قايغۇلۇق خەۋەر

alahidin

ئۇيغۇر خەلقىنىڭ داڭلىق يازغۇچىسى، «ئەنجانباي» ناملىق رومان، «مۆمىننىڭ مومىغا چىقىشى» ناملىق ھېكايىنىڭ ئاپتورى، يازغۇچى نۇر روزى ئەپەندى 2012-يىلى 9-ئاينىڭ 23-كۈنى ئۈرۈمچى ۋاقتى سائەت 14:30 ئەتراپدا ئالەمدىن ئۆتتى. ئۇنىڭ ئالەمدىن ئۆتۈشى ئۇيغۇر جەمئىيىتى ۋە ئەدەبىياتى ئۈچۈن يەنە بىر قېتىملىق زور يوقۇتۇش بولۇپ ھېساپلىنىدۇ .
مەرھۇم يازغۇچى نۇر روزى 1942- يىل 1-ئايدا يەكەن ناھىيسىنىڭ چارەك يېزىسىدا دېھقان ئائىلىسىدە تۇغۇلغان. باشلانغۇچ، ئوتتۇرا مەكتەپلەرنى يەكەندە ئوقۇپ تاماملاپ، 1957-يىلى شىنجاڭ يېزا ئىگىلىك ئىنىستىتۇتىنىڭ ماشىنسازلىق فاكۇلتېتىغا ئوقۇشقا كىرگەن، 1960-يىلى ئوقۇش پۈتتۈرگەندىن كېيىن ئىلگىرى- ئاخىرى بولۇپ، شىنجاڭ ئىشلەپچىقىرىش-قۇرۇلۇش ئارمىيىسىنىڭ 1-، 3-دېۋىزىيلىرىدە، قەشقەر كونىشەھەر ناھىيلىك خەلق ھۆكۈمىتى يېزا ئىگىلىكىنى ماشىنىلاشتۇرۇش بۆلۈمىدە كەسپىي خادىم، بۆلۈم مۇدىرى بولغان، 1985-يىلى قەشقەر ئۇيغۇر نەشرىياتىغا يۆتكىلىپ كېلىپ، نەشرىيات باسما زاۋۇتى ۋە ئىشچىلار ئۇيۇشمىسىدا رەھبەرلىك خىزمىتىنى ئىشلىگەن.
مەرھۇم يازغۇچى نۇر روزى ئەدەبىي ئىجادىيەت ساھەسىگە 1980-يىلى«قەشقەر ئەدەبىياتى»دا ئېلان قىلىنغان«قوشماق ئاداش» ناملىق ھېكايىسى بىلەن كىرىپ كەلگەن. شۇنىڭدىن تارتىپ ئاساسەن ھېكايە ئىجادىيىتى بىلەن شۇغۇللىنىپ،«مۆمىننىڭ مومىغا چىقىشى»، «قىساس»، «سېپى بولمىسا، ئېپى بولمايدۇ»،«ئا، ب، س ... ئەپەندى» قاتارلىق  كۆپلىگەن ھېكايىلارنى يېزىپ كىتابخانلارغا تەقدىم قىلغان. نۇر رۇزىنىڭ«قىساس» ناملىق ھېكايىلار توپلىمى قەشقەر ئۇيغۇر نەشرىياتى تەرىپىدىن 1987-يىلى نەشر قىلىنغان. مەرھۇم نۇر روزى  شىنجاڭ يازغۇچىلار جەمئىيىتىنىڭ ئەزاسى ئىدى.

كەۋسەر

مەرھۇم يازغۇچىمىزغا جەننەتتىن ئورۇن تىلەيمەن . « ھەممىمىز ئاللاھنىڭ ئىلكىدىمىز ، يەنە ئاللاھنىڭ دەرگاھىغا قايتىپ بارىمىز ».

阿卜杜艾尼

ھەقىقەتەن قايغۇلۇق خەۋەر ئىكەن. بىزنىڭ داڭلىق يازغۇچىمىز، پەخرىمىز ئىدى. كىممۇ بىزگە ياخشى ياخشى ئەسەرلەرنى يېزىپ بىرەر ئەمدى. ھەي........

سىرداش

ياتقان  يېرى  جەننەتتە  بولغاي

سىرداش

ئۇيغۇرلارنىڭ پەخىرلىك ئوغلانى ئىدى

ئابلىمىت

ياتقان  يېرى  جەننەتتە  بولغاي

ezizks-sc

رەھمەتلىك يازغۇچىمىز نۇر روزى يەكەن خەلقىنىڭ پەخىرلىك ئوغلانى ئىدى. بۇ بىز ئۈچۈن چوڭ يوقۇتۇش . ياتقان يېرى جەننەتتە بولغاي.

زەپەر

مەرھۇم يازغۇچى  نۇر رۇزىنىڭ ياتقان جايى جەننەت بولغاي . ئامىن . ھەممىمىز كىيىن شۇ ياراتقان ئاللانىڭ دەرگاھىغا قايتىپ بارىمىزدە.

XAM

مەرھۇم يازغۇچىنىڭ ئالەمدىن ئۆتۈشى ئۇيغۇر ئەدەبىياتى ئۈچۈن يەنە بىر قېتىملىق زور يوقۇتۇش بوپتۇ. مەرھۇم يازغۇچى  نۇر رۇزىنىڭ ياتقان يېرى جەننەت بولغاي.

admin

بۇ خەۋەرنى ئاڭلاپ بەكلا قايغۇردۇم. مەرھۇم يازغۇچى نۇر رۇزىنىڭ ياتقان يېرى جەننەت بولغاي.