ھاياتلىقنىڭ قىممىتى

TURSUNTAY_korga

      دارىلئېتامدا چوڭ بولغان بىر بالا دائىم دارىلئېتام باشلىقىدىن سورايدىكەن:
----ھېچكىنگە كېرىكى بولمايدىغان مەندەك بالىنىڭ ياشىشىنىڭ نېمە ئەھمىيىتى بار؟
   دارىلئېتام باشلىقى ھەمىشە كۇلۇپلا قويىدىكەن،ئەمما جاۋاب بەرمەيدىكەن.
   بىر كۇنى دارىلئېتام باشلىقى ھېلىقى بالىغا بىر تاشنى بېرىپتۇ:
  ___ئەتە ئەتىگەن بۇ تاشنى شەھەرگە ساتقىلى ئاپارغىن ،بېراق ھەقىقىي ساتمايسەن،ئېسىڭدە بولسۇن،كىشىلەر مەيلى قانچە باھا قويسۇن ،ھەرگىز ساتما!
    ئەتىسى بالا تاشنى تۇتۇپ بازارنىڭ بىر چىتىدە ئولتۇرغانكەن،كۇتۇلمىگەندە نۇرغۇن ئادەم تاشنى كۆرۇپ قىزىقىپ قاپتۇ . دارىلئېتامغا قايتىپ كەلگەندە بالا ئەھۋالنى  دارىلئېتام باشلىقىغا خوشاللىق بىلەن سۆزلەپ بەرگەنكەن،ئۇ كۇلۇپ كېتىپتۇ ۋە  بالىغا ھېلىقى تاشنى ئەتە ئالتۇن بازىرىغا ئاپىرىپ سېتىشنى تاپىلاپتۇ.ئالتۇن بازىرىدا بەزىلەر بۇ تاشنى تۇنىگۇنكىدىنمۇ  ئون ھەسسە يۇقىرى باھادا سېتىۋالماقچى بوپتۇ.
    كىيىن دارىلئېتام باشلىقى بالىغا تاشنى ئۈنچە-مەرۋايىت بازىرىدىكى يەرمەنكىگە ئېلىپ بېرىشنى تاپىلاپتۇ.نەتىجىدە  تاشنىڭ باھاسى يەنە ئون ھەسسە ئۆرلەپتۇ.ئەمما بالا تاشنى قەتئىي ساتماپتۇ. بۇ تاش يەرمەنكىدە «ئېسىل گۆھەر» بولۇپ
باھالىنىپتۇ.
   بالا قىن-قىنىغا پاتمىغان ھالدا تاشنى كۆتۇرۇپ دارىلئېتامغا قايتىپ كەپتۇ ۋە دارىلئېتام باشلىقىدىن نېمىشقا مۇنداق بولىدىغانلىقىنى سوراپتۇ. بۇ چاغدا دارىلئېتام باشلىقى كۇلمەپتۇ،ئەكسىچە سەۋىرچانلىق بىلەن بالىغا چۈشەندۇرۇپتۇ:
  ____ ھاياتلىقنىڭ قىممىتى مۇشۇ تاشقا ئوخشايدۇ،ئوخشىمىغان مۇھىتتا ئوخشىمىغان مەنىگە ئىگە بولىدۇ. ھېچكىننىڭ
نەزىرى چۈشمەيدىغان بىر تالتاش سېنىڭ قەدىرلىشىڭگە ئېرىشىپ ئېسىل گۆھەرگە ئايلاندى. سەن بۇ تاشقا ئوخشىمامسەن
ئادەم ئۆزىنى دەڭسىيەلىگەن،ئۆزىنى قەدىرلىيەلىگەندىلا،ئاندىن ھاياتلىقنىڭ مەنىسى ۋە قىممىتى بولىدۇ.
   
     مەنبە:   « شىنجاڭ مائارىپ گېزىتى» 1531-سانىدىن ئېلىندى.

ئوتلۇق

ھاياتنىڭ ،ئادەمنىڭ قىممىتىنى ياخشى ئىپادىلىگەن ئەسەركەن بۇ .

tursun123

مەزمۇنى ياخشى بولغان ئەسەرنى يوللاپسەن،يەنىمۇ ئېسىل مەزمۇنلۇق ئەسەرلەرنى يوللىشىڭغا تىلەكداشمەن.