يۇمۇرلار

كۈنقۇت

يۇمۇرلار

   ئەسسالامۇ ئەلەيكۇم بايقاش تورىدىكى بارلىق ئەزالار بۇ ھەپتىلىك ئوقۇ-ئوقۇتۇش خىزمىتىڭىزلارنىڭ ئوڭۇشلۇق ئاخىرلىشىشى ئۈچۈن بىر نەچچە يۇمۇرنى ئەۋەتتىم.

   

يەنە بىرنى بېرىڭ

   بىر بالا دادىسى بىلەن بازاردا كېتىۋاتسا دادىسىنىڭ دوستى ئوچراپ قېلىپ، قېپقىزىل، يۇغان بىر ئالمىنى بالىغا بېرىپتۇ. شۇ چاغدا دادىسى ئۇنىڭدىن سوراپتۇ:
   - تاغاڭ بەرگەن نەرسىنى ئالغاندىن كېيىن تاغاڭغا نىمە دېيىشىڭ كېرەك؟
   بالا بىردەم تۇرۇپ كېتىپ دەپتۇ:
   -تاغا، يەنە بىرنى بېرىڭە.

كەلگۈسى
   - دادا، «يولداش» دىگەن سۆزنىڭ قانداق مەنىسى بار؟
   - مەسىلەن، سەن، مەن ۋە سېنىڭ ساۋاقداشلىرىڭ ھەممىمىز «يولداش » بولىمىز.
   - «ھۆكۈمەت» دىگەن سۆزنىڭ مەنىسىچۇ؟
   - ھۆكۈمەت دېگىنىمىز، باشقۇرۇش ئورگىنى، مەسىلەن: بىزنىڭ ئۆيدە ئاپاڭنى ھۆكۈمەت دېسەك بولىدۇ؟
   - ئۇنداق بولسا « كەلگۈسى» دېگەنچۇ؟
   - كەلگۈسى ئۈمۈدكە قارىتىلغان، مەسىلەن: ئۇكاڭنى بىزنىڭ كەلگۈسىمىز دېسەك بولىدۇ.
يېرىم كېچىدە ھېلىقى بالا دادىسىنى ئۇيغىتىپتۇ:
   - يولداش، تېز ھۆكۈمەتنى ئۇيغىتىڭ، كەلگۈسى كۆرپىگە سىيىۋەتتى.

سەبىي سۇئال
   ئۈچ ياشلىق بىر بالا ئاپىسىدىن سوراپتۇ:
   - ئاپا، مېنىڭ بىر ئۇكام بولسا بولمامدۇ؟
   -ھازىر بولمايدۇ، داداڭ ناھايىتى ئالدىراش.
   -ئۇنداق بولسا بىر نەچچە ئادەمنى ياردەمگە چاقىرساق بولمامدۇ؟

ئامان

قىزىقارلىق يۇمۇرلار ئىكەن، كۈلكە ئاتا قىلغىنىڭىزغا رەھمەت.

pari

پاھ پاھ ماۋۇ يۇمۇرلارنىڭ قىزىقلىقىنى بولۇپمۇ ئاۋۇ 3- سى بەك قىزىقكەن .
رەھمەت كۈلكە ئاتا قىلغىنىڭىزغا .

Qol~Ogli

                                          مەنمۇ قوشۇمچە قىلاي

                                      لوگىكىلىق خۇلاسە

     پروفېسسورنىڭ قىزىنى مەكتەپتىكى ئوغۇل ئوقۇغۇچىلار ئىنتايىن ياخشى كۆرىدىكەن. بىر كۈنى پروفېسسور لوگىكا دەرسىدە:      «كىتاب ئۈستەلنىڭ ئۈستىدە، ئۈستەل يەرنىڭ ئۈستىدە، شۇڭا كىتاب يەرنىڭ ئۈستىدە» دەپ سۆزلەۋېتىپ، ئالدىنقى قاتاردا ئولتۇرغان ئوقۇغۇچىغا مۇشۇنىڭغا ئوخشاش مىسال كۆرسىتىشنى بۇيرۇپتۇ. ئوقۇغۇچىسى جاۋاب بېرىپ: « مەن سىزنى ياخشى كۆرىمەن، سىز قىزىڭىزنى ياخشى كۆرىسىز، شۇڭا مەن سىزنىڭ قىزىڭىزنى ياخشى كۆرىمەن» دەپ جاۋاب بېرىپتۇ.  
  

                                                             ئوقۇتقۇچىغا ئوخشايمەن

          ئوقۇتقۇچى: دەرس باشلانغاندىن تارتىپ توختىماي سۆزلەپ چىقتىڭ، قېنى دەپ باقە، سەن زادى ئوقۇغۇچىغا ئوخشامسەن؟
          ئوقۇغۇچى: ئوخشىمايدىكەنمەن.
          ئوقۇتقۇچى: ئۇنداقتا، سەن كىمگە ئوخشايدىكەنسەن؟
          ئوقۇغۇچى: ئوقۇتقۇچىغا.
  

                                                                   نېمىنى ئويلىدىڭ

       قاتتىق سوغۇق بولغان بىر كۈنى، بىر ئوغرى پاختىلىق چاپان ئوغرىلاپ تۇتۇلۇپ قاپتۇ.  
     سوتچى: بۇ چاپاننى ئوغرىلىغان چاغدا سەن نېمىنى ئويلىدىڭ؟
     ئوغرى: ئەگەر تۇتۇلۇپ قالمىسام ئىسسىق پاختىلىق چاپانغا ئېرىشىدىغىنىمنى، تۇتۇلۇپ قالسام ئىسسىق تۇرار جايغا ئىگە بولىدىغىنىمنى ئويلىدىم.

بەختىيار(بايقاش

بىر-بىرىدىن قىزىق يۇمۇرلار ئىكەن،ھەر ئىككىڭلارنىڭ 3-يۇمۇرى كارامەت بەلەنكەن،دەم ئېلىش كۈنلىرىمىزگە خوشاللىق ئاتا قىلىغىنىڭلارغا كۆپ تەشەككۈر!!!