ئانىلار قەلبىدە بۆشۈك ھەم جەننەت...

alahidin

ئانىلار قەلبىدە بۆشۈك ھەم جەننەت...

ئالاھىدىن ئابدۇرېشىت

ئانىلار قەلبىدە كۆكلەر ھاياتلىق،
قاغجىراق پەسىللەر تۆكسىمۇ ياپراق.
ئانىلار قەلبىدە يوقتۇر ماماتلىق،
ئانىلار قەلبى، ئۇ-مۇقەددەس تۇپراق.

ئانىلار قەلبىنىڭ شولىسى تاڭلار،
شەپەقلەر جىلۋىسى ۋە كۈلگۈن ئاپتاپ؛
ئانىلار قەلبىدە ئىزگۈ ئاھاڭلار،
كۈيلەردە ھاياتلىق تۇرىدۇ چاقناپ.

ئانىلار قەلبىنىڭ پارچىسى ئاسمان،
ئانىلار قەلبىدە تۇغۇلار قۇياش.
ئانىلار قەلبىنىڭ كۆزنىكى جاھان،
(ياشايمىز جاھاندا، ئانىمىز ئوخشاش!)

ئانىلار قەلبىنىڭ كۆيگەن كۆيۈكى،
ساماۋىي چۈشلەرگە ئەسرار كېچىلەر.
ئانىلار قەلبىنىڭ يارقىن كۆرىكى،
ئۇپۇققا تۇتاشقان مەنزىل-ئەتىلەر.

ئانىلار قەلبىدە روھلار پەرۋازى،
ئانىلار قەلبىدە ئىلاھ سىماسى.
ئۆلۈمنى ئۈركۈتكەن روھلار پەرۋازى-
ئانىلار قەلبىنىڭ ئۆلمەس ساداسى.

ئانىلار قەلبىدە بۆشۈك ھەم جەننەت،
پۇلسىرات ئايلىنار ساما يولىغا.
چايقىلار ئوغۇزرەڭ سۆيگۈ-مۇھەببەت،
تۇتقۇزاي قەلبىمنى ئانا قولىغا!....

بۇ شېئىر«قەشقەر گېزىتى»دە ئېلان قىلىنغان.

زەپەر

رەخمەت سىزگە ئالاھىدىن ئاكا سىز شىئېرنى ھەقىقەتەن ياخشى يېزىپ قۇيىسىز . ئانىلارنى ھۆرمەتلەش ھەر بىر ئەقىل ئىگىسى ۋە ئىنساننىڭ باش تارتىپ بولمايدىغان مۇقەتدەس بۇرچى . ئانىلار دۇنيادا ئەڭ ئۇلۇغ ھۆرمەتكە سەزاۋەر بىر ئىنسان  ئانىسىز ئاھاياتتا تۇرمۇش كەچۈرۈش ئادەمگە نىسپىتەن بەك قىيىنغا توختايدۇ. شۇڭا شۇ جاپاكەش ئانىلارنىڭ قەدىرقىممىتىگە يىتىش ئىنتايىن زۈرۈل .رەخمەت سىزگە نادىر تىمىللىرىڭىز ئۈچۈملىگەي.
مەن سىزگە دىگەن بەزى بىر ئىشلارغا شېئىر يازالماپسىزدە . ۋاختىڭىز چىقمىغان ئۆخشايدۇ.

زەپەر

رەخمەت سىزگە ئالاھىدىن ئاكا سىز شىئېرنى ھەقىقەتەن ياخشى يېزىپ قۇيىسىز . ئانىلارنى ھۆرمەتلەش ھەر بىر ئەقىل ئىگىسى ۋە ئىنساننىڭ باش تارتىپ بولمايدىغان مۇقەتدەس بۇرچى . ئانىلار دۇنيادا ئەڭ ئۇلۇغ ھۆرمەتكە سەزاۋەر بىر ئىنسان  ئانىسىز ئاھاياتتا تۇرمۇش كەچۈرۈش ئادەمگە نىسپىتەن بەك قىيىنغا توختايدۇ. شۇڭا شۇ جاپاكەش ئانىلارنىڭ قەدىرقىممىتىگە يىتىش ئىنتايىن زۈرۈل .رەخمەت سىزگە نادىر تىمىللىرىڭىز ئۈچۈملىگەي.
مەن سىزگە دىگەن بەزى بىر ئىشلارغا شېئىر يازالماپسىزدە . ۋاختىڭىز چىقمىغان ئۆخشايدۇ.

نونى

بۇ شېئىرىڭدا ئانا ئوبرازى   ھەقىقەتەن ئۆز ئىپادىسىنى تېپىپتۇ. ماھىر رەسسام ياكى  ھەيكەلتاراشمۇ ئانا ئوبرازىنى سېنىڭ ئېيتقىنىڭدەك ئىپادىلەشكە ئاجىزلىق قىلىدۇ. قەلىمىڭ بەركەت تاپسۇن !!!...