ئەرلەر نېمىشقا خوتۇنىنى ئۇرىدۇ؟

سىرداش

ئەرلەر نېمىشقا خوتۇنىنى ئۇرىدۇ؟ خوتۇنىنى ئۇرىدىغان زادى قانداق ئەر؟...بۇ سۇئال ئوتتۇرىغا تاشلانسا شۈبھىسىزكى، نۇرغۇن مۇنازىرە ۋە دەتالاشلارنىڭ كېلىپ چىقىشى تەبىئى. بۇ مەسىلە توغرىسىدا بەزىلىرىمىز ئەرلەرنىڭ مەيدانىدا تۇرۇپ سۆز قىلساق، يەنە بىرقسىملىرىمىز ئاياللار تەرەپتە تۇرۇپ سۆزلىشىمىز، يەنە بەزىلىرىمىز ئىككىلا تەرەپكە تەڭ ئېتىبار بەرگەن ھالدا ئۆز پىكىرىمىزنى ياقلىشىمىز مۇمكىن، مەيلى كىم قانداق كۆز قاراشتا ، قانداق پىكىردە بولسۇن، ئومۇمەن ، جەمئىيىتىمىزدىكى كشىلەرنىڭ بۇ ھەقتىكى قاراشلىرى تۆۋەندىكىدەك ئۈچ تۈرگە بۆلىنىدۇ، چۈشىنىشكە ئاسان بولسۇن ئۈچۈن، بىز بۇ ئۈچ تەرەپكە ئا، ب ، س دەپ ھەرپ بەلگىلەپ، كۆز قاراشلارنى ئايرىم - ئايرىم ھالدا بايان قىلىپ باقايلى!

ئا تەرەپ: ئەرلەرنىڭ مەيدانىغا ۋەكىللىك قىلىدۇ. يەنى خوتۇننى ئۇرۇش توغرا ، ھەقلىق دەپ تەشەببۇس قىلىدۇ.
1. خوتۇننى ئۇرۇش ئەرلىك ھەيۋىنىڭ بەلگىسى، خوتۇندىن قورۇقماسلىقىنىڭ ئەمىلى ئىپادىسى.
2. خوتۇن كىشىنى ئۇرۇش ئارقىلىق ئۇنى تولۇق باشقۇرغىلى، ئەرنىڭ سىزغان سىزىقىدىن چىقماس قىلغىلى بولىدۇ.
3. ئاياللار بەزىدە پەقەت گەپ ئاڭلىمايدۇ، ئارقا-ئارقىدىن خاتالىق سادىر قىلىۋىرىدۇ، شۇڭا ئۇلارنى ئۇرۇپ تۇرۇش ئارقىلىق باشقۇرۇش ئۈنۈملۈك چارە.
4. بەزى ئاياللار ياخشى گەپ قىلسا ئاڭلىماي، تاياق يىگەندىن كېيىن ئادەم بولىدۇ.
5. ئايال كىشىنى چىڭ باشقۇرمىسا، ئەرنىڭ بېشىغا چىقىدۇ، بىز ئۇرمىساق، بىزنى ئۇرىشى مومكىن.
6. ئەر كىشى دېگەننىڭ قەھرىمۇ ، زەھىرىمۇ بولۇشى ، خوتۇنىنى ھەم يىغلىتالايدىغان ھەم كۈلدۈرەلەيدىغان بولىشى كېرەك، ئەركەك دېگەن شۇنداق بولىدۇ.
7. بەزى ئاياللار بەك ۋاتىلداق، ئۇرۇشقاق، ئەر كشى ئۇلارغا گەپتە تەڭ كېلەلمەي تاياققا زورلايدۇ.
يۇقارقى قاراشلارنى يىغىنچاقلىغاندا ئەرلەر خوتۇنىنى ئۇرسا بولىۋىرىدۇ، خوتۇننى ئۇرىدىغان ئەر نوچى، ۋىجدانلىق، غورۇرلۇق ياخشى ئەردۇر.

