ئېلىكترونلۇق سودا ساھەسىدە شىنجاڭدىكى تۇنجى ئۇيغۇر دوكتور- ئابدۇراخمان ئابدۇغېنى
ئابدۇراخمان ئابدۇغېنى 1985-يىلى 8-ئايدا كېرىيە ناھىيىسىنىڭ شەنبە بازىرىدا تۇغۇلغان، مەركىزى مالىيە-ئىقتىساد ئۇنىۋېرسىتېتىنىڭ ئىقتىسادىي ئۇچۇر باشقۇرۇش كەسپىنى پۈتتۈرگەن. ئىقتىساد پەنلىرى دوكتۇرى، ئېلىكترونلۇق سودا كەسپىي بويىچە شىنجاڭدىكى تۇنجى دوكتۇر، شۇنداقلا شىنجاڭدىكى ئاز سانلىق مىللەتلەر ئىچىدىكى ئەڭ ياش دوكتۇرنىڭ بىرى. 27 يېشىدىلا دوكتۇرلۇق ئۇنۋانىغا ئېرىشكەن. جوڭگۇ ئېلىكترونلۇق سودا جەمئىيتىنىڭ ئەزاسى، مەركىزى مالىيە-ئىقتىساد ئۇنىۋېرسىتېتى ئېلىكترونلۇق ھۆكۈمەت ۋە ئېلىكترونلۇق سودا تەتقىقات ئورنىنىڭ تەتقىقاتچىسى، شىنجاڭ خۇرۈيتەي ئېلىكترون پەن-تېخنىكا چەكلىك شىركىتىنىڭ مۇئاۋىن باش دېرىكتورى،تەتقىقات بۆلۈمىنىڭ باش دېرىكتورى، مالىيە باش نازارەتچىسى. شىنجاڭ مالىيە-ئىقتىساد ئۇنىۋېرسىتېتى سودا-سانائەت مەمۇرىي باشقۇرۇش ئىنىستىتوتى ئېلىكترونلۇق سودا كافىدراسىنىڭ مۇئاۋىن مەسئۇلى.
ئابدۇراخمان ئابدۇغېنى كۆپ تەرەپلىمىلىك ئالىي مەكتەپ ئاساسىي مائارىپ تەربىيسى كۆرگەن، ئىلغار كەسپىي تەربىيە ۋە ئىقتىدار تەربىيسى ئالغان، چوڭقۇر بولغان كەسپىي نەزەرىيە ئاساسى ۋە ئەمەلىي تەجرىبىگە ئىگە، تەتقىقات ئىقتىدارى كۈچلۈك ياش. ئۇ ئوقۇۋاتقان مەزگىلىدە تىرىشچان،ئىزدىنىش چان ئوقۇغۇچىنىڭ ئوبرازىنى ياراتقان بولسا،بۈگۈنكى كۈندە مەكتەپتە مەسئۇلىيەتچان ئوقۇتقۇچىنىڭ، شىركەتتە بىر قابىل رەھبەرنىڭ، جەمئىيەتتە يېتەكچىلىك رولىنى ئويناۋاتقان ئىقتىدارلىق ياشلارنىڭ ئوبرازىنى ياراتتى.
ئۇ باشلانغۇچ مەكتەپتە ئوقۇۋاتقان ۋاقىتىدىلا ئۆگىنىش نەتىجىسى ئالاھىدە ياخشى بولۇپ، ئالىي مەكتەپنى ھەرخىل سىنىپ كادىرلىق ۋەزىپىسىنى ئۈستىگە ئالغان. ئالىي مەكتەپتە ئوقۇۋاتقان مەزگىلدىمۇ ئۆگىنىش نەتىجىسى ئىزچىل ياخشى بولغان. باكلاۋىرلىق ئوقۇش مەزگىلدە ئۇ ئۆزى مۇستەقىل ھالدا ئۇيغۇرچە ئىزدەش ماتورى ياسىغان، بۇ ئەينى چاغدا ئالىي مەكتەپ ئوقۇغۇچىلىرىنىڭ قىزغىن قارشى ئېلىشىغا ئېرىشكەن. 2003-يىلىدىن 2006- يىلغىچە ھەر يىلى«ئۈچتە ياخشى ئوقۇغۇچى »بولۇپ باھالانغان ۋە «ئىلغار ئوقۇغۇچىلار ئوقۇش مۇكاپاتى» غا ئېرىشكەن. 2006- يىلى ئاسپرانتلىق ئېمتاھاندىكى كەسپىي پەن نەتىجسى مەكتەپ بويىچە بىرىنچى بولغان. شۇ يىلى ئۇ بىرلا ۋاقىتتا شىنجاڭ ئۇنىۋېرسىتېتى ۋە مەركىزى مالىيە-ئىقتىساد ئۇنىۋېرسىتېتىنىڭ چاقىرىقىنى تاپشۇرىۋالغان.ئىچكىرى رايونلارنىمۇ كۆرۈپ بېقىش ۋە تېخىمۇ ياخشى بولغان ئالىي مائارىپ تەربىيە مۇھىتىغا ئېرىش ئۈچۈن ئابدۇراخمان ئاخىرىدا مەركىزى مالىيە-ئىقتىساد ئۇنىۋېرسىتېتىدا ئوقۇشنى قارار قىلغان.
