يىگىتلىك لەۋزىم قايىتماس، يۈرىكىمدە

ئوغلان1

يىگىتلىك لەۋزىم قايىتماس، يۈرىكىمدە

ئارمانىم قۇچاقلايدۇ بىر دەستە نۇر،
نۇر ئىچىرە ئايان بولار كەچمىشلىرىم.
ئىجادىم- ئەمگىكىمگە بىسلغان دەل-
مۆھۈردۇر مىنىڭ قىلغان، ئەتمىشلىرىم.

سۆزلەيمەن شاماللارغا ېىچىر- ېىچىر،
تۈمەن خىل سىر- ھىكمەتنى قىلىې بايان.
غورۇرلۇق يىگىت بولۇپ يىتىلدىممەن،
ئالدىمغا نەزەر سالسام، يول بىپايان.

(ئەمگەكتە ئەر كۆكرەر، بۇ ھەقىقەت)
ھالاللىق ۋەزنى ئۇنىڭ، تۆكۈلگەن تەر.
كىلىدۇ ئالقىش- ھۆرمەت چىراي ئىچىپ،
ئەجرىمدىن كەڭ سامادا سىلكىسەم پەر.

چۈشۈمدە چەكسىز قۇملۇق سۆيدى مىنى،
سىڭىشتى خىيالىمغا تەكلىماكان.
سۆزلەيدۇ ئۇزۇن يىللىق رىۋايەتنى،
بەك ئىغىر سۈكۈناتتا، دىل باغرى قان.

ئاچىمەن ئەجرىم بىلەن، تۆھپەم بىلەن،
سىرىنى پەرھات كەبى جاسارەتتە.
تۆھپىكار ئەجداتلارنى قىلىپ يولباش،
ئەلگە نەپ بىرەي يىڭى قىياپەتتە.

يىگىتلىك لەۋزىم قايىتماس، يۈرىكىمدە،
ياسايمەن پاك تەرىمدە چۆلنى بوستان.
شۇندىلا يىزىلىدۇ مەن ھەققىدە،
ئەل- ئاۋام شاتلانغۇدەك قانچە داستان.

نىمەتكە تويۇندۇرغان مۇنبەت زىمىن،
ئانامدەك، ئانىلاردەك بىر چەكسىزلىك.
بۇرچۇمنى ياخشى ئادا قىلالمىسام،
ئالدىدا قىلغان بولاي ئەدەبسىزلىك.

مەنبە: ئىجادىيەت

ئامان

رەھمەت ساڭا، مۇشۇنداق ئېسىل ئىجادى تېمىلىرىڭ ئۈزۈلۈپ قالمىغاي دوستۇم.

ئوغلان1

ساڭا كوپ رەخمەت دوستۇم،مەن ئۈچۈن چەككەن جاپالىرىڭ ،ئارقاڭدىن ئەگىشىپ جەننەتكىچە بارغاي،ئامىن!

گۈلزار

يىگىتلەرگە جاسارەت ئاتا قىلىپ ئۇلارنىڭ ئۆز بۇرچىنى ئادا قىلىشقا ئۈدەيدقغان بۇ تېمىڭىز مۇنبىرىمىز يىىتلىرىەگە  يول كۆرسەتكۈچى ماياك بولغۇسى . رەھمەت
来自: Android客户端

ئوغلان1

سىزگە كۆپ رەخمەت ئورتاق تىرىشايلى

دىلرۇس

چىن يۈرەكتىن ئېيتىلغان يىگىتلىك لەۋزىڭىز، مەن ئۈچۈنمۇ لەۋزە. يۈرۈكۈمدىكى قەسىمىمنى يېنىك، ئويناق، سۈزۈك شېئرىي تىل ئارقىلىق سۈرەتلەپ بەرگىنىڭىزگە رەھمەت ئۇستاز!

ئوغلان1

ياخشى تىلەكلەرگە ئامىن! كۆز تەگمىسۇن،تەپەككۇرىمىز  ئوچۇق بولغاي.