلەشكە ئۇيۇشتۇرۇلۇپ ، ئاساسى ئۇقۇم يەتكۈزىلىدۇ .
3) قىممەت قاراش ، ھېسىيات ، پوزىتسىيە نىشانى :
ئوقۇغۇچىلارغا دۆلەت تىلىنى ياخشى ئۆگىتىش بىلەن بىرگە ئانا تىلنى ھەم ئانا تىل گىرامماتىكىسىنى ئاسراش ، قوغداش ۋە ئۇنى سۆيۈش تەربىيىسى بېرىمەن .
3. مۇھىم نۇقتا :
ئىسىم ئاتالغۇسىغا توغرا تەدبىر بېرىش ئىقتىدارىنى ھەمدە جۈملە ئىچىدە كەلگەن ئىسىملارنى پەرىقلەندۈرەلەيدىغان قابىلىيەت يېتىلدۈرۈش .
4. قىيىن نۇقتا :
ئىسىملارنىڭ مەنا دائىرىسىنى ئېنىق پەرىقلەندۈرۈش .
5. ئوقۇتۇش ۋاستىلىرى :
دەرسلىك كىتاپ ، ئىسىملارنىڭ مەنا دائىرىسىگە مۇناسىۋەتلىك جەدۋەل . دوسكا .
6. ئوقۇتۇش ئۇسۇلى :
ھەمكارلىشىپ ئىزدىنىش . لېكسىيە ھەم سۆھبەت ئۇسۇلى بويىچە دەرس ئۆتىلىدۇ .
7. ئوقۇتۇش سائىتى :
بۇ دەرس ئۈچۈن بىر دەرس سائىتى ئاجىرتىمەن .
8. ئوقۇتۇش جەريانى :
دەرسكە باشلاپ كىرىش . مەن ئوقۇغۇچىلارنى تۆۋەندىكى تېپىشماق ئارقىلىق دەرسكە باشلاپ كىرىمەن .
ھەممە ئادەمدە بىردىن بار ،
ئارتۇق ئەمەس بىر تاللا .
يوقلىمىدا تىزىقلىق ،
تېپىڭلارچۇ ھەي باللا  .
1) يۇقارقى تېپىشماقنى بالىلار ئويلىنىپ تېپىپ بولغاندىن كېيىن ، ئوقۇغۇچىلاردىن بۈگۈن ئۆتمەكچى بولغان دەرسنىڭ نېمىلىكىنى سورايمەن . تېما دوسكىغا چىرايلىق قىلىپ يېزىلىدۇ . ھەر قايسى گۇرۇپپىلارغا ۋەزىپە بويىچە تۈرلۈك شەيئىلەرنىڭ ، ئادەملەرنىڭ ئىسمىنى يېزىشقا ئورۇنلاشتۇرىمەن . يازغان ئىسىملارنىڭ مەنە دائىرىسى بويىچە تۈرگە ئايرىش ئورۇنلاشتۇرىلىدۇ .
2) « بۆرە بىلەن قوزىچاق » ناملىق چۆچەك ئوقۇتۇلۇپ ئۇنىڭدىكى ئىسىملار تاپقۇزىلىدۇ .
3) ئوقۇغۇچىلار رەسىم سىزىپ ئۇنىڭغا ئىسىم قويىدۇ . مەن ئوقۇغۇچىلارغا ئانا تىلىمىزنىڭ سۆز بايلىقىنىڭ بەكمۇ موللىقى ھەققىدە سۆزلەپ بېرىمەن .
4) ئەمەلىي مەشىق ، سۆزلەش ، ئوقۇش ، سىزىش ئارقىلىق ئوقۇغۇچىلار « ئىسىم » دېگەن بۇ سۆز تۈركىمىنىڭ نېمىلىكىنى چۈشەنچىسى ئاساسىدا دەپ بېرىدۇ .
5) مەن خۇلاسە خارەكتىرىدە تولۇقلاپ ، كۆنۈكمە مەشىقى ئىشلەيمىز .
9. تاپشۇرۇق :
ئادەم ، كەسىپ ، جانلىق ، جانسىز نەسىلەرنىڭ ھەمدە مىللەت ، پەسىل ئىسىملىرىنى بىلدۈرىدىغان ئىسىملاردىن بەشتىن يېزىپ كېلىڭ .
10. دوسكا لاھىيىسى :  

سوۋغا :
باشقىلارنىڭ ئىسىمىنى ئېسىڭدە مەھكەم ساقلا . بۇ سېنىڭ شۇ ئادەمنى قەدىرلىگىنىڭنى بىلدۈرىدۇ . ياخشى ئىسىملارغا يارىشا ، ياخشى ئىشلارنى قىل .
11. دەرس ئانالىز يېزىلىدۇ .

سىرداش

ئۇيغۇر تىلى  دەرسىنى ياخشى  لاھىيەلەپسىز   پايدىلانساق بولغۇدەك

تۇنجى قار

ياخشى بوپتۇ .رەھمەت سىزگە!

بايقاش

باشقىلارنىڭ ماتىرىيال ئىزدىشى ۋە چۈشۈرۈپ ئىشلىتىشىگە قۇلاي بولسۇن ئۈچۈن تېما ماۋزۇسىغا قايسى يىللىق ماۋسۇمنىڭ ماتىريالى ئىكەنلىكىنى ئىنىق ئەسكەرتكەيسىز. قوللىغىنىڭىزغا كۆپ رەھمەت!