ئۇزاق ئولتۇرۇش سالامەتلىككە زىيانلىق

ئىلغار

ئۇزاق ئولتۇرۇش سالامەتلىككە زىيانلىق
سىز بەلكىم چۈشلۈك تاماق ۋاقتىدىن پايدىلىنىپ بەدەن چېنىقتۇرۇش ئۆيىگە بېرىپ بەدەن چېنىقتۇرۇشىڭىز ياكى ئۆيگە قايتىشىڭىز مۇمكىن. بىراق، سىز باشقا ۋاقىتلارنىڭ ھەممىسىدە ئولتۇرسىڭىز، ئۇنداقتا سىز قانچىلىك ھەرىكەت قىلىشىڭىزدىن قەتئىينەزەر قىلچىلىك پايدىسى يوق. بىر تەتقىقاتتا كۆرسىتىلىشىچە، ئۇزاق ۋاقىت ئولتۇرۇش سېمىزلىك، يۇقىرى قان بېسىمى، قەنت كېسىلىنى كەلتۈرۈپ چىقىرىدىكەن ھەم ماددا ئالمىشىشنى ئازايتىۋېتىدىكەن.
مۇتەخەسسىسلەرنىڭ كۆرسىتىشىچە، ئۇزاق ۋاقىت ئولتۇرۇش ئۇزاق ۋاقىت ياتقاندىن كېيىنكى ئەڭ پاسسىپ ھەرىكەت بولۇپ، سەرپ قىلىنغان ئىسسىقلىق مىقدارى ئەڭ تۆۋەن بولىدىكەن، بىر تال ئالمىنى يېگەندە ياكى ئاچچىقلانغاندا سەرپ بولىدىغان ئىسسىقلىق مىقدارىمۇ ئورۇندۇقتا ئولتۇرغاندىكىدىن كۆپ بولىدىكەن.
ئەنگلىيە لافبۇرگ ئۇنىۋېرسىتېتىنىڭ پىروفېسسورى ستۇئارت بىدېل مۇنداق دەيدۇ: ‹‹كىشىلەر دائىم ئۇزاق ئولتۇرۇشنى ھەرىكەت قىلماسلىق، دەپ خاتا چۈشىنىۋالىدۇ. ئەمەلىيەتتە،سىز بەدەن چېنىقتۇرۇش ئۆيىگە بېرىپ بەدەن چېنىقتۇرسىڭىز ياكى 30مىنۇتتىن 45 مىنۇتقىچە پىيادە مېڭىپ، قالغان ۋاقىتلارنىڭ ھەممىسىدە ئولتۇرسىڭىز، ئۇنداقتا، سىزنىڭ تۇرمۇش ئۇسۇلىڭىز ئۇزاق ئولتۇرۇش بىلەن ئوخشاش بولۇپ قالىدۇ››. ھازىر ئۇزاق ۋاقىت ئولتۇرۇش ئەڭ يېڭى ساغلاملىق تەشۋىشى بولۇپ قالدى. تەتقىقاتچىلارنىڭ كۆرسىتىشىچە، ئۇزاق ۋاقىت ئولتۇرۇش ئاخىرقى ھېسابتا قەنت كېسىلى قاتارلىق كېسەللەرنى كەلتۈرۈپ چىقىرىدىكەن. لېكىن شۇنى بىلىش كېرەككى، كىشىلەر ھەر يېرىم سائەت ياكى بىر سائەت ئولتۇرغاندىن كېيىن ئورنىدىن تۇرۇپ بېرىشى ياكى مېڭىپ بېرىشى كېرەك، مۇشۇنداق قىلغاندىلا، بۇ جەھەتتىكى خەۋپ – خەتەرنى زور دەرىجىدە ئازايتقىلى بولىدىكەن.
ئۈرۈمچى كەچلىك گېزىتىدىن ئىلىندى.

سەييارە0

ئۇزاق ۋاقىت ئولتۇرۇش سېمىزلىك، يۇقىرى قان بېسىمى، قەنت كېسىلىنى كەلتۈرۈپ چىقىرىدىكەن،كوپرەك ھەركەت قىلىپ،ئازراق ئولتۇرساق بولدىكەن.

زەپەر

ساغلاملىققا ئائىت تىمىڭىز ئۈزۈلمىگەي

مەتتۇردى

بۇ  بەك ياخشى تىمىكەن .بۇندىن كىيىن ئازئولتۇرۇپ كۆپرەك ھەركەت قىلساق تەن ساغلاملىققا پايدىلىقكەن ئەمەسمۇ تۇرداشلار ھە!

دىلرۇس

سالامەتلىككىمىزگە پايدىلىق تېما ئېلىپ كەلگىنىڭىزگە رەھمەت.

pari

بۇمۇ بىر بىلۋېلىشقا تىگىشلىك بىر بىلىمكەن رەھمەت .

توغراق

رەھمەت سىزگە ئىلغار ئەپەندىم ساغلاملىق توغرىسىدىكى تىمىڭىز داۋاملىق ئۆزۈلمىگەي .................