ب تەرەپ: ئاياللارنىڭ مەيدانىغا ۋەكىللىك قىلىدۇ، يەنى ئەرلەرنىڭ خوتۇنىنى ئۇرۇشى خاتا، ئاياللارنى ئۇرۇشقا قەتئى بولمايدۇ دېگەننى تەشەببۇس قىلىدۇ.
1. ئەر- ئاياللار ھوقۇقتا باراۋەر، ئاياللارنى ئۇرۇش، تىللاش ئەخلاقسىزلىق بولۇپلا قالماي، بەلكى قانۇنسىز قىلمىش.
2. ئەرلەر خوتۇننى ئۇرسا بولىدىكەن، ئۇنداقتا ، ئاياللارمۇ ئەرلەرنى ئۇرۇشى كېرەك. بولمىسا ئەرلەرمۇ خوتۇنىنى ئۇرمىسۇن.
3. ئاياللار نىڭ جاپاسى تولا، ئەرلەر بىلەن تەڭ ئىشلىگەننى ئاز دەپ، بالا بېقىش، تاماق ئېتىش، ئۆي ئىشلىرىنى قىلىش... دېگەنلەرنىڭ ھەممىسىنى ئاياللار قىلىدۇ، شۇنداق تۇرۇپ، ئەرلەر ئۇلارنى ئۇرسا بولامدۇ؟
4. ھەرقانچە ئېغىر گۇناھ ئۆتكۈزگەن تەقدىردىمۇ ئايال كىشىنى ئۇرسا قەتئى بولمايدۇ، ئازمايدىغان، خاتالىق ئۆتكۈزمەيدىغان كىم بار؟ تەربىيە قىلىپ ، پۇرسەت بېرىپ، ئۆزگەرتىشكە تامامەن بولىدىغۇ؟
5. ئاياللار جىسمانى جەھەتتە ئاجىز، ئەگەر ئەرلەر مەن كۈچلۈك دەپ زومىگەرلىك قىلسا، چوقۇمكى بۇنىڭ سورىقىنى تارتىدۇ.
6. تىل- دەشنام، تاياق- توقماق بىلەن ھېچنىمىنى ئۆزگەرتكىلى بولمايدۇ، ھەدېسە ئاياللارنى ئۇرۇش ئېنقكى، ئۇلاردا يوشۇرۇن ئۆچمەنلىك ۋە نەپرەت ھەتتاكى لاۋۇلداپ تۇرغان قىساس ئوتىنى پەيدا قىلىدۇ، خالاس.
7. بىر ئەرنىڭ ۋىجدانى، پەزىلىتى ئۇنىڭ ئايالىنىڭ ماھىيىتىگە بولغان چوڭقۇر چۆكۈشىدىن كېلىدۇ، ھەققىي ئەركەك خوتۇنىنى ئۇرمايدۇ، ھاقارەت قىلمايدۇ، بەلكى ئۆز ھىمايسىگە ۋە مۇھەببىتى ئاستىغا ئالىدۇ.
8. ئاجىز ، يارىماس ئەرلەرلا خوتۇنىنى ئۇرىدۇ. چاقناپ تۇرغان پاراسەت، زىمىندىن كەڭ مېھرىبانلىق، تاغدىنمۇ بۈيۈك پەزىلەت، دېڭىزدىن چوڭقۇر مېھىر - مۇھەببەت بىلەن ئايال قەلبىنى ئىسكەنجىگە ئالغۇچى- ھەققىي ئەركەكتۇر.
9. خوتۇنى ھەقىقەتەن بەك ئەسكىلىك قىلسا، ياكى ئېرىگە يۈز كېلەلمەيدىغان ئىشنى قىلىپ سالغان بولسا، ئۇنى ئۇرۇپ دەسسەپ يۈرگىچە چىرايلىق ئاجىرىشىپ كەتسە بولىدىغۇ؟...
يۇقارقى كۆز قاراشلارنى يىغىنچاقلىغاندا، ئاياللارنى ئۇرۇشقا ، كىشلىك ئىززىتىگە تېگىشكە قەتئىي بولمايدۇ، خوتۇنىنى ئۇرىدىغان ئەر شەپقەتسىز، رەزىل ، نادان ۋە چۈپىرەندە ئەردۇر.

