سۇلتان سۇتۇق بۇغراخان

ئەلتۈرك


       سۇتۇق بۇغراخان،

ئىسلامغا ئەل باشلىغان،
سۇلتان سۇتۇق بۇغراخان،
بۇتنى ئۆرۇپ تاشلىغان،
سۇلتان سۇتۇق بۇغراخان.

بۇغراخانلار جانبازى،
تارىخ ھەمدە ئەل رازى،
ئەل قەلبىدە پەرۋازى،
سۇلتان سۇتۇق بۇغراخان.

بەشكىرەمدە تۇغۇلغان،
ئەلنى گۈللەپ تونۇلغان،
ئەل قەلبىگە ئويۇلغان،
سۇلتان سۇتۇق بۇغراخان.

تېپىپ ئامال داۋانى،
ساپ قىلغان يول ھاۋانى ،
بەرگەن نۇرلۇق سامانى،
سۇلتان سۇتۇق بۇغراخان.

تۈرلۈك پاكىز پەن بىلەن،
دىل يايرىتار قەن بىلەن،
ئەل گۈللىگەن تەن بىلەن،
سۇلتان سۇتۇق بۇغراخان،

«ئەلدە بەخىت تەل»ئۈچۈن،
توغان بولۇپ سەل ئۈچۈن،
قىلىچ چاپقان ئەل ئۈچۈن،
سۇلتان سۇتۇق بۇغراخان.

خۇراپاتنى تاشلىغان،
ئەلنى قۇتقا باشلىغان،
شۇڭا ئىسمى ياشنىغان،
سۇلتان سۇتۇق بۇغراخان.

ئاتۇشتا مازارى بار،
ئىسلامدىن بازارى بار،
قالدۇرغان باھارى بار،
سۇلتان سۇتۇق بۇغراخان.

مۇسۇلمان بولغان ئۇيغۇر،
ئۇنىڭدىن تېپىپ ھوزۇر،
بىز ئۈچۈن تاغدەك غۇرۇر،
سۇلتان سۇتۇق بۇغراخان.

  
سۇلتان سۇتۇق بۇغراخان، ئىسلام دىننى دۆلەت تىلى قىلىپ جاكالاپ، ئۇيغۇرلارغا ئىسلام دىننى تۇنجى ئېلىپ كىرگەن پادىشاھ بولسا، تۇغلۇقتۆمۈرغان شىنجاڭغا بولۇپمۇ شىنجاڭدىكى ئۇيغۇرلارغا ئىسلام دىننى ئاساسەن تولۇق ئومۇملاشتۇرغان پادىشاھتۇر. چۈنكى( قۇمۇل تۇرپاندىكى ئۇيغۇرلار تۇغلۇقتۆمۈرخان دەۋىرىدە ئاندىن تولۇق ئىسلامغا كىرگەن)  دىگەن مەلۇماتلار بار.

            تۇغلۇق تۆمۈرخان

غۇلجا قورغاستا مازارى بار تۇغلۇق تۆمۈرخان،
ھەقنى گۈللىگەن بازارى بار تۇغلۇق تۆمۈرخان.

ئاقسۇدا تەخىتكە ئولتۇرغان ھەقنى خوش قىلىپ،
يازسا تۈگىمەس يازارى بار تۇغلۇق تۆمۈرخان.

ھەققە كىرىپ مۇراتقا يەتكەن تۇغلۇق تۆمۈرخان،
بۇت ئىتىقادىنى چېقىۋەتكەن تۇغلۇق تۆمۈرخان.

ئۇيغۇرلار ئىسلام بۇت بىلەن بۆلۈنۈپ يۈرگەندە،
بۆلۈنۈش ئىشىكىنى ئەتكەن تۇغلۇق تۆمۈرخان.

ئەل بىرلىكى ئىشىغا چاپقان تۇغلۇق تۆمۈرخان،
تارىخقا شانلىق تارىخ قاتقان تۇغلۇق تۆمۈرخان.

قۇمۇل تۇرپان ئۇيغۇرلىرىنى باشلاپ ھەق يولغا،
ئۇيغۇرنى تولۇق ھەققە تاتقان تۇغلۇق تۆمۈرخان.

چىن تۆمۈر ئەجدات بوۋىسىكەن تۇغلۇق تۆمۈرخان،
ھەق ئالدىدا قوي قوزىسىكەن تۇغلۇق تۆمۈرخان.

بىراق ھەقىقەت دۈشمەنلىرى ئالدىدا دائىم.
تەڭرىتاغ تارىم يولۋىسىكەن تۇغلۇق تۆمۈرخان.         


2013-3

بەختىيار(بايقاش

ياخشى تېما ئېلىپ كەپسىز،رەھمەت سىزگە!
/bbs/forum. ... 34&fromuid=3946 [/url]

بەختىيار(بايقاش

دوستلارنىڭ يۇرتۇم قورغاسقا كېلىپ تۇغلۇق تۆمۈرخان مەقبەرىسنى زىيارەت قىلىپ كېتىشڭلارنى قىزغىن قارشى ئالىمەن...

سەييارە0

سۇلتان سۇتۇق بۇغراخان ئىسلام دىنغا ئىدىقات قىلغان تۇنجى ئۇيغۇر پادىشاھ.

زەپەر

كىتاپ مەنبەسىنى ئەسكەرتىۋەتكەيسىز .  

سالھ

بىلىشكە تىگىشلىك مۇھىم بىلىم ئىكەن.