| يۇمۇرلار
******
ھېسامكام ئولتۇرغان بىر سورۇندا ئىككىيلەن پو ئېتىشىپ قاپتۇ.بىرى دەپتۇ:
_ۋاي-ۋاي، تۈنۈگۈن بېغىمدىكى ئالمىنى ئورۇندۇققا دەسسەپ ئاران ئۈزىۋىدىم، ئالمىنىڭ يوغانلىقىدا ئورۇندۇق كۆتۈرەلمەي پۇتى سۇنۇپ كەتتى،_دەپتۇ.
يەنە بىرىمۇ بوش كەلمەپتۇ:
_مېنىڭ بېغىمدىكى ئالمىنىڭ ئوخشاپ كەتكىنىنى دىمەمدىغان، ئاران دىگەندە بىرنى ئۈزۈپ ئۈستەلنىڭ ئۈستىگە قويىۋىدىم،ئۈستەل مىجىلىپ كەتتى،_دەپتۇ. گەپنى تىڭشاپ ئولتۇرغان ھىسامكام دەپتۇ.
_مەنمۇ بۈگۈن بېغىمدىكى ئالمامنى ئاران ئۈزۈپ ھارۋامغا سېلىۋىدىم، دىيىشىگىلا ئارىدىن بىرسى چىقىپ:
_ھە، سېنىڭمۇ ھارۋاڭ مىجىلىپ كەتتى دىگىنە،_دەپ كۈلۈپتۇ.
_ياق، ئالمىنىڭ ئىچىدىن بىر قۇرۇت چىقىپ شۇنچىلىك قاۋۇل ئېتىمنى يەۋەتتى،_دەپتۇ.
**********
مېجەزى چۇس بىر ئادەم بار ئىكەن ،بىر كۈنى بۇ ئادەمنىڭ ئۆيىگە مىھمان كىلىپ قاپتۇ .
ئۇ بىر خورىزىنى ئۆلتۈرۈپ مىھمان قىلماقچى بولۇپ،خورازنى قوغلاپ تۇتماقچى بوپتىكەن
خوراز ئۆگزىگە چىقىۋېلىپ زادىلا تۇتۇق بەرمەپتۇ ،ئۇ ئادەم ئاچچىغىدا باققان مىكيانلىرىنىڭ
ھەممىسىنى ئۆلتۈرۈپ ئۆگزىدىكى ھېلىقى خورازغا ئاچچىقلاپتۇ :
_ سەن ئۆزۈڭنى ئۆلتۈرگىلى قويمىدىڭ ،ئەمدى بىر ئۆمۈر بويتاق ياشا !
*******
ماشىنا ھادىسىسىگە ئۇچراپ پۇتى يارىلانغان بىرۆيلەن سوتتا شوپۇرنىڭ 50 مىڭ يۈەن تۆلەم
بىرىشىنى تەلەپ قىپتۇ .شوپۇر :
_ مىنى مىليونىرمىكىن دەپ قالدىڭمۇ ؟_دەپ ۋاقىراپ كىتىپتۇ .
_ .ئۇنداقتا ،مىنى سەكسەنپۇتمىكىن دەپ قاپسەن-دە ؟_دەپتۇ يارىلانغۇچى .
********
ئايالى : مۇۋاپىقىيەت قازانغان ئەرنىڭ ئارقىسىدا چۇقۇم بىر ئايال بار .
ئېرى : ئۇنداقتا ،مەغلۇبىيەتكە ئۇچرىغان ئەرنىڭ ئارقىسىدىچۇ ؟
ئايالى : چۇقۇم بىر توپ ئايال بار .
******
بىر ئايال باغچىدىكى ئۇزۇن ئورۇندۇقتا ئولتۇرۇپ ،ئەتراپىدا ئادەم يوقلۇقىنى
كۆرگەندىن كىيىن ،ئۇزۇن ئورۇندۇققا چىقىپ پۇتىنى سوزۇپ ياتتى .بىر ئاز ئۆتكەندىن
كىيىن بىر قەلەندەر ئورۇندۇقنىڭ يېنىغا كەلدى :
_ ھەي ئامرىقىم ،ئىككىمىز بىللە باغچىنى ئايلانساق قانداق ؟
_ كىم سېنىڭ ئامرىقىڭكەن ، ئاغزىڭغا بېقىپ سۆزلە ،مەن ئۇنداق تاپتىن چىققان
ئاياللاردىن ئەمەس .
_ ئۇنداقتا ،سىز مېنىڭ كارۋىتىمدا نىمىش قىلىسىز ؟_ دىدى قەلەندەر .
*******
ئېرى ئەتتىگەندە خوتۇنىغا كاپالەت بېرىپتۇ :
_بۈگۈندىن باشلاپ يېڭى ئادەم بولىمەن .ھەرگىز ھاراق ئىچمەيمەن .
بىراق شۇ كەچلىكى يەنە غەرق مەست ھالەتتە ئۆيگە كەپتۇ ، بۇنى كۆرگەن خوتۇنى
دەپتۇ :
_سىز ئەتتىگەن يېڭىدىن ئادەم بولىمەن ،ھاراق ئىچمەيمەن دىمىگەنمىدىڭىز ؟
ئېرى : _ھەي ،مەن يېڭىۋاشتىن بولىدىغان ئادەمنىڭمۇ مۇشۇنداق ئادەم
بولۇپ قېلىشىنى ئويلىماپتىمەن .
********
مۇئەللىم : سەمەت ،سەن ئىسسىقلىقتىن كېڭىيىپ ،سوغۇقتىن تارىيىش ھادىسىسىگە
بىر مىسال ئېلىپ باق .
ئوقۇغۇچى : يازلىق تەتىل ئالتە ھەپتە ،قىشلىق تەتىل پەقەت 14 كۈنلا ئىكەنلىكى
بۇنىڭغا مىسال بولالايدۇ .
مەنبە: ئۇنىڭدىن-بۇنىڭدىن |
|
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2014-12-4 20:15:25
ۋاقتى: 2014-12-5 08:33:23