يېشىم قىرىقتىن ئاشقاندا

musilina

ئەسسالامۇ ئەلەيكۇم ئەزىز قېرىنداشلار،يېڭى ئەزا مۇسىلىنەدىن سىلەرگە ئوتلۇق سالام،سىلەرگە ئاز بولسىمۇ بۇ شېئىرىمنى ئالغاچ كەلدىم،ياقتۇرغايسىلەر.

يېشىم قىرىقتىن ئاشقاندا

چۈشەندىم ھاياتنىڭ چىن مەنىسىنى،
يېشىم قىرىقتىن ئاشقان ۋاقىتتا.
ئەگرى –توقاي ھايات يولىنى،
ئەسلىمە  قوينىدا ماڭدىممەن قايتا.

چاچلىرىمنى ئارىلاپتۇ ئاق،
يېشىم قىرىقتىن ئاشقان ۋاقىتتا.
قەدرىم بوپتۇ بىر تال شامچىلىك،
ئايلانغاندا مۇئاشنىڭ قۇلىغا.

خىزمەت،بالا دەپ ئۆتۈپتۇ كۈنۈم،
يېشىم قىرىقتىن ئاشقان ۋاقىتتا.
ئاتا–ئانامنىڭ قەدرىگە يەتتىم،
بالا دەردى بولغاندا سوۋغا.

چىرايىمغا قورۇق ئىز ساپتۇ،
يېشىم قىرىقتىن ئاشقان ۋاقىتتا.
قامىتىممۇ پۈكلىنىپ ئەنە،
ياشلىقىممۇ تۈگەپتۇ ئاستا.

مەنبە: ئۆز قەلىمىم

ئامان

بايقاش مۇنبىرىمىزگە كەلگەن قەدىمىڭىزگە مەرھابا، musilina خانقىز. شېئىرنى ناھايىتى ياخشى يېزىپسىز. قىرىق ياشتىن ھالقىغان دەۋر ئىنساننىڭ ھەر جەھەتتىن پىشىپ يېتىلگەن، تەجرىبە-ھاسىلاتلارغا تويۇنغان، نەۋقىران دەۋرى. بۇنى پەقەت قىرىق ياشتىن ھالقىغانلار چىن مەنىسى بىلەن ھىس قىلالايدۇ.
رەھمەت سىزگە، مۇشۇنداق ئىجادىي يازمىلىرىڭىز بىلەن مۇنبەرنى تېخىمۇ ئاۋاتلاشتۇرغايسىز.

ئىلغار

ياخشى يېزىلغان شېئىر ئىكەن، ئىجادى تېمىلىرىڭىز ئۈزۈلمىگەي

گۈلزار

مۇنبەرگە كەلگەن قەدەملىرىڭىزگە مەرھابا دوستۇم ، قارىسام تەڭ دىمەتلىكتەك قىلىمىز شۇڭا دوستۇم دەپ ئاتىدىم  خاپا بولماسسىز ؟ شېئىرىڭىزدا ئوتتۇرغا قويغاندەك ياش قىرىقققا بارغاندا    پىشىپ يېتىلدىكەنمىز  ھەم تۇرمۇشىمىزدىكى ئەگرى - توقايلىقلارنى قايا - قايتا ئەسلەپ ئۇنى تولۇقلاشقا تىرىشىكەنمىز ،  قىقىسى بۇ شېئىرىڭىز بىزنى  ھاياتىمىز ئۈستىدە قايتا ئويلىنىشقا باشلاپ باردى ، رەھمەت دوستۇم
来自: Android客户端

pari

ياخشىمۇ سىز مۇسلىنە دوستۇم ؟
شېئىرىڭىز بەك ياخشى چىقىپتۇ ، يېشى قىرىقتىن ھالقىغان ، تەجىربە ساۋاققا تويۇنغان ، نەۋقىرانلارنىڭ تەققى -تۇرقى ، مىجەز- قۇلقىنى گەۋدىلەندۇرۇپ بېرىپتۇ . رەھمەت سىزگە،  بۇنداق ھىسيات پەقەت مۇشۇ ياشتىكى كىشىلەردىلا بولىدۇ .
داۋاملىق مۇشۇنداق ئىجادىي تېمىلىرىڭىزنى يوللاپ تۇرغايسىز .

musilina

تېمامنى بېزەپ رەڭدار تۈسكە كىرگۈزۈپ قويغان  باشقۇرغۇچىغا ۋە شېئىرىمنى ياقتۇرغان قېرىنداشلارغا رەھمەت ..

بايقاش

قىرىق ياش- ئادەم ئەقىل يېشىنىڭ بىرىنچى يېشى ھېسابلىنىدىكەن. قىرىق ياشقا تولغاندا ئادەم ھەقىقى بىر ئادەم بولۇپ ھەرقايسى جەھەتتىن پىشىپ يىتىلىدىكەن. لېكىن بۇ ۋاقىتتا ئۆتۈپ كەتكەن ۋاقتىغا قاراپ كۆپ پۇشايمانلارنى قىلىشىدىكەن. ياخشى يېزىپسىز، تېرىشىڭ！
بۇ شىئېرىڭىزنى كۆرۈپ ياقتۇرۇپ ئاڭلايدىغان بىر ناخشا ئىسىمگە كەپ قالدى. بىرلىكتە ئاڭلايلى! قويۇش بەلگىسىنى بېسىڭ.

كامال6

ياخشى يېزىلغان شېئىر ئىكەن، ئىجادى تېمىلىرىڭىز ئۈزۈلمىگەي

Qol~Ogli

قىرانلىققا كېلەر ئادەم،ياش قىرىققا يەتكەندە،
ھاياتلىقنى بىلەر ئادەم، ياش قىرىققا يەتكەندە.

دىلرۇس

قىرىق ياشلار ئادەمنىڭ ئەقىلگە تولغان، ئىسسىق- سوغاق تۇرمۇش تاۋلىغان، خارەكتېر تۇرغۇنلاشقان، شاشلىقلار پەسەيگەن، تۇرمۇش، ئۆگىنىش، خىزمەت، ھېسيات جەھەتتە بىرقەدەر پىشقان «ئالتۇن دەۋر» سانىلىدۇ. شېئرىڭىزدا مانا بۇ نۇقتىلار ياخشى ئەكىس ئەتتۈرۈلىپتۇ.
تېمىڭىزغا رەھمەت.