مەھەلە دوقمۇشىدىكى ئەرلەر

مەخپۈزە

مەھەلە دوقمۇشىدىكى ئەرلەر

مەھەلىمىز ئاۋاتتۇر،
قىشمۇ- ياز خۇددى باھار.
بالىلار شاد ئوينىشار  ،
كوچىلار بىلىنمەس تار .

شۇ مەھەلىمىزدە بار ،
چوڭراق كەلگەن بىر دوقمۇش .
دوقمۇشنى بەك ساقلايدۇ ،
ئەرلەر كېلىپ تۇشمۇ تۇش.

مەن ئۆتىمەن دوقمۇشتىن،
ھەر مەكتەپكە ماڭغاندا .
پۇتلىشىمەن گاھىدا ،
ئەرلەر قاراشلىرىدا .

يەنە ئۆتتۈم بۈگۈن مەن ،
ئەرلەر لىققىدە ئىكەن .
ئاڭلاپ قالدىم بۇ دوقمۇش،
غەيۋەت ماكانى ئىكەن  .

قايتىپ كەلسەم مەكتەپتىن ،
ئەرلەر تۇرار ساماندەك .
بۆسۈپ ئۆتەلمەي ئارىنى ،
يۈزۈم بولدى شەلپەردەك .

توۋا دەيمەن ئۇلارغا ،
ئۆيدە يوقمۇ باشقا ئىش .
مۇشۇنداقلا ئۆتەرمۇ ؟
ئاق لىباسلىق ئۇزۇن قىش .

كىتاب ئوقۇشمۇ بىر خىل ،
ئېسىل خىسلەت ئەمەسمۇ ؟
بۇنى كۆرسە بالىسى ،
تەڭ ئەگىشەر ئەمەسمۇ ؟

كوچىدىن ئۆتمەك قىيىن ،
ئەرلەر ئوراپ ئالغاندا.
چەتتە تۇرۇڭ بولمىسا ،
بىراۋ ئۆتەر بولغاندا .

-  داۋامى بار

قەلەم تەۋرەتكۈچى :بۈۋى پاتىمەم ئۇيغۇرىيە

بەختىيار(بايقاش

ياخشى يېزىلغان شېئىر ئىكەن،تېمىڭىزنى ئوقۇپ تولىمۇ سۆيۈندۈم،رەھمەت!

خۇمارى

ھەقىقى ئەھۋالنى ئوبرازلىق تىللار بىلەن ئىپادىلەپ بىرىپسىز.راستىللا مەھەللە دوقمۇشلىرى ئەرلەرنىڭ غەيۋەت سورۇنىغا ئايلىنىپ قالدى.بىزنىڭ قەددى تاغدەك ئەرلىمىز نىڭ بۇنۇڭدىن باشقا ئىشى يوقمىدۇ؟ھەقىقەتەن ئەپسۇسلىنىمەن.

pari

شېئىرلىرىڭىز بىر -بىرىدىن ئېسىل چىقىپتۇ داۋاملىق تىرىشىڭ .

گۈلزار

بىكار تەلەپ ، غەيۋەتچى ئەرلەرنى ئەينەن تەسۋىرلەپ بېرىپسىز گۈلۈم . بۇ شېئىرىڭىزنى  مەھەللەمنىڭ دۇقمىشىدا مۇشۇنداق توپلىشىپ ئولتۇرغا ئاشۇ  ئەرلەرگە ئوقۇپ بەرگۈم كېلىۋاتىدۇ ئۇلار بۇ شېئىرىڭىز ئارقىلىق ئۆزلىرىدىكى ئىللەتلەرنى تۈزەتسىكەن دەيمەن . رەھمەت سىزگە . اللا قوللىرىڭىزغا دەرت بەرمىسۇن .

دىلرۇس

غەيۋەت، تۇرۇپلا ئەرلەرگە ئالمىشىپ قالدى دېسە. شۇنداق، ھازىرقى دوقمۇشلار غەيۋەت ورنىغا ئالمىشىپ قالدى. مەن ئىسىمنى بىلسەم دوقمۇش كۈلكە- يۇمۇر، ھېكايە- چۆچەك، ئۆگىت- نەسىھەت، ئويۇن-تەنھەركەت... ئورنى ئىدى.
رەھمەت شېئىرىڭىزغا، داۋامىنى تېزراق كۆرۈشكە ئىنتىزارمەن.

elderbeg

بۇ شېئىرنى يەنە بىر قېتىم تۈزىتىپ چىقسىڭىز، تېخىمۇ ياخشى بولغۇدەك!
قەلىمىڭىزگە بەرىكەت تىلەيمەن!