ئۇ ئاسپىرانتلىقتا ئوقۇۋاتقان مەزگىلىدە ئۆز كەسپىنى ياخشى ئوقۇغاندىن سىرت ھەرخىل ئىلمىي پائالىيەتلەرگە قاتنىشىشقىمۇ ئەھمىيەت بەرگەن. شۇ سەۋەبتىن 2009-يىلى مەركىزى مالىيە-ئىقتىساد ئۇنىۋېرسىتېتى ئۇچۇر ئىنىستىتوتىنىڭ ۋەكىللىك سالاھىيتى بىلەن«2009-يىلى نوبىل مۇكاپاتىغا ئېرىشكۈچىلەر بېيجىڭ ئىلمىي مۇھاكىمە يىغىنى » غا قاتناشقان .ئۇنىڭ سەنئەت ۋە تەنتەربىيە جەھەتتىكى ئالاھىدىلىكىمۇ كۆرۈنەرلىك بولۇپ 2009-يىلى مەركىزى مالىيە-ئىقتىساد ئۇنىۋېرسىتېتىنىڭ « سەنئەت-تەنتەربىيە ئالاھىدە مۇكاپاتى»غا ئېرىشكەن.شۇ يىلى ئۇ بۇ يەردىكى ئۇقۇشىنىمۇ غەلبىلىك تاماملاپ، مەركىزى مالىيە-ئىقتىساد ئۇنىۋېرسىتېتى باشقۇرۇش ئىلمى بويىچە ماگىستىرلىق ئۇنۋانىغا ئېرىشكەن.
ئۆز بىلىم قۇرۇلمىسىنى تېخىمۇ مۇكەممەللەشتۈرۈشنى ئويلىغان ئابدۇراخمان يەنە شۇ مەكتەپتە دوكتۇرلۇق ئۇقۇشنى باشلىغان ھەم 2012-يىلى مەركىزى مالىيە-ئىقتىسادئۇنىۋېرسىتېتى ئىقتىساد پەنلىرى بويىچە دوكتۇرلۇق ئۇنۋانىغائېرىشكەن. بۇنىڭ بىلەن ئۇ ئېلىكترونلۇق سودا كەسپىي بويىچە شىنجاڭدىكى تۇنجى دوكتۇر،شۇنداقلا شىنجاڭدىكى ئازسانلىق مىللەتلەر ئىچىدىكى ئەڭ ياش دوكتۇرنىڭ بىرى بولغان.چۈنكى شۇ چاغدا ئۇ ئەمدىلا 27 ياش ئىدى .
ئۇنىڭ تەتقىقات جەريانىدا ئېرىشكەن نەتىجىلىرىمۇ كۆپ بولۇپ، ئىلگىرى-كېيىن بولۇپ دۆلەت ئىچى ۋە سىرتىدا 33 پارچە ئىلمىي ماقالە ئېلان قىلغان، ئۈچ پارچە ئىلمىي ماقالىسى ئامېرىكا ئېلىكتىر ئۈسكۈنىلىرى ۋە ئېلىكترون قۇرۇلۇشى جەمئىيتىنىڭ ماقالە ئامبىرىغا قوبۇل قىلىنغان.ئىككى پارچە ئىلمىي ماقالىسى باھالىغۇچىلارنىڭ ياخشى باھاسىغا ئېرىشكەن. ئۆلكە دەرىجىلىك تەتقىقات تۈرىدىن بىرگە، توغرا يۆنىلىشلىك تەتقىقات تۈرىدىن ئۈچكە يېتەكچىلىك قىلغان،تۆت تۈرلۈك دۆلەت دەرىجىلىك تەتقىقات تۈرىگە قاتناشقان.
2011-يىلى ئۇ شىنجاڭ مالىيە-ئىقتىساد ئۇنىۋېرسىتېتىنىڭ ئالاھىدە تەكلىپى بىلەن بۇ مەكتەپكە كېلىپ خىزمەتكە ئورۇنلاشقان. ئۇ ئۆزىنىڭ ئوقۇغۇچىلارغا بولغان يۈكسەك مەسئۇلىيەتچانلىق بىلەن ئوقۇغۇچىلارنىڭ چوڭقۇر ھۆرمىتىگە ئېرىشكەن. 2011-يىلى ۋە2013-يىلى ئىلگىرى-كېيىن بولۇپ «ئىلغار تەتقىقاتچى» ۋە «ئىلغار سىنىپ مەسئۇلى» بولۇپ باھالانغان.
| 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2013-6-24 20:34:39
يوللىغان ۋاقتى 2013-6-24 20:44:11
يوللىغان ۋاقتى 2013-6-24 22:33:56
