بايقىشىمنىڭ گۈلزارى

pari

مېھرى ئىللىق نۇر جامال بىر قىز بەر ئىكەن بايقاشتا ،
ئۇنى كۈيلەپ كۈي،داستانلار ئۈزۈلمەسكەن بايقاشتا ،
ئۇ مۇنبەرنىڭ گۈلزارى قەلبى يورۇق ئارماندىن ،
ئەندار بولغان بايقاشقا ياخشى سۈپەت نام بىلەن ،
ئىسمى تاڭداش مۇنبەرگە گۈلزارىكەن باغلارنىڭ .

ئىلىم ھېكمەت بابىدىن ئىزدەپ ھامان ئۆزىنى ،
ھەم يىراققا تىكىدۇ بىر جۈپ قارا كۆزىنى ،
ئەدەپ بىلەن ئەخلاقلىق، گۆھەر قىلىپ سۆزىنى،
يامان بىلەن ناكەسكە قاراتمايدۇ يۈزىنى ،
غورور بىلەن ۋىجداننى جېنى بىلەن تەڭ كۆرگەن ،
مېھرى ۋاپا چىرىقى بايقىشىمنىڭ گۈلزارى .

سادىق ھامان ئۆيىگە مۇھەببەتكە سۆيگۈگە،
ئۆي تۇتىدۇ چېچىنى ھەتتا قىلىپ سۇپۇرگە،
ياشاشنىمۇ بىلىدۇ كۆيۈنۈپ ھە م ئۆزىگە ،
ئەمەل قىلار بىر ئۆمۈر يۈرەكتىكى سۆزىگە ،
شەرمى -ھايا ئىماندىن پەزىلىتى ئۆزگىچە،
بۇ دۇنيانىڭ پاك نۇرى بايقىشىمنىڭ گۈلزارى .

تۇمارىس ھەم نۇزۇگۇم ئايخانلاردەك ئىزى بار،
ۋەتىنىم دەپ قانكەچكەن رىزۋانگۈلدەك ئىزى بار ،
يۇلتۇز كەبى نۇر چاچقان تارىخلاردا بىغۇبار،
مانا بۈگۈن ئەل بىلەن ياشىماقتا بەختەيار،
بۇ ھاياتلىق يولىدا بىھىساپ قان-تار تۆككەن ،
جاسارەتلىك غەيرەتلىك بايقىشىمنىڭ گۈلزارى .

داستان بولغان تىللاردا ھۆرمەت بىلەن چوڭلارنى ،
تاتلىق تىلى مېھرىدىن ئېرىتكەن ھەم توڭلارنى ،
سەھەر تۇرۇپ سۇپۇرگەن ھويلا- ئارام يوللارنى ،
باشقا ئوي دەپ ياتنىماي تۇققان قىلىپ ياتلارنى ،
ئۇزاق يولدا چاپتۇرغان مېھرى ۋاپا  ئاتلارنى ،
ئايدىن گۈزەل ئەقىللىق بايقىشىمنىڭ گۈلزارى .

نۇر تۈكۈپ ئۇ ئەجرىدىن پەخىرلىنىپ كۈلىدۇ ،
ئەدەپ يۇسۇن ئىماننى جاندىن ئەزىز كۆرىدۇ ،
كەلگۈسىگە ئىنتىلىپ يۇكسەك خىيال سۈرىدۇ ،
تۇرمۇشۇغا جان بەدەل قەدىرلايدۇ سۆيىدۇ ،
تاڭ قالدۇرۇپ ھەممىنى كۈيەملەرگە كۆيدۈرگەن ،
قەلبى يۇرۇق نۇر زىيا بايقىشىمنىڭ گۈلزارى .
مەنبە:

بايقاش

بۈگۈن ئىلھامىڭىز بۈلەكچىلا كەپ قاپتۇ دىسە! شىئېرىڭىز ياخشى چىقىپتۇ. بارىكاللا!

دىلرۇس

شئېرىڭىزدا شەرمى ھايالىق، كۆيۈمچان، پەزىلەتلىك، ئۆز كەسپىگە سادىق ۋە پىششىق، ناھەققە كۆرەك كېرىپ مەيدانغا چىقالايدىغان ئوبراز «گۈلزار» نى، ئويناق تىللار ئارقىلىق شۇنداق يارقىن ئىپادىلەپسىز. مەن بۇ ئوبرازىڭىزنى «بايقاش» ئۈچۈن مېھنەتسىز تەر تۆكىۋاتقان گۈلزار ئۇستاز دەپ چۈشەندىم.  مۇشۇنداق نادىر شئېر ئېلىپ كەلگىنىڭىزگە تەشەككۈر!

