مۇڭلىنىمەن

مەخپۈزە

مۇڭلىنىمەن

مۇڭلىنىمەن ھەركىچە قەلبىم ئازاب  ئىلكىدە ،
مۇڭلىرىمغا ھەم سىرداش دەپتەر بىلەن قەلىمىم  .
دەرد دىگەننى ھەر كىمگە تۆكىۋەرسە بولامدۇ ؟
شۇڭا شئېىرغا باغلانغان مىنڭ بۇ غەمكىن قەلبىم .

ئادەمنى ياش قېرىتماس ، قېرىتاركەن غەم - قايغۇ،
ئاڭا ھەم قوشماق ئىكەن ناچار روھىي كەيپىيات.
بۇنىڭ بىلەن بولاركەن ئادەم كېسەل - ئاغرىقچان ،
يەنە كېلىپ تۆلەركەن ئېنېرگىيىدىن سەرپىيات .

مۇڭلىرىمغا مۇڭ بولار دوستلىرىمنىڭ يوقلىقىدىن ،
توۋا دەيمەن ماڭىلا يۇققانمىدۇ ئازاب دەپ .
مۇڭغا پېتىپ ئولتۇرىمەن ،خىياللارغا پاتىمەن ،
قاچان تۈگەر ئازابىم ، ياخشى كۈنلەر كېلەر خەپ .

ئاينىڭ ئون بەشى قاراڭغۇ، ئون بەشى بولۇريورۇق،
ئۆتۈپ كىتەر بۇكۈنلەر تەشنالىقتا قالدىمغۇ .
ئازابلارنىڭ دەستىدىن چاچلىرىمغا ئاق كىردى ،
بۇ كۈنلەرنىڭ ئىزناسى يۈزلەردىكى قورۇق .

ئاھ دەرتمەنلەر، دەرتمەنلەر قەدرىڭلارغا يەتتىمغۇ ،
ئازابلارنىڭ دەستىدىن يۈرەك پارە بولدىغۇ .
‹‹بالا ››كەلسە قوش كېلەر پۇت قولىنى ساڭگىلىتىپ ،
كۆتۈرەلمەي دەردلەرنى كېسەل چىرماپ ئالدىغۇ.

     مەنبە:   بۈۋى پاتىمەم ئۇيغۇرىيە

بەختىيار(بايقاش

ياخشى يېزىلغان شېئىر ئىكەن،تېمىڭىزنى ئوقۇپ تولىمۇ سۆيۈندۈم،رەھمەت!
سىزنىڭ ‹‹بايقاش››تورغا يېڭىدىن ئەزا بولۇپلا،نادىر شېئىرلارنى مۇنبەر ئەھلىنىڭ ھوزۇرىغا سۇنغانلىقىڭىزغا كۆپتىن-كۆپ رەھمەت،بۇنىڭىدىن كېيىن تېخىمۇ سەرخىل تىمىلارنى يوللاپ،بايقاشنىڭ خاسلىقىنى ھەققىي تۈردە ئىپادىلىشىڭىزنى ئۈمىد قىلىمەن...

كەشپى

ھىسياتىڭىزنى ناھايىتى ياخشى ئىپادىلەپ بېرىپسىز، داۋاملىق شىئېرلىرىڭىزنى مۇنبەرگە يوللاپ كۆپچىلىكنى بەھرىمان قىلشىڭىزنى ئۈمۈد قىلىمەن.

خۇمارى

ئادەمنى ياش قېرىتماس ، قېرىتاركەن غەم - قايغۇ،
ئاڭا ھەم قوشماق ئىكەن ناچار روھىي كەيپىيات.
بۇنىڭ بىلەن بولاركەن ئادەم كېسەل - ئاغرىقچان ،
يەنە كېلىپ تۆلەركەن ئېنېرگىيىدىن سەرپىيات .
بەك ياخشى يېزىپسىز دوستۇم.ئىشەنىچ ئادەمنى ياشنىتىدۇ،غەم ئادەمنى قاقشىتىدۇ.بۇ دۇنيادا دەردى يوق ئىنسان بولمىسا كىرەك.شۇ دەرتلەر تۇپەيلى ئۇزۇمىزنى تۈگەشتۈرىۋالساق دەرت ئۈستىگە دەرت بولمامدۇ.ئۇنىڭدىن كۆرە بىر كۈن بولسىمۇ كۈڭۈل ئازادىلىكى بىلەن خۇشال ياشايلى!

pari

مۇڭلانغان شېئىري ھىسياتىڭىزدىن بەك تەسرلەندىم .رەھمەت داۋاملىق ئۈزۈلدۈرمىگەيسىز . رەھمەت .

گۈلزار

ياخشىمۇسىز مەخپۈزە  ؟
ئالدى بىلەن سىزنىڭ بايقاش مۇنبىرىگە كېلىپ سېپىمىزگە قوشۇلغانلىقىڭىزنى قىزغىن قارشى ئالىمەن ھەم بۇ قىممەتلىك سوۋغىلىرىڭىزغا چىن كۆڭلۈمدىن رەھمەت ئېيتىمەن رەھمەت سىزگە .
شېئىرلىرىڭىزنى ئوقۇپ بەكمۇ سۆيۈندۈم . ئاشۇ ئېسىل  شېئىرلارنى ۋۈجۈتقا چىقارغا ئاشۇ بىر جۇپ قوللىرىڭىز  سۆيۈپ قويغۇم كەلدى . شېئىرلىرىڭىزنى ياقتۇرۇپ قالدىم قېنىم .  ئەمدى كۈندە بىر شېئىر ئېلىپ كەلمىسىڭىز يولىڭىزغا تەلمۈرۈپ قالىمەن گۈلۈم . كېلىپ تۇرغايسىز .

دىلرۇس

مۇڭ- قايغۇ ئادەمنى تۈگەشتۈرۋېتىدۇ، دېگەن پىكىر مارجاندەك مىسرالار ئارقىلىق تولىمۇ ياخشى ئىپادىلىنىپتۇ.
بەرىكەتلىك قەلىمىڭىزگە ئۇتۇق تىلەيمەن.