يۇلتۇزلار بۇلۇپ قاتتى بىر قەبرە (شىئېر )

زەپەر

يۇلتۇزلار بۇلۇپ قاتتى بىر قەبرە

ئۇستاز ئەدىپ زۇنۇن قادىرنى ئەسلەپ

يۈرىسىز يارىدەك بىۋاپا قىسمەت ،
پىشكەل مىسلى بەخىتسىز تەقدىر .
كەلگەن چاغدا ئەمدىلا ئامەت ،
ياۋۇز خۇيۇڭ قىلمىدى تەخىر .

سەن تەبەسسۇم قىلىسەن بەلكىم ،
ھەسرەت بىلەن قارايسا ئالەم .
كۈلكە بىلەن دوس تۇرسا گەركىم ،
ساڭا بەلكىم يۇقۇتۇش ماتەم .

سەن كىلىسەن  بۇراندەك گۇيا ،
ئەڭ ئېغىرى ئۇچۇرۇپ ئەجەل.
ئىشتىيىڭگە كۈرىسەن راۋا ،
لۇخ گۆشلەرنىڭ جەۋھىرىنى دەل .

قارىچۇقلاردا تۈنەپ قالدى ياش ،
ماتام كۈيى چالسا بۇندا ئەل .
چىن ئەقىدە گاھىدا بەڭۋاش ،
تۈلەمدۇق بىز شۇنچە چوڭ بەدەل .

پىشۋاسى يۇمغۇنىڭغا كۆز ،
ئۇيغۇرلاردا يېغلار پىروزا .
ئىيىتمىغانغا يەنە بىر رەت سۆز ،
بۇيۇن قىسىپ قالدى دىرامما .

چايقالغانتى باغلاردا گۈللەر ،
كۈچ قوشقاندا كۈچكە چېنىقىش ،
ھەسەت قىلغان  نى-نى گۈزەللەر ،
غۇنچە قىزغا ياققاندا ئالقىش .

يۇلتۇز بۇلۇپ قاتتى بىر قەبرە ،
ئۇيغۇر ئىلى . تاشلا كۈلكە گۈل .
ئىز كۈمۈلمەس بار بۇندا سەبرە ،
يۈكسەكلىككە قاناتلان ،كۈڭۈل .

ياۋا قامچىگۈلدىن  ئېلىندى .

زەھرا

ياخشى شىئېر ئىكەن ،مېنىڭچە ئەسەر نامىنى «  » ئىچىگە ئالغاندا ئەسەرنىڭ قايىل قىلىش كۈچى يەنىمۇ ئاشىدۇ .مەسلەن ،«چېنىقىش»،« غۇنچە قىز»  دېگەندەك .بۇنىڭدىن كىيىن مۇشۇ تەرەپلەرگە ئەھمىيەت بېرىشىڭىزنى تەۋسىيە قىلىمەن .