ئۆتتى بايرام ھەسرەتتە

سىرداش

ئۆتتى بايرام ھەسرەتتە

ئاپتورى:  ئەكبەر ئابدۇرېشىت تاشيولچى

ئۆتتى بايرام «نەزەربەنتتە» بىر ھەپتە،
بالىنىستا كىسەل بىلەن بىر سەپتە.
ئارام ئالغان بولسا تېنىم مەيلىدى،
قىينالدى جان «كارىۋات»لىق قەپەستە.

كەلدى باغاق بايرامغا تەڭ ئەگىشىپ،
كەلدۇق تويغا ھەر خىيال ھەر نەپەستە.
بايۋەچچىدەك قېتىۋالدۇق،قورساق ئاچ،
قول ئۇزاتتۇق قوش رۇمكىغا بەس-بەستە.

ئىچىپتىمەن ئاقنى قوشۇپ قىزىلغا،
لىق تولدۇرۇپ «خۇش كەتتى»نى ھەۋەستە.
بىلەلمىدىم،كەتتى قاچان باشقىلار،
نىمە قىلدىم،سۆز-ھەركەتلەر يوق ئەستە.

ھۇشنى بىلسەم يېتىپتىمەن دوختۇردا،
ئون ياندۇرۇپ،يۈز ھۆ بىلەن مىڭ تەستە.
دىئاگنوزدا: قاناپ كەتكەن ئاشقازان.
تاس قاپتىمەن جان بەرگىلى بىرپەستە.

ئەقلىم يوقكەن ئىشەكچىلىك،ئىت كەبى،
قالدى كۆڭۈل ئۆكۈنۈشتە،دىلخەستە.
خوتۇن،بالا،ئۇرۇق-تۇققان بىئارام،
ئۆتتى بايرام پۇشايماندا ھەسرەتتە.

2012- يىل 7-ئۆكتەبىر

گۇلزار

  ئۆكۈنۈش ئىچىدىكى ھېسىيات ،پۇشايمان ، ھەسرەت ، ئازاپلىنىش ...
   ھازىرقى جەىيىتمىزدىكى مەيخۇمار كىشىلەرنىڭ تۇرمۇشى ئەكىس ئەتتۈرلۈپتۇ ، بولسا مۇشۇنداق مەيخۇمارلار بالدۇرراق ئەقىلىنى تاپسىكەن .
رەھمەت .

زەپەر

بايقاش مۇنبىرىگە يەنە بىر  پىشىپ يىتىلىۋاتقان شائىردىن  بىرسى قۇشۇلاپتۇ. مەن سىزنى قىزغىن تەبىرىكلەيمەن. رەخمەت سىزگە . ئىجادىي تىمىللىرىڭىز ئۈزۈلمىگەي

ئەنقا

بەك ياخشىكەن .مەن  يېڭى كەلدىم ماڭا كۆپرەك ياردەمدە بۇلىشىڭىزنى ئۈمۈت كىلىمەن

نونى

شېئىرىڭىز ناھايىتى ياخشى چىقىپتۇ. بولۇپمۇ ، ھەممە كۇبلېتلار ئۆزارا قاپىيە بولۇپ كېلىدىغان شەكىلدە شېئىرنى داۋاملاشتۇرماق ناھايىتى تەس. ئەجرىڭىزگە بارىكاللا!!!