پىششىقلانغان سۈت مەھسۇلاتى بالىلارنىڭ ئەقلى ئىقتىدارى

ۋە تەم سەزگۈسىگە زىيان يەتكۈزىدۇ

   پىششىقلانغان سۈت مەھسۇلاتلىرى بالىلار ياقتۇرۇپ يەيدىغان قوشۇمچە يېمەكلىك. ئاتا – ئانىلار نۇرغۇن سۈت مەھسۇلاتلىرىنى ئوزۇقلۇق تەركىبى مول، دەپ قاراپ دائىم بالىلىرىغا يېگۈزىدۇ. ئەمەلىيەتتە سۈت مەھسۇلاتلىرىغا خىلمۇخىل خۇرۇچلار قوشۇلغان، بالىلار زىيادە كۆپ ئىستېمال قىلسا سالامەتلىكىگە يوشۇرۇپ خەۋپ يەتكۈزىدۇ.

   نۆۋەتتە بازاردا سېتىلىۋاتقان سۈت مەھسۇلاتلىرىنىڭ تۈرى ناھايىتى كۆپ. مەسىلەن، پىشلاق، قوي سۈتى تابلېتى، كالا سۈتى تابلېتى، سۈت كۇمۇلىچى قاتارلىقلار. بۇ مەھسۇلاتلار ھەرخىل ھەرياڭزا بولۇپ، كۆپ قىسمى «يەرلىك ئالاھىدە مەھسۇلات» دېگەن نام بىلەن بازارغا سېلىنغان. بىراق، ئۇلارغا ئىشلىتىلگەن ماتېرىياللار تىزىملىكىگە تەپسىلىي قارايدىغان بولساق، «سۈت پاراشوكى»، «ئاق شىكەر»، «ئۆسۈملۈك مېيى»، «چۈچۈمەل تەم تەڭشىگۈچ»، «تاتلىق تەم تەڭشىگۈچ»، «مۇئەتتەر» قاتارلىق خۇرۇچلارنىڭمۇ يېزىقلىق ئىكەنلىكىنى كۆرىمىز. بولۇپمۇ ئۆسۈملۈك مېيىنىڭ تەركىبىدىكى ماي كىسلاتاسى بوۋاقلارنىڭ سالامەتلىكىگە پايدىسىز بولۇپلا قالماستىن، يەنە ئەقلىي ئىقتىدارىنىڭ يېتىلىشىگە تەسىر كۆرسىتىدۇ. بۇنىڭدىن باشقا كۆپ ساندىكى سۈت مەھسۇلاتلىرىغا مۇئەتتەر قوشۇش ئارقىلىق تەم كىرگۈزۈلىدىغان بولۇپ، بوۋاقلارنىڭ ئۇزۇن ۋاقىت ئىستېمال قىلىشىغا مۇۋاپىق كەلمەيدۇ، چۈنكى بۇ مەھسۇلاتلار ئۇلارنىڭ يېمەكلىكلەرنىڭ تەمىنى پەرق ئېتىش ئىقتىدارىغا تەسىر يەتكۈزىدۇ.

   لېكىن، سۈت مەھسۇلاتلىرىنىڭ پايدىلىق تەرىپى يوقمۇ ئەمەس. ئۇنىڭ تەركىبىدە سۈتلۈك ئاقسىل، سۈتلۈك ماي كۆپ بولۇپ، ئېنېرگىيە تولۇقلايدۇ. شۇڭا، ئۇ بوۋاقلارنىڭ ھەرىكەتتىن كېيىن ئېنېرگىيە تولۇقلاش يېمەكلىكى ئورنىدا ئىستېمال قىلىشىغا مۇۋاپىق كېلىدۇ. سۈت مەھسۇلاتلىرىنى سېتىۋالغاندا ئامال بار پارچىسىنى ئالماسلىق، ئارىلاشتۇرۇلغان ماتېرىياللارغا تەپسىلىي قاراپ ئۆسۈملۈك مېيى قوشۇلمىغاننى تاللاش كېرەك. ئەڭ ياخشىسى ساقلىنىش مۇددىتى ئېنىق يېزىلغان، ئوراپ قاچىلىنىشى پۇختا، تامغىسى بار، مۇنتىزىم زاۋۇتلاردىن چىققان مەھسۇلاتلارنى سېتىۋېلىش لازىم. دىققەت قىلىشقا تېگىشلىك يەنە بىر مۇھىم نۇقتا شۇكى، بالا بىر كۈندە ئىستېمال قىلىدىغان سۈت مەھسۇلاتىنىڭ مىقدارى 10 گىرامدىن ئېشىپ كەتمەسلىكى كېرەك. بولمىسا بالا ھەزىم قىلالمايلا قالماي يەنە ئىشتىيى تۇتۇلۇپ قالىدۇ.

()

• . قۇۋۋەت ئىچىملىكى بىخەتەرمۇ؟
• . پىششىقلانغان سۈت مەھسۇلاتى بالىلارنىڭ
• . يىراقنى كۆرەلمەسلىك «يەر شارى كېسەللىك
• . زىيادە ئىسسىق تۇتقان بالىلار ئاسانلا ئ
• . ۋىتامىن D كەمچىل بولسا ئاسان زۇكام بولى
• . بالدۇر مەكتەپكە كىرىش مېڭىنىڭ ئۆسۈپ يېت
• . تەن سەزگۈ ئويۇنى بالىلارنىڭ ھەرىكەت ئېھ
• . تاللانغان يېمەكلىك ۋە بالىلاردىكى يىرا
• . چەت ئەلچە تېز تاماقلار ۋە بالىلاردىكى س
• . يېشىغا يەتمىگەن بوۋاقلار قېتىق ئىستېما
• . تەييار چۆپ ۋە ئوزۇقلۇق يېتىشمەسلىك كېس
• . شاكىلات ۋە ئۇيقۇلۇقتا سىيىپ قويۇش كېسى
• . بالىلار ئايپەد (ipad) نى كۆپ ئىشلەتسە...
• . ئەمگەك بالىلارنى تاۋلايدۇ
• . قېنىپ ئۇخلاشنىڭ بالىلارغا بولغان پايدى
• . بالا تەربىيىلەشتىكى سىر