س تەرەپ: ھەم ئەرلەرنىڭ ھەم ئاياللارنىڭ مەيدانىغا ۋەكىلىك قىلىپ ، ھەر ئىككىلا تەرەپكە تەڭ ئىتىبار قىلىدۇ، بۇ تەرەپ، ئاياللارنى ئۇرۇشقا بولمايدۇ، لېكىن بەزىدە ئۇرمايمۇ بولمايدۇ دېگەننى تەشەببۇس قىلىدۇ.
1. ئاياللارنى ئۇرۇپ تىللاپ، ھاقارەت قىلماستىن، چىن دىلىدىن ھۆرمەت قىلىش كېرەك، بىراق ئاياللار گاھىدا ھەددىدىن بەك ئېشىۋالىدۇ، بۇنداق چاغلاردا ئانچە- مۇنچە ئۇچۇغداپ قويمىسمۇ بولمايدۇ.
2. ئاياللار بەك ئېغىر گۇناھ ، خاتالىق سادىر قىلغاندىلا ئۇرۇش كېرەك، ئۇلارنى ھەدېسىلا ئۇرۇشقا بولمايدۇ، بولمىسا تاياقتىن قورۇقمايدىن بولۇپ قالىدۇ.
3. ئاياللار تالاغا قاراپ قالغان بولسا، ئۇرۇپ پۇت- قولىنى سۇندۇرۇۋېتىش كېرەك.
4. شۇنداق ھازازۇل ئاياللار باركى، ئۇلار ئەرلىرىنى بوزەك ئىتىپ « سايىماخۇن» قىلىۋىتىدۇ، شۇڭا ياخشى ئاياللارنى ھەرگىز ئۇرماسلىق، ھېلىقىدەك ھازازۇل ئاياللارنى ئۇرۇپ ئادەم قىلىش كېرەك.

قېنى دەپ بېقىڭ ! قايسى تەرەپنىڭ كۆز قارىشى سىزنىڭ قارىشىڭىز بىلەن بىردەك ئىكەن؟ سىزچە قايسى تەرەپنىڭ كۆز قارىشى توغرا؟
ھەممەيلەننىڭ بۇ ھەقتە ئۆز پىكىرىنى ئوتتۇرىغا قويۇپ بېقىشىنى ئۈمىد قىلىمەن!


مەنبە: شىنجاڭ ئاياللىرى ژورنىلى

نونى

مېنىڭچە   س    تەرەپنىڭ قارىشى توغرىمىكىن دەيمەن

tarhanbag

مېنىڭچە ب تەرەپنىڭ پىكرىنىڭمۇ ئاساسى بار. ئاياللارمۇ ئادەم. ئۇرۇپ نىمە قىلىدۇ. تاياق دىگەننى ھايۋانغا ياراتقان. بۇ دىگىنىم ئاياللارنى ئىختىيارىغا قۇيۇۋېتىڭ دىگىنىم ئەمەس. قاتتىق باشقۇرۇش كىرەك. ئەلبەتتە.

