ئاددىي خىزمەت ئورنىدىكى ئاددىي نەتىجە

شىرنە

مەن ئوقۇتقۇچىلىق ھاياتىمنى ئاخىرلاشتۇرۇش ئالدىدىكى بىر پېشقەدەم ئوقۇتقۇچى بولۇش سۈپۈتىم بىلەن مۇشۇ كۈنلەردە مەن زادى 30 يىللىق ئوقۇتقۇچىلىق ھاياتىمنى قانداق ئۆتكۈزدىم؟دەپ ئۆز-ئۆزەمدىن سوراشقا باشلىدىم.ئاخىرىدا ئوقۇتقۇچىلىق ھاياتىمنى يەكۈنلەپ مۇنداق ئاددى لېكىن كىشىلەر كۆزگە ئىلمايدىغان ئاددى نەتىجىلەرنى خۇلاسسىلاپ چىقتىم.
كۆپ قىسىم يولداشلار ئولايدۇ.ھوقوق تۇتسا،ياكى مەملىكەت دەرىجىلىكتەك چوڭ مۇكاپاتلارغا ئېرىشسە شۇنى نەتىجە،غەلبە دەپ قارايدۇ.لېكىن بىزدەك ئۈ ن -تۈنسىز ئىشلىگەن ئوقۇتقۇچىلارنى بولسا بىر ئېغىز گەپ بىلەن يوققا چىقىرىشى مۇمكىن .لېكىن مەن ئۆزەمنى ھەرگىز يوققا چىقارمايمەن .ئوقۇتقۇچىلىق سالاھىيىتىمگە چۈشلۇق خىزمەت قىلدىم دەپ قارايمەن.چۇنكى ئادەتتىكى كىچىككىنە ئىشلاردىن سۆزلىسەم
1)،ئوقۇتقۇچىلىق ھااياتىمدا بىر قېتىممۇ سىنىپقا كىرىپ ئورۇندۇقتا ئولتۇرۇپ دەرس سۆزلەپ باقمىدىم.ھەرقانچە ھارساممۇ ئۆرە تۇرۇپ ئوقۇغۇچىلار ئارىسىدا يۈرۈپ دەرس ئۆتتۈم.30 يىل بۇ ئىشنى قەتئى داۋاملاشتۇرغانلىقىمنى ئويلىسام ئۆز-ئۆزەەمنىڭ ئوقۇغۇچىلارنى ھۆرمەتلەيدىغان غەيرەتلىك بىر ئوقۇتقۇچى ئىكەنلىگىمدىن پەخىرلىنىمەن.
  2)ئوقۇغۇچىلاردىن ۋە ئۇلارنىڭ ئاتا-ئانىلىرىدىن سوۋغات قوبۇل قىلىپ باقمىدىم.ھېيت بايرام ۋە باشقا خاتىرە كۈنلىرى ئوقۇغۇچىلار ئەكەلگەن سوۋغاتلارنى نەق مەيداندىلا رەت قىلىۋەتتىم شۇنىڭ بىلەن ئوقۇغۇچىلاردا سوۋغات ئەكەلمەيدىغان ياخشى ئادەتنى يېتىلدۈردۈم.باشقا ئوقۇتقۇچىلارنىڭ ئوقۇغۇچىلار  ماڭا ئۇنداق نەرسە ئەكىلىپتۇ،مۇنداق نەرسە ئەكىلىپتۇ دەپ ئۆزلىرىنىڭ ھۆرمەتكە لايىق ئوقۇتقۇچى ئىكەنلىگىنى كۆرسىتىش يۈزىسىدىن قىلغان سۆزلىرىگە قۇلاق سېلىپ كەتمىدىم.ئۇلارنىڭ نەزىرىدە مەن ئوقۇغۇچىلار ئالدىدىكى ئانچە ئېتىۋارلىق ئوقۇتقۇچى ئەمەستەك ھېساپلانساممۇ پەرۋا قىلمىدىم.ئوقۇغۇچىلارغا كىچىگىدىن باشلاپلا خۇشامەتچىلىك قىلىشنقا يول قوتمىدىم  
3)   تازىلىق ئەمگەكلەردە ئۆزەم بىرچەتتە قاراپ ئوقۇغۇچىلارنى چاكارلاردەك  ئىشقا سېلىشتىن قەتئى ساقلاندىم.ئۆزەم ئاۋۋال ئىش قىلدىم بىر قىسىم ئوقۇتقۇچىلارنىڭ نەزىرىدە كالۋادەك كۆۈندىم
  4)  شەرەپ قوغلاشمىدىم.نۇرغۇن شەرەپلەر ئۈچۈن يېزىمىزغا سان كېلىدۇ.شەرتىم توشقانلىقى ئۈچۈن ماڭا بېرىدۇ لېكىن بىرقانچە نامزاتتىن تاللاشقا توغرا كەلسىلا مەن قالىمەن .سەۋەپ ئۆزەمدە  .ئارقا ئىشىكتىن مېڭىشقا يۈگۈرمىدىم ياكى چوڭراق باشلىق تۇققىنىم يوق ئىدى.نامزاتلار ئىچىدە باشلىقلارنىڭ تۇققانلىرى بولمىغان بولسا ،ئىلغارلىق تېگىپ قالىدىغان پۇرسەتلەر بار ئىدى.ئىش بىزدەك ئاددى ئوقۇتقۇچىلاردىن ئاشمىدى.شەرەپ باشلىقلىرىمىزدىن پەقەت ئاشمىدى.
