ۋېكتورلۇق سۈرەت دېتالى --- coreldraw
بۈگۈن دوستلارغا تونۇشتۇرماقچى بولغان دېتال ئىسمى coreldraw، بۇ مەخسۇس ۋېكتورلۇق سۈرەت بىر تەرەپ قىلىش دېتالى بولۇپ، لايىھە ئىشلىرىدا كەم بولسا بولمايدىغان دېتالنىڭ بىرى بولۇپ ھىسابلىنىدۇ.
ۋېكتورلۇق سۈرەت دېگەن بۇ ئۇقۇم بولسا ماتېماتىكىدىكى ۋېكتور ئۇقۇمىدىن كەلگەن،ۋېكتورلۇق سۈرەت سىزىق ۋە رەڭ ئارقىلىق مەزمۇن ھاسىللىنىدىغان سۈرەتتۇر،شۇڭا سۈرەتنىڭ ساقلاشتا ئىگىلەيدىغان سىغىمى بىر قەدەر كىچىك بولىدۇ، مەسىلەن بىرتال كېسىك بار دەپ پەرەز قىلساق، ئۇنىڭ مەنىسى ئىككى نۇقتا ئارىسىدىكى ئارلىق بولىدۇ.مۇشۇنداق كېسىكلەر ئارقىلىق تۈزۈلگەن بەت رەڭ بېرىلگەندىن كېيىن بىزنىڭ كۆز ئالدىمىزدا ۋېكتورلۇق سۈرەت پەيدا بولىدۇ.
ۋېكتورلۇق سۈرەتلەرنىڭ ئەڭ چوڭ ئالاھىدىلىكى بولسا خالىغانچە چوڭايتقىلى كىچىكلەتكىلى بولۇشتا، ئۇنىڭ سۈرەتنىڭ ئەسلى ئۈنۈمىگە بولغان تەسىرى ئىنتايىن تۆۋەن ياكى يوق دىيەرلىك( بۇ ئالاھىدىلىكى photoshop تا بىر تەرەپ قىلىنغان تەكشىلىكتىكى ئىككى ئۆلچەملىك سۈرەتتتىن پەرق قىلىدۇ) بۇ قورالنى ئىشلىتىپ ھاسسىللانغان سۈرەتنى ئۈچ ئۆلچەملىك سۈرەت قىلىپ ئىشلىتىشكىمۇ، تەكشىلىك سۈرىتى قىلىپ ئىشلىتىشكىمۇ بولىدۇ، ئەگەر photoshop تا ئۈچ ئۆلچەملىك سۈرەت ھاسىل قىلىمىز دېسەك خېلى كۆپ جەرياننى بىسىپ ئۆتۈشىمىزگە توغرا كېلىدۇ، شۇڭا بۇ قورال ئورالما قاپ لاھىيىسى، ئېلان لاھىيىسى ئىشلەشكە photoshop قا قارىغاندا تېخىمۇ ماس كېلىدۇ دىيىشكە بولىدۇ،تېخىمۇ قولايلىق يېرى، بۇ قورالدا لايىھىلەپ چىققان سۈرەتنى ئوخشىمىغان فورماتتا ساقلاشقا بولغاچقا، ھاسسللانغان سۈرەتنى ئۆزگەرتىشكە توغرا كەلسە ياكى بۇ قورالدىن تازا ياخشى پايدىلىنالمىدىم دەپ قاراپ photoshop ئىشلىتىشكە توغرا كەلسە قوللايدىغان دائىرىدىكى فورماتتا ساقلاپ، بېۋاستە ئۆزگەرتىش ئىلىپ بارساق بولىدۇ، ئەلۋەتتە photoshop تا ئىشلىگەن سۈرەتلەرنى بېۋاستە مۇشۇ قورالدا قايتا ئىش قوشۇپ ئىشلەشكە بولىدۇ، بۇ coreldraw دېتالىنىڭ يەنە بىر ئالاھىدىلىكى.ھازىرغىچە بۇ دېتالنىڭ بىر قانچە خىل نەشرى بار، ئەڭ يېڭى نەشرى coreldraw x4 ، مەن بىر قەدەر مۇقىم بولغان coreldraw x3 نەشرىنى تەۋسىيە قىلىمەن.بۇ دېتالنى ئىشلىتىپ باققىڭىز كېلىۋاتامدۇ، ئەمىسە ئىشلىتىپ سىناپ بېقىڭ!