گۇلزار

سىرداش ئەپەندى سىزنىڭ تېمىلىرىڭىز ئىسمىڭىزغا ئوخشاش  سىردىشىش تۈسىنى ئېلىپتۇ رەھمەت  مەنمۇ ب تەرەپنىڭ پىكرىنى قولايمەن مۇنداق دىسەم ئايال بولغانلىقى ئۈچۈن شۇنداق قىلىدۇ  دەپ ئويلاپ قالماڭ . ئۇنداقمۇ ئەمەس . مۇنداقچە قىلىپ ئېيتقاندا  چىن كۆڭلىدىن سۆيگەن .ئۆزىنىڭ بارلىقىنى ئاتا قىلغان ، ئېرى ئۈچۈن بىر ئۆمۈر ھاردىم تالدىم دىمەي خىزمىتىنى قىلغان ،بارلىقىنى ئېرىغا بېغىشلىغان. جاپادا ھەم ھالاۋەتتە بىر گە بولغان ،  بىر ياستۇقققا باش قويغان  جۈپتىنى ئۇرۇشقا قانداقمۇ قولى بارسۇن .
ئاياللارمۇ بىر ئەقىل ئىگىسى ئۇلارنى قاتتىق باشقۇرۇش ياكى تەنقىد قىلىش كەتمەيدۇ ، ئەڭ مۇھىمى ئەرلەر ئالدى بىلەن ئۆزىنى باشقۇرۇپ ئايالىغا ياخشى مۇئامىلە قىلىشى ، ئۇلارنى چىن كۆڭلىدىن سۆيىشى ، ھۆرمەتلىشى ، ئىشىنىشى ، ئاسرىشى كېرەك . شۇندىلا ئىناق ئائىلە بەرپا قىلغىلى بولىدۇ . ھەم ئۇرۇش - جىدەلدىن خالى بولغىلى بولىدۇ ئاندىن كىمنىڭ توغرا ياكى خاتا توغرىسىدا مۇنازىرىمۇ كېلىپ چىقمايدۇ .

سىرداش

گۇلزار يوللىغان ۋاقتى  2012-10-10 17:25
سىرداش ئەپەندى سىزنىڭ تېمىلىرىڭىز ئىسمىڭىزغا ئوخشاش   ...

ئىنكاسىڭىزنى كۈرۈپ باكمۇ  تەاسىرلەندىم.    بۇ  تىمىنىڭ  قىزىق نوقتا بولىدىغانلىقىنى  ئويلاپمۇ  باقماپتىكەنمەن.
چىن كۆڭلىدىن سۆيگەن .ئۆزىنىڭ بارلىقىنى ئاتا قىلغان ، ئېرى ئۈچۈن بىر ئۆمۈر ھاردىم تالدىم دىمەي خىزمىتىنى قىلغان ،بارلىقىنى ئېرىغا بېغىشلىغان. جاپادا ھەم ھالاۋەتتە بىر گە بولغان ،  بىر ياستۇقققا باش قويغان  جۈپتىنى ئۇرۇشقا قانداقمۇ قولى بارسۇن .
بۇ  سوزلىرىڭىز ھەقىقەتەن ئادەمنى  ئويغا  سالىدىكەن.   رەھمەت  سىزگە!

浪漫....

نونى يوللىغان ۋاقتى  2012-10-5 03:31
مېنىڭچە   س    تەرەپنىڭ قارىشى توغرىمىكىن دەيمەن

مىنىڭچە  ب  تەرەپنىڭ توغرا   

浪漫....

مىنىڭچە ب تەرەپنىڭ  توغرا

يۈسەن

مىنىڭچىمۇ  ب تەرەپنىڭ دىگىنى توغرا ،ئۇرۇش،ھەيۋە قىلىش ھېچقانداق ئىشنى باشقا ئېلىپ چىقالمىغانلىقنىڭ ئەڭ ئاخىرقى يەكۈنى خالاس ،ئاياللارمۇ ئادەم ،شۇڭا ئۇلارنى ئۇرۇش خاتا!

ئاينۇر

ھەرقايسى تەرەپنىڭ گىپىنىڭ ئۆزىگە چۇشلۇق ئاساسى بار. ئاياللارنى ئۇرۇش مەسىلىنى ھەل قىلىشنىڭ ئۇسۇلى ئەمەس.