ساقى

alahidin

ساقى

ئالاھىدىن ئابدۇرېشىت

غېرىب ھوجرامدا تەنھامەن قولۇمدا جام، شاراپ، ساقى،
پىچىرلايمەن سۈكۈتلەرگە، دىلىستانىم خاراپ، ساقى.

خىزىرنىڭ سايىسى چۈشمەس بوسۇغامنىڭ داۋانىغا،
قىلايمەن پايى خاكىڭنى سۈرۈپ كۆزگە تاۋاپ، ساقى.

نىگاھىمدا يېنىپ تۇرغان ۋىسالنىڭ شولىسى ئۆڭدى،
ئەسەبلەردىن قىنىمدا چايقىلار ئاتەش ئازاب، ساقى.

مېنى چىللايدۇ ھېجرانىم باياۋانىدا تۈنلەرنىڭ،
خىيال سەكراتلىرى باغرىمنى ئەيلەر كۈل-كاۋاپ، ساقى.

ئۆزۈمنى بەتلىگەن چۇقانلىرىمغا سالغىمەن ھەتتەڭ،
تىۋىندىم تەڭرىگە، بەيئەتلىرىمگە يوق جاۋاب، ساقى.

قېنى بىر لەھزە مۇڭداش بول، پىغانىم تۇتتى ھەلقۇمدىن،
ئىچەيلى قىبلىگە ئاسىي گۇناھكاردەك قاراپ، ساقى.

غەنىيلىكتىن، زەكىيلىكتىن، رىياكار بەندىلىكتىن ئاھ،
ئۆزۈمگە، ئۆزگىگە ھەم تاپمىدىم زىنھار ساۋاپ، ساقى.

كېلە شەيتانلىرىمنى قۇترىتىپ زەردابىي ئابىمدا،
قاناي ئادەملىكىمگە بىر ماڭا مەستلىك تاراپ، ساقى!

1998-يىلى، 9-ئاينىڭ 4-كۈنى، يېڭىسار.

umid0998

ھەقىقەتەن ياخشى يىزىلغان شىئىر ئىكەن،شىئىرلىرىڭىزنى توپلام قىلىپ نەشىر قىلدۇرۇشنى ئويلاپ باقمىدىمىڭىزمۇ؟

alahidin

ھەقىقەتەن ياخشى يىزىلغان شىئىر ئىكەن، شىئىرلىرىڭىزنى توپلام قىلىپ نەشىر قىلدۇرۇشنى ئويلاپ باقمىدىمىڭىزمۇ؟
كۆڭۈل بۆلگىنىزگە كۆپ رەھمەت!  ئىككى توپلام تۈزۈپ  قويدۇم، نەشرىياتقا بېرىش ئالدىدا تۇرۇۋاتىمەن.

شاتگۈل

alahidin يوللىغان ۋاقتى  2012-9-29 12:44
ھەقىقەتەن ياخشى يىزىلغان شىئىر ئىكەن، شىئىرلىرىڭىزنى  ...

شېئىرلىرىڭىز شۇنداق ياخشى يېزىلىپتۇ ، ھەم سىز شۇنداق تىرىشچان سھەم ئەستايىدىل ئىكەنسىز، سىزدىن ئۆگىنىشكە بەل باغلىدىم كېيىنكى ئىشلىرىڭىزغا ئۇتۇق تىلەيمەن.....

ياشنار

ئالاھىدىن ئەپەندى سىزگە ھەقىقەتەنمۇ قول قويدۇم، بۇنداق ئىسىل شېئىرلارنى يازغان قولىڭىزغا دەت كەلمىسۇن، سىزگە ئۇتۇق تىلەيمەن.

زەپەر

بولسا بىزنىمۇ ئۇقۇشقا تىزراق مۇيەسسەر قىلىشىڭىزنى ئۈمۈد قىلىمەن .رەخمەت سىزگە

tarhanbag

قەلەم قۇۋۋىتىڭىز ھەقىقەتەن كۈچلۈك ئىكەن. شىئېرلار توپلىمىڭىزنىڭ تىزرەك نەشىر قىلىنىشىغا تىلەكداشمەن.

سىرداش

شىرلىرىڭىزگە  باھا بىرىشكە  بەكمۇ  ئاجىزلىق  قىلىمەن.  ئەمما  ھاياجان  ئىچىدە   رەھمەت   لا  دىيەلەيمەن.

asrar

ئالاھىدىن تاغىمىزنىڭ شېئىرلار توپلىمىنىڭ تېزرەك ئوقۇرمەنلەر بىلەن يۈز كۆرۈشۈشىنى چىن دىلىمدىن ئۈمۈد قىلىمەن .