ھەق تەلەپ قىلمايدىغان قىممەتلىك نەرسىلەر

pari

ھەق تەلەپ قىلمايدىغان قىممەتلىك نەرسىلەر

توساتتىن  دۇنيادا نۇرغۇنلىغان بىز  ھەق تۆلىمەيمۇ ئېرىشەلەيدىغان قىممەتلىك  نەرسىلەرنىڭ بارلىقىنى بايقاپ قالدىم .
قۇياش نۇرى :   دۇنيادىكى بارلىق جانلىقلار قۇياشسىز ياشىيالمايدۇ ، ھالبۇكى ، كىشىلەر تاكى ھاياتى ئاخىرلاشقانغا قەدەر قۇياش نۇرىدىن ھەقسىز پايدىلىنىدۇ .
ھاۋا : ئادەمنىڭ تىنىقى بولىدىكەن ، چۇقۇم  ھاۋانى سۈمۈرۈشكە مۇھتاج بولىدۇ .  لىكىن قەدىمدىن تارتىپ ھازىرغىچە ، ھېچكىم بۇ  ھاياتلىقتا كەم بولسا بولمايدىغان نەرسە ئۈچۈن  ھەق تۆلەپ باققان ئەمەس .
ئاتا - ئانا مېھرى :  بالا  تۇغۇلغاندىن تارتىپلا  ئاتا - ئانىسىنىڭ كۆڭۈل قۇيۇپ  بېقىشىغا مۇيەسسەر بولىدۇ . بۇ بىر خىل  مىننەتسىز  مۇھەببەت . مەيلى پەرزەنتى قورامىغا يەتكەندە بولسۇن ۋە ياكى ئۆزلىرى كۈچ مادارىدىن كەتكەندە بولسۇن ، ئاتا - ئانا مۇھەببىتى سۇسلىشىپ كەتمەيدۇ . پەقەت ئۇلار ھاياتلا بولىدىكەن ، بۇ مۇھەببەت ئىزچىل بىردەكلىكنى ساقلايدۇ .  
دوستلۇق مېھرى :  غېرىپ ۋاقتىڭىزدا  سىزگە ھەمراھ بولالايدىغان ، يىقىلغىنىڭىزدا سىزگە دادىللىق بىلەن  قولىنى سۇنالايدىغان ، ئازاپلانغان چېغىڭىزدا سىزنى مېھىر بىلەن قۇچاقلايدىغان  ئاشۇ دوستىڭىز سىزدىن قاچان ھەق تەلەپ قىلىپ باققان ؟
سۆيگۈ :  ئىختىيارسىز  ھالدا كۆڭۈل بېرىش  ، بوران - چاپقۇندىمۇ بىرگە بولۇش ، ساختىلىق ئارلاشمىغان چىن مۇھەببەتلەرنىڭ  ھەممىسى ھاياتىڭىزدىكى  مەزمۇن يۆلەنچۈكىڭىزدۇر . ئەمما ئۇلار ھەقسىز . سىز ئۇلارنى كۆپ پۇل خەجلەپ سېتىۋالىمەن دېسىڭىزمۇ سېتىۋالالمايسىز .
غايە :  مەيلى شاھزاە  ياكى  سەرگەردان بولسۇن ، ئۆزىنىڭ ھاياتلىق غايىسىنى تىكلەش ھوقۇقىغا  ئىگە .  ئۇ مەيلى ئۇلۇغۋار ياكى  ئاددىي غايە بولسۇن ، پەقەت سىز  خالىسىڭىزلا ئۇ سىزگە  تەئەللۇق بولىدۇ . ئېتىقاد ، ئۈمۈد ، ئىرادە ، ئارزۇ ... قاتارلىقلارمۇ ھەقسىز . سىز بىر پۇڭ خەجلىمەيمۇ ئۇلارغا ئېرىشەلەيسىز .
ئەمدى ئۆز تەغدىرىڭىزدىن ئاغرىنىپ يۈرمەڭ . چۈنكى ئۇ ئاللىبۇرۇن سىزگە ھاياتىڭىزدىكى ئەڭ قىممەتلىك نەرسىلەرنى ئاتا قىلىپ بولغان . ئەمدىكى گەپ ، ئۇلارنى قانداق قىلىپ ئۆزىڭىز ئۈچۈن خىزمەت قىلدۇرۇش ئۆزىڭىزگە  باغلىق .
مەنبە : ساقلىۋالغانلىرىم   

just_for.....

راسىت،توغرا  دەيىسىز

بەختىيار(بايقاش

دەرھەق شۇنداق سىز يۇقىرىدا تىلغا نەرسىلەر بىزلەر ئۈچۈن بەكمۇ قىممەتلىك.
رەھمەت سىزگە!

گۈلزار

يوقۇتدا ئېيتقانلىرىڭىز ھەقىقەتەن ھەق تەلەپ قىلمايدىغان مېھنەتسىز سۆيگۈلەردۇر ، بۇلار ئىچىدىكى ئاتا -ئانا سۆيگۈسى  ئۆزىنىڭ ھاياتى  ھەم پۈتۈن مېھرىنى ئاتا قىلىدىغان مېھنەتسىز ئەڭ ئۇلۇغ سۆيگۈدۈر ، رەھمەت دوستۇم .
来自: Android客户端

دىلرۇس

مەنىۋېيىتىمىز ئۈچۈن كام بولسا بولمايدىغان، پۇلغا سېتىۋالغىلى، كېيىن تولۇقلىۋالغىلى بولمايدىغان قىممەتلىك نەرسىلەرنى سەمىمىزگە سالغىنىڭىزغا رەھمەت.

سەييارە0

بۇلار ھەقسىز ئەمما بۇلارنى يۇقتۇپ قويساق،لازىم بولغاندا نۇرغۇن پۇلغىمۇ سېتۋالغىلى بولمايدۇ.

دىلكەش

راس دەيسىز .ناۋادا ئاشۇ نەرسلەرنى پۇلغا سېتىۋالدىغان بولساق نىمە ئىش بولۇپ كىتەر ھە !