  5)      ئوقۇتقۇچىلارغا لايىق كىيىنىپ يۈردۈم جەمىيەتتە ئوقۇتقۇچىلارنىڭ نامىغا داغ يەتكۈزىدىۈان يۈرۈش-تۇرۇش،سۆز ھەركەتلەرنى قەتئى سادىر قىلمىدىم.
    6)ئوقۇتقۇچىلىق ھاياتىمدا ئۆزلۈكسىز تىرىشتىم مەيلى بىلىم سەۋىيە جەھەتتىن بولسۇن ۋە باشقا كەسپىي سەۋىيە جەھەتتىن بولسۇن سەپنىڭ ئالدىدا ماڭدىم.كۆپ قىسىم ئوقۇتقۇچىلارنىڭ پايدىلىنىش ماتىرىيالىغا ئايلاندىم.
ئادەتتىكى ۋاقىتلاردا ماڭا تەقسىم قىلىنغان ۋەزىپىلەر ئىنتايىن كۆپ بولدى.لېكىن شىتات ئارتۇق تەكلىپ قىلىش يولغا قويۇلىدۇ دېگەندەك دولقۇن كۆتۈرۈلگەن ھامان بىلىم سەۋىيە يۇقۇرى بولغاندىكىن دېگەن باھانە بىلەن يېزىنىڭ ئەڭ يىراق چەت جايىدىكى ئوتتۇرا مەكتەپلەرگە بېرىپ دەرس ئۆتۈشكە بۇيرۇلدۇم.ياش چېغىمدا بىلىمىمنىڭ يۇقۇرىلىقى قابىلىيىتىمنىڭ بارلىقىنى باھانە قىلىپ باشقا ئوقۇتقۇچىلار بارغۇسى كەلمەيدىغان ئورۇنلارغا بېرىپ ئىشلەشكە بۇيرۇلدۇم.قېرىغاندا بولسا يەنە يېشى چوڭلارنى ئارتۇق ئىشتات قىلىمىز دەپ بېكىتتىيۇ ئاخىرى چىقمىدى،توۋا دەيمەن كەمبەغەلنىڭ ئاغزى ئاشقا تەگسە بۇرنى قاناپتۇ دېگەندەك ياش چاغدىمۇ قېرىغاندىمۇ بىزدەك ئەڭ ئاددى ئەڭ ئەخلاقلىق ئوقۇتقۇچىلارغا مائارىپتا ئورۇن بولمايۋاتقانلىقىغا قاتتىق ئۆكۈندۈم.بىراق نەگىلا بارماي ھەر بىر سائەتلىك دەرسنى ئۆتۈشكە ئەھمىيەت بەردىم.ئوقۇغۇچىلارنىڭ ياخشى ئۇستازى بولالىدىم.پۈتۈن ھاياتىمدا شەھەردىن يېزىغا قاتناپ ئىشلىدىم.دېھقاننىڭ ئاق كۆڭۈل ،سەبىئى بالىلىرىغا ئىلىم ۋە ئەخلاق-پەزىلەت ئۆگەتتىم ،قالغان ئانچە مۇنچە نەتىجىلىرىمنى سۆزلىمەيمەن مەن پەقەت يۇقارقىدەك ئاددى نەتىجىلىرىمدىن پەخىرلىنىمەن .بۇ ئاددى نەتىجىلەر بىر كېچىدە ياكى بىردەمدە شەكىللەنگەن ئەمەس .شۇڭا مەن ئوقۇتقۇچىلىق ھاياتىمدىن پەخىرلىنىمەن .ئۆز-ئۆزەمگەۋە جەمىيەتكە يۈز كېلەلەيمەن دەپ خۇلاسسە چىقاردىم.ئىمتى

قاراقۇرۇم

بۇ بىر خەلىق ئۇقۇتقۇچىسىنىڭ  ھەقىقى يۈرەك ساداسى، سىزنىڭ 30يىللىق ھاياتىڭىزنى ئۈن تۈنسىز ھالدا سەبىي بالارنىڭ كىلىچىكى ئۈچۈ ن بەخىش ئەتكىنىڭىزگە رەخمەت.

تۇداخۇن

بۇ بىر خەلىق ئۇقۇتقۇچىسىنىڭ  ھەقىقى يۈرەك ساداسى، مەنمۇ تىرشاي.....

سۇجۇپ

مانا بۇ ھەقىقىي ئەخلاقىي پەزىلەت. مانا بۇ ھەقىقىي بىلىم ئىگىسى.مانا بۇ ھەقىقىي پەزىلەتلىك ئىنسان!!!

شىرنە

توداشلىرىمنىڭ باھالاشلىرىغا كۆپتىن-كۆپ رەھمەت.مەن نېمىدېگەن بەختلىك-ھە!