گۈلزار

دوستۇم بۇ شېئىرىڭىزنى ئوقۇپ ھاياخاندىن ئېغىزىمغا گەپ ،قوللىرىمغا خەت كەلمەيۋاتىدۇ ، ماختاپ ئۇچۇرۋېتىپسىزغۇ ،چۈشىدىغان يەرنى ئويلىشىپ قويسام بولغىدەك ،بولمىسا ئۆزەمنى يوقۇتۇپ قويغۇدەكمەن ， مېنى ئەسلەپ تۇرغىنىڭىزغا ھەم بۇ كۈيلىرىڭىزگە  رەھمەت
来自: Android客户端

بەختىيار(بايقاش

بارىكاللا،پەرى خانقىز كۈچلۈك قەلەم قۇۋۋىتىڭىزگە ھەم شائىرانە ئىلھاملىرىڭىزگە چىن دىلمىدىن قايىل بولدۇم.مۇنبىرىمىزدە گۈلزار خانىم،مەرىپەت خانىم،قەسىر خانىم،خۇمارى خانىم ۋە سىزدەك پەرى خانىملار بولغاچقا مۇنبەرنىڭ گۈزەللىكىنى تېخىمۇ نامايەن بولۇپ كەلمەكتە.بولۇپمۇ سىز شېئىرىڭىزدا تىلغا ئېلىپ كەتكەن ‹‹گۈلزار››خېنىمنىڭ ئوبرازى ھەممىمىزنىڭ قەلبىدە يۈكسەك ئورۇندا تۇرىدۇ.شېئىرىڭىزنى ئوقۇپ تولىمۇ سۆيۈندۈم،رەھمەت سىزگە!

خۇمارى

سىزنىڭ شېئىرىڭىزنى بەكمۇ ياقتۇردۇم.ئاياللار گۇزەللىك ئەلچىسى،بەرزەتنىڭ بەختى.ئائىلىنىڭ پەرۋىشكارى.ئاياللارنىڭ ئائىلە ،خىزمەت ۋە جەمىيەتتكى رولى ۋە ئورنى ئىنتايىن مۇھىم.سىزنىڭ تەسۋىرلىرىڭىزدىن  كەسىپدىشىم گۇلزارغا بولغان قايىللىقىم ھەسسىلەپ ئاشتى.ئاياللار-گۈزەل بولغىنى ئۈچۈن ئەمەس،بەلكى ئۆز ۋۇجۇدى ئارقىلىق گۈزەللىك يارىتالىغانلىقى ئۈچۈن  گۈزەلدۇر.

قەسىر

  گۈلزارقىزگە مەدىھىيەنامىنى قاملاشتۇرۇپ يېزىپسىز.شېئىرنى ئوقۇپ ئىپتۇخارىم ئاشتى شۇنداقلا، دوستلۇققا بولغان بۈيۈك قەدىر-قىممەتنى گۈزەل قۇرلاردا كۆرگەندەك بولدۇم،دوستلۇق مېھر-مۇھەببىتىڭىزدىن سۆيۈندىم.دوستلۇقىڭىز مەڭگۈ داۋاملاشسۇن!
                  

Qol~Ogli

گۈل تىزىپسىز بىر دەستە ،گۈلزارلىقتىن گۈل ئۈزۈپ،
گۈلنى گۈلدەك تىل بىلەن رەنا  قىپسىز زوق بىلەن.
راست ئېيتىسىز «گۈلزار»مۇ تەققاس گۈلگە، گۈل كەبى،
بۇلبۇل  قونۇپ  شېخىغا  ناۋا  قىلسۇن  زوق بىلەن .

pari

Qol~Ogli يوللىغان ۋاقتى  2013-7-2 14:31
گۈل تىزىپسىز بىر دەستە ،گۈلزارلىقتىن گۈل ئۈزۈپ،
گۈلنى  ...

كۆپتىن -كۆپ رەھمەت ، شېئىرىڭىزدىن بەكمۇ سۈيۈندىم رەھمەت .

دىلكەش

شائىرەنىڭ ئىلھامى تۇتۇپ قالغان چىغى ،شىئرنى بەك ياخشى يېزىپتۇ .