مائارىپ ئانا تىل ئۆگىنىش بىلەن باشلىنىدۇ، باشقىلارنىڭ تىلىنى ئۆگىنىش بىلەن تاكامۇللىشىدۇ.
(2012- يىلى 7- ئاينىڭ 1- كۈنى) 2012-يىلى 6-ئاينىڭ 30-كۈنى شىنجاڭ مۇئەللىم ئېلېكتىرون پەن-تېخنىكا شىركىتى ئۈرۈمچى شەھىرى جەنۇبىي شىنخۇا يولىغا جايلاشقان مۇھاجىرلار مېھمانخانىسىنىڭ 2-قەۋىتىدىكى يىغىن زالىدا «مائارىپ تىل ئۆگىنىش بىلەن باشلىنىدۇ، باشقىلارنىڭ تىلىنى ئۆگىنىش بىلەن تاكاممۇللىشىدۇ» دىگەن تېمىدا شىركەتنىڭ 2012-يىللىق خىزمەت يىغىنى ئاچتى ھەمدە 2012-يىللىق ئەڭ يېڭى مەھسۇلاتى بولغان مۇئەللىم 2-ئەۋلاد ئوقۇغۇچىلار كومپيۇتېرىنى ئېلان قىلىپ، بۇنىڭدىن كىيىنكى ئۇيغۇر تىل يىزىقىدىكى مائارىپ ئېلېكتىرون مەھسۇلاتلىرىنىڭ تەرەققىياتى توغرىسىدا يېغىنغا قاتناشقان بارلىق مېھمانلار ۋە ئاخبارات ۋاستىلىرى بىلەن ئورتاقلاشتى.
يىغىنغا شىنجاڭ تېلېۋېزىيە ئىستانىسىسى «مەرىپەت بوستانى» پروگراممىسىنىڭ رىياسەتچىسى ئابلەت ئابدۇرېھىم ئەپەندى رىياسەتچىلىك قىلدى.
يىغىنغا ئەدەبىياتشۇناس، شىنجاڭ پىداگوگىكا ئۇنۋېرسىتېتىنىڭ پروففىسورى ئابدۇقادىر جالالىدىن، شىنجاڭ ئۇنىۋېرسىتېتى فىلولوگىيە ئىنىستىتۇتى دوكتورى ئابدۇرېھىم راخمان، ئابدۇسالام شۈكۈر نوھ، ئابدۇنەزەر ئابدۇللا، ئۆمەرجان قۇربان، شىنجاڭ مائارىپ ئىنىستىتوتىنىڭ دوكتۇرى ماھىرە ھاجىئەكبەر، ئۇيغۇر سوفىت شىركىتىنىڭ قۇرغۇچىسى ئالىم ئەھەد، قارلۇق شىركىتىنىڭ مەسئۇلى پەخىردىن قارلۇق، ساخاۋەتچى ئاتىلار كوللىكتىپىنىڭ قۇرغۇچىسى ھەسەنجان ئابدۇراخمان، ئۈرۈمچى شەھەرلىك ئوقۇتۇش تەتقىقات مەركىزى تەتقىقاتچىسى، كۆزگە كۆرۈنگەن مائارىپ تەربىيىچىسى تۇرسۇن ھەسەن، ئەل سۆيگەن ئەلنى سۆيگەن سەنئەتكارىمىز ئابدۇللا ئابدۇرېھىم، سابا مەرىپەت مائارىپ تەربىيلەش مەكتىپىنىڭ قۇرغۇچىسى مۆمىنجان ئابلىكىم ۋە قوشنا شىركەتنىڭ مەسئۇللىرى، شىنجاڭنىڭ ھەر قايسى جايلىرىدىن كەلگەن ۋاكالەتچىلەر بولۇپ 150 دىن ئارتۇق مېھمان قاتناشتى. مۇئەللىم ئېلېكترون پەن-تېخنىكا شىركىتىنىڭ باش دېرىكتورى ئەخمەتجان نورۇز «كارخانا تەرەققىياتىنى تېزلىتىپ، ئانا تىلدىكى ئېلېكترونلۇق مائارىپ مەھسۇلاتلىرىنىڭ يېڭى پەللىسىنى يارىتايلى!» دىگەن تېمىدا بايانات ئېلان قىلدى.
قالغان تەپىسلاتنى تۆۋەندىكى ئادىرس بويىچە كۆرۈڭ. http://muallim.cn/news41.asp بۇ يازمىنى ئاخىرىدا Ziba تەھرىرلىگەن. ۋاقتى 2012-10-9 15:32
|