يىگىتمەن

ئوغلان1

يىگىتمەن

(شائىر مۇھەممەت مۇسانىڭ شۇ نامىلىق غەزىلىگە تەخمىس)

شىرىن چۈشنى خۇماداپ ياتمايدىغان يىگىتمەن،
چىن دوستۇمغا خەنجەر- ئوق ئاتمايدىغان يىگىتمەن.
روھىم تىتىك تىرەمگە پاتمايدىغان يىگىتمەن،
ئىچىپ مىىھنەت شارابى قانمايدىغان يىگىتمەن،
ئوتقا كىرسەم ئەل ئۈچۈن يانمايدىغان يىگىتمەن.

كۈي تۆكۈمەن تىنىمسىز ئەسلەپ گۈزەل يارىمنى،
ياشلىقىمدا  تاپىمەن  ئىززەت- ئىتىبارىمنى.
ئەجرىم بىلەن گۈللەيمەن بۇ ئانا دىيارىمنى،
ۋەتەن ئۈچۈن- ئەل ئۈچۈن، ئاتىۋەتتىم بارىمنى،
گۈل باغدا ۋە مۇز تاغدا چانمايدىغان يىگىتمەن.

تارتقان دەردىم دەرت ئەمەس، بارچە دەرتلەر قاتارى،
چۈشەي جەڭگە- چىلىشقا  ئەزىمەتلەر  قاتارى.
مەنمۇ ئالدىم بىر ئۈلۈش كۆپ ئىززەتلەر قاتارى،
ئات چاپتۇرۇپ بەيگىگە چۈشتۈم مەرتلەر قاتارى،
سەپتىن چۈشۈپ ئارقىدا قالمايدىغان يىگىتمەن.

خالىمايدۇ زۇلمەتنى مىنىڭ يورۇق دىلخانەم،
تەلپۈنىمەن مەنزىلگە، مەنزىل دىمەك، گۈل سەنەم.
ئۆرە بولماق يىقىلسام، يىگىت تۇرۇپ، نىمە غەم،
يۈكسەك مىنىڭ ئىرادەم، گۈزەل مەنزىل نىشانەم،
يەتمەي ئاڭا چاپاننى سالمايدىغان يىگىتمەن .

پۇختا ئالدىم قەدەمنى ئىشىم بولدى ئۇتۇقلۇق ،
ېەخىرلىنىپ يۈرگىدەك ئۆي- بىسات بار تۇتۇقلۇق.
نىمە دىسە دەۋەرسۇن ناكەسلەر مەن توغۇرلۇق،
ۋەتەن مىنى ئۆستۈرگەن قىلىپ ساغلام، غورۇرلۇق،
باش كەتسىمۇ ۋىجداننى ساتمايدىغان يىگىتمەن.

دەې قالمىدىم ھاياتتا ئىست «ئىچى تارلىقىم»،
مىۋە بەردى خەلقىمگە تىككەن كۆچەت- تاللىقىم.
يىراق بولدى ئۆزۈمگە كۈتكەن ئارزۇ- ئارلىقىم،
رۇشەن مىنىڭ بايرىقىم، ئەلگە تەقدىم بارلىقىم ،
رەقىپكە دىل رىشتىنى چاتمايدىغان يىگىتمەن.

ئانا ۋەتەن قوينىنى ېۈركەپ چىمەن- گۈللەرگە،
چىن يۈرەكتىن تەشەككۇر ئەيتىپ خۇشال كۈنلەرگە.
قەھرىم بىلەن ئوت ئىچىپ ئۆتتۈم مۇدھىش تۈنلەرگە،
ئەل- ۋەتەننىڭ نامىنى ېۈتۈپ داستان- كۈيلەرگە،
كىچە- كۈندۈز ئەجىر قىپ تالمايدىغان يىگىتمەن.

مەنبە: ئىجادىيەت

مەرىپەت

مۇشۇنداق يىگىتلىرىمىزنىڭ كۆپلەپ چىقىشىنى ئۈمىت قىلىمەن، ياخشى يېزىپسىز، بارىكاللا...

abdihnijan

ئەسسالاممۇئەلەيكۇم ئۇستاز ياخىشمۇ سسللە؟ناھايىتى ياخىشى يېزىلغان شېئېر بوپتۇ.ماڭمۇ ئازىراق يوللاپ بەرگەن بولسلا ئۇستاز سسللنىڭ ناملىردا يېزىپ تىللاغا ئېرشكەن بولاتتىم (چاقچاق)

ئوغلان1

سىىزگە تىللا لازىمكەن،ئات كاللىسىدەك ئالتۇن بولسىمۇ  يھنىلا سىزدىن ئايلانسۇن.

pari

ياخشى يېزىلغان شېئىركەن ، رەھمەت سىزگە .كېيىنكى ئىجادىيەتلىرىڭىزگە تەشنابىز .