8- مارت خانىم - قىزلار بايرىمىلىق خانىم -قىزلارغا تىلەكلەر

买日艳木

ئاياللار گۈزەل

ئاياللار گۈزەلدۇر ئاياللار شاتلىق،
سۆزلىرى ئوماقتۇر،ئۆزىدىن تاتلىق.
بايراملىق،خوشاللىق مۇججەسسەم ئۇندا،
ئۇلارنىڭ ئالدىدا گۈللەرمۇ چاغلىق.

كۈرۈندى كۆزلەرگە خۇددى چوغ بۇلۇپ،
ھەر ۋاقىت،ھەر دائىم مۇشۇ كۈنلەردە.
كۈندۈزى كۆرگەنلەر ئازلىق قىلغاندەك،
چۈشەيمەن توختىماي ئۇزاق تۈنلەردە.

پەرىمۇ، ئادەممۇ ياكى شەيتانمۇ،
پەرىقنى مەن ئۇنىڭ بىلەلمەس بولدۇم.
كۈرۈپ مەن ئۇلارنىڭ گۈزەللىكىنى،
ھىسىيات بېغىدا مەسلىككە تولدۇم.

ئۆمرۇمنىڭ بارىدا گۈزەل ئاياللار،
بولسىكەن مۇشۇنداق ھەممىسى دەيمەن.
تەرىپلەپ تۇرمىسام مۇشۇ چاغلاردا،
لەززەتلىك تاماقنى قانداقمۇ يەيمەن.

ئاياللار شەنىگە يازىمەن قوشاق،
ئىلھاملار ئۇرغۇيدۇ يۈرەك قېتىدىن.
جىمىكى گۈزەللىك ئۇلاردىن كىلىپ،
بىر ئورۇن ئالسىكەن تارىخ بېتىدىن.