ئانا تىلىم بىباھا گۆھەر

كارول1

ئانا تىلىم بىباھا گۆھەر

(

نەسىر)

دىلرابا تۇرسۇن

بوۋاق ۋاقتىمدا تۇنجى قېتىم چۈچۈك تىلىمدا«ئانا»دەپ چاقىرغاندىن تارتىپ ھازىرغىچە ئانا تىلىمنىڭ ئاجايىپ پاساھىتىدىن ھوزۇر ئېلىپ كېلىۋاتىمەن. ئانا تىلىم ماڭا ھەرۋاقىت قۇۋۋەت ئاتا قىلىپ ئۆزۈمنى، ئۆزگىنى شۇنداقلا دۇنيانى چۈشۈنۈشۈمگە ياردەم بېرىپ كەلمەكتە. مەن چوڭ بولغانسېرى ئۆز تىلىمنىڭ مەن ئۈچۈن خۇددى ھاياتتەك قىممەتلىك ئىكەنلىگىنى بارغانچە ھېس قىلىۋاتىمەن. ئانا تىلىم - ئەجدادلىرىمىز بىزگە ئاتا قىلغان زور بايلىق.
تارىختا مىللىتىمىزدىن چىققان ئالىم، مۇتەپپەككۇر، ئەرباپلار ھەمدە تالاي ئۇلۇغ كىشىلەر ئەينى يىللاردا ئۆز ئانا تىلىنى ياخشى، پۇختا ئۈگۈنۈپ شۇ ئاساستا باشقا تىللارنى ئۈگۈنۈشكە كىرىشىپ، بىزگە نۇرغۇن مەنىۋى بايلىقلارنى قالدۇرۇپ كەتكەن ئىكەن. بۈگۈنكى كۈندە مىللىتىمىزنىڭ ئۈمۈد يۇلتۇزلىرى بولغان بىز، ئانا تىلىمىزنى چىن يۈرۈگىمىزدىن سۆيۈپ پۇختا ئۈگۈنۈپ، بىلىم بىلەن قوراللىنىشقا يىمىرىلمەس ئاساس سېلىشىمىز زۆرۆر.
بىز ئانا تىلنى ئۈگۈنۈش بىلەن باشقا تىللارنى ئۈگۈنۈشنىڭ مۇناسىۋىتىنى ياخشى بىر تەرەپ قىلىپ، ئانا تىلىمىزنى كۆز قارچۇقىمىزدەك ئاسىرىشىمىز كېرەك. بىر قىسىم كىشىلىرىمىزدە ئانا تىلغا بولغان ھۆرمەت، ئانا تىلدىن پەخىرلىنىش ھېسسىياتى كەمچىل بولۇپ كەلدى. بىلىپ بىلمەي ھەتتا ئانا تىلىمىزنى كەمسىتىدىغانلارمۇ كۆرۈلمەكتە، بىز بۇنداق كىشىلەرنى ئەيىپلەيمىز.
ئىنسانىيەت مەدەنىيەت ئاسمىنىدا پەرۋاز قىلماقتا. قېنى دوستلار، ئۆزۈمىزنىڭ بەختى، گۈزەل كېلەچىگى ئۈچۈن ئانا تىلنى يېڭى باشتىن چوڭقۇر ئۈگۈنۈپ، ئانا تىلىمىزنى ھەر تىنىقلىرىمىزدا ئەڭ يۈكسەك ئورۇنغا قويايلى، ئانا تىلىمىزنىڭ ساپلىقىنى سۆزلىرىمىزدە، ماقالە ئەسەرلىرىمىزدە نامايەن قىلايلى، قوغدايلى، قەدىرلەيلى. ئېسىڭلاردا بولسۇنكى، «ئۆزى قەدىرلىمىگەننى باشقىلارمۇ قەدىرلىمەيدۇ».
يۈرۈگۈم شۇنداق خىتاپ قىلماقتا: ئانا تىلىم - سەن مېنىڭ جېنىم. سەن بولغاچقا مەن بەختلىك، مەن ئانا تىلىمدىن كېچەلمەيمەن، چۈنكى ئانا تىلىم - مەن ئۈچۈن بىباھا گۆھەر

سەييارە0

ھەممەيلەن ئاناتىلنى قوغداپ،ئاناتىلنى قەدىرلەيلى.

گۈلزار

<< ئانا تىلىڭ غۇرۇر ، مۇھەببەت ، ۋىجدان ، ئەقىدىنىڭ تىلى . ئۇ يىلىك ، مەرىپەت ، ھەقىقەت ، قۇدرەتئۇنىڭدىن باشلىنىدۇ . باشقا تىللار گۇۋاھنامە ، شاھادەتنامە ، كاپالەتنامە ، ھوقوقنامەتىللاردۇر .
ئانا تىلىڭ ئۆز كۆزۈڭگە ئوخشايدۇ .قالغان تىللار كۆزەينەك ، دۇربۇن ، تېلىكسوپ ، مىكروسكوپ ... دېگەنلەرگە ئوخشايدۇ . ئۇلار ھەر قانچە ئىلغار بولسىمۇ ، كۆزۈڭ يەنىلا ساق بولىشى كېرەك .
ئانا تىل بىر ئادەمنىڭ ئادەمىيلىكىنى بەرپا قىلىشتا كەم بولسا بولمايدىغان ئامىل ، كېيىنكى مۇرەككەپ بىلشلەرنىڭ ئاساسى پەقەت ئانا تىل بىلەنلا سېلىنىدۇ . ئانا تىل ئادەمگە ئادەم بولىشنى ، نېمىنى سۆيۈشنى ۋە نېمىدىن نەپرەتلىنىشنى ئەڭ ياخشى ئۆگىتىدۇ . ئىنسان خاراكتىرى ئانا تىل ئارقىلىقلا ئۆزىنىڭ تاكاممۇللىقىنى يارىتىدۇ . ( ئۆزىنى ئىزدەش بوسۇغىسىدا ئابدۇقادىر جالالىدىن ) >> .
مانا بۇ  سۆزلەر  ئۆز مىللىتىنى ھەم تىلىنى سۆيىدىغان ھەرئىنساننىڭ  يۈرەك سۆزى .

سەييارە0

تىل مىللەتنىڭ ئۆتمۈشى، ئەجداتلىرى ياراتقان مەدەنىيەتنى،ھازىرقى كىشىلىرى يارىتىۋاتقان مەدەنىيەتنى،كەلگۈسى ئەۋلادقا يەتكۈزۈپ بېرىدىغان ئۇلۇغ ئۇچۇر قانىلى.
كۆپ تىللىق بولۇش شەرەپ ، لىكىن ئۆز ئانا تىلىنى بىلمەسلىك ئىغىر جىنايەت !
تىل ئەسىرلەر داۋامىدا تىرىك پائالىيەت ئېلىپ بېرىۋاتقان مىللەتنىڭ يۈرىكى،قېنى ۋە جېنى.

ئەزىزى

مەنبە ئەسكەرتىلسۇن دوستۇم.