قانداق قىلغاندا بالىلارنىڭ «ياپىلاق باش» بولۇپ قېلىشىنىڭ ئالدىنى ئالغىلى بولىدۇ
 بوۋاقلارنىڭ ئۇستىخىنىدا فوسفورلۇق مېنىرال تەركىبى ئازراق، سۈپىتى نىسبەتەن يۇمشاق بولغانلىقتىن ئەگەر كالتسىي كەم بولسا، سۆڭەك شالاڭلىشىش كېسىلى بولۇپ قالىدۇ. سىرتقى كۈچنىڭ تەسىرىگە ئۇچراپ قالسا ئىنتايىن ئاسانلا شەكلى ئۆزگىرىپ كېتىدۇ. بوۋاق ئۆزى ئۆرۈلەلمىگەچكە باشنىڭ ئارقا قىسمى ئۇزاق مۇددەت ياستۇقتا بېسىلىپ قېلىپ، باش سۆڭىكىنىڭ ئارقا قىسمى ياپىلاق بولۇپ قالىدۇ.
بۇنىڭ ئالدىنى ئېلىش ئۈچۈن ئالدى بىلەن كالتسىي تولۇقلاش كېرەك. بەزى ئاتا-ئانىلار «بىز بالىمىزغا كالتسىينى كۈندە بېرىمىز، لېكىن نېمە ئۈچۈن يەنىلا شۇنداق بولۇپ قالىدۇ» دېيىشى مۇمكىن. بالىغا كالتسىينى بەرگەن بىلەنلا ھېساب ئەمەس، ئۇنىڭ بالىغا قوبۇل بولغان-بولمىغانلىقىغا قاراش كېرەك.
بۇنىڭدىن باشقا، بوۋاقنىڭ ئۇخلاش ھالىتىنى دائىم ئۆزگەرتىپ تۇرۇش، بوۋاقنىڭ ئۇخلاپ قالغاندا بېشىنى بىر يانغا قىلىۋېلىشىدىن ساقلىنىش ئۈچۈن بېشىنىڭ يان تەرىپىگە يۇمشاق نەرسە قويۇپ بېرىش ۋە ئىككى تەرەپكە ئالماشتۇرۇپ تۇرۇش كېرەك. شۇنداق قىلغاندىلا باشنىڭ ياپىلاق بولۇپ قېلىشىنىڭ ئالدىنى ئالغىلى بولىدۇ .
|
