غا... (مۇۋەششەھ)

saba007

غا...

(مۇۋەششەھ)

مىجىت ماڭسۇر

ئاتىلار ئۆستەڭ چېپىپ ئاچقان بېغى رەناسى سەن،
بىباھا ھىممەت ئۆزۈڭ، ھەم چىن كۆڭۈل قەناسى سەن.

مەن تىلەپ پەرۋەردىگاردىن، ئاشىقى-مەجنۇن كەبى،
شۇ تىلەك ئاچقان چىچەك، بەختىم قۇشى ئەنقاسى سەن.

ئاق كۆڭۈل ئىنسانغا ھەمرا، تەڭرىنىڭ ھىممەتلىرى،
ئول رىزىق ئەتكەن ئىلاھىم، بۇكۆڭۈل ھەقتاسى سەن.

نا ئۈمۈتتە قالمىغان، باغرىم كېزىپ چۆللەر ئارا،
ئارزۇلۇرۇم قاققان قانات، ئەرشىنىڭ ئەلاسى سەن.

نەسلىدىن چۆل قالمىغاي، ئىنسان ھاياتى شور بېسىپ،
شۇ ھاياتنىڭ تۇپرىقىدا، ئۆسكەن گىياھ  بەرناسى سەن.

ئىلتىجا ئەيلەر ۋۇجۇدۇم، دولقۇنى ئاققان ئېقىن،
ئەۋجىنى كۆككە كۆتۇرگەن، مىسلى كەڭ دەرياسى سەن.

سۈپ-سۈزۈك شۇ سۇلىرىڭدىن، بولمىسۇن باغلار خاراپ،
ئەيلىگىن باغرىڭنى سەنمۇ، ئىلتىپات سەيناسى سەن.


ئاي كەبى نۇرلۇق جامالىڭ، ئەسلىتەر ئەجداد قېنى،
نەسلىمىز كارۋانلىرىنىڭ، ۋايسىماس ھەمراسى سەن.

مەنبە ئۆز قەلەم

سىرداش

ئەجەپ  ماسلاشقان  مىسرالار    .رەھمەت  سىزگە    مەن بەكمۇ  ياقتۇردۇم

alahidin

غا...


(مۇۋەششەھ)


مىجىت ماڭسۇر


ئاتىلار ئۆستەڭ چېپىپ ئاچقان بېغىم رەناسى سەن،
بىباھا ھىممەت ئۆزۈڭ ھەم چىن كۆڭۈل قەناسى سەن.

مەن تىلەپ پەرۋەردىگاردىن ئاشىقى-مەجنۇن كەبى،
شۇ تىلەك ئاچقان چىچەك، بەختىم قۇشى ئەنقاسى سەن.

ئاق كۆڭۈل ئىنسانغا ھەمراھ، تەڭرىنىڭ ھىممەتلىرى،
ئول رىزىق ئەتكەن ئىلاھىم، بۇ كۆڭۈل ھەقتاسى سەن.

نا ئۈمىدتە قالمىغان، باغرىم كېزىپ چۆللەر ئارا،
ئارزۇيۇم قاققان قاناتلار،   ئەرشىنىڭ ئەلاسى سەن.

نەسلىدىن چۆل قالمىغاي، ئىنسان ھاياتى شور بېسىپ،
شۇ ھايات تۇپراقىدا، ئۆسكەن گىياھ بەرناسى سەن.

ئىلتىجا ئەيلەر ۋۇجۇدۇم، دولقۇنى ئاققان ئېقىن،
ئەۋجىنى كۆككە كۆتۇرگەن، مىسلى كەڭ دەرياسى سەن.

سۈپ-سۈزۈك شۇ سۇلىرىڭدىن، بولمىسۇن باغلار خاراپ،
ئەيلىگىن باغرىڭنى سەنمۇ ئىلتىپات سەيناسى سەن.


ئاي كەبى نۇرلۇق جامالىڭ، ئەسلىتەر ئەجداد قېنى،
نەسلىمىز كارۋانلىرىنىڭ ۋايسىماس ھەمراسى سەن.


دوستۇم، قىزىڭ ئاماننىساغا يازغان بۇ مۇۋەششەھ خېلى مۇۋەپپەقىيەتلىك چىقىپتۇ. ئۇنىڭ ۋەزىن چاققان قىسمەن جايلىرىنى تۈزىتىپ قويدۇم. ئۇتۇق ساڭا يار بولغاي، يەنىمۇ تىرىشقىن!

زەپەر

بەك ياخشى يېزىپسىز نادىر تىمىللىرىڭىز ئۈزۈلىگەي

نونى

مىجىت مۇئەللىم ، بۇ ئەسىرىڭىز ناھايىتى مۇۋەپپەقىيەتلىك چىقىپتۇ. شېئىردا تەسۋىرلەنگەن « ئاماننىسا » نى ئايالىڭىزمىكىن دەپتىكەنمەن ، ئالاھىددىن ئۇستازنىڭ ئىنكاسىنى كۆرگەندىن كېيىن ، قىزىڭىز ئىكەنلىكىنى بىلدىم.مۇشۇنداق ئېسىل يازمىلىرىڭىز ئۈزۈلمىگەي!

saba007

alahidin يوللىغان ۋاقتى  2012-10-16 18:16
غا...

بىرادەر مەن كۆپ ھىسياتنى چىنلىقتىن تاپىدىكەنمەن. قانداقتۇر بۇ ھىسياتنى ئىپادىلەپ قالدىم. مەن ساڭا سۇنماقچى ئىدىم ، بىراق سەن كۆرۈپ تۈزىتىپسەن . ساڭا رەخمەت.....
مەن سېنىڭ تەلىمىڭگە مۇختاج....

saba007

نونى يوللىغان ۋاقتى  2012-10-17 00:51
مىجىت مۇئەللىم ، بۇ ئەسىرىڭىز ناھايىتى مۇۋەپپەقىيەتلى ...

بىرادەر مەمتىمىن ، ئاماننىسا مېنىڭ ئككىنچى قىزىم.  مۇۋەششەھ بولغاچقا ئىسمىنى يازمىغان.تەكلىپ بېرىشىڭنى سورايمەن........

نونى

بۇرادەر ، شېئىرىڭىزنىڭ 1-كۇبلىت 2-مىسراسىدىكى  ئازراق ۋەزىن چاقىدىغان يېرىنى ھېساپقا ئالمىغاندا، قالغان يېرى ناھايىتى ياخشى يېزىلغان ئىكەن. مەن  شۇ يەرگە تەكلىپ يېزىپ بولغىچە ئالاھىدىن مۇئەللىم تۈزىتىپ قويۇپتۇ. يېقىندىن بۇيان ئارۇز ۋەزنىدىكى ئىجادىيىتىڭىزدە كۆپ ئىلگىرىلەشلەر بوپتۇ. سىزگە ئۇتۇق تىلەيمەن!

گۇلزار

ھەقىقەتەن ياخشى يېزىلغان شېئىركەن . بۇ شېئىردىن سىزنىڭ  بۇلاق كەبى ئۇرغۇپ تۇرغان ھېسىياتلىرىڭىزنى ، قىزىڭىزغا بولغان  ئۈمۈد ئارزۇلىرىڭىزنى كۆرۈپ يەتتىم .  
قىزىڭىز سىزنىڭ بارلىقىڭىز ھەم ئۈمىدىڭىز بولۇپ كۈتكەن يېرىڭىزدىن چىققۇسى !!!

ئامان

ياخشى يېزىپسەن دوستۇم، قەلەمىڭ يەنىمۇ بەرىكەتلىك بولغاي.