ئانا تۇپراق بىز ئۈچۈن قەدىرلىكسەن
ئوسمان تالىپ ئانا تۇپراق، سەن بىز ئۈچۈن ئەڭ قەدىرلىكسەن، مەن سېنىڭ مېھرى- شەپقىتىڭگە زادىلا قانمايمەن. سەن ئىنسانىيەت ئالىمىنىڭ، ياق بارلىق مەۋجۇداتنىڭ بۆشۈكىسەن، دۇنيادا سەن ئەللەيلىتىپ باقمىغان مەۋجۇدات بارمىدۇ؟! مەن ئويلاپ، سېنىڭ ئالتۇن بۆشۈكىڭدە ئەللەيلىنىپ ئۆسمىگەن، ئەزىز باغرىڭدىن قاناتلىنىپ، كۈچ جاسارەتكە تولمىغان بىرمۇ جانلىقنىڭ يوقلىقىنى ھىس قىلدىم. شۇڭا سېنى بىر ئۆمۈر قەدىرلەپ، مېھرى ئاتەش پىشانەڭنى تاۋاب قىلىپ ئۆتىمەن.
ئېھ، ئانا تۇپراق، سېنىڭ نامىڭ- يەر شارى. سەن ئۆز باغرىڭدىكى بارلىق نەرسىلەرنىڭ ئانىسىسەن، مەنبەسىسەن، سەندە مەۋجۇت بارلىق شەيئىلەر ھاياتلىق ئالىمى ئۈچۈن ئابىھايات، سەن ئىنسانىيەت ئۈچۈن پۈتۈن ۋۇجۇدۇڭنى بەخىش ئەتكەنسەن، سەندە نە زارلىنىش، نە ۋايساش بولسۇن؟ بۇنىڭ ئەكسىچە سەن، مەيلى ئۈستۈڭدە، مەيلى ئاستىڭدا تولۇپ تېشىپ تۇرغان نازۇ- نىممەت، مۆجىزاتلىرىڭ بىلەن ئىنسانلارنى بېقىپ كەلدىڭ، مەن شۇڭا سېنى ئالەمشۇمۇل داستىخېنى كەڭ ساھىبخانا دىيىشكە تامامەن ھەقلىقمەن. نەچچە مىڭ يىللاردىن بېرى ئىنسانلار سېنىڭ گۆھەر باغرىڭنى چېپىپ- چايناپ، ئاغدۇرۇپ، كولىغان بولسىمۇ، سېنىڭ ئۇلارغا بېرىدىغان نىمەتلىرىڭ زادىلا كېمىپ قالمىدى. سەن ئاغرىنىش ئورنىغا خوشاللاندىڭ، بۇ نىمە دىگەن سېخىيلىق، نىمە دىگەن كەڭ قۇرساقلىق ھە!؟
سەن ئۆزۈڭ ياراتقان جانلىقلار ئالىمىنى ئاخىرىدا ئۆز قوينۇڭغا ئالىسەن. شۇ چاغدا باغرىڭدا ئۆسكەن، ئاشۇ جانلىقلارمۇ ئارمانسىز قوينۇڭغا كىرىدۇ. مەنمۇ باغرىڭدىن ئورۇن ئېلىپ ئارمانسىز ياتىمەن.
ئېھ، ئانا تۇپراق! سېنىڭ مېھىر- شەپقىتىڭگە بىر ئۆمۈر جېنىم تەسەددۇق، باغرىڭدا ياشاش سەن ئۈچۈن مەرسىيە توقۇپ، ئۆمرۈمگە خاتىمە بېرىشمۇ مەن ئۈچۈن بەخىت!
: «ئانا تۇپراق» تىن
بۇ يازمىنى ئاخىرىدا XAM تەھرىرلىگەن. ۋاقتى 2012-10-3 15:14
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-10-3 14:53:26
يوللىغان ۋاقتى 2012-10-3 14:55:25
يوللىغان ۋاقتى 2012-10-4 02:35:21
